Morgunblaðið - 25.07.1997, Blaðsíða 26

26 FÖSTUDAGUR 25. JÚLÍ1997
MORGUNBLAÐIÐ
MORGUNBLAÐIÐ
FÖSTUDAGUR 25. JÚLÍ1997 27
STOFNAÐ 1913
ÚTGEFANDI: Árvakur hf„ Reykjavík.
FRAMKVÆMDASTJÓRI: Hallgrímur B. Geirsson.
RITSTJÓRAR: Matthías Johannessen,
Styrmir Gunnarsson.

AFENGISNEYSLA
UNGMENNA
UMRÆÐUR um og áhyggjur af áfengisneyslu ís-
lenskra ungmenna eru ekki nýjar af nálinni. Þær
fylgja hverri kynslóð. Umræðan um unglingadrykkju
er heldur ekki bundin við ísland einvörðungu. Hún er
til staðar í flestum vestrænum ríkjum.
Hjá því verður hins vegar ekki litið að áfengisneysla
íslenskra ungmenna er verulegt vandamál. Fjöldasam-
komur drukkinna ungmenna í miðborg Reykjavíkur og
fjöldadrykkja á skipulögðum jafnt sem óskipulögðum
drykkjusamkomum úti um landið eru fyrirbæri sem
hvergi annars staðar þekkjast í þessum mæli. Það ber
hins vegar að hafa hugfast að það var ekki sú kynslóð
er nú er að vaxa úr grasi er fyrst efndi til samkoma
af þessu tagi.
Þetta vandamál er rótgróið og það verður ekki leyst
með því að hneykslast á unglingum hvers tíma heldur
með viðhorfsbreytingu. Slys, ofbeldisverk, nauðganir
og afbrot eru óhjákvæmilegir fylgifiskar óvarlegrar
umgengni við áfengi. Þá liggur fyrir að margir ná aldr-
ei tökum á áfengisneyslu sinni og því fyrr sem hún
hefst því meiri líkur eru á að hún fari úr böndunum,
með hörmulegum afleiðingum. Unglingar eru í meiri
hættu en áður á að leiðast úr áfengisdrykkju yfir í
eiturlyfjaneyslu, enda eru ólögleg eiturlyf aðgengilegri
en nokkru sinni áður og ofbeldi, sem þeim tengist,
hefur orðið æ grófara.
í nýrri viðhorfskönnun fyrir verkefnisstjórn áætlun-
arinnar ísland án eiturlyfja árið 2002 kemur fram að
96% aðspurðra á aldrinum 23-54 ára telja að ungling-
ar eigi ekki að byrja að neyta áfengis fyrr en við 16
ára aldur. Nýlegar kannanir sýna hins vegar að um
80% 15 ára unglinga hafa þegar neytt áfengis einu
sinni eða oftar.
Fram kemur í sömu könnun að margir foreldrar vita
ekki af því að börn þeirra drekka áfengi. í sumum til-
vikum gæti verið áhuga- eða skeytingarleysi foreldra
um að kenna. Foreldrar bera hins vegar ábyrgð á börn-
um sínum og eru forráðamenn þeirra allt fram til 18
ára aldurs. Þeim ber skylda til að fylgjast með þessum
málum.
Líklega er það óhjákvæmileg afleiðing þeirrar for-
vitni er fylgir unglingsárunum að ungmenni munu flest
hver hafa bragðað áfengi áður en þau hafa aldur til
samkvæmt lögum. Það er hins vegar samfélagsins og
þá fyrst og fremst foreldranna að tryggja að þeirri
forvitni sé haldið innan skynsamlegra marka, með að-
haldi, trausti og góðu fordæmi þannig að sem fæstir
missi fótanna heldur læri að umgangast áfengi á agað-
an og skynsamlegan hátt.
SAMKEPPNIÁ
SÍMAMARKAÐI
TÍMAMÓT urðu í fjarskiptamálum hér á landi í fyrra-
dag er nýtt fyrirtæki, Islenzka farsímafélagið ehf.,
fékk afhent leyfi til að starfrækja GSM-farsímaþjón-
ustu í samkeppni við Póst og síma. Með þessari leyfis-
veitingu er lokið áratugalangri einokun eins ríkisfyrir-
tækis á símamarkaðnum hér á landi.
Yfirlýsingar forráðamanna íslenzka farsímafélags-
ins, sem er að mestu leyti í eigu bandarískra fyrir-
tækja, um að þeir hyggist bjóða upp á þjónustu á fleiri
sviðum fjarskipta þegar fullt frelsi í fjarskiptamálum
tekur gildi um næstu áramót, eru jafnframt ánægjuleg-
ar. Virk samkeppni á sem flestum sviðum er neytendum
til hagsbóta, eins og fjöldi dæma sannar.
Ætla má að þjónusta við símnotendur batni og verð
lækki - raunar hefur Póstur og sími þegar lækkað
gjöld í GSM-kerfi sínu, eftir að fréttist af hinni nýju
samkeppni. Vonandi fjölgar keppinautum risans á fjar-
skiptamarkaðnum.
Heilbrigðisráðuneytið
hefur gert tólf sjúkrahús-
um á landsbyggðinni að
spara 31,8 milljónir
króna á þessu ári og á
næstu þremur árum er
áætlað að þau spari 160
milljónir króna alls.
Gréta Ingþórsdóttir
ræddi við framkvæmda-
stjóra nokkurra lands-
byggðarsjúkrahúsa.
SJUKRAHÚSIN tólf eru á
Sauðárkróki, Siglufírði,
Blönduósi, Hvammstanga,
Húsavík, Egilsstöðum, í
Neskaupstað, á Seyðisfirði, ísafirði,
Patreksfirði, í Stykkishólmi og Vest-
mannaeyjum. Tillögurnar gerði
þriggja manna nefnd, sem sett var á
laggirnar í ársbytjun til að vinna til-
lögur að hagræðingu í rekstri lands-
byggðarsjúkrahúsa. í skýrslu nefnd-
arinnar, sem kynnt verður í næsta
mánuði, eru tillögur að hagræðinga-
raðgerðum fyrir árin 1997 og 1998
svo og fyrstu hugmyndir fyrir 1999.
Tiliögurnar hafa verið kynntar fjár-
lagaskrifstofu og fjármálaráðuneyti
og verða fjárveitingar samræmdar
þeim. Ráðuneytið hefur óskað eftir
athugasemdum og nýjum ábending-
um frá viðkomandi sjúkrahúsum.
Þörfin minnkar ekki
Forsvarsmenn sjúkrahúsanna eru
mjög ósáttir við hversu seint tilmæli
ráðuneytisins berast og segja að stöð-
ug óvissa um framtíð sjúkrahúsanna
valdi erfiðleikum við að ráða fólk til
starfa. Þá benda þeir á það sem stað-
reynd að góð og örugg heilsugæsla
sé ein forsendna búsetu og sparnað-
aráformin séu aðför að landsbyggð-
inni. Þeir segja einnig að þörfín fyrir
heilsugæslu eigi ekki eftir að minnka
og verði þjónustan á landsbyggðinni
skert muni það einfaldlega þýða auk-
ið álag á sjúkrahús höfuðborgarsvæð-
isins með tilheyrandi kostnaði.
Sjúkrahúsinu á Húsavík er gert
að spara mest á þessu ári eða 7,8
milljónir króna. Þar var haldinn fund-
ur með ófaglærðu starfsfólki á mánu-
dag og þær leiðir kynntar sem hugs-
anlega eru færar til að mæta kröfum
ráðuneytisins um sparnað. Fækka
þarf sjúkrarúmum úr 54 í 47 og ljóst
að samhliða því verður að fækka
stöðugildum um þrjú til fjögur.
Heilsugæsla forsenda búsetu
Á sjúkrahúsinu á Patreksfírði á að
spara 4,5 milljónir á þessu ári og 12
milljónir á næstu þremur árum. Að
sögn Þórunnar Guðmundsdóttur,
stjómarformanns sjúkrahússins, hefur
verið unnið markvisst að hagræðingu
síðan í febrúar þegar ný stjórn tók
við og nýr framkvæmdastjóri hefur
verið við sjúkrahúsið frá áramótum.
„Við erum búin að hagræða eins og
mögulegt er án þess að komi til skerð-
ingar. Við höfum þó ekki þurft að
segja upp fólki og vonandi þarf ekki
að koma til þess.“ Þórunn segist ekki
sjá hvemig á að vera hægt að spara
12 milljónir á næstu þremur ámm án
þess að skerða þjónustu og segja upp
fólki. „Það er frumforsenda fyrir því
að fólk vilji búa úti á landi að heilsu-
gæsla sé í lagi. Auk þess er erfiðara
að fá fólk til starfa, bæði lækna. og
hjúkrunarfræðinga þegar niðurskurð-
ur vofír yfír.“ Því til stuðnings segir
Þómnn að sjúkrahúsið hafí ________
í vor auglýst eftir hjúkran-
arfræðingi og ekki fengið
nein viðbrögð.
Vilja hlutdeild í
hagsældinni
Fjórðungssjúkrahúsinu á ísafirði
er gert að spara fimm milljónir á
þessu ári og 8,5 milljónir til viðbótar
á næstu tveimur árum. Guðjón
Brjánsson framkvæmdastjóri segir
að sparnaður þessa árs verði að ger-
ast á hálfu ári þar sem ekki hafi
borist tilkynning um hann fyrr en í
júlí. Hann segir reksturinn vera í járn-
Tólf sjúkrahúsum á landsbyggðinni gert að spara 32 milljónir á árinu
Spamaður næst að-
eins með niðurskurði
Erfittaðfá
fagfólk til
starfa
um og sjúkrahúsið geti engan veginn
tekið á sig auknar kröfur um hagræð-
ingu á næsta ári. „Ekki má gleyma
því að niðurskurður undangenginna
ára hefur verið 2-4% á ári. Það er
verið að færa fé frá landsbyggðar-
sjúkrahúsunum til sjúkrahúsanna á
höfuðborgarsvæðinu og ekki verður
hægt að sækja það fé aftur sem nú
er verið að taka af okkur. í rauninni
er þetta lymskuleg aðför þar sem
höggvið er að rótum samfélagsins.
Óöryggi og upplausnarástand ýtir
undir los á fólki.“
Guðjón segir að stöðugildum hafi
fækkað um 4-5 á undanfömum árum
með því að ekki hefur verið ráðið í
stöður þeirra sem hafa hætt. Á sama
tíma hafí þjónustan verið stóraukin
á öllum sviðum. „Færri hendur vinna
fleiri verk. Að einhverju leyti er hægt
að færa fólki meiri verkefni en allt
hefur sín takmörk. Við höfum fjölgað
skurðaðgerðum um helming frá 1993,
rannsóknir og röntgenskoðanir hafa
verið að aukast. Við fáum nánast
annan hvern mánuð háls-, nef- og
eyrnalækni sem gerir skurðaðgerðir,
sérstaklega á börnum, sem færu suð-
ur til aðgerðar að öðram kosti. Með
barni þarf a.m.k. annað foreldri að
fara suður til aðgerðar og það þýðir
vinnutap í a.m.k. viku. Þetta er starf-
semi sem við viljum auka, enda
hlaupa þær á tugum milljónirnar sem
þetta fyrirkomulag sparar íbúunum
hér, auk þess sem við léttum á spítöl-
unum í Reykjavík."
Guðjón segir að hugsanlega þurfi
að taka róttækar ákvarðanir í starfs-
________ mannamálum ef fullur
spamaður eigi að nást en
hann segir að forsvars-
menn sjúkrahússins bíði
nú átekta og horfí til þess
- að fá að njóta einhvers af
aukinni hagsæld í þjóðfélaginu, eins
og forsætisráðherra hafi boðað. „Við
fylgjumst grannt með, bíðum átekta
og vonum að fullar kistur fjár reki á
land,“ segir Guðjón.
Héraðshlutdeild komin í 67%
Á Sjúkrahúsinu á Sauðárkróki er
gert ráð fyrir fímm milljóna króna
spamaði á þessu ári og alls 25 millj-
Yfirlit um hagræðingarkröfur
til landsbyggðarsjúkrahúsa
1997 - tillögur starfshóps
Fjárlög Lækkun
millj. kr. millj. kr.
Sauðárkrókur 291,1 5,0
Siglufjörður 141,2 1,0
Blönduós 128,3 1,0
Hvammstangi 94,1 1,0
Húsavík 247,2 7,8
Egilsstaðir 110,8 1,0
Neskaupst. 177,6 0,5
Seyðisfjörður 91,3 2,0
ísafjörður 218,8 5,0
Patreksfjörður 76,6 4,5
Stykkishólmur 114,5 1,0
Vestm.eyjar 189,3 2,0
ónum á næstu þremur árum. Mikið
hefur verið hagrætt á sjúkrahúsinu
undanfarin ár og að sögn Birgis Gunn-
arssonar framkvæmdastjóra verður í
haust búið að fækka um 20 stöðugildi
á þremur árum. Hann telur að ekki
þurfí að koma til uppsagna á þessu
ári. „Við sáum fyrir okkur að við
gætum sparað þijár milljónir á þessu
ári en ekki fimm. Við getum hagrætt
upp að ákveðnu marki en ekki sem
samsvarar 25 milljónum á næstu
þremur árum. Það er útilokað nema
stórskerða starfsemina," segir Birgir.
Sjúkrahúsið á Sauðárkróki hefur,
að sögn Birgis, verið að auka svokall-
aða héraðshlutdeild og sinnir það nú
67% af sjúkralegum Skagfirðinga.
„Við höfum líka verið að efla farand-
þjónustu en ýmsir sérfræðingar koma
hingað og gera aðgerðir á sjúklingum
hér á staðnum, enda höfum við alla
aðstöðu og sérmenntað starfsfólk.
Við teljum að það sé þjóðhagslega
hagkvæmt að veita þjónustuna á
þennan hátt,“ segir hann.
Birgir segir að honum lítist ekki á
ef ráðuneytismenn ætli að halda til
streitu upphaflegum áætlunum sínum
um sparnað. „Svo er óþolandi að til-
lögur koma fyrst fram í október í
fyrra. Nú er kominn júlí og það er
ekki enn búið að útfæra þetta. Það
er dæmalaust hvemig að þessu er
staðið. Við viljum fara að fá botn í
málið.“
Tækni og samgöngur leiða til
breytts forms sjúkrahúsa
Á Fjórðungssjúkrahúsinu í Nes-
kaupstað á að spara hálfa milljón á
þessu ári. Kristinn ívarsson fram-
kvæmdastjóri segir að 8-10% halli
hafí verið á rekstrinum undanfarin
ár og stjómendur hafí barist fyrir
auknu rekstrarframlagi. „Það er
kominn tími til að menn auki fjár-
magn til þessara sjúkrahúsa eða
skipti pakkanum upp á nýtt. Það
þarf að skilgreina rekstur þessara
stofnana." Hann segir að ekki sé
hægt að fækka stöðugildum. Lítið sé
um ófaglært starfsfólk nema á stoð-
deildum og hjúkranarfræðinga vanti.
Kristinn segir að 20 milljónir vanti
inn í reksturinn á ársgrundvelli. „Það
er brýnt að niðurstaða fáist í alla
þessa umræðu. Ef ríkisvaldið ætlar
að breyta eðli þessara stofnana þá
er eins gott að fara að gera það og
eyða óvissu hjá öðrum. Bættar sam-
göngur innan landshluta og breytt
tækni hljóta að leiða til breytts forms
einhverra húsa.“
Samvinna heilsugæslustöðva
Innlögnum hefur fjölgað um 13%
milli áranna 1995 og 1996 og aukn-
ingin er 23% á þessu ári miðað við
sama tíma á síðasta ári. „Við erum
að fá sérfræðinga frá Reykjavík til
okkar. Kvensjúkdómalæknir, þvag-
færaskurðlæknir og háls-, nef- og
eyrnalæknir koma hingað og nota
rannsókna- og skurðstofuaðstöðuna
hér. Háls-, nef- og eyrnalæknir fer
t.d. um Austurland og safn- ______
ar saman því sem þarf að
vinna á skurðstofu. Þetta
er gert í samvinnu heilsu-
gæslustöðva á Mið-Austur-
landi. Það hefur verið —
ásetningur heilbrigðisyfirvalda
færa þessa sérfræðiþjónustu nær
fólkinu. Þar er líka mjög brýnt að
halda fagfólki, sem vinnur á stærri
landsbyggðarsjúkrahúsunum, í þjálf-
un. Það er ekki til neins að eiga fullt
af búnaði og kunna ekki að fara með
hann. Með þessu fyrirkomulagi getur
sparast mikið í ferðakostnaði og vinn-
utapi. Við veltum því einu sinni fyrir
að
okkur að loka hér í tvo mánuði vegna
þess að það sparaði okkur helling en
við reiknuðum út að kostnaðurinn við
sparnaðinn yrði meiri en sparnaður-
inn, fyrir utan óhagræðið af því að
hafa svona stofnun lokaða," sagði
Kristinn.
Starfsemin hefur sprengt
fjárlagarammann
Rekstur Fjórðungssjúkrahússins á
Akureyri hefur verið í jafnvægi þar
til á síðasta ári að 1% halli varð.
Vignir Sveinsson, aðstoðarfram-
kvæmdastjóri FSA, segir að ekki
hafi verið sett fram sérstök spamað-
arkrafa á sjúkrahúsið en vegna tölu-
verðs hallareksturs á þessu ári og
útlits fyrir að svo verði áfram út árið
verði að bregðast við. „Við erum að
sjálfsögðu í því alla daga að gæta
aðhalds og ýtrustu sparsemi. Starf-
semin er búin að sprengja þann fjár-
lagaramma sem við höfum þannig
að ljóst er að grípa þarf til ráðstaf-
ana. Annaðhvort þarf að auka fjár-
magn eða skera niður þjónustu. Enn
sem komið er hefur ekki þurft að
segja upp fólki þótt stöðugildum hafí
eitthvað fækkað.“ Vignir segir að
staða sjúkrahússins hafi verið kynnt
fyrir heilbrigðisráðuneytinu og svara
þaðan sé vænst fljótlega. „Við bíðum
eftir umfjöllun og svörum um fjár-
hagsramma þessa árs og næsta. Þetta
gerist seint og eftir því sem tíminn
líður verður þeim mun erfiðara að
bregðast við.“
Færri fara til Reykjavíkur
_________ Vignir segir að rekstrar-
hallinn stafi af mikilli
aukningu í starfsemi FSA.
Aðgerðum og rannsóknum
hafi ijölgað auk þess sem
. almennt flæði sjúklinga
gegnum stofnunina hafí aukist. „Það
er aukning í öllum þáttum starfsem-
innar sem kemur tii af minnkandi
streymi frá upptökusvæði FSA til
Reykjavíkursvæðsins. Þetta hefur
verið staðfest í tölum þaðan. Það
mælir allt með því að sjúklingar fái
þjónustu í sinni heimabyggð, ef hægt
er að veita hana þar með hagkvæm-
um hætti," segir Vignir.
Beðið eftir
að óvissu
verði eytt
Veiðifélag Laxár og Krákár um stífluhækkun við Laxárvirkjun
Samkomulag
fellt með 19 at-
kvæðum gegn 17
FELLT var í fyrrakvöld á fundi í Veiðifélagi
Laxár og Krákár að ganga til samninga við
Landsvirkjun um hækkun á Laxárstíflu.
Nítján fundarmenn voru andvígir samkomu-
laginu og sautján meðmæltir. Hugmyndin er að hækka
stífluna um 10 metra í því skyni að draga úr san-
drennsli í Laxá sem berst í hana úr Kráká. Sandburð-
urinn hefur skemmt vélbúnað Laxárvirkjunar og tal-
ið er hugsanlegt að hann hafi slæm áhrif á lífríkið í
ánni.
Fulltrúar Landsvirkjunar gerðu á fundinum grein
fyrir helstu atriðum samkomulagsins, svo og Stefán
Skaftason, samningamaður landeigenda, og Eysteinn
Sigurðsson, formaður Veiðifélagsins, og Árni Einars-
son, forstöðumaður Náttúrurannsóknastöðvarinnar
við Mývatn, kynnti hugmyndir um rannsóknir sem
miða að því að fá svör við spurningu um hvort sand-
ur í Laxá hamli vexti eða viðkomu fiskistofna í ánni.
Eysteinn Sigurðsson bóndi á Arnarvatni, formaður
veiðifélagsins, lýsti því yfir í upphafi að yrði sam-
komulaginu hafnað myndi hann segja af sér for-
mennsku og þegar sú varð niðurstaða atkvæða-
greiðslunnar gerði hann það. Eysteinn vildi ekki
svara spurningum Morgunblaðsins um þessar niður-
stöður fundarins og kvað afskiptum sínum af málinu
lokið.
Mistök að fella
samninginn
„Ég tel að það hefi verið gerð mjög mikil mistök
með að fella þennan samning og það sem mér finnst
sárast er að þeir sem höfðu forystu um að vinna
gegn honum hafa lítilla eða engra hagsmuna að
gæta og eru ekki einu sinni búsettir á svæðinu,“ seg-
ir Hjörleifur Sigurðsson, bóndi á Grænavatni; en hann
situr í stjórn Veiðifélags Laxár og Krákár, „Ég er enn
í stjórninni og hef ekki tekið ákvörðun um hvort ég
muni segja mig út henni en ég reikna alveg eins með
því.“
Hjörleifur segir að þótt félagið hefði samþykkt
samkomulagið hefði það ekki þar með verið að sam-
þykkja stífluna sem slíka heldur aðeins að hefja rann-
sóknaferil og annan undirbúning með umhverfismati
og skoðun hjá Náttúruvernd ríkisins. „Við vorum
ekki að samþykkja nein spjöll og ég treysti Náttúru-
vernd ríkisins til að taka málefnalega afstöðu.“
„Það sem mér finnst verst er að ég tel að menn séu
í raun að hafna ákveðnum rannsóknum. Ákvörðun
Náttúruverndar ríkisins hefði byggst á einhveijum
rökum og í öðru lagi voru í boði umtalsverðir fjármun-
ir sem áttu að renna til landgræðslu á svæðinu og
bætur fyrir tjón. Menn búa ekki betur en það að
svæðið hefur ekki efni á að missa þá aura sem bjóð-
ast meðan menn eru ekki að taka neina áhættu, hér
erum við ekki að taka neina áhættu.“
Viljum fara varlega
„Á fundinum fóru fram miklar og líflegar umræð-
ur og mér fannst ekki síst mikilvægt og fróðlegt að
fá kynningu Árna Einarssonar á hugmyndum um
rannsóknaráætlun," sagði Halldór Valdimarsson, einn
landeigenda, í samtali við Morgunblaðið. „Innlegg
hans var gott fyrir okkur sem viljum fara varlega í
þessi mál. Ég og fleiri erum á því að okkur sé ekki
stætt á því að gera samning um stífluhækkun áður
en þessi eðlilegi aðdragandi ætti sér stað, sem eru
rannsóknir Rannsóknastöðvarinar á svæðinu. í lögun-
um um verndun Laxár- og Mývatnssvæðisins eru
ákvæði um að rannsóknir verði að fara fram áður
en nokkrar frekari framkvæmdir verði gerðar. Það
sem skipti okkur í tvær fylkingar var það að þeir sem
vildu samþykkja samninginn töldu í lagi að hefja
rannsóknir eftir að stífluhækkunin væri samþykkt
en við töldum ekki sæmandi að gefa grænt ljós á
stíflu og hefja síðan rannsóknir á því hvort hún væri
skaðvænleg lífríkinu eða ekki. Við vildum gefa málinu
þann tíma sem þyrfti.“
Ýmsar
rannsóknir
í hugmyndum að rannsóknaramma er varpað fram
tveimur meginspurningum: Hamlar sandur í Laxá vexti
eða viðkomu fiskistofna? Hvaða aðgerðir eru nægileg-
ar vilji menn minnka sand í ánni? Bent er á að rann-
saka þurfi hvort kjörlendi fyrir laxa sé af skornum
skammti, hvort fæðuframboð sé takmarkað, hvort það
sé minna á sandbotni en gijótbotni og hvort sandrek
hamli vexti bitmýs á grjótbotni.
MIKLAR umræður urðu á fundi Veiðifélags Laxár
og Krákár um hækkun á stíflu við Laxárvirkjun
og var samkomulagi við Landsvirkjun hafnað.
Forstjóri Landsvirkjunar
Vonbrigði að ná
ekki samkomulagi
„ÁN samkomulags af þessu tagi verður að svo stöddu
ekkert úr ráðagerðum Landsvirkjunar um að hækka
stífluna því ætlunin var að fyrsta skrefið í þá átt
yrði samkomulag milli Landsvirkjunar annars vegar
og Veiðifélags Laxár og Krákár, Veiðifélags Laxár
og Landeigendafélags Laxár og Mývatns hins vegar.
Sú andstaða, sem nú er komin fram í þessari málsmeð-
ferð, er okkur því mikil vonbrigði," sagði Halldór
Jónatansson, forstjóri Landsvirkjunar, aðspurður um
þá niðurstöðu fundar Veiðifélags Laxár og Krákár
að hafna hækkun stíflunnar.
Forsljóri Landsvirkjunar sagði að ætlunin hefði
verið að bera samkomuiagið um hækkun stíflunnar
undir Náttúruvernd ríkisins og Náttúrurannsókna-
stöðina við Mývatn og leita síðan lagaheimilda eftir
því sem nauðsynlegt kynni að reynast. „Án samkomu-
lags verður ekki lengra haldið að svo komnu máli.
Hins vegar vonuðumst við til að samkomulag næðist
og okkur eru mikil vonbrigði að ekki tókst betur til
en raun ber vitni því þarna hafa aðilar sameiginlegra
hagsmuna að gæta, báðir hafa hagsmuni af því að
draga úr sandburðinum, auk þess sem samkomulagið
gerði ráð fyrir bótagreiðslum af ýmsum toga til lan-
deigenda og veiðiréttarhafa," sagði Halldór Jónatans-
son.
Sandburður truflar
Takist að minnka sandburð að stöðvarhúsinu má
draga verulega úr sliti á vélbúnaði og segir forstjóri
Landsvirkjunar einnig að hækkun stíflunnar myndi
draga úr ístruflunum og þar með myndi rekstrarör-
yggi virkjunarinnar aukast og rekstrarkostnaður
minnka. Þá myndi 10 metra hækkun stíflunnar auka
aflgetu Laxárvirkjunar um 4 MW á mjög hagstæðan
hátt. „Við höfum einnig staðið í þeirri trú að þetta
myndi hafa góð áhrif á lífríkið neðar í ánni sem líður
fyrir sandburðinn og talinn er m.a. standa hrygningu
laxins þar fyrir þrifum. Þá var einnig hugmyndin að
ná samkomulagi um að draga úr uppblæstri og þar
með sandburði í ána með sameiginlegu átaki við upp-
græðslu og dreifingu áburðar í Krákárbotnum,“ seg-
ir Halldór Jónatansson ennfremur.
Á fundinum voru tveir fulltrúar LandsVirkjunar
og kynntu þeir áform um siikt samkomulag á breiðum
grundvelli og vonuðust Landsvirkjunarmenn til að
slíkt myndi geta rennt stoðum undir víðtækt sam-
starf milli allra aðila sem málið varðar. „Öll von er
samt ekki úti, málin eru í biðstöðu og vera kann að
menn eigi eftir að ná saman þegar fram í sækir.“