Morgunblaðið - 31.08.1996, Qupperneq 47

MORGUNBLAÐIÐ
LAUGARDAGUR 31. ÁGÚST 1996 47
FRÉTTIR
Ný áætlun Heims-
klúbbs Ingólfs
til Karíbahafsins
MORGUNBLAÐINU hefur borist
eftirfarandi fréttatilkynning frá
Heimsklúbbi Ingólfs:
„Á morgun, sunnudag, kemur
út hjá Heimsklúbbi Ingólfs og
Ferðaskrifstofunni Príma ný áætl-
un um ferðir til Karíbahafsins, sem
njóta sívaxandi vinsælda. Er bæði
um að ræða siglingar á skemmti-
ferðaskipum Carnival skipafélags-
ins, sem Príma hefur umboð fyrir
á Islandi, og dvöl á eynni Dóminík-
ana, sem þykir einna fegurst af
eyjum Karíbahafs og jafnframt er
verðlag þar afar hagstætt.
í fréttaviðtali Morgunblaðsins í
fyrradag var sagt frá fyrirhuguð-
um ferðum Heimsklúbbsins fyrir
eldri borgara til Dóminíkana í vet-
ur á sérkjörum, og voru viðbrögð-
in slík, að nú þegar er upppantað
í fyrri ferðina af tveimur. En áætl-
un Heimsklúbbsins er miðuð við
alla aldurshópa og býður upp á
brottför vikulega í vetur, annars
vegar á föstudögum til Fort Laud-
erdale vegna vikusiglinga frá
Miami á skipum Carnival, sem eru
eins og fljótandi hallir, yfir 70
þúsund tonn og bjóða mjög full-
komna aðstöðu, fullt lúxusfæði og
hvers kyns skemmtun. Frá ára-
mótum stendur til boða að sigla
með hinu nýja Destiny, sem verður
stærsta farþegaskip heimsins, yfír
100 þúsund tonn.
Á sunnudögum verða brottfarir
til New York, þar sem gist er eina
nótt, áður en haldið er áfram til
Dóminíkana, þar sem Heimsklúbb-
urinn hefur fært úr kvíarnar og
býður nú vandaða aðstöðu á fimm
stöðum, í Puerto Plata, Santo
Domingo, Renaissance Capella
Beach, Fiesta Bavaro og nýjasta
fimm stjörnu hótelinu Riu Palace.
I tilefni af útkomu hinnar nýju
áætlunar, sem lýsir ítarlega því
sem að ofan er talið, verður opið
hjá Heimsklúbbnum í Austur-
stræti 17, 4. hæð, á morgun,
sunnudag, kl. 2-5 síðdegis."
EIGANDINN, Jóhanna Guðnadóttir, í hinni nýju verslun.
■ VERSLUNIN hennar hefur
flutt sig um set á Laugaveg 35
en var áður á Skólavörðustíg 6b.
Verslunin selur kvenfatnað frá
Bandaríkjunum, aðallega föt frá
Evan-Picone og Jones New York.
■ HREPPSNEFND Skaftár-
hrepps lýsir yfir þungum áhyggjum
vegna þess ófremdarástands sem
skapast hefur vegna kjaradeilna
heilsugæslulækna og ríkis. Neyðar-
ástand hefur skollið á með lömun
heilsugæslulækna, ekki síst í dreifð-
um byggðum landsins. Margra ára
starf við uppbygginu heilsugæslu í
landinu er nú í uppnámi og veruleg
hætta á óbætanlegu tjóni þar á blas-
ir við. Mikið óöryggi hefur skapast
meðal íbúanna, bæði hvað varðar
meðhöndlun bráðra sjúkdóma og
slysa og ekki síður meðal fólks sem
haldið er langvarandi sjúkdómum.
Það er nú í mörgum tilfellum án
lækniseftirlits. Eins hefur það
starfsfólk, sem áfram er við störf,
verið sett í óviðunandi stöðu hvað
álag og ábyrgð snertir. Hrepps-
nefndin skorar á samningsaðila að
binda enda á deilu sína hið bráðasta.
Á VORÖNN 1996 útskrifuðust samtals 24 einstaklingar sem tölvu- og rekstrartæknar. Var þessi
mynd tekin við það tækifæri. Efsta röð: Jónas Þorgeirsson, Halldór Olafsson, Erik Schweitz Ág-
ústsson, Gunnar Reynir Pálsson og Eysteinn Kristjánsson. Miðröð: Hjördís Lóa Ingþórsdóttir, Sig-
riður L. Hermannsdóttirj Guðný Árnadóttir, Grímur Guðmundsson, Ingibjörg Jónasdóttir, Hallur
Kristjánsson, Kristjana Olöf Örnólfsdóttir, Guðrún M. Njálsdóttir, Elín Ragnarsdóttir og Erling
Jóhannesson. Neðsta röð: Berglind Björk Jónsdóttir, Sigrún Ingadóttir, Hrönn Björnsdóttir, Jó-
hanna Ágústsdóttir og Sissel Einarsson. Á myndina vantar Ómar Rósenberg Erlingsson, Friðgeir
Jónsson, Sigríði Káradóttur og Hafstein Guðmundsson.
Tölvu- og rekstrartæknar
útskrifaðir úr starfsnámi
VIÐSKIPTASKÓLINN og Raf-
iðnaðarskólinn hafa undanfarin
ár boðið upp á sérstakt tölvu- og
rekstrarnám sem er 260 kennslu-
stunda skipulagt starfsnám.
Markmið námsins er að út-
skrifa nemendur með hagnýta
þekkingu á tölvunotkun í fyrir-
tækjum, bókhaldi og rekstri og
kynna nýjustu tækni þar að lút-
andi. Námið byggist að stærstum
hluta á tölvuunnum verkefnum
sem síðan eru samtvinnuð í eina
heild í raunhæfu verkefni. Námið
hentar þeim sem vilja styrkja
stöðu sína á vinnumarkaðinum,
annast bókhald fyrirtækja og vilja
öðlast hagnýta tölvuþekkingu.
Ekki er krafist sérstakrar undir-
stöðuþekkingar á tölvum áður en
nám hefst.
■ AÐALFUNDUR Landssam-
bands Gídeonfélaga á íslandi fór
fram á landsmóti félagsins sem
haldið var í Skálholti að þessu sinni.
Á fundinum lét Kári Geirlaugsson
af formennsku eftir að hafa setið
samfellt í 10 ár í stjórn félagsins.
I stjórn félagsins voru kjörnir: Guð-
mundur Örn Guðjónsson, forseti,
Bjarni Árnason, varaforseti,
Gunnar Sigurðsson, gjaldkeri og
Gunnar Bjarnason, kapelán. Þeir
sjást á myndinni ásamt Sigurbirni
Þorkelssyni, framkvæmdastjóra
félagsins og Lloyd Brownsworth,
svæðisfulltrúa The Gideons Inter-
national.
■$.
Til íslensku
ríkisstjórn-
arinnar
RÍKISSTJÓRN íslands hefur borist
eftirfarandi samþykkt:
„Formenn samtaka norrænna
háskólamanna, Akademikernes
Centralorganisation (Danmörku),
Akademikernes Fellesorganisasjon
(Noregi), AKAVA (Finnlandi) og
SACO (Svíþjóð), sem eru fulltrúar
samtals milljón háskólamanna á
Norðurlöndunum, hafa fylgst fullir
undrunar með þróun vinnulöggjafar
á Islandi. Nýja vinnulöggjöfín
skerðir grundvallarréttindi laun-
þega jafnt sem lýðræðislegar
grundvallarreglur og mannréttindi
og frelsisréttindi.
Við styðjum íslensku launþega-
samtökin af fullum hug og heilu
hjarta í baráttu þeirra fyrir því að
alþjóðlega viðurkenndum' réttindum
á vinnumarkaði verði komið á að
nýju og þau fest í sessi.
Helsinki 30. ágúst 1996.“
Undir yfirlýsingunar rita: Sören
Vang Rasmussen, AC Magne Song-
voll, AF Anders Milton, SACO og
Mikko Viitasalo, AKAVA“
Hátíð í Hlíðunum vegna
opnunar 30 km umferðarhverfis
í DAG kl. 14 verður tekið form-
lega í notkun 30 km umferðar-
hverfi í þeim hluta Hlíðanna
sem markast af Lönguhlíð,
Skógarhlíð og Miklubraut.
Markmið þessara aðgerða er að
draga úr slysahættu og að gera
hverfið umhverfisvænna. Stefnt
er að því að fá yfir 85% öku-
manna til að aka hægar en 40
km/klst. Af þessu tilefni verður
efnt til hverfahátíðar í dag.
Hlíðahverfið er annað af
tveimur hverfum í Reykjavík
þar sem nú standa yfir aðgerð-
ir til að lækka umferðarhrað-
ann með því að setja leyfilegan
hámarkshraða niður í 30 km á
klukkustund. Hitt hverfið er
hluti af Laugarneshverfi, þ.e.
Lækir. Með þessum aðgerðum
á að freista þess að draga úr
slysum, beina óþarfa umferð
frá hverfunum og gera þau
vistlegri og vænlegri til íbúðar.
Auka á umferðaröryggi
Hér er um að ræða tilraun
þar sem reyndar verða ýmsar
aðferðir til að ná fram meira
umferðaröryggi, sérstaklega
fyrir gangandi fólk, minni loft-
mengun og minni umferðar-
hávaða. Þessar aðgerðir eru
liður í þeirri áætlun borgaryfir-
valda að draga markvisst úr
umferðarslysum fram til alda-
móta um allt að 20%. Reynslan
erlendis frá er sú að með lægri
ökuhraða hefur tekist að fækka
slysum frá 10-60% og í nýleg-
um tölum frá Þýskalandi kem-
ur fram að í hverfum sem þess-
um hefur slysum fækkað um
40%, segir í frétt frá umferðar-
deild.
í tillögum umferðarörygg-
isáætlunar Reykjavíkurborgar
er gert ráð fyrir að minnsta
kosti tvö til þijú ný 30 km svæði
verði gerð árlega fram til alda-
móta. Áætlaður kostnaður við
þær umbætur í umferðarmál-
um sem umferðarnefnd
Reykjavíkur stendur fyrir á
þessu ári er um 40 milljónir
króna.
Fjölbreytt dagskrá
í tilefni af formlegri opnun
30 km umferðarsvæðisins í
Hlíðunum laugardaginn 31.
ágúst kl. 14 verður íbúum boð-
ið til hverfishátíðar á milli
Barmahlíðar og Mávahlíðar.
Þar verður fjölbreytt dagskrá
á boðstólum, m.a. Leikhópurinn
Furðufjölskyldan og umferðar-
bangsi lögreglunnar sem
skemmta mun yngri kynslóð-
inni. Borgarstjórinn í Reykja-
vík, Ingibjörg Sólrún Gísladótt-
ir, heilsar upp á gesti og boðið
verður upp á ávaxtasafa og
skúffuköku skreytta með 30 km
merki.
LEIÐRÉTT
Ógift
Þau mistök urðu við vinnsiu frétt-
ar af andláti Ingu Fanneyjar Krist-
insdóttur, sem lést af slysförum í
Svíþjóð, að hún var sögð hafa verið
ókvænt. Að sjálfsögðu átti að segja
í fréttinni að Inga Fanney hefði
verið ógift. Fréttin birtist á bls. 2
í Morgunblaðinu I gær. Morgun-
blaðið biðst afsökunar á þessum
leiðu mistökum.
Rangt föðurnafn
í frétt á bls. 39 í blaðinu í gær
var ranglega farið með föðurnafn
Sigurðar Jónassonar skógarvarðar
á Norðurlandi vestra, og biður blað-
ið velvirðingar á því.
Ekki forsetabíllinn
í frétt á bls. 4 í gær um heim-
sókn forseta Islands til Þingeyrar
1951 var fullyrt að bíll Sveins .
Björnssonar stæði á bryggjunni.
Nú hefur verið upplýst að umrædd-
ur bíll var ekki bíll forsetans heldur
bíll sömu tegundar og gerðar, Pac-
ard Clipper, sem var í eigu Kristins
Bjömssonar bílstjóra í Hnífsdal.
Bifreiðin, sem bar einkennisstafina
í-250, ók forsetanum um Vestfirði
í umræddri heimsókn.