Morgunblaðið - 17.10.1995, Side 6

6 ÞRIÐJUDAGUR 17. OKTÓBER 1995
FRÉTTIR
MORGUNBLAÐIÐ
Þrennt lést í mjög hörðum árekstri á Suðurlandsvegi vestan Kögunarhóls í Ölfusi
Á slysstað á Suðurlandsvegi, vestan Kögunarhóls í Ölfusi. Báðir bílarnir eru gjörónýtir.
Arekstur í kjölfar tilraunar
til að stöðva ökumann
Selfoss. Morgunblaðið.
ÞRENNT lést í mjög hörðum
árekstri tveggja fólksbifreiða á
Suðurlandsvegi skammt vestan
Kögunarhóls í Ölfusi um klukkan
18.00 á laugardag. Annarri bif-
reiðinni, stórri Chevrolet fólksbif-
reið, var ekið á ofsahraða vestur
Suðurlandsveg í Ölfusi, þar sem
hún fór yfir á öfugan vegarhelm-
ing og lenti framan á lítilli Fiat
Uno bifreið á austurleið. Árekst-
urinn, sem var geysiöflugur, varð
í kjölfar aðgerða lögreglu við að
stöðva ökumann Chevrolet bif-
reiðarinnar sem hún grunaði um
ölvunarakstur. Fiat bifreiðin kast-
aðist við áreksturinn eina fimmtíu
metra til baka og hafnaði utan
vegar á móts við Chevrolet bif-
reiðina sem staðnæmdist á réttum
vegarhelmingi. Hemlaför Chevr-
olet bifreiðarinnar mældust 100
metrar.
Fullorðið sambýlisfólk, sem var
í Fiat bifreiðinni og ungur maður,
ökumaður Chevrolet bifreiðarinn-
ar, eru talin hafa látist samstund-
is. Sambýlisfólkið hét Kristín «Jþna
Guðmundsdóttir og Óskar Eiríks-
son, en ökumaðurinn ungi hét
Þröstur Daníelsson.
Allt tiltækt lögreglu- og sjúkr-
alið var kallað út, svo og lögreglu-
aðstoð frá Reykjavík og loka
þurfti Suðurlandsvegi um Ölfus í
tvær klukkustundir með tilheyr-
andi umferðartöfum. Báðar bif-
reiðamar eru gjörónýtar eftir
áreksturinn.
Grunur Ieikur á að ökumaður
Chevrolet-bifreiðarinnar hafi ver-
ið ölvaður. Um kl. 17.30 á laugar-
dag barst lögreglunni á Selfossi
tilkynning um óeðlilegt aksturslag
bifreiðar á leið austur Hellisheiði.
Sjónarvottar sögðu bifreiðina aka
glannalega sitt á hvað milli ak-
Engin greiðsla
frá Emerald
reina. Tveir lögreglumenn fóru frá
Selfossi á lögreglubíl og einnig
voru sendir lögreglumenn á bif-
hjólum úr Reykjavík áleiðis austur
til þess að stöðva ökumanninn.
Sinnti ekki
stöðvunarmerkjum
Við Hveragerði mættu lög-
reglumennimir frá Selfossi Chev-
rolet bflnum, en umferð var mikil
og er þeir náðu að snúa við var
bíllinn horfinn sjónum þeirra. í
útjaðri Selfoss óku lögreglumenn-
irnir fram á Chevrolettinn þar sem
hann fylgdi umferðarhraða. Þeir
gáfu stöðvunarmerki með viðvör-
unarljósum en þegar því var ekki
sinnt óku þeir fram fyrir bílinn
og hugðust stöðva ferðir hans
með því móti. Þá jók ökumaður
bflsins ferðina og ók á ofsahraða
fram úr lögreglubifreiðinni og yfir
Ölfusárbrú og lögreglubifreiðin
fylgdi á eftir. Chevrolettinum var
ekið einn hring á hringtorginu við
suðurenda brúarinnar þar sem
honum var ekið á bifreið um leið
og hann fór út af hringtorginu
og inn á Ölfusárbrú aftur. Síðan
var honum ekið á ofsahraða vest-
ur Suðurlandsveg.
Hægt á eftirför vegna
slysahættu
Lögreglumennimir óku á eftir
með tendruð viðvörunarljós og
sírenu, en þegar stöðugt dró í
sundur slökktu þeir viðvörunar-
ljósin við Biskupstungnabraut og
fylgdu bifreiðinni eftir. Þá voru
nokkrir bílar á milli lögreglubíls-
ins og Chevrolettsins, sem fór
fram úr hverri bifreiðinni eftir
aðra. Að sögn lögreglunnar var
þetta gert til þess að auka ekki
á ótta ökumannsins og gefa hon-
um færi á að draga úr hraðanum,
því lögreglumönnunum var ljóst
að hraðakstur bifreiðarinnar var
stórhættulegur i þeirri miklu um-
ferð sem var á þessum tíma um
Suðurlandsveg í Ólfusinu. Á þess-
um tíma voru lögreglubifreiðar á
leið austur frá Reykjavík og fyrir-
hugað var að reyna að stöðva bif-
reiðina þar sem minni umferð
var. Þá var lögreglan í Reykjavík
búin að loka fyrir umferð yfir
Hellisheiði.
Árekstur vestan
Kögunarhóls
Við Kögunarhól sáu lögreglu-
mennirnir hvítan blossa og reykj-
arbólstur í um 800 metra fjarlægð
þegar Chevrolettinn og Fiatinn
skullu saman af miklu afli. Þá var
allt tiltækt lögreglu- og sjúkralið
kallað út. Fólkið í bifreiðunum var
látið þegar að var komið.
EMERALD AIR hefur enn ekki
greitt neitt upp í skuld fyrirtækis-
ins við Lífeyrissjóð bænda. Annar
gjalddagi af 95 milljón króna láni
sem fyrirtækið fékk hjá sjóðnum
fyrr á þessu ári var um helgina,
en þá gjaldféllu 45 milljónir
króna.
Fyrrverandi framkvæmda-
stjóri Lífeyrissjóðs bænda lánaði
Emerald Air tæpar 95 milljónir
króna án þess að hafa neinar
tryggingar fyrir greiðslum. Lánið
var veitt án vitneskju stjórnar
sjóðsins.
Fyrsti gjalddagi lánsins var 15.
september, en þá gjaldféllu 22,3
milljónir. Annar gjalddagi var 15.
október, en þá gjaldféllu 45 millj-
ónir. Lokagreiðslan á að berast
15. nóvember, en þá gjaldfalla
um 27 milljónir.
Guðríður Þorsteinsdóttir,
stjórnarformaður Lífeyrissjóðs
bænda, sagði að engin ákvörðun
hefði verið tekin um það hvort
krafist yrði gjaldþrots Emerald
Air. Stjórnendur fyrirtækisins
hefðu lýst því yfir í viðræðum við
sig að unnið væri að því að út-
vega fjármagn til að greiða lánið,
en að þeir myndu ekki geta greitt
á gjalddaga. Hún sagði að látið
yrði reyna á þessar yfirlýsingar.
Stjórn lífeyrissjóðsins vísaði
máli framkvæmdastjórans til
Rannsóknarlögreglu ríkisins og
er málið þar enn.
Enginn
fundur í
Kjaradómi
ENGINN fundur hefur enn verið
boðaður í Kjaradómi til að fjalla
um kröfur um að dómurinn birti
forsendur fyrir úrskurði sínum um
laun ráðherra, alþingismanna og
annarra æðstu embættismanna
þjóðarinnar.
Þorsteinn Júlíusson, fomaður
Kjaradóms, sagði í gær að dómur-
inn myndi koma saman til fundar
á næstunni til að ræða þessar kröf-
ur og hvort dómurinn gæti á ein-
hvern hátt skýrt betur forsendur
fyrir úrskurði sínum. Hann sagði
ekki ljóst hvort fundurinn yrði hald-
inn í þessari viku.
Kveikt í
brettum
ELDUR kom upp í bílakjallara Mið-
bæjar Hafnarfjarðar á sunnudag.
Lögreglunni var tilkynnt um kl.
17 að reyk legði upp í verslunarmið-
stöðina. í ljós kom, að kveikt hafði
verið i vörubrettum, sem var staflað
upp í kjallaranum. Ekki er vitað
hver var þar að verki og reykurinn
olli ekki skemmdum í verslunum.
Andlát
SVEINN
MÁR GUÐ-
MUNDSSON
SVEINN Már Guðmundsson, fyrrv.
forstjóri söltunarstöðvarinnar
Strandarinnar hf. á Seyðisfirði er
látinn, 72 ára að aldri.
Sveinn fæddist á Hvanná á Jök-
uldal 25. nóvember 1922. Foreldrar
hans voru Guðmundur Jónsson frá
Fossvöllum í Jökulsárhlíð og Arn-
björg Sveinsdóttir frá Borgarfirði
Eystra. Sveinn var gagnfræðingur
frá Menntaskólanum á Akureyri.
Eftir að skólagöngu lauk stundaði
hann ýmis landbúnaðarstörf og al-
menna verkamannavinnu í Eyjar-
firði og á Akureyri. Hann var í
vinnu hjá breska hernum á Akur-
eyri til ársins 1944 en það haust
fór hann í siglingar á birgðaflutn-
ingaskipum bandaríska hersins.
Sveinn var póstur á Seyðisfirði
árið 1949 en árið 1955 hóf hann
síldarsöltun á Seyðisfirði og varð
forstjóri og einn af eigendum sölt-
unarstöðvarinnar Strandarinnar hf.
Hann var um margra ára skeið
umsjónarmaður birgðastöðvar
Síldarútvegsnefndar á Seyðisfirði
pg umboðsmaður Eimskipafélags
Islands hf. Hann sá einnig um af-
greiðslu fyrir færeysku farþega- og
bílafeijuna Smyril til ársins 1980.
Hann var um margra ára skeið
fréttaritari Morgunblaðsins á Seyð-
isfirði.
Sveinn sat í bæjarstjórn Seyðis-
fjarðar fyrir Sjálfstæðisflokkinn á
árunum 1954 til ársins 1974. Hann
var einn af stofnendum Lionsklúbbs
Seyðisfjarðar og var heiðursfélagi
síðustu árin. Sveinn var mikill spila-
maður og starfaði um margra ára-
tuga skeið í Bridgefélagi Seyðis-
fjarðar.