Morgunblaðið - 16.05.1996, Blaðsíða 34
34 FIMMTUDAGUR 16. MAÍ 1996
LISTIR
MORGUNBLAÐIÐ
í DAG verður opnuð í Galleríi
Umbru sýning bandaríska ljós-
myndarans Lauren Piperno.
Ljósmynda-
sýning í
Umbra
í DAG verður opnuð í Galleríi
Úmbru á Bernhöfstorfu sýning
bandaríska ljósmyndarans Lauren
Piperno. A sýningunni eru verk
úr Ijósmyndaseríu hennar „The
Cigarette Girls“ sem hlotið hefur
athygli á sýningum í Bandaríkjun-
um og þar sem hún hefur birst í
bókum eða tímaritum.
„Verkin sýna stúlkur sem hafa
þann starfa að selja sælgæti, síg-
arettur og vindla í klúbbum og
krám. Nokkurs konar gangandi
sölubásar og skemmtikraftar i
skrautlegum klæðnaði", segir í
frétt frá Úmbru.
Lauren Piperno hefur bæði
haldið fjölda einkasýninga og tek-
ið þátt í samsýningum í Bandaríkj-
unum og Evrópu, þar á meðal í
Museum of Modern Art í New
York sem á verk eftir hana. Verk
eftir hana eru einnig í eigu ýmissa
annarra safna beggja vegna Atl-
antshafsins. Auk þess hafa verk
hennar birst í fjölda bóka og tíma-
rita. Frá því á seinasta ári hefur
listakonan unnið að gerð ljós-
myndabókar um íslenskar konur
í ýmsum starfsstéttum.
Sýningin „The Cigarette Girls“
stendur til 5. júní og er opin
þriðjudaga til laugardaga kl.
13-18 og sunnudaga kl. 14-18.
Listakonan verður viðstödd opn-
unina.
Raddir
TÓNLIST
Sólon Islandus
ERKITÍÐ 96
Verk eftir Hjálmar H. Ragnarsson,
Atla Heimi Sveinsson, Gunnar Reyni
Sveinsson, Hildigunni Rúnarsdóttur,
Jón Leifs, Þorkel Sigurbjörnsson,
Gísla Magnason og Egil Gunnarsson.
Margrét Sigurðardóttir sópran, Hera
" Björk Þórhallsdóttir sópran, Ólafur
Rúnarsson baríton, Hanna Björk
Guðjónsdóttir sópran. Steinunn
Bima Ragnarsdóttir, píanó. Söng-
hópur u. slj. Egils Gunnarssonar.
Sóloni íslandusi, laugardaginn 11.
maíkl. 16:15.
SÍÐUSTU tónleikar tvíæringsins
ErkiTíðar ’96 af sex voru haldnir á
efri hæð Sólons íslandusar á laugar-
daginn var fyrir troðfullu húsi.
Að þessu sinni stóðu kennarar
og nemendur Tónlistarskólans í
Reykjavík fyrir öllum flutningi og
dijúgum parti tónverka að auki.
Fyrst voru 9 einsöngslög, en síðar
fylgdu 8 kórlög af mismunandi
lengd.
I brennidepli fyrri helmings stóðu
fjórir ungir einsöngvarar, og voru
konur þar, eins og oftast orðið á
þeim vettvangi, í meirihluta. Þó að
raddhljóðfæri ungmennanna hafi,
eins og gefur að skilja, verið á við
nýútsprungin blóm, er eiga eftir að
aukast til muna að stærð og lita-
auðgi, þá kom verulega á óvart,
hvað söngtækni þeirra stóð á styrk-
um grunni. Algengir byijanda-
örðugleikar í sambandi við inntón-
un, tónstöðu, stuðning, hæð, botn
og úthald voru hverfandi og bentu
til góðra hæfileika, ástundunar og
skilvirkrar kennslu.
Með tilliti til þess hvað íslending-
ar hafa iðulega trassað að hefja
alvöru söngnám nógu snemma, er
gott til þess að vita, að hæfileika-
rfkt fólk sé loks farið að ná góðri
undirstöðu þegar á æskuvori. Það
er líka eina leiðin, ef árangur á að
nást, áður en hausta fer á ævi hvers,
enda fer framboð og samkeppni úti
í hinum harða heimi sívaxandi.
Ætlar undirritaður sér ekki þá dul
að gera upp á milli söngvaranna,
enda öll efnileg og á svipuðu reki,
og læt að sinni duga að óska þeim
velfamaðar í baráttunni sem fram-
undan er. Einsöngslögin voru mjög
smekklega valin og gáfu vísbend-
vorsins
ingu um vaxandi breidd íslenzkra
sönglaga á síðustu árurrj, enda ekki
seinna vænna að tónskáldin fari að
taka við sér, nú þegar framboð vel-
menntaðra söngvara eykst hröðum
skrefum. Steinunn Birna Ragnars-
dóttir studdi sönginn frá píanóinu
af alúð og smekkvísi.
Hinn aukni áhugi meðal söng-
nemenda í seinni tíð á samsöng og
samstarfi í kammerkór birtist með
framlagi Sönghóps undir stjórn nú-
verandi kórstjóra Háskólakórsins,
Egils Gunnarssonar. Sú þróun er
góðs viti fyrir íslenzk kórverk, er
hingað til hafa þurft að takmarka
sig við getu áhugamannakóra. Þó
að „flóknara“ sé ekki undantekning-
arlaust „betra“, þá gætu með sama
framhaldi komið upp kórar í fyrir-
sjáanlegri framtíð, er ráða við mun
kröfuharðari verk en hingað tikhafa
heyrzt á landinu, og auka þannig
sköpunarsvigrúm tónskálda.
Tíu einstaklingar skipuðu kamm-
erkórinn: Hallveig Rúnarsdóttir,
Hera Björk Þórhalisdóttir, Margrét
Sigurðardóttir (S); Arndís Stein-
þórsdóttir, Marta Hrafnsdóttir, Sól-
björt Guðmundsdóttir (A); Gísli
Magnason, Sigmundur Sigurðarson
(T); Arngeir Heiðar Hauksson og
Gunnar Benediktsson (B).
Tónverkin voru yfirleitt á Iéttari
eða ljóðrænni kantinum; einna eftir-
minnilegust hinn stutti Tröllaslagur
Þorkels Sigurbjörnssonar frá 1970,
Kossar eftir Gunnar Reyni Sveins-
son í rómantískum mótettustíl, og
hið rytmíska Fenja Úhra (1982) við
bulltexta Dúnganons, er sýndi leyni-
þræði Hjálmars Ragnarssonar til
vaggs og veltu, svo ekki varð um
villzt. Kallaði stjórnandinn þar fram
skemmtilega mikla styrkvídd úr
kómum, og hið ný-impressjóníska
Syngur sumarregn eftir Hildigunni
Rúnarsdóttur, með krómatískt und-
.irsöngs-þrástef í Bmckner-rytma,
kom að vanda vel út í yfirveguðum
tærleika sínum. Hallveig Rúnars-
dóttir, systir höfundar, söng bjartan
en kyrrlátan einsöng.
Kammerkórinn söng ákaflega
hreint og agað undir stjóm Egils
Gunnarssonar, þó að karlaraddir
væru kannski helzt til fáar og bass-
inn í grynnra lagi, enda raddsviðið
seinþroska og meðalaldur söngvara
lágur. í heild voru tónleikarnir engu
að síður hinir vönduðustu og að-
standendum til mikils sóma.
Ríkarður Ö. Pálsson
Kaffileikhúsið
Ný kynslóð
MYNPLIST
II ús Listaháskólans
í Laugarncsi
VORSÝNING M.H.Í.
Útskriftamemar M.H.Í. Opið dag-
lega kl. 13-19 til 19. maí. Aðgangur
ókeypis
VORSÝNING útskriftarnema
Myndlista- og handíðaskóla íslands
er nú fyrr á ferðinni en á síðasta
ári, og gefst því nokkuð tóm til að
skoða verk þeirra sem em nýkomnir
að listinni áður en Listahátíð rennur
í hlað með sínum alþjóðlegu stjörn-
um.
A þessari sýningu getur að líta
verk fjömtíu og tveggja útskriftar-
nema, sem skiptast á sjö sérsvið
skólans - (málun, skúlptúr, grafík,
grafíska hönnun, leiriist, textíl og
fjöltækni). Sem fyrr er hópurinn úr
málun stærstur, og virðist kynja-
skipting sviðanna (sem er hér í raun
svipuð og síðustu ár) benda til að í
framtíðinni verði það konur sem
muni hajda uppi merki myndlistar-
innar á Islandi, en karlarnir stjórna
auglýsingamarkaðinum. Nú útskrif-
ast eingöngu konur af sérsviðum
höggmyndalistar, leirlistar og textíl,
en karlar em aðeins í meirihluta
meðal grafískra hönnuða - þaðan
sem myndmál auglýsinganna kemur.
Líkt og síðast hefur sýningunni
verið komið fyrir á neðri hæð hússins
í Laugamesi og tekst uppsetning
þokkalega, og samtenging verkefna
kemur vel út í sumum sölunum.
Helst mætti leita annarra leiða með
þann sal sem hýsir málverkin, þar
sem ólík vinnubrögð njóta sín misvel.
Sé litið tii þess sem ber hæst á
hveiju ofangreindra sviða hreifst
undirritaður einkum af verkum
myndhöggvaranna að þessu sinni;
hér kemur m.a. fram næm sköpun
portrettmynda, myndræn verk til-
einkuð íslenska hestinum, nýsköpun
þjóðsögu og skemmtileg úrvinnsla
hins hjartnæma í tilverunni, svo
nol<kuð sé nefnt.
í grafíkinni er unnið á grunni
sterkra hefða og þá gjarnan út frá
listasögunni, þar sem málmplatan
sjálf verður að listaverki í einni bestu
uppsetningunni. Sú grafíska hönnun
sem hér getur að líta er frískleg sem
fyrr, hvort sem um er að ræða her-
ferðir fyrir notkun reiðhjóla, hár-
þurrka eða hagar hendur. Tölvan er
orðin mikilvirkt verkfæri á þessu
sviði, og hér er ekki síður skapað
fyrir rafheim, sem þar hefur opnast.
Meðal nemenda af fjöltæknisviði
er hugmyndavinnan nú í fyrirrúmi,
og hér er nokkuð frísklega farið
með. Sumir þeirra setja verk sín upp
sem vísbendingar og heimildir um
viðfangsefni, en einn nemandi hefur
kosið að vinna með hljóð og ljós til
GRAFISK hönnun
að skapa sterkar en einfaldar inn-
setningar. Hin ýmsu tæknilegu ráð
til að koma viðfangsefnunum til skila
endurspegla þannig sjálfstæði ein-
staklinganna.
Líkt og áður eru leirlist qg textíll
líflegir þættir í sýningunni. I leirlist-
inni má bæði sjá nytjahluti og högg-
myndir, þar sem t.d. hefðbuiidin form
eins og báturinn, kistillinn og hin
þungaða kona eru myndvakinn.
Textílhópurinn býr að mikilli tækni
á sínu sviði, sem kemur fram í jafn
ólíkum verkum og fínlegri efnishönn-
un, gerð lampa, brúðarkjóla og kö-
flóttra áklæða á húsgögn, þar sem
fágun í úrvinnslu er aðals-
merki heildarinnar.
Verk nemenda úr málun
mynda ekki sterka heild í
salnum sem þó mun vera
þeirra heimavöllur, og er
einn daufasti þáttur sýning-
arinnar. Hér er flest fremur
alvöruþrungið og kunnug-
legt - mismunandi taktfast
og litríkt óhlutbundið lita-
flæði um flötinn og tilraunir
með samspil ólíkra efna.
Helsti neistinn er í drunga-
legri en afar persónulegri
sýn á mannlífið, þar sem þó
er einnig stutt í kímni ungr-
ar listakonu.
Sýningarskráin er stór og
umfangsmikil sem fyrr, en
mest af vinnunni við hönn-
un, umbrot og frágang hef-
ur verið í höndum nemenda
sjálfra. Arangurinn er nokk-
uð þurr að þessu sinni -
beinar upplýsingar um skól-
ann og lítið annað; vegna nemend-
anna er hún þó auðvitað heimild sem
ef til vill verður fróðlegt að líta til í
framtíðinni.
Hér getur að líta upphaf þess sem
síðar á eftir að verða; reynslan segir
að framhaldið kann ýmist að verða
í sama anda eða gjöróiíkt, þannig
að nú er vert að líta inn til að hafa
nokkurt viðmið upp á síðari tíma.
Eins og fyrri útskriftarsýningar
stendur þessi stutt, og er rétt að
hvetja sem flesta til að líta við í
Laugarnesinu um helgina.
Eiríkur Þorláksson
Þórður frá
Dagverðará
sýnir á Egil-
stöðum
ÞÓRÐUR frá Dagverðará opn-
ar sýningu í Rarik-salnum,
Þverklettum 2-4 á Egilsstöð-
um, föstudaginn 17. maí.
Sýningin stendur yfir í tvo
daga, henni lýkur 19. maí.
Sýningin er opin frá kl. 16-21
á föstudag, en laugardag og
sunnudag verður opið frá kl.
10-18.
ÞEIR leikhúsgestir sem leggja
leið sína í Theatre Royal í Strat-
ford á næstunni verða óþyrmi-
lega varir við hvert sögusvið
verksins „Þvílíkt, bölvað frelsi"
er. Það gerist á öskuhaugum
og hefur myndarlegum hrauk
verið komið fyrir á sviðinu, sem
lyktar „eins og verslun góðgerð-
arsamtaka á rökum vetrardegi"
svo að ekki sé tekið dýpra í
árinni. Leikritið er eftir Tom
Kempinski og fjallar um sam-
skipti utangarðsfólks. Undirtit-
ill þess er „Arás á þá örvænt-
ingu og heimspeki tilgangsleys-
isins sem hinn mikli Samuel
Beckett aðhylltist“.
Grísku
kvöldunum
að ljúka
ZORBAHÓPURJNN hefur nú
flutt ljóðadagskrána „Vegur-
inn er vonargrænn“ fyrir
fullu húsi frá frumsýningu
sem var 20. janúar s.l. í Kaffi-
leikhúsinu. Næstu sýningar
verða föstudaginn 17. maí,
25. maí og 1. júní sem verður
30. sýning hópsins og jafn-
framt sú síðasta.
Dagskráin er helguð hinu
heimsfræga gríska ljóð- og
tónskáldi Mikis Þeodorakis
og er hún flutt á íslensku,
grísku og á íslensku tákn-
máli.
Aður en dagskráin hefst
er boðið upp á grískan mat,
en matur hefst um kl. 19.30
og sjálf dagskráin kl. 21.
Þórður frá Dagverðará
• •
Oskuhaugur
í salnum