Morgunblaðið - 23.05.1995, Blaðsíða 19

MORGUNBLAÐIÐ
ÞRIÐJUDAGUR 23. MAÍ 1995 19
Italskir rannsóknadómarar krefj-
ast réttarhalda yfir Berlusconi
Opinber
rannsókn á
dómurunum
Róm. Reuter, The Daily Telegraph.
ÍTALSKIR rannsóknadómarar, sem
farið hafa fram á réttarhöld yfir
Silvio Berluseoni, fyrrverandi for-
sætisráðherra, vegna spillingar,
hétu í gær að halda málinu til
streitu þrátt fyrir harða gagnrýni
á starfsaðferðir þeirra. Hæstiréttur
Ítalíu og Filippo Mancuso dóms-
málaráðherra hefur fyrirskipað
rannsókn á starfsaðferðum dómar-
anna og sumum finnst það tor-
tryggilegt, að dómararnir skuli fara
fram á réttarhöld yfir Berlusconi á
sama tíma og greint er frá rann-
sókninni.
Mancuso hefur látið að því liggja,
að Francesco Saverio Borrelli, sak-
sóknari í Mílanó, og þrír dómarar
aðrir hafi haft í hótunum við sams
konar rannsóknarnefnd, sem Berl-
usconi skipaði á síðasta ári en Bor-
relli neitar því. Þessi deila harðnaði
hins vegar í gær þegar lögfræðing-
ur Berlusconis kvaðst vera að íhuga
að krefjast rannsóknar á því hvort
dómararnir hefðu brotið lög með
því að leka upplýsingum til fjöl-
miðla.
Ákveður um málshöfðun
„Við munum rekja gang þessara
mála nákvæmlega allt þar til farið
var fram á réttarhöld yfir Berlusc-
oni en um þau lásum við fyrst í
dagblöðunum," sagði lögfræðingur-
inn, Ennio Amodio. Fabio Paparella
dómari, sem mun stjóma rannsókn-
inni á starfsaðferðum dómaranna,
ætlar að efna til fýrstu yfirheyrsln-
anna 12. júní og hann mun síðan
ákveða hvort ástæða er til að höfða
mál á hendur Berlusconi.
Berlusconi fullyrðir, að dómar-
arnir í Mílanó hafi ekkert á hendur
sér en hann er sakaður um að hafa
vitað um og tengst mútum, sem
þrjú fýrirtæki innan Fininvest, eign-
arhaldsfélags hans, greiddu skatt-
rannsóknamönnum til að sleppa við
skatta.
Klögumálin ganga á víxl
Þessi mál gera Berlusconi erfitt
fyrir en hann hefur verið að reyna
að bæta stöðu sína eftir ósigur
kosningabandalagsins, sem hann
er í forystu fyrir, í sveitarstjórnar-
kosningum nýlega. Stuðningsmenn
Berlusconis halda því fram, að krafa
Mílanódómaranna um réttarhöld sé
af pólitískum rótum runnin en dag-
blaðið La Repubblica, sem er
andsnúið Berlusconi, segir, að hún
sé tilkomin vegna nýrrar vitneskju
um aðild hans að mútunum.
Jörg Krieg fv.sendi-
herra látinn
DR JÖRG Krieg, fyrr-
um sendiherra Sam-
bandslýðveldisins
Þýskalands, lést í
Vaduz í Liechtenstein
þann 20. apríl sl., 74
ára að aldri.
Dr. Krieg stundaði
viðskiptanám á árun-
um 1939-1942 og lauk
doktorsprófi. Að loknu
námi og fram að stríðs-
lokum árið 1945
gegndi hann herþjón-
ustu. Á árunum 1947-
1952 starfaði hann sem
sjálfstæður skattaráð-
gjafi.
Jörg Krieg
Hann hóf störf í
þýsku utanríkisþjón-
ustunni árið 1952 og
starfaði fyrst um sinn á
ræðismannaskrifstofu
Þýskalands í Mílanó.
Auk þess að starfa í
utanríkisráðuneytinu í
Bonn starfaði dr. Krieg
m.a. í Madrid, Vín,
Zagreb og Genúa.
Síðasta staðan sem
hann gegndi var staða
sendiherra Þýska sam-
bandslýðveldisins á ís-
landi eða þar til að hann
fór á eftirlaun árið
1985.
Les Aspin látinn
Hafði mikil áhrif á
vamarmálastefnima
Washington. Reuter.
LES Aspin, þingmaður og varnar-
málaráðherra Bandaríkjanna 1992-
1993, lést á sunnudag, 56 ára að
aldri. Banamein hans var hjarta-
áfall.
Aspin hafði mikil áhrif á hernað-
arstefnu Bandaríkjanna í þá þijá
áratugi sem hann hafði afskipti af
stjórnmálum. Bill Clinton Banda-
ríkjaforseti útnefndi Aspin varnar-
málaráðherra í árslok 1992 en ári
síðar varð hann að segja af sér
vegna deilu um hvort leyfa ætti
samkynhneigðum að gegna her-
skyldu, Þetta gerðist skömmu eftir
að Aspin hafði gengist undir hjarta-
uppskurð þar sem gagnráði var
komið fyrir í hjarta hans.
„Les Aspin fékk miklu áorkað,
því hann lagði sig allan fram,“ sagði
Clinton. „Enginn vissi meira um það
hvernig málin ganga fyrir sig í
Washington en hann hugsaði aldrei
það sem leik sem yrði honum sjálf-
um til framdráttar. Hann var hér
til að fá einhveiju áorkað. Og það
gerði hann.“
Les Aspin var þingmaður Wisc-
onsin en fæddur í Milwaukee árið
1938. Hann hlaut mastersgráðu frá
Oxford í hagfræði, stjórnmálafræði
og heimspeki og doktorsgráðu í
hagfræði frá Massachussetts Instit-
ute of Technology (MIT).
ERLENT
Reuter
GRÆNFRIÐUNGAR standa á aflóga olíuborpalli sem Shell olíufélagið hyggst sökkva. Á myndinni
sést hvar starfsmenn Shell reyna að komast um borð til að koma Grænfriðungunum af pallinum.
Shell vill Grænfrið-
unga burt af olíupalli
London. Reuter.
SLÆMT veður kom í veg fyrir að
starfsmönnum Shell-olíufélagsins
tækist að koma Grænfriðungum frá
olíuborpalli sem ekki er lengur í notk-
un. Shell hafði reynt að koma mönn-
um um borð á hinn tíu hæða Brent
Spar-pall, sem er í Norðursjó en
vegna hvassviðris og versnandi veð-
urspár neyddust þeir til að fresta
aðgerðinni.
Grænfriðungar komu sér fyrir á
Brent Spar-pallinum fyrir þremur
vikum til að mótmæla áformum
Shell-félagsins um að draga hann
út á Atlantshaf og sökkva honum
þar. Segja þeir olíuborpallinn fullan
af eitruðum úrgangi og að áformin
bijóti í bága við tvo alþjóðasáttmála
sem banni það að mannvirkjum sem
geti skaðað lífríki sjávar sé sökkt.
Mótmælendur úr hópi Grænfrið-
unga hafa hlekkjað sig við hreinsi-
búnað á pallinum til að gera Shell-
mönnum erfitt fyrir. Sagði Chris
Rose, talsmaður Grænfriðunga að
eitt skipa Shell hefði reynt að nota
krana til að hífa geymi, sem mót-
mælendurnir voru í, yfir í skip sitt
en orðið frá að hverfa vegna veðurs.
Klofningur í Kongressflokknum
Vilja ekki fella sljórnina
Nýju Dehli. Reuter.
HOPUR manna sem klufu sig út úr
indverska Kongressflokknum á
föstudag, kaus í gær eigin stjórn en
varaði jafnframt við því að stjórnar-
andstaðan kynni að reyna að fella
stjórn flokksins, sem P.V. Rao er í
forsæti fyrir.
Aijun Singh, fyrrum ráðherra,
sem Rao rak úr Kongressflokknum,
var í gær skipaður „starfandi for-
seti“ klofningshópsins úr flokknum.
Áður hafði Narain Dutt Tiwari verið
kjörinn forseti hópsins auk þess sem
hann skipaði 25 manna vinnunefnd,
sem i eiga sæti nokkrir fyrrverandi
ráðherrar og héraðsstjórar.
Hópurinn sakar Rao um að hafa
fært flokkinn fjær uppruna sínum
með því að ýta undir íjárfestingar
erlendra stórfyrirtækja og að slíkar
breytingar komi niður á hinum verst
settu. Biðlar hann svo og menn Raos
nú ákaft til Sonju, ekkju Raijvs
Gandhi, fyrrverandi forsætisráð-
herra, sem lét lífíð í sprengingu Ta-
míla fyrir fjórum árum, um stuðning.
Fjárlagafrumvarp stjórnarinnar
verður lagt fram á miðvikudag og
varaði Singh við því að stjórnarand-
staðan myndi reyna að fella stjóm-
ina. Slíkt myndi ekki koma klofnings-
hópnum úr Kongressflokknum til
góða, heldur fyrst og fremst Bhar-
atiya Janata, flokki hindúa, sem er
hægriflokkur. Kjörtímabil Raos
rennur úr um mitt næsta ár.
Einnig rólur, rennibrautir, san
5lN %** N
le iktækj asm íðastofa
Skemmuvegi 1 ó (bleik gata) • 200 Kópavogur • Sími 587 0 441