Morgunblaðið - 20.12.1996, Blaðsíða 13

MORGUNBLAÐIÐ
FÖSTUDAGUR 20. DESEMBER 1996 13
FYRIR ALLA, ALLTAF, ALLSTAÐAR
AKUREYRI
Amtsbókasafnið á Akureyri
Hugmyndir um að
byggja nýja geymslu
GERT er ráð fyrir í fjárhagsá-
ætlun bæjarsjóðs Akureyrar fyr-
ir næsta ár að 10 milljónum
króna verði varið til viðbygging-
ar við Amtsbókasafnið á Akur-
eyri.
Jakob Björnsson bæjarstjóri
segir að hugmyndin sé að reisa
um 300 fermetra viðbyggingu
vestan við safnið en þar yrðu
bókageymslur og þá yrði aðstaða
starfsmanna bætt. Hluti af fjár-
veitingunni verður notaður til að
undirbúa verkefnið og segir Jak-
ob að ef fýsilegt reyndist að fara
út í þessar framkvæmdir þyrfti
að fylgja fjárveiting upp á 25
milljónir króna sem gert væri ráð
fyrir í áætlun fyrir árið 1998.
Fyrri hluta þess árs ætti bygg-
ingin að vera komin í gagnið „og
aukið geymslurými safnsins um-
talsvert sem er mjög brýnt og
þá er ekki síður nauðsynlegt að
bæta aðstöðu starfsfólksins,"
segir bæjarstjóri. Hann tók skýrt
fram að ekki væri um að ræða
hluta af viðbyggingu þeirri sem
bæjarstjórn færði bæjarbúum á
125 ára afmæli bæjarins fyrir 9
árum. „Þetta er áfangi sem við
ráðum við núna og bætir úr
brýnni þörf.“
Þrengstí
Húsakostur Amtsbóka- og
Héraðsskjalasafna hefur um
langt skeið verið af skornum
skammti og eru bækur og skjöl
geymd á nokkrum stöðum í bæn-
um, m.a. eru bækur í geymslu í
húsnæði aldraðra við Víðilund
Morgunblaðið/Kristján
MIKIL þrengsli hafa lengi verið á Amtsbókasafninu á Akureyri og
bækur og skjöl geymd víða um bæinn. Katrín Ríkarðsdóttir er hér
innan um blöð, bækur og skjöl sem fá ef til vill betra geymslupláss
í nýrri byggingu sem fyrirhugað er að reisa við safnið.
og skjöl í kjallara leikskólans
Lundarsels..
Hólmkell Hreinsson amtsbóka-
vörður sepst ánægður með að
hreyfing er komin á málefni
safnsins, en 9 ára bið eftir við-
byggingu hefði gert fólk von-
daufara með hveiju ári. Sú bygg-
ing væri ekki í sjónmáli en miklu
fé verið varið til hönnunar henn-
ar. „Ef eitthvað verður gert sem
leysir vandamál okkar verð ég
kátur,“ sagði hann en benti á að
þegar væri þörf fyrir um 500
fermetra húsnæði til að geyma
bækur og skjöl safnanna.
Morgunblaðið/Kristján
Miðasala á heimsmeistaramótið
HSI krefur bæinn
um greiðslu ábyrgðar
LÖGMAÐUR Handknattleikssam-
bands íslands hefur farið þess á leit
við Akureyrarbæ að hann inni af
hendi greiðslu vegna ábyrgðar sem
veitt var Halldóri Jóhannssyni sem
hafði einkaleyfi á aðgöngumiðasölu
á heimsmeistaramótið í handknatt-
leik sem fram fór hér á landi í maí
á síðasta ári. Bú hans var fyrr í
haust tekið til gjaldþrotaskipta og
telur lögmaður HSI að skilyrði
ábyrgðarsamningsins um greiðslu
séu þar með uppfyllt. Akureyrarbær
veitti 20 milljóna króna ábyrgð vegna
miðasölunnar og hefur HSÍ nú farið
þess á leit við bæinn að hann greiði
ábyrgðina.
Fjallað var um málið á fundi bæj-
arráðs í gær og þar var bæjarlög-
manni falið að vinna að lausn þess.
Guðmundur Stefánsson, bæjar-
fulltrúi, sagði að fyrsta skrefið yrði
að ræða við stjóm HSÍ. Akureyrar-
bær neitaði því ekki að ábyrgðin
væri fyrir hendi, en menn vildu skoða
alla fleti málsins og sjá á hvaða rök-
um krafan væri reist áður en féð
yrði reitt af hendi.
Litla húsið
LITLA húsið nefnist verslun
sem Jón Oddgeir Guðmundsson
rekur að Strandgötu 13a, en
hún er opin frá kl. 16 til 18 síð-
degis. I versluninni er á boðstól-
um fjölbreytt kristilegt efni,
bækur og gjafavara. Meðal ann-
ars eru þar seldar bækur frá
Hinu íslenska Biblíufélagi,
Skálholti og fleiri kristilegum
útgáfum.
Friðarganga á
Þorláksmessu
FRIÐARGANGA verður á Akur-
eyri á Þorláksmessu, næstkomandi
mánudag, 23. desember, en gang-
an hefst kl. 19.30.
Sú breyting hefur verið gerð á
skipulagi göngunnar í ár að safn-
ast verður saman á Eimskipafé-
lagsplaninu við Strandgötu kl.
19.15 en þar verður hægt að
kaupa kyndla gegn vægu gjaldi
og fá lampaolíu á þá kyndla sem
fólk kemur með.
Gengið verður sem leið liggur
upp á Ráðhústorg. Þar mun Bjarni
Guðleifsson náttúrufræðingur
flytja stutt ávarp og að lokum
syngja allir saman sálminn Heims
um ból.
Fyrir göngunni standa kórar
Glerár- og Akureyrarkirkju og sjá
þeir um allan undirbúning með
aðstoð lögreglu.
Bæjarráð Akureyrar
Aukin fjárveiting
vegna fjárhagsaðstoðar
BÆJARRÁÐ Akureyrar samþykkti
á fundi sínum í gær að veita auka-
fjárveitingu til fjárhagsaðstoðar ráð-
gjafadeildar Félagsmálastofnunar
Akureyrar á þessu ári að upphæð
allt að ein milljón króna. Aukafjár-
veitingin var veitt í kjölfar upplýs-
inga frá félagsmálastjóra um fjár-
hagsaðstoð á árinu.
Bæjarráð vísaði erindi stjórnar
húsfélags verslunarmiðstöðvarinnar
við Sunnuhlíð til umhverfisnefndar
og veitustjórnar, en stórnin hefur
farið þess á leit að Akureyrarbær
komi upp skrautlýsingu við verslun-
armiðstöðina og í nágrenninu í lík-
ingu við það sem sett hefur verið
upp við Glerárgötu og í miðbæ Akur-
eyrar. Miðar stjórnin við að slík lýs-
MESSUR
LAUFÁSPRESTAKALL: Aftan-
söngur í Svalbarðskirkju á að-
fangadag kl. 16. Hátíðarguðs-
þjónusta annan dag jóla, 26.
desember kl. 14. Aftansöngur kl.
22 á aðfangadagskvöld í Greni-
víkurkirkju. Aftansöngur á gaml-
ársdag í Grenivíkurkirkju kl. 18.
ing verði sett upp fyrir næstu jól.
Á fundinum var einnig lagt fram
bréf frá ferðaskrifstofunni Saga
Reisen þar sem leitað er eftir
stuðningi frá Akureyrarbæ til að
unnt megi verða að halda áfram
beinu flugi frá Sviss til Akureyrar
yfír sumarmánuðina. Erindið er til
umfjöllunar hjá atvinnumálfulltrúa
og atvinnumálanefnd.
Bæjarráð fjallaði um lista yfir
gömul bæjargjöld sem
bæjargjaldkeri hefur tekið saman og
reynst hafa óinnheimtanleg m.a.
vegna gjaldþrota. Upphæðin er
rúmar tvær milljónir og gerði
bæjarráð ekki athugasemd við að
gjöldin yrðu felld niður.
Akureyrarkirkja
Hugsað til
þeirra sem
kvíðajólum
GUÐSÞJÓNUSTA í Akur-
eyrarkirkju næstkomandi
sunnudag kl. 14 verður tileink-
uð þeim sem kvíða jólunum.
Beðið verður fyrir þeim, fjallað
um jólakvíða í prédikun og
huggun og styrkur sóttur I
helga texta og söngva. Eftir
messu verður boðið upp á
kaffísopa í safnaðarheimilinu
þar sem umræðuefnið verður
„Kvíðvænleg jól“.
Kvíðaefni jólanna eru jafn
margbreytileg og tilhlökkun-
arefnin, segir í frétt frá kirkj:
unni, en hátíðin magnar upp
tilfinningar hjá fólki sem t.d.
hefur misst og fínna þá sjaldan
sárar fyrir missi sínum en á
jólum. Sumir eru aldrei meira
einmana en yfir hátíðardagana
og aðrir kviða því að geta ekki
veitt sínum það sem þeir vildu
vegna fjárhagsörðugleika.
Heilsugæslustöðin
Bærinn tek-
ur við
rekstri
STEFNT er að því að undirrita
samning þess efnis að Akur-
eyrarbær taki við rekstri
Heilsugæslustöðvarinnar á
Akureyri af ríkinu nú fyrir ára-
mót.
Drög að þjónustusamningi
milli Akureyrarbæjar og rikis-
ins var kynntur á fundi bæjar-
ráðs í gær. Heimilaði meirihluti
bæjarráðs bæjarstjóra að ganga
frá þjónustusamningnum að
teknu tilliti til athugasemda
sem fram komu á fundinum.
Sigríður Stefánsdóttir, Al-
þýðubandalagi bókaði á fund-
inum að hún hafí fyrirvara á
ýmsum þáttum samningsdrag-
anna eins og þau liggja nú fyr-
ir og Sigurður J. Sigurðsson,
Sjálfstæðisflokki telur sig ekki
geta samþykkt drögin eins og
þau eru. Vill hann að ákvæðum
um stjórn og skipulag verði
breytt svo skýrt komi fram að
Akureyrarbær skipi stjóm.
„Jafnframt tel ég nauðsynlegt
að íjárveiting ríkisins vegna
áranna 1998 og 1999 taki hlut-
fallslegri hækkun (1,5% á ári)
í samræmi við aukna þjónustu-
þörf,“ segir í bókun Sigurðar.
Ferskur, kraftmikill. Nýr ilmur fyrir ykkur
stelpur og strákar.
- kjarni málsins!