Morgunblaðið - 13.03.1997, Page 19

MORGUNBLAÐIÐ
NEYTENDUR
FIMMTUDAGUR 13. MARZ 1997 19
Neytendasamtökin
Sala bönnuð í húsum aldr-
aðra en þá er hringt í stað-
inn og boðin gjöf
BORIÐ hefur á að sölumenn hringi
til aldraðra og boði komu sína. Þeir
bjóðast til að gefa öldruðum bækur
og eða kynna til dæmis fyrir þeim
kraftmiklar ryksugur. Sesselja Ás-
geirsdóttir hjá kvörtunarþjónustu
Neytendasamtakanna segir að
næsta laugardag á alþjóðlegum
neytendaréttardegi ætli starfsmenn
Neytendasamtakanna meðal ann-
ars að taka fyrir þessi símtöl til
aldraðra og veita fræðslu um ýmis-
legt sem að sölumennsku í heima-
húsum snýr s.s. skilafrest á hlutum
sem keyptir eru með þessum hætti.
Sölumönnum er skylt að kynna öll-
um rétt sinn með skilafrest sam-
kvæmt lögum um húsgöngu og fjar-
sölu og gildir það um þennan sölu-
máta
Aldraðir oft varnarlausir
gagnvart sölumönnum
„Ástæðan fyrir því að við ætlum
að gefa þessu málefni sérstakan
gaum á laugardaginn er að margir
aldraðir hafa haft samband við okk-
ur og kvartað yfir því að sölumenn
séu að hringja og bjóða gull og
græna skóga varðandi greiðslufyr-
irkomulag sem getur hækkað vör-
una mikið,“ segir Sesselja. Hún
bendir á að oft búi aldraðir einir í
þjónustuíbúðum eða jafnvel á elli-
heimilum og séu varnarlausir gagn-
vart sölumönnum sem komi í heim-
sókn. „Roskið fólk er stundum óör-
uggt og lætur tilleiðast að kaupa
einhvern varning sem það í raun
hefur engin not fyrir. Það sér að
það var vitleysa að kaupa eitthvað
sem það þurfti ekki en vill ekki láta
börnin sín eða aðra aðstandendur
vita og lokar þetta inni í skáp. Þess-
ir öldruðu einstaklingar vita
kannski ekki að þeir hafa 10 daga
skilafrest, þ.e. nokkurskonar um-
hugsunarfrest."
- Er skylda að veita skilafrest?
„Já og auðvitað á fólk að nýta
þann tíma og velta fyrir sér hvort
það vilji í raun eyða peningum í það
sem í boði er. Dæmi eru um að
öldruðum sé boðið ritsafn á „kjara-
kjörum". í ljós kemur svo að um
hluta af ritsafni er að ræða. Það
vantar kannski inn í bindi 2, 5 og
9 svo dæmi sé tekið. Þá er gott að
vita að hægt er að skila bókunum."
- Er verið að bjóða rosknum
annað en bækur?
„Já, en þó eru bækurnar lang
algengastar. Dæmi eru um að öldr-
uðum í þjónustuíbúðum séu boðnar
dýrar ryksugur líka.“
Sesselja segir að sölumönnum
eigi að vera ljóst að sala sé bönnuð
í þjónustuíbúðum og á elliheimilum.
Það sé því óheiðarlegt að fara inn
til fólks undir því yfirskini að gefa
þvi bók því ávallt sé verið að sýna
því bækur til sölu í leiðinni.
- Tekst ekki oft að leysa þessi
mál á farsælan hátt?
„Já, sem betur fer hefur okkur
oft tekist að hjálpa þessum einstakl-
ingum sem til okkar hafa leitað og
það verður æ algengara að vel sé
tekið í athugasemdir okkar af
starfsfólki bókaforlaganna.“
- Hvernig ætlið þið að leiðbeina
öldruðum í þessu sambandi á laug-
ardaginn?
„Við munum skýra þeim frá
umhugsunarfrestinum sem þeir
hafa, kaupi þeir vörur með þessum
hætti og hvetja þá eindregið til að
nýta þann tíma til að hugsa sinn
gang. Við ætlum líka að benda
þeim á að kynna sér verðlag og
hvemig hægt er að bera sig að
þegar sölumenn hringja. Síðast en
ekki síst viljum við benda öldruðum
á að hafa samband við okkur ef
þeim finnst þeir hlunnfarnir í við-
skiptum."
MASUáUBfi rtí'Nfi-MMifrft mi
í ðfmælínu kynnum við n^ju
vor- o? sumarlfnunð frá
H^esSaini/aurent
ðfmæli Si?urbopm
da?ana 13. -15. mars n.k.
opið lau?arda? kl. 11 -16
Gréta Boða farðar o? veitir per$ónule?a
ráð?jöf um liti o? förðun.
Tímapantanir ef óskað er.
Pjónusta ogfagmennsb ífyrirrúmi
Snyrti- og gjafavöruverslun
Laugavegi 80 • sími 561 1330
Fagnaöu með Litnum!
tesa/
Solignum
HV6MEA BostUc ^ ^ OU
Liturinn
er sérverslun með málningarvörur þar sem
þú nýtur persónulegrar þjónustu fagfólks,
sem hugsar aöeins um þarfir þínar.
Prufudós
á 100 kr. léttir leitina að rétta litnum!
...rétti liturinn, rétta verðiS, rétta fólkið
Síðumúla 15, sími 553 3070