Morgunblaðið - 31.08.1996, Blaðsíða 12
12 LAUGARDAGUR 31. ÁGÚST 1996
AKUREYRI
MORGUNBLAÐIÐ
Aðalfundur Eyþings
Tillaga um fleiri
stöðug’ildi Skóla-
þjónustu felld
AÐALFUNDUR Eyþings, samtaka
sveitarfélaga í Eyjafjarðar- og
Þingeyjarsýslu sem haldinn var í
Laugaborg í Eyjafjarðarsveit felldi
tillögu Skólaráðs Eyþings um að
fjölga stöðuheimildum á skrifstofu
Skólaþjónustu Eyþings um eina, úr
10,5 í 11,5. Fram kom í máli nokk-
urra fulltrúa á þinginu að varast
skyldi að gera samtökin að bákni
og hvatti til að mynda Valgerður
Hrólfsdóttir á Akureyri til þess að
menn stæðu á bremsunni. Fram
kemur í greinargerð með tillögu
Skólaráðs að Skólaþjónusta Ey-
þings muni verða í vandræðum með
að sinna sómasamlega þeirri þjón-
ustu sem menn vænta af henni
verði ekki aukið við stöðuheimildir
á skrifstofunni.
Hvalaskoðun
SJÁLFSTÆÐISFÉLAG Húsavíkur
gengist fyrir hvalaskoðunarferð frá
Húsavík á sunnudaginn 15. septem-
ber næstkomandi.
Væntanlegir þátttakendur eru
beðnir að skrá sig hjá Snædísi Gunn-
laugsdóttur eða Guðjóni Ingvarssyni
á Húsavík fyrir 12. september næst-
komandi. Þeir sem hafa áhuga geta
einnig skráð sig í sameiginlegan
kvöldverð.
Á fundinum var samþykkt tiliaga
þar sem skorað var á Alþingi og
ríkisstjórn að beita sér fyrir breyt-
ingum á lögum og reglum þannig
að endurgreiðsia verði á virðisauka-
skatti á tækjum og búnaði ætluðum
til slökkvi- og björgunarstarfa.
Einnig var samþykkt tillaga um að
skora á íjármálaráðherra að beita
sér fyrir breytingum á reglugerð
um virðisaukaskatt af skattskyldri
starfsemi opinberra aðila þannig
að heimilt verði að endurgreiða virð-
isaukaskatt af meðhöndlun og söfn-
un urgangs til endurvinnslu.
Á fundinum var einnig ákveðið
að breyta aðalfundartíma samtak-
anna og hafa hann í byijun júní
hvert ár. Stjórn samtakanna var
endurkjörin á aðalfundinum en for-
maður er Einar Njálsson bæjar-
stjóri á Húsavík.
Beint flug frá Akureyri
Fram kom í máli formannsins við
upphaf aðalfundarins að fyrirhugað
er að halda fund starfshóps samtak-
anna og fulltrúa Flugleiða vegna
möguleika á að koma á beinu flugi
frá Akureyri á leiðinni Hamborg-
Kaupmannahöfn-Akureyri og Ak-
ureyri-Kaupmannahöfn-Hamborg.
Gert er ráð fyrir að hugmyndin
verði kynnt ferðaskrifstofum í
Þýskalandi í lok september.
/-----------------------------------------------------------\
Sjálfstæðisfólk á
!\orðurlandi cystra takið eftir!
Nú cr það hvalaskoðunarferð frá Húsavík
sunniulapnn 15. sepíember kl. 14.00.
Miðaverð cr kr. 2.500 pr. mann.
Þátttakendur skrái sig hjá
Snædísi Gunnarsdóttur í síma 464 1504 eða hjá
Guðjóni Ingvarssyni í síma 464 1040 og 464 2020
fyrir 12. september.
Sameiginlegur kvöldverður verður í boði fyrir þá sem hafa áhuga.
Sjálfstæðisfélag Húsavíkur.
V____________________________________—______________________/
Akureyrarbær auglýsir
tillögu að deiliskipulagi hafnarsvæðis í Krossanesi
Með vísan til greina 4.4. og 4.4.1. í skipulagsreglugerð auglýsir
Akureyrarbær tillögu að deiliskipulagi hafnarsvæðis í Krossanesi
austan Krossanesbrautar.
í deiliskpiulagsstillögunni er m.a. gert ráð fyrir breyttu gatnaskiu-
lagi og breytingum á lóðum fyrirtækja á svæðinu, skilgreint er
nánar svæði fyrir olíubirgðastöðvar og gerð grein fyrir hafnar-
mannnvirkjum og lóðum fyrir hafnsækna starfsemi.
Deiliskipulagstillagan, uppdráttur og greinargerð liggur frammi
almenningi til sýnis á Skipulagsdeild Akureyrarbæjar, Geislagötu
9, 3. hæð, og skrifstofu Akureyrarbæjar, Oddeyrarskála,
Strandgötu, næstu 4 vikur frá birtingu þessarar auglýsingar, þ.e.
til mánudagsins 30. september 1996, þannig að þeir sem þess
óska geti kynnt sér tillöguna og gert við hana athugasemdir.
Athugasemdafrestur er til 30. september 1996. Þeir, sem telja sig
verða fyrir bótaskyldu tjóni vegna framkvæmdar deiliskipu-
lagsins, er bent á að gera við það athugasemdir innan tilgreinds
frests ella teljast þeir samþykkir tillögunni.
Skipulagsstjóri Akureyrar.
Hafnarstjóri Akureyrarhafnar.
Messur
AKUREYRARKIRKJA: Guðs-
þjónusta í kirkjunni 1. september
kl. 11. Guðsþjónusta á Fjórðungs-
sjúkrahúsinu kl. 11. á sunnudag.
HJÁLPRÆÐISHERINN: Al-
menn samkoma á morgun kl. 20.
Edna og Arne Kallevik frá Nor-
egi syngja og tala. Allir velkomn-
ir.
HVÍTASUNNUKIRKJAN:
Samkoma í umsjá unga fólksins
kl. 20.30 í kvöld. Safnaðarsam-
koma á morgun, sunnudag kl.
11. Hjónin Ester Jacobsen og
Vörður Traustason sem hafa
verið að vinna á heimili fyrir
fíkniefnaneytendur í Noregi
síðastliðið ár boðin velkomin
heim. Vakningasamkoma kl. 20
á sunnudag, Ester og Vörður
tala. Bæn og iofgjörð n.k. föstu-
dag kl. 20.30.
KAÞÓLSKA KIRKJAN Eyra-
landsvegi 26; Messa kl. 18 í dag,
laugardag og á morgun kl. 11.
Messa í Kaþólsku kirkjunni á
Isafirði á laugardag kl. 18 og
sunnudag kl. 11.
Morgunblaðið/Þorgeir Baldursson
í návígi við
hrefnu á
Skjálf-
andaflóa
HORÐUR Sigurbjarnarson, skip-
stjóri á Knei rinuni frá Húsavík,
brá sér í sjóinn í hvalaskoðunar-
ferð um Skjálfandaflóa nýlega og
heilsaði upp á hrefnu sem svaml-
aði í kringum bátinn. Hrefnan virt-
ist kunna ágætlega við uppátæki
skipstjórans en Hörður sem klædd-
ur var þurrbúningi fékk þó ekki
koma alltaf of nærri henni. Til-
gangur Harðar með þessu uppá-
tæki, var að kanna viðbrögð hrefn-
unnar en samkvæmt því sem Morg-
unblaðið kemst næst hefur þetta
ekki verið gert áður hérlendis við
þessar aðstæður. Fljótlega eftir að
Hörður kom um borð aftur lét
hrefnan sig hverfa í hyldýpið.
Framkvæmdum við nýbyggingu
Menntaskólans á Akureyri lokið
Morgunblaðið/Kristján
KNÚTUR Otterstedt, formaður byggingarnefndar, afhendir
Birni Bjarnasyni menntamálaráðherra húsið við skólasetningu
22. september.
Kennslurými skól-
ans tvöfaldast
FRAMKVÆMDUM við nýbyggingu
Menntaskólans á Akureyri lauk nú
um mánaðamótin en húsið verður
formlega afhent við skólasetningu
MA 22. september nk. Tryggvi
Gíslason, skólameistari MA, segir
að tilkoma nýbyggingarinnar sé
hrein bylting í rekstri skólans enda
mun kennslurýmið tvöfaldast. Nem-
endafjöldi í vetur er svipaður og
undanfarin ár eða um 600 og þar
af hefja um 200 nýnemar nám við
skólann nú í haust.
Nýbyggingin er um 3.000 fer:
metrar að stærð með geymslum. í
húsinu eru 9 vel búnar kennslustof-
ur, bókasafn með lestraraðstöðu fyr-
ir um 80 nemendur, salur sem rúm-
ar alla nemendur skólans og verður
einnig notaður til kennslu, skemmt-
ana- og fyrirlestrahalds. Einnig eru
í húsinu skrifstofur og vinnuherbergi
kennara. Tryggvi segir mikla bót
að því að geta náð til allra nemenda
skólans á einum stað.
Nýr skóli á gömlum grunni
„Þetta er bylting í rekstri skólans
og við segjum hér að nýr skóli rísi
á gömlum grunni. Meðalstærð á
kennslustofum var hér 34 fermetrar
sem er helmingur af því sem ætlast
er til í grunnskólum," sagði Tryggvi.
Undirbúningur fyrir tengingu við
nýju bygginguna er í fullum gangi
og einnig er verið að vinna að ýms-
um breytingum á gamla skóla vegna
nýbyggingarinnar. Fyrsta skófl-
ustungan að nýbyggingunni var tek-
in 17. júní 1994 og húsið hefur því
aðeins verið um 2 ár í byggingu.
Upphaflega átti að ljúka fram-
kvæmdum á þremur árum en
Tryggvi segir að Héraðsnefnd Eyja-
fjarðar hafi heimilað að hraða fram-
kvæmdum.
Eining
Skýr krafa
um launa-
hækkanir
VERKALÝÐSFÉLAGIÐ Ein-
ing hélt fund í vikunni með fisk-
vinnslufólki á félagssvæði Ein-
ingar í Eyjafirði þar sem rætt
var um kröfugerð í komandi
kjarasamningaviðræðum. Björn
Snæbjörnsson, formaður Ein-
ingar, sagði að á fundinum
hefði komið fram skýr krafa
um umtalsverðar launahækk-
anir í komandi viðræðum við
atvinnurekendur.
„Einnig kom ýmislegt annað
upp á borðið og snertir fisk-
vinnslufólk en krafan um launa-
hækkanir var mest áberandi.
Það góðæri sem nú er gefur
mönnum möguleika á hækkun
launa.“
I vikunni ákvað stjórn Hrað-
frystihúss Olafsfjarðar að
leggja bolfiskvinnslu á vegum
fyrirtækisins niður frá og með
næstu áramótum og um óá-
kveðinn tíma. í kjölfarið var um
60 starfsmönnum fyrirtækisins
sagt upp frá næstu áramótum.
„Það hefur alltaf verið þann-
ig að á einhveijum stöðum hafa
hlutirnir gengið illa en þannig
er það ekki með heildina. Þessi
tíðindi frá Ólafsfirði eru vissu-
lega mjög dapurleg og reiðar-
slag fyrir þetta byggðarlag.
Tæplega fjórðungur okkar fé-
lagsmanna í Ólafsfirði starfar
hjá HÓ og auðvitað vonar mað-
ur að þessar aðgerðir komi ekki
til framkvæmda."
Björn segir það þó ekki
breyta þeirri staðreynd að hlut-
irnir séu á uppleið og því sé
kominn tími til að launafólk fái
að njóta þess. Fundurinn með
fiskvinnslufólki var sá fyrsti í
fundaröð með starfsgreinum
innan Einingar.
Krabbameinsfélagið
Vetrarstarf-
ið að hefjast
VETRARSTARF Krabba-
meinsfélags Akureyrar og ná-
grennis hefst með opnu húsi á
skrifstofu félagsins næstkom-
andi mánudag, 2. september,
frá kl. 20 til 22. Opið hús verð-
ur að venju fyrsta mánudag í
hveijum mánuði. Undanfarin
ár hafa samtökin Styrkur -
samtök krabbameinssjúklinga
og aðstandenda þeirra haft veg
og vanda af opnu húsi en sú
breyting verður nú á að
Krabbameinsfélagið mun sjálft
efna til þeirra.
Fyrirhugað er að í vetur verði
boðið upp á fyrirlestra um ýmis-
legt sem varðar málefnið, sjúk-
dóminn og afleiðingar hans sem
og forvarnir.
Fyrirhuguð blettaskoðun
frestast um óákveðinn tíma
vegna aðstæðna í heilsugæslu.
Fastur viðtalstími á skrif-
stofu er frá kl. 13 til 16 dag-
lega og eftir samkomulagi á
morgnana.
Nemendur
sýna
SÝNING á verkum nemenda á
sumarnámskeiði Arnar Inga
Gíslasonar verður haldin í
Kiettagerði 6 á morgun, sunnu-
daginn 1. septmber, frá kl. 14
til 18.
Fóikið sem sótti námskeiðið
kom víða að af landinu, m.a.
frá Vestmannaeyjum, Höfn í
Hornafirði, Egilsstöðum og
Keflavík svo einhveijir staðir
eru nefndir.
Nemendur fóru um Eyjaljörð
meðan á námskeiðinu stóð.