Morgunblaðið - 08.01.1997, Blaðsíða 12

12 MIÐVIKUDAGUR 8. JANÚAR 1997
MORGUNBLAÐIÐ
FRÉTTIR
Meðferð lögreglu á fíkniefnamáli gagnrýnd
Mætti fyrir dómi
og tók á sig sökina
RANNSÓKNARLÖGREGLA ríkis-
ins rannsakar nú meint brot manns,
sem gaf sig fram við þingfestingu
fíkniefnamáls á hendur öðrum
manni og kvaðst vera sá sem í raun
ætti þau fíkniefni sem fundust.
Samkvæmt heimildum Morgun-
blaðsins kom mál ummrædds
manns ekki til kasta ríkissaksókn-
ara fyrr en mörgum mánuðum eftir
að lögreglan fann fíkniefni í fórum
hans og þá eftir að embætti ríkis-
saksóknara hafði leitað sérstaklega
upplýsinga um málið hjá fíkniefna-
lögreglunni.
Samkvæmt heimildum Morgun-
blaðsins fann lögreglan umtalsvert
af hassi og amfetamíni í fórum
manns um fimmtugt í mars si.
Maðurinn mun hafa haldið því fram
að hann ætti ekki þessi fíkniefni.
Samkvæmt heimildum blaðsins
töldu almennir lögreglumenn í lög-
regluliði Reykjavíkur að fíkniefna-
deildin væri mögulega að tefja
rannsókn á máli mannsins gegn því
að fá upplýsingar frá honum.
Nýrri rannsókn að ljúka
Eftir að í hámæli komst innan
lögreglunnar að maðurinn nyti
slíkrar meðferðar fíkniefnadeildar-
innar leitaði embætti ríkissaksókn-
ara eftir upplýsingum um málið og
var því þá vísað frá lögreglu til ríkis-
saksóknara, sem gaf út ákæru.
Málið var þingfest fyrir Héraðs-
dómi Reykjaness í desember, en þá
brá svo við að ungur maður gaf sig
fram við dóminn og kvaðst eiga
fíkniefnin, sem fundust í fórum þess
fimmtuga. Dómarinn vísaði málinu
þá aftur til ríkissaksóknara, sem fór
fram á að RLR rannsakaði meint
brot yngri mannsins. Þeirri rannsókn
er að ljúka, samkvæmt upplýsingum
frá RLR og kemur málið þá til kasta
ákæruvaldsins á ný.
Björn Halldórsson, yfirmaður
fíkniefnadeildar lögreglunnar, sagði
í samtali við Morgunblaðið að hann
teldi ekki rétt að tjá sig um málið
að svo stöddu, enda væri það í rann-
sókn.
Forsetahjónin heimsækja Kaupmanna-
höfn vegna ríkisafmælis Danadrottningar
Kaffisamsæti verð-
A
ur fyrir Islendinga
Kaupmannahöfn. Morgunbladið.
I TILEFNI af aldaríjórðungs
ríkisafmæli Margrétar Þórhildar
Danadrottningar munu forseta-
hjónin Ólafur Ragnar Grímsson og
Guðrún Katrín Þorbergsdóttir
koma til Kaupmannahafnar og
vera við hátíðahöldin 14.-16. jan-
úar, ásamt mörgum öðrum þjóð-
höfðingjum. En heimsóknina munu
þau einnig nota til að heilsa upp
á íslendinga, sem búsettir eru í
Danmörku.
Forsetahjónin bjóða löndum sín-
um og Ijölskyldum þeirra til kaffi-
samsætis í Moltkes Palæ, steinsnar
frá Kóngsins nýja torgi, mánudag-
inn 13. janúar kl. 17-19. Búist er
við miklu íjölmenni, þar sem á
sjötta þúsund íslendingar eru bú-
settir í Danmörku. Þó gaman hefði
verið að halda samsætið í Jónshúsi
þótti ekki annað fært en að leita
rúmbetri húsakynna, þar sem
Jónshús er fjarri því að geta hýst
fjölmenna samkomu.
Þegar forsetahjónin voru í opin-
berri heimsókn í Danmörku fyrr í
vetur gafst þeim ekki tækifæri til
að kalla íslendinga á sinn fund.
Þá komu upp gagnrýnisraddir og
áréttaði þá forsetinn að skipulag
þeirrar heimsóknar hefði fyrst og
fremst miðast við að gestirnir
kynntust því landi, sem heimsótt
var, en ýjaði að því að afmælis-
heimsóknina nú mætti nota til þess
að hitta íslendinga, eins og nú
verður gert.
Sekir og
saklaus
TVEIR menn voru gripnir í
söluturni við Hverfisgötu
snemma á mánudag áður en
verslunin var opnuð.
Mennirnir gátu ekki þrætt
fyrir innbrotið þegar lögregl-
an greip þá svo glóðvolga. Það
gerði hins vegar maður, sem
lögreglan handtók þar sem
hann var hálfur inni í bíl. Bíl-
inn átti hann ekki og augljós-
lega hafði verið brotist inn í
hann, en maðurinn sór og
sárt við lagði að það hefði
hann ekki gert.
Bíllinn hefði verið svona
þegar hann kom að honum
og hann hefði bara verið að
svipast um. Þá kannaðist
hann enn síður við að hafa
brotist inn í tvo aðra bíla þar
í nágrenninu.
Samstarf um
innanlandsflug
Viðræður
liggja
niðri
VIÐRÆÐUR milli stjórnenda Flug-
leiða, íslandsflugs og Flugfélags
Norðurlands, um samstarf um inn-
anlandsflug, hafa legið niðri að und-
anförnu. Þessir aðilar hafa kannað
hvort unnt sé að taka samstarf um
innanlandsflugið en það verður gef-
ið ftjálst að miklu leyti hérlendis
næsta sumar.
Torfi Gunnlaugsson, hjá Flugfé-
lagi Norðurlands, segir að ekkert
sé að frétta af þessu máli og enginn
fundur hafi verið haldinn síðan í
byrjun desember. „Það verður fund-
ur mjög fljótlega og málið er alls
ekki dautt,“ segir Torfi.
\
Fjölbrautaskólinn Breiðholti
Kvöldskóli
Námsframboð vorönn 1997
í boði 144 áfangar og eftirtaldar námsbrautir.
Bóknám Eðlisfræðibraut
Náttúrufræðibraut
Nýmálabraut
Félagsfræðibraut
Iðnnám
Grunndeild í tréiðnum
Grunndeild í rafiðnum
Húsasmíðabraut
Rafvirkjabraut
Listnám Handíðabraut
Myndlistarbraut
Starfsmenntanám
Grunnnám í
matvælagreinum
Matartæknabraut
Sjúkraliðanám
Heimilisrekstrarbraut
Viðskiptanám Ritarabraut
Skrifstofubraut
Verslunarbraut
Bókhaldsbraut
Tölvubraut
Hagfræðibraut
Markaðsbraut
Stúdetspróf er hægt að taka af flestum brautum í kvöldskóla FB
Innritun
fimmtudag 09.01. kl. 16.30-19.30
Kennsla hefst mánudaginn 13.01. 1997 kl. 18.00
Morgunblaðið/Golli
Samið við Læknisfræðilega mynd-
greiningu um rannsóknir
TR greiðir 10%
lægra verð en áður
Snjókast á
nýju ári
ÞÓTT ekki hafi verið snjó-
þyngslum fyrir að fara á Vest-
fjörðum yfir hátíðirnar frekar
en víða annars staðar á land-
inu, tókst Helga Magnússyni að
finna snjófláka til að hnoða
bolta og elja ungum Flateyring-
um í snjókast. Helgi er sjáífur
úr Kópavogi en heimsótti ömmu
sína á Flateyri um áramótin og
virtist una sér vel í kyrrðinni
þar þegar ljósmyndari Morgun-
blaðsins átti þarna leið um.
- kjarni málsins!
GENGIÐ hefur verið frá samningi
Tryggingastofnunar ríkisins og
Læknisfræðilegrar myndgreiningar
ehf. til næstu tveggja ára, og felur
hann í sér að meðaltali um 10%
lægra verð á rannsóknum en sam-
kvæmt fyrri samningi. Að sögn
Kristjáns Guðjónssonar, deildar-
stjóra sjúkratryggingadeildar TR,
munu greiðslur TR til LM nema um
180 milljónum króna á ári vegna
samningsins.
Fyrri samningur LM og TR gilti
frá ársbyijun 1995 og var hann til
þriggja ára, en TR sagði þeim hluta
samningsins er varðar segulómrann-
sóknir hins vegar upp þegar LM
keypti segulómsjá árið 1995. Sam-
kvæmt niðurstöðu gerðardóms síð-
astliðið vor var uppsögnin úrskurðuð
óheimil og var því greitt samkvæmt
samningnum til áramóta.
Samkvæmt nýja samningnum
greiðir TR nú 50% lægra verð fyrir
segulómskoðun en samkvæmt eldra
samningi án afsláttar. Samkvæmt
honum voru greiddar 41.700 kr. fyr-
ir segulómskoðun án skuggaefnis
og 55.600 kr. með skuggaefni, en
nú eru greiddar 20.850 kr. og 27.800
kr. fyrir þessar rannsóknir.
Stiglækkandi afsláttur til TR
Að sögn Kristjáns Guðjónssonar fel-
ur samningurinn í sér stighækkandi
afslátt til TR eftir því sem rannsókn-
um fjölgar, og sagðist hann búast
við að fullum afslætti yrði náð um
mitt árið.
Að sögn Þorkels Bjarnasonar voru
um 25 þúsund rannsóknir gerðar hjá
LM á síðasta ári. Hann segir rann-
sóknirnar hjá LM nú orðnar enn
ódýrari fyrir TR en áður í saman-
burði við sambærilegar rannsóknir
á spítulum, og þannig kosti t.d. seg-
ulómskoðun 24 þúsund krónur hjá
Landspítalanum.
Áhugaverður valkostur fyrir fólk á öllum
aldri til að koma sér í toppform og
öðlast aukinn lífskraít. Æfingar sem
sameina mýkt, einbeitingu og öndun.
|Ti7nritun og uppl. I sima]-------------1
552 6266
Kínversk leikfimi
SELTiARNftRNES « VESTURBÆR
húsi sundlaugar Seltjarnarness
BREIÐHOLT • ÁRBÆ)ARHVERFI
Danshöllin Drafnarfelli 2