Morgunblaðið - 07.12.1996, Blaðsíða 60

60 LAUGARDAGUR 7. DESEMBER 1996
MORGUNBLAÐIÐ
Dýraglens
Grettir
Smáfólk
..ANP I WANT TO
THANK THE JUD6E5
F0RTHI5 AWARP..
BUT 1 DIPNT COLOR
TM05E PICT0R65/Í
IT U)A5 MY D061Í
..og mig langar til að ENÉGLITAÐIEKKIÞESS- Ég heyri að þú hafir Mérlæt- Ég mála
þakka dómurunum AR MYNDIR!! ÞAÐ VAR gert sjálfan þig að ur það himinn alltaf
fyrir verðlaunin.. HUNDURINN MINN!! fífli létt bláan...
BREF
HL BLAÐSINS
Kringlan 1103 Reykjavík • Sími 569 1100 • Símbréf 569 1329
• Netfang: lauga@mbl.is
Opið bréfkom til Völu
Dóm Magnúsdóttur
Frá Páli Péturssyni:
í MORGUNBLAÐINU 5. desember
sl. var bréf frá þér með fyrirsögn-
inni „Barátta við fordóma“. Þetta
bréf er þörf hugvekja, en þar lýsir
þú þrautagöngu þinni í atvinnuleit.
Því miður er
saga þín ekki
einsdæmi en þú
hefur sótt um 29
störf að undan-
förnu án árang-
urs. í 10 tilfell-
um fékkst þú
ekki einu sinni
svar. Ég er þér
sammála um að
ríkjandi eru
ótrúlegir fordómar gagnvart fólki á
vinnumarkaði ef það er komið yfir
miðjan aldur. Það er mjög ómak-
legt. Margt af þessu fólki er prýði-
lega starfhæft og býr yfir dýr-
mætri reynslu.
Það er hinsvegar mikill misskiln-
ingur hjá þér að ég telji alla atvinnu-
lausa einhveija letingja og setji þá
alla undir sama hatt. Ég hef hvergi
haldið slíkri fjarstæðu fram. Vafa-
laust finnst í hópi atvinnulausra
fólk sem ekki vill vinna. í vinnu-
markaðskönnun Hagstofunnar ný-
lega kom það greinilega fram, en
það gildir sannarlega ekki um þorra
atvinnulausra eins og saga þín ber
glöggan vott um.
Ég tel mjög áríðandi að koma
betra skipulagi á þau úrræði sem
atvinnulausum standa til boða. í
því skyni hef ég Iagt fram á Al-
þingi frumvörp um vinnumarkaðs-
aðgerðir og breytingu á lögum um
atvinnuleysistryggingar. Þar er
gert ráð fyrir mjög auknum stuðn-
ingi við fólk í atvinnuleit. Við eig-
um ekki að una því að þeir sem
vilja vinna finni ekki vinnu. Þar
er gert ráð fyrir að vinnumiðlun
verði ríkisrekin og samhæfð. Henni
er ætlað að þjóna atvinnulausum
en auk þess þeim sem vilja skipta
um störf, svo og þeim sem vantar
starfsmenn. Þá er lögð áhersla á
að ijúfa þann vítahring sem lang-
varandi atvinnuleysi er einstakl-
ingunum.
Ég vona að atvinnuleit þín beri
skjótan árangur. Ég ber virðingu
fyrir þér og þínum líkum.
Með góðri kveðju,
PÁLL PÉTURSSON,
félagsmálaráðherra.
Páll Pétursson
Athugasemd við
ritdóm um Blóðakur
Frá frá Vésteini Ólasyni:
ÞAÐ mætti æra óstöðugan ef menn
ætluðu að tjúka upp í hvert sinn
sem þeir eru ritdómurum ósam-
mála, enda eðlilegt að menn greini
á um mat á bókum. Ég get þó ekki
á mér setið að gera fáeinar athuga-
semdir við ritdóm sem birtist í
Mbl. 26. nóv. um skáldsöguna Bióð-
akur eftir Ólaf Gunnarsson. Ég er
miklu hrifnari af sögunni en ritdóm-
arinn, og mér finnst satt að segja
túlkun hans sýna býsna yfirborðs-
legan lestur á margslungnu verki.
Þetta kristailast í ummælum um
tvær af aðalpersónum sögunnar,
séra Bernharð og Tryggva nokkurn.
Ritdómari segir um séra Bernharð
að hann geri „barnslegar og órök-
rænar siðferðiskröfur til sjálfs sín
og annarra". Það sama má víst
segja um allar trúarhetjur og eink-
um Jesú Krist, en séra Bernharður
er þó engin Kristsmynd heldur
breysk og ófullkomin manneskja,
full af mótsögnum. Það sem ritdóm-
ari segir um Tryggva er vægast
sagt villandi: „Hann er úrhrak;
ábyrgðarlaust og svikult lítilmenni.
Einna Ijósust verður samlíking hans
og Júdasar Ískaríot þegar hann
smjaðrar fyrir Hafliða syni sínum
sem er meðal þeirra sem halda vörð
um Bosníudrenginn. Á sambærileg-
an hátt og Júdas kyssti Krist þann-
ig hittir Tryggvi son sinn undir
fölsku flaggi. Hann færir sér í nyt
væntumþykju sonar síns í þeim til-
gangi að klekkja á honum og félög-
um hans, svo að auðveldara reynist
að framselja Kristsímyndina:
Bosníudrenginn." Hér vantar nú
m.a. það mikilvæga atriði að
Tryggvi hættir við að svíkja son
sinn þegar á reynir og lýgur hans
vegna. Svona er nú manneskjan
mótsagnakennd, en Júdas grét
ekki fyrr en eftir svikin. Ólafur
Gunnarsson dæmir ekki Tryggva
sem „úrhrak; ábyrgðarlaust og
svikult lítilmenni", en bregður upp
frábærlega lifandi mynd af manni
sem hefur margt gott til brunns
að bera og er hreint ekki tilfinn-
ingalaus, en hefur misst stjórn á
lífi sínu og stefnir í glötun. Arist-
óteles sagði fyrir óralöngu að það
vekti hvorki vorkunn né skelfingu
þótt höfundur léti gæfuna snúa
baki við gjörspilltum manni, en
ævisaga Tryggva vekur mér bæði
vorkunn og skelfingu, af því að
hann er ekki gjörspilltur og af því
að ég held að hann eigi sér í raun
marga sína líka í Reykjavík þótt
saga þeirra endi sjaldnast með eins
miklum ósköpum sem betur fer.
Ýmislegt fleira í þessum ritdómi
á ég bágt með að skilja, svo sem
eins og það að framvindan sé á
köflum óljós, en nú er nóg komið.
VÉSTEINN ÓLASON,
Nýlendugötu 43, Reykjavík
AUt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.