Morgunblaðið - 19.12.1995, Qupperneq 62

62 ÞRIÐJUDAGUR 19. DESEMBER 1995
MORGUNBLAÐIÐ
r
BREF
HL BLAÐSINS
Kringlan 1103 Reykjavík • Sími 5691100 • Símbréf 5691329
Leikskólivið
Hæðargarð
besti kosturinn
Frá Ingibergi Elíassyni:
OFT VILL það verða svo þegar
kemur að einhverri framkvæmd að
fara þarf heilan hring með málið
áður en endanleg ákvörðun er tek-
in. Þessi kenning fær staðfestingu
í málsmeðferð um nýjan leikskóla
í Smáíbúðahverfínu.
í þessu hverfi, sem nú fer að
teljast með eldri hverfum borgar-
innar, eru að koma nýjar kynslóðir
ungra foreldra og virðist þörf fyrir
140 til 150 leikskólapláss fyrir börn
þessa fólks. Þörfínni lofaði R-listinn
að mæta og hefur trúlega fengið
stuðning margra vegna þess. Þegar
kemur að því að standa við kosn-
ingaloforð gerir bæði sárt og klæja
og er þetta mál engin undantekn-
ing.
Ákjósanlegasti staðurinn á
gamla Víkingssvæðinu
Við athugun glöggra manna kom
strax í ljós að vænlegasti staðurinn
fyrir leikskóla var á gamla Víkings-
svæðinu, við Hæðargarð, þar sem
við sem ólumst upp á þessum slóð-
um áttum mörg gleði- og gæfu-
spor. Ekki var það verra að hafa
Breiðagerðisskólann og heimili eldri
borgara á sömu torfunni. Þama
virtist verða ágætlega rúmt um alla
bæði þá sem fyrir voru og nýja leik-
skólann. Af þeim stöðum sem til
greina komu hafði þessi ýmsa kosti,
þarna væri enn gott rými þó ný
mannvirki bættust við og ekki sýni-
legt að nálægum íbúum ykjust
óþægindi vegna leikja barna (víst
eru þeir til sem amast við börn-
um). Stórt vandamál sem mætti
leysa með tilkomu nýja leikskólans
er óviðunandi og jafnvel háskaleg
aðkoma að leikskólanum við Mos-
gerði, þrönga íbúðagötu inni í miðju
hverfínu.
Hringferðin hefst
Skemmst er frá að segja að nú
hófst hringferðin sem nefnd er í
upphafi þessa pistils. Allt var
ómögulegt við hugmyndina að leik-
skóla við Hæðargarð. Farið var í
lúsaleit um hverfið og þrátt fyrir
góðan vilja virtust aðrir staðir sem
komu til álita vera óhæfir til bygg-
ingar leikskóla. Þetta var raunar
eins og við er að búast í gömlu
borgarhverfi sem kreist hefur verið
og troðið í hveija smugu, ef svo
má að orði komast um fullnægju
byggingarþarfarinnar.
Að vísu voru einhveijir svo djarf-
ir að nefna Grundargerðisgarðinn,
grænan reit í miðju hverfinu. Um
þennan garð er það að segja að
hann er mörgum hjartfólgið útivist-
arsvæði en ekki einhverskonar
„sparisjóðsbók" sem sjálfsagt er að
sækja í þegar byggingaland er upp-
urið eða mönnum kemur ekki sam-
an um að byggja á besta staðnum.
Er ekki mál að hringferðinni
ljúki, umræðan hefur verið lær-
dómsrík fyrir okkur íbúa hverfísins.
Ég er sannfærður um flestir ef
ekki allir verða sáttir við upphaf-
legu hugmyndina að reisa myndar-
legan leikskóla á gamla Víkingsvell-
inum við Hæðargarð.
INGIBERGUR ELÍASSON,
framhaldsskólakennari og íbúi
í Smáíbúðahverfinu.
Ríkisbáknið -
fjarskiptaeftirlitið
Frá Hjálmtý Guðmundssyni:
ÞAÐ ER ekki á ofurvald ríkis-
báknsins logið. Fjarskiptaeftirlit
ríkisins er gott dæmi um það.
Fyrst ber nú að nefna að þessi
stofnun var sett á laggirnar algjör-
lega að ástæðulausu og gerir ekk-
ert annað en auka á kostnað, al-
gjörlega óþörf stofnun. Fyrir daga
hennar sá Póstur og sími um þetta
fyrir sáralítið gjald en eftir að
þetta bákn var búið til fjórfaldað-
ist gjaldið og í sumum tilfellum
miklu meira. _En þar er ekki öll
sagan sögð. Ég er með talstöð í
ferðabílnum, öryggistæki sem er
lítið notað sem betur fer. Meðan
Póstur og sími sá um málið kost-
aði þetta'mig innan við 500 krón-
ur ári. Fyrir sl. ár greiddi ég Bákn-
inu 2.160 kr. fyrir ekki neitt og
núna í ár er ég krafinn um 3.240
kr. Hækkun milli ára er 50%,
fimmtíu prósent. Greiðendur
standa gjörsamlega varnarlausir
gagnvart þessari einokunarstofn-
un. Kannski Morgunblaðið, sem
berst hvað mest gegn Pósti og
síma, vilji skoða málið og fá upp-
lýst til hvers í ósköpunum þessi
stofnun er og af hveiju þessar
endalausu hækkanir hellast yfir
þolendur. Hver kom þessari vit-
leysu í kring? Vantaði embætti
handa einhveijum? Það væri rétt
að einkavæða þetta því ekkert
einkafyrirtæki myndi leyfa sér að
haga sér svona.
HJÁLMTÝR GUÐMUNDSSON,
Kríunesi 8, Garðabæ.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.