Morgunblaðið - 01.11.1995, Síða 45

MORGUNBLAÐIÐ
MIÐVIKUDAGUR 1. NÓVEMBER 1995 45
BRÉF TIL BLAÐSIIMS
Helstefna Frakka
í Tahiti-Pólinesíu
Frá Einari Má Guðvarðarsyni:
FORHERÐING Chiracs og
frönsku stjórnarinnar í kjarnorku-
málum kallar á fordæmingu alls
heimsins. Margar ríkisstjórnir
hafa sýnt andúð sína í verki og
fjölmargar í orði. Nóbelsverð-
launanefndin veitti nýlega Joseph
Rotblat, einum ötulasta baráttu-
manni gegn kjarnorkuvánni, og
Pugwash-ráðstefnunni friðarverð-
launin í ár og sagði Francis Sej-
ersted, formaður verðlaunanefnd-
arinnar, að í valinu fælust skýr
skilaboð til Frakka um að hætta
kjarnorkutilraunum í Pólínesíu.
Rotblat tók undir þau orð og sagði
meðal annars að kjarnorkutilraun-
ir Frakka væru pólitískt sjónarspil
án nokkurs eiginlegs hernaðarlegs
gildis. íslenska ríkisstjórnin hefur
tekið skammarlega afstöðu í þessu
afdrifaríka máli með því aðeins
að „harma“ þessar kjarnorku-
sprengingar. Davíð Oddsson for-
sætisráðherra leyfir sér að segja
opinberlega að við höfum varla
efni á að mótmæla þeim þar sem
fylgni við mótmæli og aðgerðir
Grænfriðunga í Pólínesíu, helstu
andstæðinga þjóðarinnar í hval-
veiðimálum, sé okkur ekki til fram-
dráttar í þeim málum. Afstaða
forsætisráðherra og orð hans
dæma sig sjálf og lýsa vel þeim
heimóttarskap sem því miður virð-
ist allt of oft vera eitt af han^
helstu aðalsmerkjum.
Lífríki Kyrrahafsins og líf og
heilsa Pólínesa og annarra Kyrra-
hafsþjóða er samkvæmt orðum
forsætisráðherra minna virði en
hvort íslendingar séu í „slæmum
félagsskap Grænfriðunga" í þessu
máli sem gæti hugsanlega haft
áhrif á ráðagerðir ríkisstjórnarinn-
ar um að hefja aftur hvalveiðar!!
Hvað um samstöðu þjóða gegn
kjarnorkuvánni? Hvað um for-
dæmi Frakka og gælur annarra
þjóða t.d. Rússa við að hefja til-
raunasprengingar í kjölfarið eða
þá réttlætinguna fyrir því að koma
sér upp kjarnorkuvopnum sem
Pakistan'ar og aðrar Asíuþjóðir sjá
í kjarnorkutilraunum Frakka?
Einnig er það ljóst að Kínverjar
hafa komist upp með sínar til-
raunasprengingar nær óáreittir
vegna sprenginga Frakka. Sá
skortur á hugrekki, víðsýni, mann-
úð og samstöðu með kúgaðri smá-
þjóð sem er álíka ijölmenn og ís-
lendingar sem birtist í afstöðu for-
sætisráðherra og „harmi“ ríkis-
stjórnarinnar er ámælisverður og
skora ég á þá þingmenn sem hafa
í sér einhvern dug og manndóm
að taka þetta mál upp á Alþingi
sem fyrst, ekki síst til að kanna
hug þingmanna í þessu mikilvæga
máli, sem varðar ekki aðeins Pólí-
nesa og Frakka en alla heims-
byggðina. ítök og nýlendukúgun
Frakka í Tahiti-Pólínesíu er ekki
aðeins brot á 13. kaflanum í sátt-
mála Sameinuðu þjóðanna um
sjálfstæði og sjálfræði þjóða held-
ur eru tilraunasprengingar þeirra
glæpur gegn Kyrrahafsþjóðum og
mannkyninu öllu.
Það er skoðun mín að ef Islend-
ingar vilja telja sig meðal full-
valda, sjálfstæðra og siðmennt-
aðra þjóða þá beri okkur að sýna
það í orði jafnt sem á borði að
tilraunasprengingar Frakka eru
glæpur sem ber að stöðva strax'
með öllum tiltækum ráðum og
aðgerðum.
Hvert og eitt getum við sýnt
andstöðu okkar með því að kaupa
ekki frönsk vín og annan franskan
varning en einnig með því að senda
mótmælabréf til franska sendiher-
arns Hr. Centoni, Túngötu 22, 101
Reykjavík, eða sjálfs höfuðpaurs-
ins:
Jacques Chirac,
President de la Republique,
Palais de L’Elysse,
55 Rue du Fauborg,
De Saint Honore,
75008 Paris, France,
fax: 00 33 1 47 42 24 65
eða 00 33 1 42 92 00 01
eða 00 33 1 42 92 81 88
EINAR MÁR GUÐV ARÐARSON,
myndhöggvari,
Ljósaklifi, Hafnarfirði.
Vamarliðið burt?
Opið bréf til lög
regluyfirvalda
Frá Sigrúnu Ólafsdóttur:
IÐULEGA kemur upp á yfirborðið
sú skoðun margra í þessu þjóðfé-
lagi að varnarliðið ætti að hverfa
frá Islandi. Nýverið hefur einnig
borið á því að sumir vilja stofna
íslenskt varnarlið.
Ég verð að segja það, að þeir
sem þetta segja geta ekki hafa
hugsað málið almennilega til enda.
Við íslendingar eigum margir
varnarliðinu margt stórt að þakka,
ef það hefði ekki verið vegna þess
væru ansi margir sjómenn hér á
landi ekki á lífi í dag. Minnisstæð-
astur er atburður nokkur sem
skeði fyrir nokkrum árum, þegar
skip strandaði fyrir austan og
varnarliðinu tókst við hörmulegar
aðstæður að bjarga áhöfn skipsins
frá bráðum dauða. Annað eins
hetjuverk á varla sinn líka. Þessir
menn ásamt fjölskyldum sínum
eiga varnarliðinu líf sitt að þakka
eins og ansi margir sjómenn á
íslandi. Við íslendingar eigum
varnarliðinu margt að þakka og
væri nú alveg kominn tími til þess
að það fengi smá viðurkenningu
fyrir það sem það hefur gert okk-
ur til góða. Nú vill svo til að í dag
eru ansi mörg skip að veiðum í
úthafinu og er þar um gífurlegar
fjarlægðir að ræða. Ef eitthvað
kæmi fyrir eitthvert skip í úthafinu
í vonskuveðri yrði vamarliðið eina
von áhafnarinnar. Sjálf er ég gift
sjómanni sem er á úthafsveiðiskipi
og get ég sagt það að það eina
sem veitir mér öryggiskennd í
vonskuveðrum er varnarliðið. Ekki
vildi ég missa þá, sama hvað væri
í boði. Jafnframt skal benda á alla
þá sem hafa atvinnu hjá varnarlið-
inu, hvað ætti að gera við það
fólk? íslendingar ættu að reyna
að fara að meta varnarliðið og það
mikla öryggi sem það veitir okkur.
Nú hafa hugmyndir verið uppi
um að íslendingar ættu að stofna
sitt eigið landvarnarlið. Þvílíkur
brandari! í fyrsta lagi ættu íslend-
ingar að átta sig á því að það
yrði ekki auðvelt að manna slíkan
her. Eins þætti mér gaman að
vita hvernig ríkið hafði hugsað
sér að fjármagna slíkt ævintýri.
Með því að hækka skatta,
kannski? Koma á varnarliðsgjaldi,
svona svipað og þegar þjóðarbók-
hlaðan átti í hlut. Kannski ættum
við bara að taka fleiri erlend lán
og setja börnin okkar endanlega
á hausinn svo að þau myndu al-
veg örugglega flytjast á brott til
útlanda að námi loknu. Ef til
styijaldar kæmi, hversu megnug-
ur væri 1.000 manna her. Eg er
nú ansi hrædd um það að ef eit-
hvert ríki ætlaði sér að hertaka
ísland mundi þetta þjóðvarnarlið
ekki stöðva þá, heldur mundi það
gefa þeim eitthvað til þess að
skemmta sér við. Eitt af því sem
gerir mig stolta af því að vera
íslensk er það að út um allan
heim eru íslendingar taldir vera
friðsöm þjóð og ég öfunda ekki
þær mæður sem horfa á syni sína
fara í herinn erlendis. Ekki vil ég
að synir mínir verði skikkaðir í
einhvern her. En þú?
SIGRÚN ÓLAFSDÓTTIR,
Hamraborg 18, Kópavogi.
Frá Guðrúnu Maríu Óskarsdóttur
og Pálmari Smára Gunnarssyni:
VIÐ undirrituð viljum, að gefnu
tilefni, spyijast fyrir um hlutverk
lögreglu, hvað varðar upplýsingar
til fjölmiðla af dauðaslysum. Eftir
bréfaskrift til beggja ljósvakamiðl-
anna, þar sem Ríkissjónvarpið,
veitti greinargóðar upplýsingar um
sínar vinnureglur, sem bera þess
merki að allrar virðingar eigi að
vera gætt, þá vaknar spurning um
hvort lögregluyfirvöld, gefi leyfi
fyrir fréttaflutningi, án þess að
nánustu aðstandendur hafi fengið
vitneskju um atburðinn fyrst. Það
er eitt orð til um slíka fjölmiðlun
„Hræðilegt“. Við teljum að öllum
þeim er hafa einhvern snefil af
kristilegri siðgæðisvitund, sé ljóst
að slíkt er ekki það sem koma
skal, þrátt fyrir aukið upplýsinga-
streymi og auðveldari boðskipti.
Þar sem ráðherra dómsmála er
einnig kirkjumálaráðherra, viljum
við skora á hann, að láta þessi mál
til sín taka, ef þörf er á. Einnig
væri ágætt að heyra í kirkjunnar
mönnum í þessu efni. Það skal tek-
ið fram að okkur eru ekki Ijósar
vinnureglur Stöðvar 2 þar sem eng-
in viðbrögð hafa komið fram við
bréfi til þeirra, enn sem komið er.
Virðingarfyllst,
GUÐRUN MARÍA ÓSKARSDÓTTIR,
Látraströnd 5, Seltjarnamesi,
PÁLMAR SMÁRIGUNNARSSON,
Dyrhömrum 20, Reykjavík.
- kjarni málsins!
RYMINGARSALA - RYMINGARSALA
dagana 1 .-4. nóvember (við fly+jum)
Lúffur - hanskar - sokkar - húfur - bdrnasamfestingar o.fl. o.fl. ó mjög gó&u verói.
Dæmi um verð:
Úlpur barna
Ulpur fullorSins
íþróttagallar barna
l|Dróttagallar fullorSins
Iþróttaskór meö miklum afslætti
frá kr. 1.990
frá kr. 3.990
frá kr. 2.490
frá kr. 2.990
Vb \as>9°

OP'° „ lA
'°-'6

» hummél
SPORTBÚÐIN
Ármúla 40 ■ Símar 581 3555 og 581 3655