Morgunblaðið - 31.08.1996, Qupperneq 48

48 LAUGARDAGUR 31. ÁGÚST 1996
MORGUNBLAÐIÐ
Dýraglens
Smáfólk
ACTUALtY, IT MU5T BE A
NICE CHAN6ET0BE 5ERVEP
8V A CUTE WAITRE5S..
Húsbóndi þinn verður að heiman Það hlýtur reyndar að vera Skilgreindu „sæta“.
í dag svo að hann bað mig um skemmtileg tilbreyting að láta
að gefa þér matinn... sæta þjónustustúlku þjóna sér.
BREF
TBL BLAÐSINS
Kringlan 1103 Reykjavík • Sími 569 1100 • Símbréf 569 1329
• Netfang: lauga@mbl.is
Horbóndi
lætur í sér heyra
Frá Erlingi Gíslasyni:
í MORGUNBLAÐINU 17. ágúst sl.
birtist klaufaleg níðgrein, sem virðist
stefnt gegn undirrituðum, að
minnsta kosti að hluta til. Það er
sorglegt að greinarhöfundur, Rík-
harður Pálsson á Háaleitisbraut,
virðist engan tilgang hafa með þessu
greinarkomi annan en þann að reyna
að koma klámhöggi á bara einhvem,
að vísu undir yfírskini særðrar feg-
urðartilfinningar og eðlislægrar and-
úðar á sóðaskap og mannúðarlausri
meðferð á skepnum.
Auðvitað er Ríkharður ekki
svaraverður og vissulega ætlaði ég
að láta þetta baknag sem vind um
eyrun þjóta en við frekari umhugsun
þótti mér lesendur Morgunblaðsins
eiga rétt á einhveiju viðbragði við
þessum heimskulega rógi.
Greinarhöfundur hælir nýlegum
framkvæmdum þar sem skreytt er
með tijágróðri og blómabeðum að-
keyrsla að skála golfvallarins við
Grafarholt. Er nú upptalið sem
hægt er að hæla honum sjálfum
fyrir í þessari grein því nú hvarfia
sjónir Ríkharðs yfir ljótar girðingar,
kofaræfíl, nagaðar þúfur og víði-
ranna og vandlætingin beljar fram.
Horbændur skulu fá orð í eyra;
miskunnarlausir skepnuníðingar,
fulltrúar og lærisveinar Bjarts í
Sumarhúsum.
Þeir sem hafa haft hesta á þessu
svæði um 15 ára skeið (mismunandi
reglulega), og teljast því sökudólg-
amir, eru undirritaður og Sigurður
Sigurðsson, dýralæknir á Keldum,
ásamt sonum okkar. Ef Ríkharður
trúir okkur til að misþyrma hestum
verður hann að bæta í sökudólgahóp-
inn skepnueftirlitsmanni Reykjavík-
urborgar en hestamir eru þarna með
hans vitund og í góðu leyfi.
Girðingar eru forgengilegar eins
og önnur mannanna verk og þeim
þarf að halda við reglulega. Fegurð-
argildi þeirra er þó ekki fremst í
forgangsröðinni heldur notagildið;
hvort þær haldi skepnum innan
þeirra marka sem þeim er ætlað.
Það er auðvitað ekki auðvelt að
skrifa lengi um þessa grein Rík-
harðs Pálssonar í alvöru því til við-
bótar við hungraðar skepnur í rót-
nöguðum móa er þarna ofan á allt
annað svo helvíti mikið af heyi og
það er svo ljótt og ófrýnilegu segli
slegið yfir það. Þrátt fyrir allt þetta
hey og ónagaða víðirunna læðist
enginn grunur að Ríkharði um að
hann hafi ekki algjört neyðarástand
fyrir augum. Og Ríkharður virðist
jafnsterkur á svellinu hvort sem er
til sjós eða lands því yfir heyinu
er ekki segl heldur nót (þéttriðið
net!!). Og þó þetta tvennt, net og
segl, sé bæði að eðli og útliti gjör-
ólíkt eru þau samt kannski líkari
hvort öðru en að útrýmingarbúðir
nazista á stríðsárunum líkist raf-
girðingum sem íslenzkir bændur í
dag not til að stjórna því hvernig
þeir halda búpeningi sínum til beit-
ar. Hugmyndatengsl Ríkharðs við
Auswitsch gefa tiiefni til áhyggju
og ef til vill ætti hann að leita sér
meðferðar. Að minnsta kosti ætti
pappírsbúkur og flibbamaður á
borð við hann að gæta þess að
halda sig frekar í sólvermdum, hlýj-
um garði heldur en að hætta sér á
óvernduð svæði þar sem byggðin
stijálast.
ERLINGUR GÍSLASON,
Laufásvegi 22,101 Reykjavík.
Ekkifrétt
úr listasögunni
Frá Kristni E. Hrafnssyni:
LAUGARDAGINN 24. ágúst skrifar
Grímur Marinó Steindórsson bréf til
blaðsins til að segja alþjóð og for-
stöðumanni Listasafns Islands að ég
hafí ekki tekið þátt í smíði verksins
„Sigling" á Hellissandi. Það er hvorki
frétt né listsöguleg uppgötvun en að
Grímur þessi sjái ástæðu til að nefna
það krefst nokkurra orða frá minni
hendi.
Fyrst ber að nefna að þetta er
alveg hárrétt hjá manninum því ég
hef aldrei nokkurn tíma komið ná-
lægt listaverki sem heitir „Sigling"
sem stendur á Hellissandi og hygg
ég að hvorki Grímur Marinó Stein-
dórsson né Jón Gunnar Árnason,
meintur höfundur þess, hafi gert það
heldur. Haldi smiðurinn Grímur öðru
fram tel ég það hiklaust listsöguleg-
an atburð enda sjaldgæft að ógerð
listaverk látinna Iistamanna finnist,
nema þá helst í stælingum lélegra
sporgöngumanna, en nóg mun vera
til af slíku pródúkti víða um land.
Hins vegar vil ég benda Grími á að
á Hellissandi stendur ágætt verk
eftir Jón Gunnar Árnason sem heitir
„Skip“ og ég tók þátt í að smíða að
hluta ásamt öðrum listamanni til.
Það gerðum við í kjallaranum á Korp-
úlfsstöðum og veit ég að listasmið-
urinn Grímur tók þátt í að Ijúka
smíði þess, eftir að ég varð frá að
hverfa, og setja það síðan upp á
Hellissandi seinna sama ár.
„Framagosinn" undirritaður hefur
hingað til ekki ætlað sér það stór-
virki að breyta listasögunni enda
ekki til slíkra verka fallinn, en að
taka óbeinan þátt í mótun hennar á
líðandi stund er ánægjulegt hlut-
skipti. Hvar járnsmiðurinn Grímur
Marinó ól sinn mann meðan ég skóp
mín augnablik með höfundi verksins
„Skip“ veit ég ekki, en svo mikið
veit ég að ekki var hann í því stóra
verki að koma sjálfum sér með öðr-
um ógleymanlegum hætti á spjöld
listasögunnar. Ætli hann sér það
hins vegar, verður hann að gera það
með eigin verkum en ekki annarra
og una við listaþátíðina eins og hún
skrifar sig sjálf. Eins konar ekki-
fréttir af öðrum geta þar engu um
breytt.
Listaverkið „Sigling“ eftir Jón
Gunnar Árnason stendur norðan
Kaupvangsstrætis á Akureyri.
KRISTINN E. HRAFNSSON,
Mjóstræti 3,101 Reykjavík.
Allt efni sein birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.