Morgunblaðið - 30.03.1996, Blaðsíða 22

22 LAUGARDAGUR 30. MARZ 1996
MORGUNBLAÐIÐ
Ragnheiður Gunnarsdóttir hefur sérhæft
HUGLEIÐSLA er mikilvægur þáttur í nuddinu. Ragnheiður sýnir hér hvernig nuddarinn ber sig að við nuddið.
sig í ákveðinni aðferð andlitsnudds, svoköll-
uðu Burnham Systems Facial Rejuvenat-
ion, sem margir telja að hafí þá eiginleika
að gera fólk unglegra. Sveinn Guðjónsson
fór á námskeið hjá henni í aðferðinni, en
árangurinn á þó eftir að koma í ljós.
IAMERÍKU heitir hún Rancy
Tomasson og nafn hennar hef-
ur birst á prenti þar um slóðir í
tengslum við umfjöllun um andlits-
nuddið Burnham Systems Facial
Rejuvenation, enda er hún læri-
sveinn Lindu Burnham, sem hefur
þróað þessa aðferð. Burnham-
aðferðin er sögð hafa þá eiginleika
að losa fólk við hvers konar streitu-
einkenni í andliti, bólgur og hnúta,
og gefa því um leið unglegra svip-
mót. Eg hef líka fyrir satt, að írægt
fólk hafi farið í nudd til Rancy, en
hún hvorki neitar því né játar. Segir
að það sé trúnaðarmál hverjir leiti
til sín, enda kæri fólk sig yfirleitt
ekki um að það komist í hámæli að
það sé að reyna að yngja sig upp. l>ó
eru hrukkur í andliti og hvers konar
ellimörk sameiginlegt áhyggjuefni
flestra.
Ragnheiður hélt nýverið nám-
skeið á nuddstofunni Heilsubrunn-
inum, en Tómas Jónsson, eigandi
stofunnar, og fleiri nuddarar þar
hafa hug á að bæta þessari aðferð á
verkefnalista sinn. A námskeiðinu
sat einnig blaðamaður Morgun-
blaðsins, en telst þó tæpast full-
gildur í greininni, enda námskeiðið
aðeins fyrsta skrefíð á löngu ferli til
fullkomnunar.
Morgunblaðið/Árni Sæberg
FRÆNDSYSTKININ Tómas
Jónsson og Ragnheiður Gunn-
arsdóttir. Hún temur, hann
nemur.
NUDDOLÍAN er
úr sérstaklega
ræktuðum plöntum
frá Ástralíu.
hún er dóttir Guðrúnar Jónsdóttur
og Gunnars Tómassonar hagfræð-
ings, sem um árabil starfaði hjá
Aiþjóðagjaldeyrissjóðnum. Ragn-
heiður hefur þvi verið búsett er-
lendis frá því hún var kornabarn og
hefur búið á Englandi, í Indónesíu, á
Tælandi og lengst af í Washington í
Bandaríkjunum, þar sem hún býr
nú.
Hún segir að áhugi sinn á nuddi
hafi vaknað þegar hún var tiu ára:
„Við bjuggum þá í Tælandi og
mamma var oft í nuddi. Eg fór þá að
fikta við að nudda líka og fólki fannst
það mjög gott. Eg ætlaði mér samt
aldrei að verða nuddari og þegar ég
settist í háskóla fór ég í lögfræði.
Þar fór ég að stúdera lagasetningar
og samninga við indíána og komst að
þeirri niðurstöðu að margar þessara
lagasetninga höfðu í för með sér
stórfelld umhverfisspjöll á landi
indíána, sem beint og óbeint leiddu
til hrakandi heilsu þeirra.
Þessi vaknandi áhugi minn á
umhverfismálum og heilsufari leiddi
svo til þess að ég fékk áhuga á að
læra meira um mannslíkamann og
taldi að nuddnám væri ágæt aðferð
til þess. Ég ætlaði þó aldrei að
starfa við nudd, en atvikin höguðu
því svo að ég fór að nudda að loknu
náminu, fyrst í almennu nuddi, en
síðan fór ég á námskeið hjá Lindu
Burnham í andlitsnuddi og hef
starfað við það síðan, eða í átta ár.“
Áhuginn vahinn
Ragnheiður og Tómas eru syst-
kinaböm og fóru að læra nudd um
svipað leyti, árið 1981, en vissi þó
hvorugt af hinu. Ragnheiður var
enda búsett í annarri heimsálfu, en
OC.JJT
i'.n'U

Ragnheiður var ekki aðeins nem-
andi Lindu Burnham, heldiu- hóf
hún að starfa með henni bæði við
nudd og kennslu á aðferðinni
Burnham Systems Facial Rejuvent-
ion, auk þess sem hún aðstoðaði
kennara sinn við að þróa námsgögn
og kynningarbæklinga þar að lút-
andi. I tengslum við þetta starfaði
hún um skeið á heilsuhælinu Cany-
on Ranch í Berkshieres Lenox í
Massachusettes, en þangað sækir
fólk úr hópi hinna frægu og ríku sér
til andlegrar og líkamlegrar heilsu-
bótar. Ragnheiður segir að það sé
enginn munur á að nudda fræga
fólkið, nema að henni hafi stundum
brugðið dálítið þegar þekkt andlit
birtist í dyragættinni:
„En fyrir nuddaranum eru allir
jafnir. Þetta fólk kemur til nuddar-
ans sem manneskjur og skilur
frægðina eftir fyrir utan,“ segir
hún.
HuglEiðsla
Á námskeiðinu leggur Ragn-
heiður áherslu á þátt hugleiðslunn-
ar í nuddinu. f sýnikennslunni er
hún með lokuð augu á meðan á
nuddinu stendur, við kertaljós og
ljúfa tónlist. Og hreyfingarnar eru
afar hægar. Aður en hún byrjar
dregur hún djúpt að sér andann;
„sækir orku,“ eins og hún orðar það
og byggir orkuflæði út frá mjöð-
munum, upp til hjartans
og út í handleggi
og loks fram í
fingurgóma.
H e n n i
verður
tíðrætt um
„The golden
light",
gullna ljósið
og nefnir
það oft á
meðan á
nuddinu
stendur.
Hún segir
að mikil-
vægt sé að
hugsa jákvætt þannig að nudd-
þeginn finni að hann er í öruggum
höndum. Allt virkar þetta mjög vel
og sjálf fundum við það á
námskeiðinu hversu afslappandi
það er að láta Ragnheiði fara um sig
höndum. Hvort við urðu unglegri í
framan eftir þessa sýnikennslu skal
ósagt látið, en það skaðar þó engan
að standa í þeirri trú.
Olían sem notuð er við nuddið,
svokölluð Jurlique-olía, er úr sér-
staklega ræktuðum plöntum frá
Ástralíu. Fólkið sem þróaði olíuna
leitaði land úr landi að ómenguðum
jarðvegi og fann hann hreinastan í
Ástralíu, að sögn Ragnheiðar.
Sjálft nuddið er byggt út frá 12
snertipunktum á andhti og hnakka,
við eyru og á höfði. Á þessa staði
sest streitan og áhyggjurnar og
nuddið miðast við að losa um þau
óþægindi.
Að fEÍia grímuna
„Þetta snýst í rauninni um það að
losa fólk við grímuna, sem það þarf
að setja upp í daglegu amstri,“ segir
Ragnheiður. „Allar manneskjur
þurfa að leika ákveðið hlutverk í
lífinu, setja sig í ákveðnar stellingar
í starfi sínu, setja upp vissa grímu,
sem hæfír hlutverkinu. í nuddinu
fellir fólk grímuna og verður það
sjálft. Við getum til dæmis' ekki
alltaf sagt það sem okkur býr í
brjósti, ef það stangast á við
viðtekin gildi samfélagsins og þá
safnast fyrir herkjur við munnvikin.
Innibyrgð reiði getur líka safnast
fyrir í andlitinu og eins sorg og
áhyggjur. Um þetta þarf að losa og
ef það tekst þá mildast svipurinn og
yngist upp um leið.“
Um þetta þarf í rauninni ekki að
hafa fleiri orð. En það verður spenn-
andi að fylgjast með því hvort
íslendingar fari almennt að bera
unglegri ásjónu en áður, í framhaldi
af heimsókn Ragnheiðar til lands-
ins. Reyndar hefur hún boðað komu
sína aftur til landsins, til að halda
áfram því starfi sem hafið er.
Hvað er lecitín ?
MAGNÚS JÓHANNSSON LÆKNIR SVARAR SPURNINGUM LESENDA
Spurníng: Hvað er lecitín og
hverjir eru eiginleikar þess?
Svar: Lecitín er flókið fituefni
sem inniheldur ýmsar gerðir af fit-
um, fitusýrum og sykrum. Vegna
þess hve samsetningin er flókin og
breytileg getur útlit og eiginleikar
lecitíns verið með ýmsu móti, það
getur verið á föstu formi eða fljót-
andi og litur þess getur verið frá
ljósgulu yfir í brúnt. Lecitín er
víða að finna í náttúrunni og það er
í mörgum algengum fæðuteg-
undum en sérstaklega mikið af því
er í eggjarauðu, lifur og jarðhnet-
um. Utlit og eiginleikar fara
talsvert eftir því hvaðan efnið kem-
ur og hvernig það hefur verið unn-
ið eða hreinsað ef slík vinnsla he-
fur átt sér stað. Lecitín er talsvert
notað sem hjálparefni við lyfja-
framleiðslu og í matvælaiðnaði.
Lesetín
Einnig hefur verið reynt að finna
notagildi við iækningar en það hef-
ur ekki gengið vel. Sum nýfædd
börn, einkum fyrirburar, eru með
mikla öndunarerfiðleika vegna
þess að þau vantar yfirborðsvirk
efni í lungun. Lecitín var stundum
notað við þessu með vissum
árangri en nú eru komin á markað
miklu betri efni sem sum hver eru
reyndar unnin úr lecitíni. I lecitíni
er talsvert af efni sem nefnist kólín
og getur það breyst í líkamanum í
acetýlkólín sem er eitt mikilvæg-
asta taugaboðefnið í miðtaugakerfi
og úttaugakerfi. Nokkrir sjúkdóm-
ar í miðtaugakerfi eru taldir stafa
m.a. af skorti á acetýlkólíni en þet-
ta eru Alzheimers-, Huntingtons-,
Tourettes-sjúkdómar og nokkrir
fleiri. Gerðar hafa verið tilraunir
með að gefa þessum sjúklingum
lecitín en það hefur ekki borið ár-
angur.
Spurning: Ég vakna þrisvar til
fjórum sinnum á nóttu vegna þvag-
láts en drekk aldrei eftir átta á
kvöldin. Ég er ekki í spreng og það
er ekki mikið þvag sem ég þarf að
losa mig við, en tilfinningin um að
ég þurfi það er nógu sterk til þess
að ég vakna. Ég missi hins vegar
aldrei þvag. Þetta hefur staðið yfir
á annað ár. Get ég gert eitthvað til
að losna við þessa tilfinningu og
sofa betur? Getur verið að þetta
tengist aldrinum, en ég er 52 ára
kona?
Svar: Talið er eðlilegt og venju-
legt að við losum okkur við þvag 5-
Þvaglát
6 sinnum yfir daginn og í mesta
lagi einu sinni á nóttu. Ef við þurf-
um að losa okkur oftar við þvag
getur það verið vegna aukins þvag-
magns eða vegna minnkaðs rúm-
máls þvagblöðrunnar. Algengustu
ástæður aukins þvagmagns eru
mikil drykkja, sykursýki eða þvag-
ræsilyf (lyf eða efni sem auka
þvagmagn, þar með talið kaffi og
áfengi). Rými í þvagblöðm getur
minnkað á ýmsan hátt en nokkrar
af algengustu ástæðunum eru
rennslishindrun sem leiðir til þess.
að blaðran nær ekki að tæma sig,
þrýstingur á blöðru vegna
fyrirferðaraukningar í grindarholi
eða sálrænar ástæður eins og
taugaveiklun eða kvíði. Rennslis-
hindrun hjá karimönnum er oftast
vegna stækkunar blöðruhálskirtils
en rennslishindrun er miklu sjald-
gæfari hjá konum. Fyrirferðar-
aukning í grindarholi getur t.d.
orðið vegna æxlisvaxtar í legi sem
oftast er vöðvaæxli. Slík æxli eru
góðkynja og tiltölulega auðvelt er
að fjarlægja þau. Hér er sem sagt
um nokkra möguleika að ræða og
ég ráðlegg bréfritara að fara til
læknis og fá úr því skorið hvað er á
seyði.
• Lesendur Morgunbladsins getn
spurt lækninn um þad sem þeittl
liggur d hjnria og er tekið á moti
spurninguni d virkum dögum milli
klukkun 10 og 17 i síma 5691100 og
brcfum eðn símbréfum merkt:
Vikulok, Fax 5691222.