Morgunblaðið - 23.05.1995, Blaðsíða 60
Breytingar á eignarhaldi Heklu hf.
Tryggingamið-
stöðin kaupir V3
Morgunblaðið/Halldór
Svifið yfir
Sandskeiði
TRYGGINGAMIÐSTÖÐIN hf. hefur
keypt um þriðjung hlutafjárins í
Heklu hf. af Margréti Sigfúsdóttur.
Þar með hafa tvö af fjórum bömum
stofnenda Heklu, þeirra Sigfúsar
Bjarnasonar og Rannveigar Ingi-
mundardóttur, selt sinn hlut. Þeir
Sigfús Sigfússon og Sverrir Sigfús-
son eiga nú hvor um sig þriðjungs
hlut í fyrirtækinu á móti tryggingar-
félaginu.
Á aðalfundi Heklu í síðustu viku
lét Margrét af störfum sem stjóm-
arformaður Heklu. Tók Gunnar Fel-
ixson, forstjóri Tryggingamiðstöðv-
arinnar, sæti hennar í stjórninni sem
varaformaður en Sverrir tók við
stjómarformennsku. Gunnar hefur
setið í svonefndu ráðgjafarráði Heklu
um eins árs skeið sem aðstoðaði
stjómendur fyrirtækisins við róttæk-
ar spamaðaraðgerðir á síðasta ári.
Að sögn Sigfúsar Sigfússonar, for-
stjóra Heklu, kom til greina að þeir
bræður keyptu sjálfir þessi hlutabréf.
„Við komumst að þeirri niðurstöðu
að best væri fyrir framtíð Heklu að
breyta fyrirtækinu í almennings-
hlutafélag enda er hér um að ræða
mjög stórt fyrirtæki sem er leiðandi
á sínu sviði. Það væri heillavænleg-
ast fyrir Heklu að fá góðan og traust-
an utanaðkomandi aðila inn í fyrir-
tækið. Þannig yrði stigið fyrsta skref-
ið í þá átt að breyta fyrirtækinu í
almenningshlutafélag."
Bjartara framundan
Gunnar bendir á að Hekla starfí á
öðru sviði en þau fyrirtæki sem
Tryggingamiðstöðin hafi fjárfest í
fram til þessa. „Okkar hlutabréfaeign
er að mestu leyti í sjávarútvegsfyrir-
tækjum. Ég þekkti rekstur Heklu
nokkuð vel og taldi að rekstur fyrir-
tækisins hefði verið aðlagaður breytt-
um aðstæðum á bílamarkaði. Þá
væri bjartara framundan en verið
hefur þannig að hér væri um nokkuð
góðan fjárfestingarkost að ræða.“
■ Tryggingamiðstöðin/14
FANNAR Sverrisson flug-
maður fór í fyrstu flugferð
nýrrar þýskrar svifflugvél-
ar hérlendis um síðustu
helgi. Vélin er af gerðinni
ASK 21, með sautján metra
vænghaf og á þrjá flugtíma
að baki. Hún verður notuð
til kennslu og er myndin
tekin í jómfrúrferðinni í
sexhundruð metra hæð yfir
Sandskeiði.
Þórshöfn
Strandaði
í innsigl-
ingnnni
RÚMLEGA 400 tonna síldarbátur
með fullfermi, Júlli Dan GK, strand-
aði við innsiglinguna til Þórshafnar
þegar báturinn var að koma þangað
í hádeginu í gær. Á flóðinu kl. 18.30
tókst að losa bátinn af strandstað
og koma honum til hafnar, en nokkr-
ar skemmdir urðu bæði á asteki og
botnstykki bátsins við óhappið.
Að sögn Sigurðar Óskarssonar,
hafnarvarðar á Þórshöfn, strandaði
Júlli Dan um 60 metra sunnan við
innsiglinguna og kannaði kafari
ástand bátsins á strandstað og svo
aftur þegar hann var kominn til
hafnar. Hann sagði óvíst hvort við-
gerð á bátnum færi fram á Þórs-
höfn, og spurning væri hvort bátur-
inn kæmist í annan veiðitúr áður en
boðað sjómannaverkfall hefst.
Sigurður sagði að því miður væri
það of algengt að bátar lentu í vand-
ræðum í innsiglingunni til Þórshafn-
ar og skipstjómarmenn færu ekki
eftir siglingamerkjum.
- Mechlenburger Hochseefischerei
Rekstur breyt-
ist til batnaðar
EKKI er talið óraunhæft að dóttur-
fyrirtæki Útgerðarfélags Akur-
eyringa, Mechlenburger Hochseef-
ischerei, MHF, í Rostock í Þýska-
landi, skili einhverjum hagnaði á
þessu ári, en ráðist var í víðtæka
endurreisn fyrirtækisins í lok síðasta
árs eftir mikla erfíðleika og halla-
rekstur á fyrstu misserum félagsins
í eigu nýrra aðila.
Hækkandi afurðaverð
Skip félagsins eru nú á karfaveið-
um á Reykjaneshrygg og hafa veið-
amar á þessu ári farið vel af stað
og verðlag á afurðum farið hækk-
andi. Að sögn Gunnars Ragnars,
framkvæmdastjóra ÚA, hafa verið
gerðar breytingar á samsetningu
framleiðslunnar og áhersla lögð á að
vinna afurðir í verðmeiri pakkningar.
„Eins og staðan er núna er ekki
annað hægt að segja en horfurnar
séu nokkuð góðar enda hafa miklar
breytingar átt sér stað í rekstri þessa
fyrirtækis,“ sagði Gunnar.
Ingi Bjömsson, sem ráðinn var
framkvæmdastjóri MHF í byijun síð-
asta árs, hefur stýrt þeim aðgerðum
sem miðað hafa að endurreisn fyrir-
tækisins. Hann hefur nú sagt starfi
sínu lausu og hættir um næstu mán-
aðamót, en nýr framkvæmdastjóri
hefur ekki verið ráðinn.
■ Víðtæk endurreisn/12
Gert ráð fyrir verkfalls-
boðun í álverinu 10. júní
FUNDUR sem haldinn var í trúnaðarráði verka-
lýðsfélaganna í álverinu Straumsvík í gærmorgun
samþykkti að beina því til verkalýðsfélaganna að
afla sér verkfallsheimildar, en starfsmenn í álver-
inu eiga aðiid að tíu verkalýðsfélögum.
Gylfi Ingvarsson, aðaltrúnaðarmaður starfs-
manna í álverinu, segir að gengið sé út frá því,
verði félögin við tilmælum um öflun verkfallsheim-
ilda, að verkfall verði boðað frá og með 10. júní
næstkomandi.
Samninganefnd starfsmanna í álverinu vísaði
kjaradeilunni til ríkissáttasemjara á föstudaginn
var. Gylfi sagði að á fundi á miðvikudaginn í síð-
ustu viku hefði verið ljóst að slitnað hefði upp
úr viðræðum og í kjölfarið hefði deilunni verið
vísað til sáttasemjara.
í framhaldinu hefði fundur í trúnaðarráðinu
verið haldinn í gærmorgun. „Menn voru sammála
um að það væri eiginlega þrautreynt að reyna
að ná lausnum án þrýstings. Það er eins og það
sé eitthvað sem ekki er hægt að gera við þessa
aðila,“ sagði Gylfi.
Hann sagði að til viðbótar kæmu alltaf upp
erfiðleikar í viðræðum við ÍSAL um kjarasamn-
inga þegar Alusuisse ætti í viðræðum við ríkis-
valdið á sama tíma. Sem dæmi um það mætti
nefna að venjan væri sú að þegar menn nálguð-
ust samninga fækkaði ágreiningsmálum og þau
væru tekin út af borðinu. Því hefði hins vegar
verið þveröfugt háttað í viðræðunum undanfariðj
því á hveijum fundinum eftir annnan hefði VSI
komið með ný ákvæði upp á borðið.
Mikil vonbrigði
Hannes G. Sigurðsson, formaður samninga-
nefndar álversins í Straumsvík, sagði að þessi
viðbrögð verkalýðsfélaganna væru mikil vonbrigði
og þeir óttist mjög að verkfallsboðun geti haft
mjög alvarlegar afleiðingar varðandi fyrirætlanir
um stækkun álversins.
„Við höfum vonast til þess að þær viðræður
sem við höfum átt myndu leiða til þess að menn
vildu greiða götu þess að það yrði hægt að taka
ákvörðun um þessa stækkun í sumar á grund-
velli þeirra hugmynda um breytingar á kjara-
samningi sem við höfum Iagt fram. Við höfum
jafnframt þeim tillögum verið tilbúnir til þess að
ganga verulega langt til móts við launakröfur
þeirra, en það virðist ekki hafa nægt og þetta
er náttúrlega ekki málinu til framdráttar heldur
þvert á móti,“ sagði Hannes.
Hann sagði að þessi viðbrögð hlytu að koma
hinum erlendu fjárfestum gjörsamlega í opna
skjöldu. Þeir væru í þann mund að binda á annan
tug milljarða hér í fjárfestingu I il margra áratuga
framleiðslu og verðmætasköpunar á íslandi og
því væri svarað með verkfallsboðun.
Morgunblaðið/Kristinn
Bragga-
hverfi rís
ÞESSA dagana er að rísa bragga-
hverfi á vestanverðu Seltjarnar-
nesi og er þar um að ræða leik-
mynd vegna gerðar kvikmyndar
eftir skáldsögunni Þar sem Djöfla-
eyjan rís, eftir Einar Kárason. Það
er fyrirtæki Friðriks Þórs Frið-
rikssonar, Islenska kvikmynda-
samsteypan hf.I#sem stendur að
gerð kvikmyndarinnar. Að sögn
Ingu B. Sólnes, starfsmanns fyrir-
tækisins, verða reistir 15 braggar
á Seltjarnarnesi, og hafa Ijós-
myndir af braggahverfum eftir-
stríðsáranna verið hafðar til fyrir-
myndar. Kvikmyndatökur hefjast
í ágúst og standa þær fram í sept-
ember, en innitökur fara fram í
janúar á næsta ári. Sagði Inga að
byrjað væri að reisa braggana svo
snemma sem raun ber vitni til
þess að Iáta þá veðrast þar til
kvikmyndatökumar hefjast.