Morgunblaðið - 25.07.1997, Blaðsíða 16

16 FÖSTUDAGUR 25. JÚLÍ 1997
VIÐSKIPTI
ÚR VERIIMU
MORGUNBLAÐIÐ
Hlutabréfasjóðurinn íshaf á Verðbréfaþing
200 milljóna króna hluta-
fjárútboð í undirbúningi
Þróun gengis Ishafs frá 14. febrúar tii 8. júlí 1997 miðað er við lokagengi dagsins k Í
f h ,
f I L
i i

feb. mars apríl maí júní júlí
HLUTABRÉFASJÓÐURINN ís-
haf hf. verður skráður á Verð-
bréfaþingi íslands í næstu viku.
Heildarnafnverð sjóðsins nemur nú
550 milljónum króna. í næsta
mánuði hyggst sjóðurinn síðan
bjóða út nýtt hlutafé en nafnverð
útboðsins verður 200 milljónir
króna.
Verðbréfafyrirtækið Fjárvangur
hf. mun hafa umsjón með útboðinu
en það sér um vörslu og rekstur
íshafs. Upphafsgengi bréfanna í
útboðinu hefur ekki verið ákveðið
en síðustu viðskipti með hlutabréf
í sjóðnum á Opna tilboðsmarkaðn-
um voru á genginu 1,65. í desem-
ber var boðið út nýtt hlutafé í ís-
hafí að nafnvirði 50 milljónir króna
á genginu 1,50 og er það nú allt
selt.
Tekur virkan þátt
í stjórnun fyrirtækjanna
íshaf fjárfestir aðallega í
sjávarútvegsfyrirtækjum og fyrir-
tækjum tengdum sjávarútvegi.
Markmið sjóðsins er að auka arð-
semi og dreifa áhættu í hluta-
bréfaviðskiptum fyrir almenning
og aðra fjárfesta. Valdimar Sva-
varsson, forstöðumaður fyrir-
tækjasviðs Fjárvangs, segir að
sérstaða sjóðsins felist í því að
hann taki virkan þátt í stjórnun
margra þeirra fyrirtækja sem fjár-
fest er í. Það sé markmið sjóðsins
að stuðla að sameiningu fyrir-
tækja í sjávarútvegi og stuðla
þannig að hagkvæmari rekstri og
aukinni arðsemi. „Hlutabréfasjóð-
ur sem fjárfestir eingöngu í sjáv-
arútvegi er viðkvæmari fyrir
sveiflum en sjóðir sem fjárfesta í
fleiri greinum atvinnulífsins og
því er áhættan meiri í slíkum sjóði.
Á sama hátt eru ávöxtunarvænt-
ingarnar hærri. íshaf fjárfestir í
skráðum félögum á verðbréfa-
markaði en einnig í óskráðum fé-
lögum. í óskráðu félögunum ligg-
ur vaxtarbroddur sjóðsins og
ávöxtunarmöguleikar í slíkum
fjárfestingum eru miklir en áhætt-
an einnig mikil.“
Markaðsverðmæti
eigna 1.300 milljónir
Markaðsverðmæti eigna íshafs
nemur nú alls rúmum 1.300
milljónum króna. Um 31% hluta-
bréfaeignar sjóðsins er í félögum
sem skráð eru á Verðbréfaþingi
íslands, 59% í félögum á Opna til-
boðsmarkaðnum og um 10% í
óskráðum félögum. Verðmætasti
eignarhluti sjóðsins er í Vinnslu-
stöðinni, metinn á 262 milljónir
króna, og vegur hann um 26% af
hlutabréfaeigninni, hlutur í Bú-
landstindi vegur um 13%, í Borgey
um 13% og í Básafelli um 11%.
Auk þess á sjóðurinn hlutabréf í
tuttugu fyrirtækjum víðs vegar um
landið og eru fyrrverandi sam-
vinnufyrirtæki áberandi í þeim
hópi.
Hlutabréfasjóðurinn íshaf hf.
hét áður Útvegsfélag samvinnu-
manna hf. Félagið var stofnað árið
1987 og voru stofnendur þess
Samband íslenskra samvinnufé-
laga og framleiðendur sem voru
aðilar að samtökum fiskframleið-
enda ásamt Samvinnusjóði íslands
hf. og Iceland Seafood Corporati-
on. Stærsti einstaki hluhafinn er
nú íslenskar sjávarafurðir með
59,3% eignarhlut en í lok maí voru
hluthafar 197 talsins.
Verðbréfaþing íslands
Skuldabréf SPRON með
víkjandi ákvæðum skráð
SKULDABRÉF Sparisjóðs Reykja-
víkur og nágrennis, með víkjandi
ákvæðum, voru skráð á Verðbréfa-
þingi íslands i gær. Bréfin eru til
níu ára og er nafnverð útgáfunnar
samtals 250 milljónir króna.
Skuldabréfín hafa öll verið seld í
lokuðu útboði til nokkurra fjárfesta.
Verðbréfafyrirtækið Kaupþing hf.
hafði umsjón með útboðinu.
Skuldabréfin eru víkjandi en það
þýðir að krafa samkvæmt þeim vík-
ur fyrir öllum öðrum kröfum á
hendur útgefanda og við gjaldþrot
eða slit endurgreiðist hún á eftir
öllum öðrum kröfum öðrum en end-
urgreiðslu stofnfjár.
Höfuðstóll ásamt verðbótum end-
urgreiðast í einu lagi á lokagjald-
daga, 24. júní árið 2006, en fastir
6% vextir eru greiddir árlega.
Ávöxtunarkrafa og sölugengi
ákvarðast af markaðsaðstæðum á
hveijum tíma. Á útgáfudegi, 24.
júní sl., var ávöxtunarkrafa 6,4%
og sölugengi 0,97.
Styrkir sparisjóðinn
Guðmundur Hauksson spari-
sjóðsstjóri segir að tilgangur
skuldabréfaútgáfunnar sé að afla
sparisjóðnum ráðstöfunarfjár til
útlána. „Með minnkandi vaxtamun
verða menn að vera vakandi fyrir
nýjum möguleikum til að tryggja
góða afkomu og þessi útgáfa er
dæmi um slíkt. Við völdum að nýta
þennan möguleika á fjármagns-
markaðnum til að afla fjár sem við
notum til útlána eða fjárfestinga
og styrkja þannig efnahag spari-
sjóðsins."
Hækkun-
in enda-
lausa
ÞAU mistök urðu við vinnslu
greinarinnar „Hækkunin
endalausa" eftir Sigurð B.
Stefánsson, sem birtist í við-
skiptablaði í gær, að tvær
setningar brengluðust og
vantaði nokkur orð í þær.
Réttar eru þær þannig:
„Að hluta er erfitt að mæla
þessa framleiðniaukningu
fyrr en um síðir en hún á sinn
þátt í að halda verðbólgu í
skefjum.
Hliðstæðar breytingar er
að fínna víða um lönd og þær
skýra langvarandi hækkun á
verði hlutabréfa."
Beðist er velvirðingar á
þessum mistökum.
Athugasemd frá Skímu
MORGUNBLAÐINU hefur borist
eftirfarandi athugasemd frá Skímu
vegna fréttar sem birtist á viðskipta-
síðu Morgunblaðsins þriðjudaginn
22. júlí sl. undir fyrirsögninni „Víða
vandræði með póstsendingar“.
„Skíma hf., sem er stærsta al-
nets- og tölvupóstsfyrirtæki hér á
landi, hefur uppfært og endurbætt
tölvupóstgátt sína. Tölvupóstgátt
Skímu, Isgátt, sér um að miðla
tölvupósti á milli póstkerfa og gerir
þannig mismunandi póstkerfum
kleift að eiga samskipti sín á milli.
Skíma hefur það að markmiði
að bjóða viðskiptavinum sínum al-
nets- og tölvupóstþjónustu í hæsta
gæðaflokki. Því var ráðist í það
verkefni að fá hraðvirkustu tölvu-
póstgátt sem völ er á. Nýja ísgátt-
in tryggir viðskiptavinum Skímu
meiri hraða, öryggi og aukna þjón-
ustu í t.d. stafrænum (ISDN),
skjalaskiptum milli tölva (EDI), við-
hengjum við skilaboð og á ýmsum
öðrum sviðum.
Samhliða því að skipt var út
tölvupóstgátt fyrirtækisins var inn-
hringilínum fjölgað verulega, vegna
aukinna viðskipta við fyrirtækið.
Markmið Skímu er að hjá fyrirtæk-
inu sé aldrei á tali.
Útskiptingin á tölvupóstgáttinni,
sem er afar flókin og viðamikil að-
gerð, hefur gengið mjög vel. Þijú
fyrirtæki lentu í erfiðleikum með
að senda frá sér póst, en tækni-
menn Skímu hafa leyst þau mál
farsællega.
Margir notendur hafa jafnframt
leitað til Skímu með fyrirspumir
og hefur verið leyst úr þeim eins
fljótt og kostur hefur verið. Truflun
vegna útskiptingar kerfisins hefur
því verið í lágmarki ef horft er til
þess að Skíma sér um tölvupóst-
þjónustu fyrir ijöldamörg fyrirtæki
og opinbera aðila.“
Morgunblaðið/Jón Sigurðsson
ÞÓRÐUR Jónasson EA siglir inn Eyjafjörð, „alveg á nefinu.“
Lítil loðnuveiði
síðustu dagana
Hætt við að mesti krafturinn
sé búinn í sumarveiðinni
HELDUR hefur dregið úr loðnuveiði
síðustu tvo sólarhringa og stærsti
hluti flotans nú við leit á nokkuð
stóru svæði um 120 mílur norður
úr Melrakkasléttu. Skipin fengu góð-
an afla rétt norðan miðlínunnar eft-
ir helgina en nú virðist sem loðnan
hafi dreift sér en sjómenn hafa ekki
gefið upp alla von um góða veiði á
ný-
„Það hefur verið sáralítil veiði síð-
ustu tvo sólarhringa og aðeins frést
af einu skipi sem náð hefur góðu
kasti,“ sagði Viðar Karlsson, skip-
stjóri á Víkingi AK, í spjalli við
Morgunblaðið í gær en hann var þá
á útleið eftir löndun. Hann sagði
lélega veiði samt ekki þýða að botn-
inn væri dottinn úr veiðinni, loðnan
væri dyntótt og alveg eins víst að
veiði glæddist á ný.
Loðnan hefur borðað mikið
og dreift sér
„Loðnan hefur borðað mikið, ligg-
ur þess vegna djúpt og getur gosið
upp á einhveijum svæðum aftur.
Veiðin hefur oft verið stöðug fram
yfir verslunarmannahelgi en það er
ekkert óeðlilegt þó að dragi úr veiði
í nokkra sólarhringa. Hún dreifir sér
oft í smáar einingar þegar hún hefur
fengið sér fullmikið að éta. Það er
því allt eins víst að einhver veiði
verði áfram. Við erum að minnsta
kosti að vona það en það er samt
hætt við að mesti krafturinn sé bú-
inn á sumarvertíðinni. Við höfum
ekki verið að sjá loðnu á mjög stór-
um svæðum á þessari vertíð og því
erfitt að átta sig á því hve mikið
magn er hér á ferðinni."
Viðar segir að sömuleiðis sé nú
farið að kalda á miðunum og það
geti sömuleiðis haft áhrif á veiðarn-
ar. „Tíðin hefur verið einstök frá því
að vertíðin hófst 1. júlí, nánast
blankalogn allan tímann. Það fer vel
um hráefnið í skipunum og því hægt
að koma því heillegu að landi. Það
er mikil áta í loðnunni og hún þolir
illa mikla hreyfingu," sagði Viðar
Karlsson.
Margir langt komnir
með kvóta
Gefinn var út 570.000 tonna kvóti
til loðnuskipanna í upphafi vertíðar
en loðnusjómenn gera ráð fyrir að
kvótinn verði aukinn um 40%, í um
eina milljón tonna. Mörg skip, sem
aðeins eiga einn loðnukvóta, eru nú
þegar langt komin með kvótann og
munu að öllum líkindum hætta veið-
um í bili á næstu dögum. Þau skip
sem eiga tvo kvóta stefna hins veg-
ar að því að klára annan kvótann á
sumarvertíðinni.
Veiði íslenskra skipa á vertíðinni
er nú orðin um 240.000 tonn en
erlend loðnuskip hafa landað hér um
25.000 tonnum. Mest hefur verið
landað hjá SR-mjöli á Siglufirði,
31.000 tonnum.
Norðmenn auka
fiskútflutninginn
Tromsö. Morgunblaðið.
NORÐMENN hafa nú flutt út sjáv-
arafurðir að verðmæti 11,2 milljarðar
norskra króna, um 112 milljarða ís-
lenzkra króna. Það er 5,3% aukning
frá því á sama tíma á síðasta ári.
Um er að ræða tölur frá Stastistisk
sentralbyr og Eksportutvalget yfir
útflutning á sjávarafurðum fyrstu
sex mánuði ársins 1997.
Danmörk og Rússland eru helstu
kaupendur norskra sjávarafurða.
Danmörk er mikilvægasti einstaki
markaðurinn og nam útflutningur
þangað 12 milljörðum íslenzkra
króna, sem er 12% aukning frá sama
tímabili 1996. Útflutningur til Asíu
jókst um 11% og til Rússlands um
fjórðung. Nú er svo komið að rúss-
neski sjávarútvegsmarkaðurinn er
Norðmönnum mikilvægari en sá
bandaríski. Laxinn skapaði Norð-
mönnum 34 milljarða króna í útflutn-
ingsverðmæti sem er um 9% aukning
. Magnið jókst hinsvegar um 15,6%.
Mestu verðmætin koma frá mörkuð-
um i Evrópu eða um 25,8 milljarðar
og er það helst ferskur lax. Fyrir
frystan lax fengust um 3,5 milljarðar
króna og er það um 35% aukning
frá sama tímabili árið áður. Frystur
lax fer aðallega á markað i Taiwan
og í Rússlandi, þó svo mikil aukning
hafi orðið i sölu á frystum laxi á
Evrópumarkaði eða 66,5%.
Útflutningsverðmæti urriða hefur
einnig aukist mikið og nam 1,9 millj-
örðum í lok júnímánaðar, aukning
upp á 60%. Aðalmarkaðssvæði fyrir
urriða er Japan, með 83% hlutdeild
af útflutningsverðmæti.
Saltfískútflutningur dróst hins
vegar saman um 1,7% og er Brasilía
það land sem hefur stærsta markaðs-
hlutdeild.
Allur samanburður á við fyrri
helming ársins 1996.
KjarUw Ólafsson, Tromso.