Morgunblaðið - 31.08.1996, Blaðsíða 49

MORGUNBLAÐIÐ
LAUGARDAGUR 31. ÁGÚST 1996 49
BRÉF TIL BLAÐSIIMS
Fréttir
eða fordómar
Frá Sverri Páli Erlendssyni:
AÐ UNDANFÖRNU hafa íslensk-
ir fjölmiðlar sagt ótt og títt frá
ungum manni sem lenti í þeirri
ógæfu að stinga annan mann með
hnífi í Reykjavík. ítarlega hefur
verið tíundað í hvert eitt sinn að
þessi ungi maður sé frá Tælandi
en sá sem fyrir stungunni varð
hafi verið Islendingur. Aður hefur
iðulega verið sagt frá með sama
hætti ef útlent fólk eða af erlend-
um uppruna hefur unnið viðlíka
voðaverk eða á annan hátt brotið
gegn íslenskum lögum. Hirði ég
ekki um að tíunda það nánar.
Þessi fréttafiutningur er sér-
kennilegur, ekki síst í því ljósi að
iðulega verða viðlíka atburðir og
íslenskt fólk brýtur af sér svo frá
er sagt í fjölmiðlum án þess að
getið sé þjóðernis hlutaðeigandi
né uppruna hérlendis. Á árum
áður var hent að því gaman er
ritstjóri Dags sáluga tilgreindi um
afbrot á Akureyri að utanbæjar-
maður, drukkinn utanbæjarmaður
eða ölvaður ökumaður ættaður af
Austurlandi hefði komið þar við
sögu. Því gamni fylgdi sannarlega
nokkur alvara, meðal annars sú
að hreinsa bæjarmenn af grun.um
að gera það sem ekki mátti. Nú
er sú tíð löngu liðin.
Fordómar
Fréttaflutningur af því tagi sem
ég nefndi í upphafi er mun
alvarlegri og hættulegri. Reyndar
er gersamlega ástæðulaust að
tilgreina ætterni eða uppruna
örfárra úr hópi ógæfumanna og
afbrotamanna, sem við sögu koma
hér á landi, eingöngu vegna þess
að þeir eru útlendir. Einasta
afleiðing þessa fréttaflutnings er
að ala á kynþáttafordómum sem
nógir eru fyrir hérlendis. Það er
alrangt að afbrot útlends fólks eða
af erlendu bergi séu á nokkurn
hátt öðruvísi og síst af öllu
alvarlegri en þau sem íslendingar
sjálfir vinna. Það er jafnrangt að
útlendingar eða fólk af erlendum
ættum sé vont fólk.
Það er sorglegt að sjá íslenska
fjölmiðla viðhafa kynþóttafordóma
af þessu tagi og magna upp sakir
á hendur útlendingum fyrir það eitt
að vera útlendingar. Nóg er sök
ógæfumanna fyrir, hvaðan sem þeir
koma.
SVERRIR PÁLL ERLENDSSON
Ásvegi 29
IS 600 Akureyri
RAFGEYMAMARKAÐUR
SÓLARRAFHLÖÐUMARKAÐUR
HLEÐSLUTÆKJAMARKAÐUR
Aðeins í dag laugardag kl. 10 -16
Veruleg verðlækkun - Ótrúleg gæði
Bensínleysi á
Þingvöllum er bagalegt
Frá Önnu S. Snorradóttur:
HVER skyldi vera meining þeirra
sem stjórna ferðamálum landsins
með því að hafa ekkert bensín til
sölu á Þingvöllum? Sjaldan hef ég
orðið sárgramari en þegar ég beið
þess í bíl að komast sem fyrst á
slysadeild eftir vélsleðaslys á Lang-
jökli. Við höfðum ekið stystu leið frá
jöklinum, þ.e. Kaldadal til Þingvalla,
en það átti, samkvæmt upplýsingum
við jökulinn, að stytta leiðina til
Reykjavíkur um 37 km, eða jafnvel
meira. Þar sem við áttum nóg bens-
ín til Þingvalla slógum við til þótt
við óttuðumst að vegurinn væri
vondur sem og kom á daginn. En
er til Þingvalla kom var ekki hægt
að kaupa dropa af bensíni. Hvílíkt?
Einhver talaði um mengunarhættu
og hefi ég aldrei heyrt aðra eins
skynhelgi! Hvers vegna má selja
bensín við Mývatn? Ef bensíntankar
eru það, sem menn óttast, ætti að
mega selja fáeina lítra í mjög þéttum
og læstum kútum til þeirra sem eru
í nauð. En sé það ætlun forráða-
manna að halda þessu til streitu til
frambúðar ber þeim skylda að aug-
lýsa það dyggilega bæði í ferðabækl-
ingum, blöðum, sjónvarpi og í út-
varpi kvölds og morgna: Ferðamenn!
Munið! Það er ekkert bensín fáanlegt
á Þingvöllum! Það má orða þetta á
ýmsa vegu og nógir fræðingar til
slíks en í guðanna bænum takið fram
við Ríkisútvarpið að þið óskið ekki
eftir að þessar augíýsingar verði
sungnar eða „poppaðar" því að þá
tekur enginn mark á þeim og flestir
loka tækinu, en látið lesa skýrt og
á þrem tungumálum a.m.k. Það ber
nauðsyn til að vekja sérstaka at-
hygli á þessum tiltekna stað þar sem
engum kemur í hug að ekki sé hægt
að fá slíka fyrirgreiðslu í allri sölu-
mennskunni sem þar fer fram. Mér
er sagt að fjöldi erlendra ferða-
manna komi með bensín með sér
sökum þess, hve dýrt það er hér,
en varla eru það aðrir en þeir sem
koma með feijunni til Seyðisfjarðar.
Hinir, sem tekið hafa bíl á leigu og
koma að norðan og austan og ætla
kannski að fara Kaldadal til Þing-
valla og bæta á tankinn á þessum
rómaða stað, grípa í tómt. Það er
ekkert grín fyrir bláókunnugt fólk
að stranda á Þingvöllum vegna
bensínleysis. Heldur ekki heimafólk
sem hefir lent í slysi.
Það var alveg komið að mér að
biðja manninn minn að hringja á
flugvél til að koma mér sem fyrst
undir læknishendur og ef ekki hefði
verið fyrir einstaka elskusemi og
greiðvikni séra Sigurðar Árna Þór-
arinssonar, eiginmanns þjóðgarðs-
varðar, séra Hönnu Maríu Péturs-
dóttur á Þingvöllum, sem gaf okkur
bensín, nóg til þess að við mættum
komast áfram, veit ég ekki nema
kallað hefði verið á þyrluna. Slík
vinsemd í neyð verður seint full-
þökkuð.
ANNA S. SNORRADÓTTIR,
Hofteigi 21, Reykjavík.
Sérfrœðingar í rafgeymum
BÍLDSHÖFÐA 12*112 REYKJAVÍK
SÍMI 577 1515 • FAX 577 1517
JilíliarðfMnMaÖáíi
- kjarni málsins!
STYRKTARFELAG
KRABBAMEINSSIÚKRA BARNA
S K B
5 ána aimæli SKB
Af því tilefni eru velunnarar félagsins, félagsmenn og aðrir er áhuga hafa á málefnum
langveikra bama hvattir til að líta við á skrifstofu SKB á Suðurlangsbraut 6 (7. hæð)
á milli kl. 10.00 og 18.00 mánudaginn 2. september. Auk starfsfólks SKB verða
formaður félagsins og fulltrúar frá starfandi hópum innan þess á staðnum til að svara
fyrirspumum. Blöð og bæklingar munu liggja frammi. Boðið verður upp á veitingar.
Við viljum nota þessi tímamót og þetta tækifæri til að þakka velunnurum SKB fyrir
veittan stuðning. Án ykkar væri félagið vanmáttugt.
I