Morgunblaðið - 01.11.1995, Blaðsíða 13

Morgunblaðið - 01.11.1995, Blaðsíða 13
MORGUNBLAÐIÐ MIÐVIKUDAGUR 1. NÓVEMBER 1995 13 FRETTIR Almanna- varnaráð skoð- ar snjóflóðið Flateyri. Morgunblaðið. „ÞAÐ ER ekki hægt að lýsa því með orðum sem maður sér hérna. Það snertir dýpstu tilfinningar manns að ganga um flóðasvæðið. Maður tekur líka eftir því að fólk- ið hér hefur sýnt alveg einstakt æðruleysi og mikla staðfestu. Maður getur ekki annað en dáðst að því," sagði Þorsteinn Pálsson, sjávarútvegs- og dómsmálaráð- herra, eftir að hafa skoðað snjó- flóðasvæðið á Flateyri. Þorsteinn og Ingibjörg Pálma- dóttir, heilbrigðis- og trygginga- ráðherra, skoðuðu flóðasvæðið ásamt Almannavarnaráði ríkis- ins, landlækni og fleirum sl. mánudag. „Það er mikið starf framundan og vandasamt. Heimamenn eiga eftir að taka vandasamar ákvarð- anir og það skiptir miklu að þeir fái stuðning við þær ákvarðanir sem þeir eiga eftir að taka," sagði Þorsteinn. Ingibjörg sagði l.jósí að mikið kæmi til með að mæða á heilsu- gæslu á Vestfjörðum í vetur. Stjórnvöld yrðu að veita henni aukinn stuðning. Hún sagðist koma til með að ræða við Agúst Oddsson, héraðslækni á Vest- fjörðum, og aðra um það starf sem framundan væri. Húsnæðismál Flateyringa hafa verið tekin f östum tökum Bráðavandi verður leyst- ur með sumarbústöðum Flateyrí. Morgunblaðið. STEFNT er að því að flytja 17-20 sumarbústaði til Flateyrar og er það liður í að leysa bráðasta húsnæðis- vanda íbúa sveitarfélagsins. Að sögn Kristjáns Jóhannessonar, sveitarstjóra á Flateyri, er miðað við að húsin komi til Flateyrar inn- an 10 daga. Verið er að byrja lagn- ingu lagna að sumarhúsunum og verið er að kanna með flutning á þeim frá Reykjavík. Yfir 20 íbúðarhús eyðilögðust eða skemmdust í snjóflóðinu sem féll á Flateyri fyrir réttri viku. Talið er að nærri 30 hús til viðbótar séu á hættusvæði og ólíklegt er að búið verði í þeim meir. Kristján sagði að nú væru tækni- menn að gera úttekt á öllu hús- næði fyrir neðan Tjarnargötu. Þar væri talsvert af húsum sem ekki hefði verið búið í og þörfnuðust viðgerðar. Viðgerð á þremur húsum myndi hefjast í dag. Hann sagðist gera sér vonir um að viðgerð á húsum á þessu svæði gæti lokið á tiltölulega skömmum tíma. Aðstoð yrði fengin frá iðnaðar- mönnum í nágannabæj- unum. Að mati tækni- manna væri kostnaðurinn við þessa viðgerð ekki mjög mikill. Gert við verbúðir Kristján sagði að einn- ig væri áformað að gera við verbúðarhúsnæði, en í því eru um 30 herbergi. Hann sagði að stefnt væri að því að fá eitthvað af því fólk, sem hefur nýlega kom- ið til starfa á Flateyri, til áð flytja sig þangað svo að húsnæði fengist fyrir fjölskyldufólk. Kristján sagði að Fiskvinnslan Kambur yrði í mikilli þörf fyrir vinnuafl á næstunni og reynt yrði að gera allt sem hægt væri til að koma í veg fyrir að fólk, sem vildi Kristján Jóhannesson vera á Flateyri, þyrfti að flytja burt vegna hús- næðisskorts. Nýlega voru tveir bátar keyptir til Flateyrar og sagði Kristján að þeir kölluðu á aukið húsnæði, en á fjórum bátum Kambs vinna um 60 menn. Kristján sagði að um 50 manns byggju í þeim 30 húsum sem væru á hættusvæði. Nokkur hefðu staðið auð, en búið hefði ver- ið að leigja þau og reiknað hefði verið með að fólk byggi í þeim öllum í vetur. Kristján sagðist efast um að nokkur flytti inn í húsin aftur. Ekki^væri hægt að fara fram á það við fólk að það færi inn í þau eftir þær hörmungar sem á undan hafa gengið. Leitast yrði við að gera þessu fólki kleift að flytja í annað húsnæði neðar á eyrinni eða í sum- arbústaðina, sem áformað er að reisa. Fólksfjölgun var á Flateyri Áður en snjóflóðið féll bjuggu tæplega 400 manns á Flateyri. Flat- eyri var eina sveitarfélagið á Vest- fjörðum þar sem fólki fjölgaði á síðasta ári og sú fjölgun hefur hald- ið áfram á þessu ári enda hefur mikil uppbygging átt sér stað í at- vinnulífi staðarins. Kristján sagði óljóst hvað margir kæmu til með að búa á Flateyri eftir snjóflóð. Fólk væri í Reykjavík og víðar. Margir myndu ekki taka ákvarðan- ir um framtíðina fyrr en eftir útfar- ir þeirra sem létust. Þá væri óvíst hve mikið af því aðkomufólki sem starfað hefur á Flateyri síðustu misserin yrði áfram. Útlendingarnir hefðu ekkert farið, en íslendingarn- ir hefðu nær allir farið. Allmargir hefðu þó haft samband eftir helgina og ætluðu að koma aftur. Sveitarfélögin ætla að styrkja Flateyrarhrepp Morgunblaðið/Árni Sæberg EIRÍKUR Finnur Greipsson, fyrrverandi oddviti, útskýrir ástandið fyrir ráðherrunum og fylgdarliði þeirra. Flateyri. Morgunblaðið. SAMBAND íslenskra sveitarfélaga hefur ákveðið að aðstoða Flateyrar- hrepp með hliðstæðum hætti og gert var eftir Súðavíkurslysið í fyrra vetur. Vilhjálmur Vilhjálmsson, for- maður Sambands íslenskra sveit- arfélaga, og Þórður Skúlason fram- kvæmdastjóri komu til ísafjarðar í gær. Þeir munu eiga fund með sveitarstjórn Flateyrar í dag. Vilhjálmur sagði ljóst að sveitar- sjóður Flateyrar yrði fyrir margvís- legu tjóni vegna snjóflóðsins, tjón sem tryggingar bættu ekki. Sveitar- sjóður yrði einnig að leggja út í verulegan kostnað í því uppbygg- ingarstarfi sem ' framundan væri. Þess vegna hefði Samband ,ís- lenskra sveitarfélaga ákveðið að beita sér fyrir því að sveitarfélögin í landinu styrktu Flateyrarhrepp fjárhagslega og eins yrði honum veitt tæknileg aðstoð af ýmsum toga. Eftir snjóflóðið í Súðavík skipu- lagði Samband íslenskrá sveitarfé- laga söfnun meðal sveitarfélaganna í landinu til styrktar Súðavíkur- hreppi og söfnuðust tæplega 19 milljónir króna. Vilhjálmur sagði að á fundinum með sveitarstjórn Flateyrar í dag yrði kannað hver þörfin fyrir aðstoð væri. Hann úti- lokaði ekki að sveitarfélögin myndu veita meiri aðstoð á Flateyri, en í Súðavík. Það kæmi í ljós þegar ljóst væri hve tjónið væri mikið. Á fundinum á morgun verði auk Vilhjálms og Þórðar, Ólafur Krist- jánsson, bæjarstjóri í Bolnngarvík, Valgarður Hilmarsson oddviti og Guðmundur Bjarnason, bæjarstjóri í Neskaupstað, en þeir sitja allir í stjórn Sambands íslenskra sveit- arfélaga. ... Þannig flugum við inn fjörðinn þar til við vorum þvert fyrir eyrinni en þá beygðum við til norðurs og lentum á uppfyllingunni við bryggjuna," sagði Benóný Ásgrímsson flugstjóri. 4- ÞYRLA Landhelgisgæzlunnar, TF-LÍF, flaug langt og erfitt björgunarflug við mjög slæmar aðstæður síðastliðinn fimmtu- dag. Þyrlan f ór þá til Flateyrar með björgunarmenn og leitar- hunda og til að sækja slasað fólk, sem bjargaðist úr snjóflóðinu sem féll á þorpið aðfaranótt fimmtudagsins. Benóný Ásgrímsson, flugstjóri TF-LIF, lýsti fluginu í samtali við Morgunblaðið síðastliðinn Frækilegt flug TF-LÍF laugardag: „Veðrið var þokka- legt í sunnanverðum Breiðafirð- iiiiuii en þegar fór að nálgast Bjargtanga hvessti mikið og stóð vindur af norðnorðaustri í tíu til tólf vindstigum. Skyggnið var frá hálfum upp í fjóra kílómetra á leiðinni. Þyrlan tók vindinn vel á sig, en við urðum að fljúga mjög lágt, nánast alla leiðina að Barða, nesinu á milli Onundar- fjarðar og Dýrafjarðar, því það var talsverð ísing þegar ofar dró. Hitastigið var um frost- mark. Þegar við komum í mynni Önundarfjarðar jókst snjókoman talsvert. Við ætluðum fyrst að fljúga inn miðjan fjörðinn eftir ratsjá enþað reyndist svo miUil ókyrrð fyrir honum miðjum að við hrökkluðumst út í Barðann. Eftir það flugum við sjónflug, þ.e.a.s. eftir landsýn en ekki mælitækjum. Við héldum okkur Morgunblaðið/Halldór Sveinbjörnsson TF-LÍF á flugi yfir Flateyri síðastliðinn fimmtudag. rétt ofan fjöruborðsins i sunnan- verðum firðinum. Vínd lægði þegar við komum inn í fjörðinn en hann varð mjög byyóttur og mun meiri ókyrrð var inni í firð- iimiii en fyrir utan hann. Þarna skipti s köpu n i sú aflmikla vél sem TF-LIF er búin. Þannig flug- um við inn fjörðinn þar til við vorum þvert fyrir eyrinni en þá beygðum við til norðurs og lent- um á uppfyllingunni við bryggj-
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.