Morgunblaðið - 30.03.1996, Blaðsíða 8
8 LAUGARDAGUR 30. MARZ 1996
MORGUNBLAÐIÐ
FRÉTTIR
AUMINGJA Tóti hann heldur að hann fái okkur á diskinn sinn. Suðan verður ekki
einu sinni komin upp þegar Dabbi kemur og segir: „Svona gera menn ekki“ . . .
Rýmra leyfi til skemmtanahalds á föstudaginn langa og páskadag
Opið frá miðnætti til fjögur
SKEMMTISTAÐIR með tilskilin
leyf! mega nú hafa opið eftir mið-
nætti á föstudaginn langa og páska-
dag að sögn Signýjar Sen lögfræð-
ings hjá embætti lögreglustjóra í
Reykjavík. „Þeir sem eru með vín-
veitinga- og skemmtanaleyfi þurfa
ekki að sækja sérstaklega um leyfi
fyrir þessa daga,“ segir Signý.
Erna Hauksdóttir framkvæmda-
stjóri Sambands veitinga- og gisti-
húsa segir að dansleikir hafi lengi
verið leyfðir úti á landi eftir mið-
nætti á hátíðisdögum og hafi um-
boðsmaður Alþingis mælst til þess
í kjölfar kæru frá veitingastað á
Akureyri að dómsmálaráðuneytið
samræmdi framkvæmd veitinga-
og skemmtanahalds um stórhátíðir.
Opið til 3 annan í páskum
„Dómsmálaráðuneytið gaf síðan
leyfi til þess að hafa opið frá mið-
nætti til fjögur þessa daga. Auk
þess voru gerðar breytingar á opn-
unartíma annan páskadag og nú
má hafa opið til þijú í stað eitt eft-
ir miðnætti," segir Erna.
Hún bendir jafnframt á að ef
nýtt frumvarp um helgidagafrið
verður að lögum gildi sömu reglur
um laugardag fyrir _ páskadag og
aðra laugardaga. „í staðinn má
ekki hafa opið eftir miðnætti föstu-
daginn langa. Frumvarpið gerir ráð
fyrir því að helgidagafriður ríki þá
og á jóladag til klukkan sex næsta
morgun,“ segir Erna. Nú má veita
áfengi til 23.30 þennan laugardag
sem fyrr.
Starfsemi matsölustaða á stórhá-
tíðum er með þeim hætti að Ernu
sögn að heimilt er að hafa opið og
veita áfengi á matmálstímum, það
er 12-13.30 og 19-21.
Morgunblaðið/Þorkell
STARFSEMI er hafin í nýjum leikskóla, Laufskálum.
Dómstóll ÍH
Keppnisbann
Atla ómerkt
ÍÞRÓTTADÓMSTÓLL Íþrótta-
bandalags Hafnarfjarðar hefur úr-
skurðað að ómerkja beri úrskurð
aganefndar Hestaíþróttasambands
íslands um eins árs keppnisbann
Atla Guðmundssonar hestaíþrótta-
manns sem kveðinn var upp siðastlið-
ið haust. Segir í úrskurðinum að mál
þetta hafi átt að kæra til dómstóls.
Atli kærði úrskurð aganefndar-
innar til dómstólsins á þeirri for-
sendu að um ranga málsmeðferð
hafi verið að ræða og að málið heyrði
ekki undir aganefnd. Tildrög máls-
ins voru þau að liðsstjórar íslenska
Iandsliðsins á H.M. í Sviss sl. sumar
sendu kæru til aganefndar H.Í.S.
þar sem Atli var sakaður um að
hafa brotið reglur sem farastjórn
hafi sett íslensku keppendunum fyr-
ir m'ótið.
Hestaíþróttasambandið getur
áfrýjað þessum úrskurði til dómstóls
H.I.S. innan_ tveggja vikna frá því
úrskurður íþróttadómstóls Í.B.H.
hefur verið birtur málsaðilum. Úr-
skurðurinn hefur ekki verið birtur
Hestaíþróttasambandinu og sagði
formaður þess, Jón Albert Sigur-
björnsson, að í ljós kæmi hvað gert
yrði þegar málið hefði verið tekið
fyrir hjá sambandinu. Ef ekki verður
áfrýjað mun keppnisbann Atla falla
úr gildi.
Laufskálar -
BORGARSTJÓRINN í Reykjavík,
Ingibjörg Sólrún Gísladóttir, tók
í notkun fjögurra deilda leikskóla
við Laufrima 9 síðastliðinn
fimmtudag. Leikskólinn rúmar 80
börn og kallast Laufskálar.
Húsið er byggt upp af fjórum
aðskildum húsum sem hvert hafa
sitt hlutverk en eru tengd með
glerhúsi á sperrum. Aðeins einn
inngangur er fyrir böm af götu
og einn frá útileiksvæði sem léttir
þrif því skór og útiföt koma aldrei
nema í annan enda hússins.
nýr leikskóli
Leikskólinn er byggður á verð-
iaunatillögu aiútboðs sem efnt
var til af Reykjavíkurborg árið
1989. Undirbúningur að bygg-
ingu hússins hófst 1994. Fullnað-
arfrágang hússins annaðist fyrir-
tækið Húsanes hf. Áætlaður
byggingarkostnaðar er 91 millj-
ón króna fyrir fullfrágengið hús
með lausum innréttingum og
búnaði ásamt fullfrágenginni lóð.
Rekstur leikskólans hefst í mars
og leikskólastjóri er Lilja B. ÓI-
afsdóttir.
Bjartsýnn á að komast til Atlanta
*
Ihugar að hætta
eftir OL í sumar
VERNHARÐ hefur
staðið sig mjög vel
undanfarið og er
í sjöunda sæti Evrópulist-
ans í 95 kg flokki, eftir
að hafa unnið bronsverð-
laun á tveimur mótum í
röð. Níu efstu í hveijum
þyngdarflokki komast á
Ólympíuleikana og er
Akureyringurinn bjart-
sýnn á að hann verði
meðal keppenda í Atl-
anta. Hið næst síðasta
svokallaðra A-móta, þar
sem menn safna stigum,
er um aðra helgi í Hol-
landi og eftir það kemur
í ljós hverjir komast á
Evrópumótið. Þangað fer
aðeins einn keppandi frá
hverju landi í hverjum
þyngdarflokki, Vernharð
og Bjarni Friðriksson eru
að bítast um eina sæti
Islands í sínum flokki, og svo virð-
ist sem Vernharð ætli að hafa
betur í þeirri baráttu og þeir sem
ekki komast á EM eigi ekki von
um sæti á ÓL.
„Ég er í góðri stöðu, en er ekki
einungis ánægður með það, heldur
hverja ég hef verið að sigra upp
á síðkastið. Mér gekk til dæmis
mjög illa á Evrópumótinu síðustu
tvö árin, fannst mótið of stórt
fyrir mig - var með hálfgerða
minnimáttarkennd - en nú er það
úr sögunni. Þeir sem ég hef verið
að sigra upp á síðkastið eru menn
sem hafa verið að vinna til verð-
launa á Evrópumeistaramótum og
fleiri sterkum mótum og það hefur
verið gífurlegt spark í rassinn fyr-
ir mig upp á sjálfsálitið."
Og andlega hliðin skiptir eflaust
gífurlegu máli fyrir þig, ekki satt?
„Jú. Það er mjög mikilvægt að
ég skuli vera laus við minnimátt-
arkenndina og kannski meira að
segja farinn að öðlast vissa virð-
ingu. Jafnvel að keppinautarnir séu
famir að hræðast mig eitthvað.
Áður var ég oft að fá á rnig víta-
stig og tapa með litlum mun en
ég var nánast að taka þessa karla
í bakaríið núna. Mitt aðal fram að
þessu hefur verið hve duglegur ég
hef verið að veijast; það hefur
verið erfitt að kasta mér og skora
á mig stig. í staðinn hef ég ekki
sótt mikið og einmitt fengið á mig
víti fyrir það. Nú er ég hins vegar
farinn að gera þetta taktískara;
er farinn að hafa meiri trú á að
ég geti kastað mótheijunum og er
farinn að gera mikið af því.“
Þú ert jafnvel orðinn allt annar
mótheiji í þeirra augum en áður?
„Tvímælalaust. Fram að þessu
held ég að þeir hafi talið mig létt-
an mótheija en ekki lengur. I glím-
unni um bronsið í Róm um síðustu
helgi fannst mér eins og mótheij-
inn sætti sig alveg við
að tapa fyrir mér; ég
hafði verið að glima mjög
vel á mótinu og hann
veitti litla mótspyrnu.
Þetta var eiginlega létt-
asta glíman á mótinu og mér
fannst hann alls ekki svekktur
yfir því að tapa.“
Eins og staðan er í dag eru
allar líkur á aðþú komist á Olymp-
íuleikana, er ekki svo?
„Það bendir allt sterklega til
þess, jú. En ég má samt ekki vera
of öruggur, margir hafa brennt
sig á því. Maður verður að vona
það besta en búast við því versta.
En vonandi kemst ég á Ólympíu-
leikana og get endað ferilinn með
stæl þar.“
Hvað meinarðu með því - ætl-
arðu að hætta 23 ára gamall?
„Þetta hefur verið svo mikið
Vernhard Þorleifsson
► Vernharð Þorleifsson er
fæddur 1. ágúst 1973 og verður
því 23 ára í sumar. Hann fædd-
ist á Akureyri, bjó í Noregi um
tíma en er nú aftur búsettur á
Akureyri og keppir fyrir KA.
Vernharð, sem hóf að æfa júdó
10 ára, hefur reyndar dvalið í
Reykjavík í vetur við æfingar
vegna þess að hann hafði ekki
nógu stóra æfingafélaga fyrir
norðan. Hann hefur alfarið helg-
að sig júdóíþróttinni í rúm tvö
ár, hefur gripið í hefðbundna
vinnu annað veifið en segir
skólagöngu bíða betri tíma.
Vemharð stendur vel að vígi í
baráttunni um sæti á Ólympíu-
leikunum í Atlanta í sumar.
stapp í vetur að allt bendir til
þess, já. Ég fékk stpðning frá
Ólympíunefnd og fyrirtækjum á
Akureyri, sem hefur haldið mér á
floti í vetur - þeir borga ferðir
og uppihald úti og ég fæ smá
kaup þannig að ég þurfi ekki að
vinna fyrir mér líka - en ég get
ekki hugsað mér að lifa af þessu
næstu árin. Ég vil reyndar taka
fram að styrkurinn hefur skipt
sköpum og ég er mjög þakklátur
fyrir hann; hefði ég ekki fengið
styrkinn hefði ég hætt í haust."
Hvers vegna hefurðu æft í
Reykjavík í vetur?
„Allir stóru strákarnir sem ég
æfði með fyrir norðan fóru suður
í háskólann þannig að ég varð að
fylgja á eftir. Þetta hafa verið
góðar æfingar og það hefur verið
gott að hafa Bjarna til að glíma
við - við reynum að nýta hvor
annan."
Þú verður 23 ára meðan á
Ólympíuleikunum stendur.
„Já, og get vonandi gefið mér
bestu afmælisgjöfina sem hægt
er að fá. Bjarni sýndi mér ein-
hvern tíma um daginn
ólympíubronsverð-
launin sín og auðvitað
er það metnaður hjá
mér að gera enn bet-
ur. íslendingar hafa
fengið silfur og brons á Ólympíu-
leikum þannig að gullið vantar.
Það eru gífurlega sterkir menn
innan um í flokknum mínum en á
góðum degi getur allt gerst. Bjarni
vann til dæmis ólympíumeistarann
frá því í Barcelona á mótinu í Róm
um síðustu helgi. Reglurnar eru
orðnar þannig nú að það er gífur-
lega erfitt að komast á Ólympíu-
leikana - hefur aldrei verið erfið-
ara - og þeir sem komast eiga
það sannarlega skilið. Allir sem
komast eiga að vera það góðir að
geta unnið til verðlauna, og eitt
er víst; ef ég fer á Ólympíuleikana
verður það til að standa mig.“
Bjarni búinn
að sýna
mér bronsið