Morgunblaðið - 30.03.1996, Blaðsíða 68
MORCUNBLADID, KRINGLAN 1, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBUSlCENTRUM.lS / AKUREYRI: HAFNARSTRÆTI 85
LAUGARDAGUR 30. MARZ 1996
VERÐ í LAUSASÖLU 125 KR. MEÐ VSK
Meðalsumarvatn í ánni
„Þetta er eins og meðalsumarvatn
í ánni, því að á góðum sumrum hef-
ur áin farið upp í um 800 rúmmetra
4 sekúndu," segir Stefán.
„Miðað við að toppurinn sé um
2.000 rúmmetrar á sekúndu í einn
dag eða svo, næst það markmið ekki
fyrr en um páska eða eftir sjö til tíu
daga. Það er nánast ofgert og hefur
verið seinustu tvo áratugi að tala um
hlaup, þetta er vart meira en vöxtur
í ánni sem nær ákveðnu hámarki á
hálfum mánuði og annað eins að
fjara út.“
Stefán segir að lyktin af ánni sé
sterk og sömuleiðis liturinn, þannig
að enginn vafi leiki á að upptökin
eru í Grímsvötnum og því um Skeið-
arárhlaup að ræða í fræðilegum
skilningi.
Ferðarinnar virði
Hægnr en
stöðugnr
vöxtur í
Skeiðará
HÆGUR en stöðugur vöxtur er í
Skeiðará, að sögn Stefáns Benedikts-
sonar þjóðgarðsvarðar, en hlaupið á
þó langt í land með að ná fullum
þunga. Vatnamælingamenn frá
Orkustofnun héldu austur á fimmtu-
dag til mælinga og hafa kannað
vatnsmagn í ánni í fyrradag og í gær.
Mælingamenn símsenda rann-
sóknir sínar til stofnunarinnar, sem
reiknar út hversu magnið er mikið.
Niðurstöður mælinga þeirra seinasta
föstudag sýndu að rennslið nam um
40 rúmmetrum á sekúndu, um það
bil 170 rúmmetrum síðdegis á
fimmtudag og miðað við þá aukningu
hefði rennslið átt að nema um 200
rúmmetrum af vatni í gær.
Hann segir nú þegar farið að örla
á að ferðamenn geri sér ferð til að
beija hlaupið augum, og yfir páska-
hátíðina sé von á ferðafélögum sem
hyggist ganga að Útfalli. „I hámarki
er hþaupið eflaust talsvert tignarlegt
við Útfallið, þannig að það ætti að
vera ferðarinnar virði," segir hann.
Morgunblaðið/RAX
Þrjú stærstu fyrirtækin á Akureyri hafa í hyggju að taka höndum saman
Matvælarann-
sóknír efldar
ÞRJÚ stærstu fyrirtækin á Akur-
eyri, Útgerðarfélag Akureyringa hf.,
Samheiji hf. og Kaupfélag Eyfirð-
inga, hafa að undanförnu kannað
möguleika á að koma til samstarfs
við opinbera aðila og önnur fyrir-
tæki í matvælavinnslu um eflihgu
rannsókna á sviði matvælafram-
leiðslu á sem víðtækustu sviði í
bænum.
Þessi umræða hefur kviknað í
kjölfar ákvarðana um stórfellda upp-
byggingu á sviði orkuiðnaðar á höf-
uðborgarsvæðinu og er hugsuð sem
liður í að stuðla að sem mestu jafn-
vægi í byggð landsins.
Forsvarsmenn fyrirtækjanna
þriggja hafa sent sjávarútvegs-,
landbúnaðar- og iðnaðarráðherra
erindi þar sem óskað er eftir því
að málið verði tekið upp í ríkis-
stjórn. Hugmyndin er að stofnað
verði fyrirtæki, sem ásamt nýjum
verkefnum, tengdum matvælafram-
leiðslu, taki að sér verkefni á skyld-
um sviðum, sem fram til þessa hafa
verið á höndum ríkisins. Fyrirtækin
þijú eru síðan tilbúin til þess að
leita eftir samstarfi meðai fyrir-
tækja í þessum greinum um að vera
stjórnunar- og að einhveiju leyti
fjárhagslegur bakhjarl fyrir þessa
starfsemi.
Betri nýting á fjármagni
Gunnar Ragnars, framkvæmda-
stjóri ÚA, segir að á svæðinu hafi
verið áhugi fyrir því að kanna mögu-
ieika á því að efla rannsóknir á sviði
matvælaframleiðslu, m.a. vegna
áforma um mikla uppbyggingu á
suðurhorni landsins. Því vilji fyrir-
tækin þijú leggja sín lóð á vogarská-
lina og stuðla að framgangi málsins.
Gunnar sagðist vonast til að ríkis-
stjórnin myndi taka málið fyrir en
ennþá hafa engin svör borist frá
henni.
Verði gengið til samstarfs ríkis
og atvinnulífs á þann hátt sem hér
um ræðir, telja forsvarsmenn fyrir-
tækjanna að verið sé á jákvæðan
hátt að tengja fyrirtæki í þessum
greinum betur við rannsóknar- og
þróunarstarf en verið hefur fram að
þessu. Auk þess eru þeir fullvissir
um að á þennan hátt megi nýta
betur það fjármagn sem lagt er til
þessarar starfsemi en verið hefur
hingað til.
Litháíski togarinn Anyksciat fór frá Hafnarfirði á miðnætti í fyrrinótt
Búnaður að andvirði 60
milljóna króna um borð
LITHÁÍSKA togaranum Anyksciat
var siglt frá Hafnarfjarðarhöfn upp
úr miðnætti aðfaranótt föstudagsins.
Innanborðs eru tæki og búnaður að
andvirði um 60 milljóna króna sem
fyrirtækið Sog hf., sem gerði skipið
út, og íslenskir lánardrottnar telja
sig eiga.
Eigandi skipsins, Búnaðarbankinn
í Litháen, heidur því fram að Sog
hf. skuldi leigu fyrir skipið frá því í
júní 1995. Á miðvikudagskvöld tók
sýslumaðurinn í Hafnarfirði mæli-
bréf skipsins í sína vörslu vegna
vangoldinna hafnar- og afgreiðslu-
gjalda en eigandi þess, Búnaðar-
bankinn í Litháen, greiddi upp skuld-
ina síðdegis í fyrradag. Skipamiðlun-
in Gára hf. í Reykjavík annaðist
miiligöngu í málinu og olíukaup fyrir
skipið.
Beiðni kom frá Sogi hf. tii Land-
helgisgæslunnar í gærmorgun um
að varðskip svipaðist um . eftir
Anyksciat. Helgi Hallvarðsson skip-
herra hjá Landhelgisgæslunni sagði
í gærmorgun að togarinn væri kom-
inn út fyrir 12 sjómílna landhelgina
og þar með væri ekki hægt að stöðva
skipið enda hefðu engin fyrirmæli
borist í þá áttina. Skipið gengur að-
eins fyrir annarri af tveimur vélum
og ganghraði þess var um átta mílur.
Gjaldþrot blasir við
Steingrímur Matthíasson hjá Sogi
hf. sagði að fyrirtækið ætti gífur-
legra hagsmuna að gæta. „Við erum
að vinna með okkar lögmönnum til
þess að ná okkar rétti. Við teljum
okkur vera í fullum lagalegum rétti
og höfum pappíra um það að tækin
um borð í skipinu eru okkar eign.
Það er ljóst að það voru íslendingar
sem hjálpuðu til við að skipið kæm-
ist frá landi með eignir sem landar
þeirra eiga. Þessir íslendingar eru
starfsmenn Gáru hf. Þeir vissu allt
um okkar mál. Gára hefur engra
hagsmuna að gæta í þessu máli ann-
arra en að koma vinum sínum á
kaldan klaka," sagði Steingrímur.
Aðspurður um hvað þessi fram-
vinda þýddi fyrir Sog hf. sagði Stein-
grímur að ekkert annað en gjaldþrot
blasti við.
Gísli Jónsson, stjórnarformaður
Sogs, sagði að tekist hefði að lauma
skipinu frá landi. „Við vorum ekki
látnir vita af þessu fyrr en kl. 10 á
[föstudagsjmorgun sem kemur okk-
ur náttúrulega á óvart því það vissu
allir að við vorum með skipið.“
Guðmundur Sophusson sýsiumað-
ur í Hafnarfirði sagði að skuldir tog-
arans hefðu verið greiddar síðdegis
í fyrradag og eftir það hefðu stjórn-
endur skipsins verið lausir allra mála
gagnvart sýslumannsembættinu.
Kári Valvesson hjá Gáru hf. sagði
að fyrirtækið hefði greitt gjöld tog-
arans. Gára er umboðsfyrirtæki lit-
háíska togarans Migelbaga en eig-
andi þess togara er útgerðarmaður-
inn Rimantas Bendorius sem Búnað-
arbankinn í Litháen útnefndi tals-
mann sinn hér á landi vegna Anyksc-
iats. Kári sagði að greiðsla hefði
borist inn á reikning Gáru hf. í fyrra-
dag frá Búnaðarbankanum.
„Við greiddum því skuldir Anyksc-
iats. Við erum ekki umboðsmenn
fyrir Anyksciat, eingöngu fyrir Bend-
orius. Það getur vel verið að Sog hf.
fari illa út úr þessu máli en við erum
í engri annarri stöðu en að borga
það sem við erum beðnir um að
borga," sagði Kári.
Buslað í
blíðunni
LANDINN leikur við hvern sinn
fingur þessa dagana enda leikur
einmuna veðurblíða við lands-
menn. Þessir kátu krakkar, sem
busluðu í Árbæjarlaug í Reykja-
vík í gær, voru alveg vissir um
að vorið væri komið og sumarið
alveg á næsta leiti.
-----» ♦ ♦---
Eldsvoði út
frá pípuglóð
VÉLASKEMMA á bænum Fljóts-
bakka í Eiðaþinghá brann í gær og
eyðilögðust hátt í 300 hestburðir
af heyi sem geymt var í skemm-
unni. Sjálf er skemman mikið
skemmd en hún er uppistandandi.
Að sögn lögreglunnar á Egils-
stöðum er talið sennilegt að kviknað
hafi í út frá glóð úr reykjarpípu.
Bóndinn á bænum var að gera við
dráttarvél í skemmunni og telur
hann að glóð hafi hrokkið úr píp-
unni. Hann þurfti að bregða sér út
í nokkra stund en þegar hann kom
aftur inn stóð allt í björtu báli.