Morgunblaðið - 31.08.1996, Blaðsíða 4

4 LAUGARDAGUR 31. ÁGÚST 1996
MORGUNBLAÐIÐ

FRÉTTIR
Heilbrigðisyfirvöld ákveða frekari aðgerðir
Styrkja öryggisþjón-
ustuna við sjúklinga
HEILBRIGÐISYFIRVÖLD hafa
ákveðið að grípa til aðgerða til að
styrkja enn frekar lágmarks-
læknisþjónustu um land allt í sam-
vinnu við Læknafélag íslands.
Kristján Erlendsson, skrifstofu-
stjóri í heilbrigðisráðuneytinu,
segir að samvinnan við LÍ um
neyðarþjónustu á landinu fari vax-
andi.
Neyðarþjónusta lækna á
Vopnafirði og Djúpavogi
Heilbrigðis- og fjármálaráð-
herra fóru yfir stöðu mála með
landlækni í gær vegna breyttra
aðstæðna eftir að uppúr slitnaði í
samningaviðræðum heilsugæslu-
lækna og ríkisins. Ákveðið var að
koma á neyðarþjónustu lækna á
Vopnafirði og Djúpavogi en þar
hafa engir læknar verið til staðar
og hefur stjórn LÍ fallist á að hvetja
heimilislækna til að ganga til sam-
starfs við ráðuneytið um það.
Héraðshjúkrunarfræðingar
ráðnir á næstu dögum
Ráðnir verða átta héraðs-
hjúkrunarfræðingar til starfa með
héraðslæknum til að skipuleggja
og styrkja starfsemi hjúkrunar-
fræðinga um land allt, skv. upplýs-
ingum Kristjáns. Er þegar farið
að ráða hjúkrunarfræðinga til
starfa.
Einnig verður unnið að styrk-
ingu sjúkrahúsanna á landsbyggð-
inni þar sem þess er talin þörf
vegna ástandsins. Nær það m.a.
til sjúkrahússins á Neskaupstað,
þar sem álag hefur verið mjög
mikið undanfarnar vikur og verður
athugað í samvinnu við LÍ hvort
hægt sé að fá lækni til starfa þar.
I bréfi LÍ til ráðuneytisins í gær
er ítrekað að læknar séu sammála
því að tryggja beri neyðarþjónustu
á landinu en tekið er fram að LÍ
geti ekki unað því lengur að þessi
vinna sé innt af hendi án endur-
gjalds og fór félagið fram á það
við ráðuneytið að gengið verði
strax til samninga við félagið um
þetta. Kristján sagði að gengið
yrði frá því að læknar fengju greitt
fyrir þessa vinnu.
Sveinn Magnússon, varafor-
maður LÍ, segir að aldrei hafi stað-
ið á læknum að sinna neyðartilvik-
um. Læknar hafa sinnt neyðar-
þjónustu frá 1. ágúst og er pirring-
ur í læknum sem hafa sinnt þessu
verkefni undanfarinn mánuð, að
sögn Sveins. Nauðsynlegt sé því
að ganga frá þessum málum.
30 sjúkrahúslæknar segja
stöðum sínum lausum
Morgunblaðinu barst í gær yfirlýsing
frá 30 sjúkrahúslæknum:
„í dag höfum við 30 sjúkrahús-
læknar ákveðið að segja stöðum okk-
ar lausum. Um er að ræða flesta
lækna við minni sjúkrahús og hjúkr-
unar- og elliheimili á iandsbyggð-
inni. Uppsögnin kemur í kjölfar yflr-
lýsingar okkar frá 22.8. síðastliðn-
um. Ástæða uppsagnarinnar er stað-
an í samningaviðræðum heilsugæslu-
lækna og samninganefndar ríkisins
en ekkert hefur þokast áfram þótt
nú sé liðinn einn mánuður frá því
uppsagnir heilsugæslulækna tóku
gildi. Nú hefur slitnað upp úr samn-
ingaviðræðum og sjáum við okkur
því ekki lengur fært að starfa ein-
ungis í hlutastarfi við óbreyttar for-
sendur.
Virðingarfyllst.
Kristján G. Guðmundsson og Páll
N. Þorsteinsson, læknar við Sjúkra-
húsið Blönduósi. Ágúst Oddsson,
læknir við Sjúkrahúsið Bolungarvík.
Bragi Stefánsson og Þórir V. Þóris-
son, læknar við Dvalar- og hjúkrun-
arheimilið Dalbæ, Dalvík. Gísli Bald-
ursson, Gunnar H. Gíslason og Pétur
Heimisson, læknar við Sjúkrahúsið,
Egilsstöðum. Gísli Baldursson og
Þórir Kolbeinsson, læknar við Dval-
ar- hjúkrunarheimilið Lund, Hellu.
Sigfús Ólafsson, læknir við Sjúkra-
húsið, Hólmavík. Gísli G. Auðunsson,
Guðmundur Björgvinsson, Guð-
mundur Óskarsson, Ingimar S.
Hjálmarsson og Sigurður V. Guð-
jónsson, læknar við Sjúkrahúsið,
Húsavík. Gísli Júlíusson læknir við
Sjúkrahúsið, Hvammstanga. Einar
Axelsson, læknir við Sjúkrahúsið,
Isafirði. Hjörtur Þór Hauksson,
læknir við Dvalar- og hjúkrunar-
heimilið Hombrekku, Ólafsfirði. Lár-
us Þór Jónsson, læknir við Dvalar-
heimilið Jaðar, Ólafsvík. Jón B.G.
Jónsson og Þorsteinn Bergmann,
læknar við Sjúkrahúsið, Patreksfírði.
Björn Blöndal, Þorsteinn Þorsteins-
son og Örn Ragnarsson, læknar við
Sjúkrahúsið, Sauðárkróki. Anna K.
Jóhannsdóttir, læknir við Sjúkrahús-
ið, Siglufírði. Hannes Sigmarsson og
Rúnar Reynisson, læknar við Sjúkra-
húsið, Seyðisfirði. Jón Bjarnason,
læknir við Sjúkrahúsið, Stykkis-
hólmi. Baldur Friðriksson, læknir við
Dvalar- og hjúkrunarheimilið Sunda-
búð, Vopnafírði.“
Fyrsti heilsuleikskólinn opnaður
Stefnt að meiri
vellíðan nema
INGIBJÖRG Pálmadóttir opnaði
formlega í gær fyrsta svo kallaða
heilsuleikskólann, Heilsuleikskól-
ann Skólatröð Kópavogi, en um
er að ræða hluta af verkefni um
heilsueflingu sem heilbrigðisráðu-
neytið og embætti landlæknis
hafa staðið að í um tveggja og
hálfs árs skeið. Stærsti hluti þessa
starfs hefur verið í samvinnu við
fjóra bæi, Húsavík, Höfn, Hafnar-
fjörð og Hveragerði.
Unnur Stefánsdóttir leikskóla-
stjóri á Leikskólanum Skólatröð
segir að verkefnisstjórn átaksins
um heilsueflingu hafi ákveðið að
beina áherslunni að yngri kynslóð-
um íslendinga og verði haft sam-
starf við skóla á öllum skólastig-
um.
Meiri meðvitund um heilsu
Skólarnir munu kallast heilsu-
skólar og er þeim ætlað að sinna
margvíslegum verkefnum, svo
sem næringu, hreyfingu, streitu
og notkun tóbaks og vímuefna í
samstarfi við kennara, nemendur
og foreldra. Markmiðið sé að auka
vellíðan nemenda og gera þá með-
vitaðri um eigin heilsu.
Skólatröð fagnar árs afmæli í
dag. Verkefnið var í undirbúningi
frá maí síðastliðnum og hafa
kennarar skólans staðið að þróun
þess, í samvinnu við næringarráð-
gjafa og uppeldisfræðing. Skólinn
fékk 200 þúsund króna styrk frá
ráðuneytinu til að taka að sér
hlutverk heilsuleikskóla.
Unnur segir að í upphafi hafi
verið sett það markmið í starfi
skólans að þar væru heilsusam-
legir hættir í hávegum hafðir,
þannig að ekki þurfi að koma á
óvart að Skólatröð hafi orðið fyrir
vali að hálfu ráðuneytisins.
Ólafur Ólafsson landlæknir
ávarpaði nemendur og gesti í gær
við vígslu heilsuleikskólans fyrir
hönd Heilsueflingar, en við sama
tækifæri var tekið í notkun nýtt
leiksvæði við skólann. Stefnt var
að því að bjóða gestum að reyna
það, þar á meðal ráðherra, en
vegna votviðris var ákveðið að
stytta athöfnina og þar á meðal
þennan lið hennar.
Morgunblaðið/Árni Sæberg
DR. GUÐFINNA kynnti meginhugmyndir árangursstjórnunar
fyrir starfsfólki Ráðhússins í gær.
Stjórnir norrænu heimilislæknafélaganna þinga í Reykjavík
Heilsugæslan á að vera grund-
völlur heilbrigðisþj ónustunnar
KLAS Winell, HANNA Salm- CARL Eric OLE Svendsen, HANS Kristian
Finnlandi enpohja, Finn- Thors, Svíþjóð Danmörku Bakke, Noregi
landi
STJÓRNIR norrænu heimilis-
læknafélaganna, sem setið hafa
á samráðsfundi á Hótel Loftleið-
um undanfama daga, hafa sent
frá sér ályktun um ástandið í
heilbrigðismálum hér á landi
vegna uppsagna heimilislækna.
I ályktuninni segir meðal ann-
ars að stjórnir norrænu heimilis-
læknafélaganna bregðist hart
við þróuninni á íslandi þar sem
heilbrigðisþjónusta landsmanna
sé í hættu og biður stjórnvöld
að heQa samningaviðræður hið
bráðasta til að tryggja heilbrigð-
isþjónustuna. Jafnframt benda
stjórnirnar á að það sé almennt
viðurkennt í heiminum að heilsu-
gæslan eigi að vera grundvöllur
heilbrigðisþjónustunnar.
Siðferði íslenskra lækna
aðdáunarvert
Klas Winell situr í stjórn finnsku
heimilislæknasamtakanna og er
jafnframt varaforseti Evrópusam-
taka heimilislækna. Hann segir
samtökin _ líta ástandið í heilsu-
gæslu á íslandi mjög alvarlegum
augum og að þau muni taka það
til umfjöllunar á næstunni. Hann
kveðst hafa fylgst með gangi mála
á íslandi um hríð og hann telur
læknisþjónustu hér á landi vera í
háum gæðaflokki. Hann segist
dást að siðferði íslenskra lækna,
sem sinni neyðarþjónustu þrátt
fyrir uppsagnirnar.
Óskiljanleg staða
Hanna Salmenpohja, formaður
samtaka finnskra heimilislækna,
tekur í sama streng og landi henn-
ar og leggur mikla áherslu á hlut-
verk frumheilsugæslunnar fyrir
fjölskylduna og samfélagið.
Carl Eric Thors, formaður sam-
taka sænskra heimilislækna, segir
það mikið jafnréttismál að allir
þegnar þjóðfélagsins hafi aðgang
að góðri heilsugæslu. í flestum
öðrum löndum séu menn sammála
um það að öflug heilsugæsla sé
grundvöllur allrar heilbrigðisþjón-
ustu.
Ole Svendsen, formaður sam-
taka danskra heimilislækna, harm-
ar mjög þá stöðu sem upp er kom-
in í íslenska heilbrigðiskerfinu.
Hann segir þróunina hér ganga í
þveröfuga átt við það sem gerist
annars staðar í Evrópu, þar sem
það sé lykilatriði að allir íbúarnir
hafi aðgang að læknum í heima-
byggð sinni sem síðan vísi til sér-
fræðinga, gerist þess þörf.
Formanni samtaka heimilis-
lækna í Noregi, Hans Kristian
Bakke, þykir staðan hér því sem
næst óskiijanleg. Hann álítur að
ef norskir heimilislæknar hefðu
lagt niður störf eins og hér þá
væri heilbrigðiskerfið gersamlega
hrunið. Þar í landi sé heilsugæslan
grundvöllur allrar heilbrigðisþjón-
ustu og sé honum kippt undan
hrynji allt kerfið.
Námskeið í
árangurs-
stjórnun
REYKJAVÍKURBORG hefur
samið við bandariska fyrirtækið
LEAD Consulting um að halda
námskeið í árangursstjórnun fyr-
ir yfirmenn í Ráðhúsi Reykjavík-
ur. Dr. Guðfinna Bjarnadóttir,
framkvæmdastjóri fyrirtækisins,
annast framkvæmd námskeiðs-
ins.
Námskeiðið miðar að því að
ná sem bestum árangri í störfum
stjórnsýslu Reykjavíkurborgar.
Ráðgjafar frá LEAD Consulting
verða hér eina viku í mánuði
næstu 7 mánuði vegna nám-
skeiðshaldsins.
Dr. Guðfinna er menntuð í
stærðfræði og hegðunarsálfræði
með sérstakri áherslu á fram-
kvæmdastjórnun. Sérgrein henn-
ar er að hjálpa fyrirtækjum að
hrinda áætlunum sínum og fram-
tíðarsýn í framkvæmd með
fræðslu og skipulagningu. Verk-
efnum hennar fer ört fjölgandi
og er LEAD Consulting í sam-
starfi við mörg þekktustu ráð-
gjafafyrirtæki í Bandaríkjunuin.
Meðal viðskiptavina Guðfinnu
eru General Electric, Union
Carbide, landbúnaðar-, heil-
brigðis- varnarmála- og iðnaðar-
ráðuneytin í Bandarikjunum.
Hér á landi hefur hún m.a. unnið
fyrir fjármálaráðuneytið.
I

i
i
L
(
*
í
i
|l
I
‘
Í
i
i
Í
i
I