Morgunblaðið - 01.06.1996, Síða 48

18 LAUGARDAGUR 1. JÚNÍ 1996
MORGUNBLAÐIÐ
BREF
HL BLAÐSINS
Kringlan 1103 Reykjavík • Sími 5691100 • Símbréf 569 1329
• Netfang: lauga@mbl.is
Ljóska
Ef þú ert svona syfjuð, þá legg ég til að þú farir Ég hélt að ég væri í rúminu ...
í rúmið klukkan sex í kvöld . . .
L
Strætisvagnar
Reykjavíkur -
öruggur ferðamáti
Frá Lilju Ólafsdóttur:
ÁHERSLA á öryggismál er ríkur
þáttur í starfi SVR bæði hvað
snertir farþegana og akstur í
umferðinni. Á virkum dögum fara
um 25 þúsund farþegar með vögn-
um SVR og á ári er fjöldi farþega
7-8 milljónir. Farþegum hefur
fjölgað um 2-3% á ári síðastliðin
3 ár. Sama þróun hefur verið á
Norðurlöndum undanfarið og mun
víðar í Evrópu.
Á annatímum eru 63 vagnar í
akstri hjá SVR. Samtals eru eknir
rúmlega 5 milljónir km á ári. Því
má ljóst vera að þjónustan skapar
ákveðna umferð og allri umferð
fylgir viss hætta. Staðreyndin er
þó sú að lítil áhætta fylgir því að
ferðast með strætisvagni á móti
því að ferðast með einkabíl. Sjálf
ferðin í vagninum er mun örugg-
ari en með einkabílnum. Gangan
að og frá biðstöð er veikasti hlekk-
urinn því gangandi fólk er í mestri
hættu þar sem umferð er mikil.
Það er því mikilvægt að staðsetja
biðstöðvar þannig að farþegum
stafi sem minnst hætta af einka-
bílaumferðinni. Göngustígar eru
hluti af skipulagi hverfa í Reykja-
vík, einkum í nýrri borgarhverfum,
og almennt er reynt að tengja bið-
stöðvarnar við þá. Brýna verður
fyrir ökumönnum að viðhafa
fyllstu varúð við biðstöðvar og
gæta vel að gangandi fólki.
Minni umferð —
aukið öryggi
Þó að þjónusta SVR skapi
ákveðna umferð, þá er sú umferð
ekki nema brot af þeirri umferð
sem verður til vegna aksturs
einkabíla. Út frá öryggissjónar-
miði hlýtur-það að vera kappsmál
að draga úr umferð. í einn strætis-
vagn komast 70-90 farþegar með
góðu móti á meðan algengast er
að sjá 1-2 í hveijum einkabíl.
Aukinn fjöldi farþega með SVR
leiðir til minni umferðar eða dreg-
ur úr aukningu hennar. Það hefur
sparnað í för með sér, dregur úr
mengun og minnkar líkurnar fyrir
því að vegfarendur verði fyrir
slysi.
Stundum heyrast þær raddir að
strætisvagnar séu ógnun við um-
hverfið, þeir aki hratt og séu jafn-
vel frekir í umferðinni. Það er hins
vegar stefna fyrirtækisins að um-
ferð strætisvagna sé til fyrirmynd-
ar og eru vagnstjórar hvattir til
að haga akstri í samræmi við það.
Vagnstjórar SVR eru flestir mjög
hæfir bílstjórar og sem dæmi þá
hafa vagnstjórar frá SVR alla
jafna staðið sig með mikilli prýði
í ökuleiknikeppni sem haldin er
ár hvert milli Norðurlandanna.
Nýráðnir vagnstjórar fara á
þriggja daga námskeið áður en
þeir hefja akstur. Þar er farið yfir
helstu þætti varðandi þjónustu,
öryggismál, umferð og fleira sem
snýr að starfinu.
Hafa ber í huga að vagnstjóri
hefur mun betra útsýni en bílstjór-
ar einkabíla. Vagnstjórinn situr
hærra, hefur góða yfirsýn og sér
hætturnar því fyrr en sá sem situr
í venjulegum einkabíl. Þessi stað-
reynd, ásamt áralangri þjálfun
vagnstjórans, veldur því að ferð
með strætisvagni er í eðli sínu
öruggur ferðamáti.
Við hjá SVR viljum hvetja borg-
arbúa til að leggja sitt af mörkum
til að bæta umferðarmenninguna
með því að nýta sér þjónustu SVR.
Góða ferð með strætó!
LILJA ÓLAFSDÓTTIR,
forstjóri SVR.
MORGUNBLAÐIÐ, Kringlunni 1, 103 Reykjavík. SÍMAR: Skiptiborð: 569 1100. Auglýsingar:
569 1111. Áskriftir: 569 1122. SÍMBRÉF: Ritstjórn 569 1329, fróttir 569 1181, íþróttir 569 1156,
sérblöð 569 1222, auglýsingar 569 1110, skrifstofa 568 1811, gjaldkeri 569 1115. NETFANG:
MBL@CENTRUM.IS / Áskriftargjald 1.500 kr. á mánuði innanlands. í lausasölu 125 kr. eintakið.