Morgunblaðið - 02.08.1997, Síða 16

16 LAUGARDAGUR 2. ÁGÚST 1997
MORGUNBLAÐIÐ
VIÐSKIPTI
Mikill vaxtamunur milli íslands og nágrannalandanna grefur undan afkomu útflutningsfyrirtækja
Ekki von á vaxtabreyt-
ingum hjá Seðlabanka
6,6 milljarðar rifnir út í útboði Lánasýslunnar í gær
SEÐLABANKI íslands mun ekki
grípa til neinna vaxtalækkana að
sinni, að sögn Eiríks Guðnasonar
seðlabankastjóra. Hann segir for-
sendur bankans fyrir núgildandi
vöxtum óbreyttar og því sé engin
ástæða til neinna vaxtabre_ytinga nú.
Mikill vaxtamunur milli Islands og
nágrannaríkjanna hefur hins vegar
leitt til mikils innstreymis gjaldeyris
og tilheyrandi gengishækkana og
telja viðmælendur Morgunblaðsins á
fjármagnsmarkaði að frekari geng-
ishækkanir kunni að hafa alvarlegar
afleiðingar, fyrst og fremst fyrir
útflutningsfyrirtækin.
„Við sjáum það sem hefur verið
að gerast á markaðnum," segir Ei-
ríkur. „Skammtímavextir hafa held-
ur lækkað en á sama tíma fara
vextir erlendis heldur hækkandi ef
við vegum þá gagnvart okkar gjald-
eyrisvog. Munurinn milli landa fer
því heldur minnkandi um þessar
mundir, bæði vegna lækkandi vaxta
hér á landi og hækkandi vaxta er-
Iendis.“
Eins og fram hefur komið hefur
gengi íslensku krónunnar nú hækk-
að um tæp 2,5% frá áramótum og
eru horfur á framhaldi á þeirri þróun
þar sem gjaldeyrisinnstreymi er enn
mjög mikið vegna hins mikla vaxta-
munar milli íslands og helstu viðmið-
unarlanda. Á síðastliðnum mánuði
hefur gengi krónunnar hækkað um
0,75% að jafnaði og hækkun krón-
unnar gagnvart ýmsum evrópskum
gjaldmiðlum er enn meiri vegna
hækkunar á gengi dollars sem vegur
þungt í gengiskörfu krónunnar.
Þeim aðilum, sem Morgunbiaðið
ræddi við á fjármagnsmarkaði í
gær, ber öllum saman um að sporna
verði við frekari gengishækkunum
krónunnar með einhverjum hætti.
Bent er á að svo mikil hækkun á
jafn skömmum tíma muni örva inn-
flutning og auka þar með á við-
skiptahalla við útlönd, jafnframt því
sem hætta sé á því að einkaneyslan
fari úr böndunum vegna lækkandi
vöruverðs á innfluttum vörum. Þetta
kunni því að leiða til aukinnar þenslu
í hagkerfinu hér heima fyrir.
Á Seðlabankinn
að lækka vexti...
Hins vegar ber mönnum ekki sam-
an um hvaða aðferðum skuli beitt.
Fjölmargir benda þó á Seðlabankann
og segja að við kringumstæður sem
þessar verði bankinn að lækka vexti
til þess að draga úr þessu mikla
gjaldeyrisinnstreymi. Verði það ekki
gert sé bankinn að stuðla að enn
frekari hækkun á gengi krónunnar,
sem gangi þvert á lögbundin mark-
mið bankans, þ.e. að stuðla að stöð-
ugu verðlagi og gengi krónunnar.
... eða á ríkið að grípa
inn í þessa þróun?
Eiríkur segist hafa séð þessa rök-
semdafærslu og það sé gott að menn
séu vakandi fyrir hreyfingum á þess-
um markaði.
„Það dregur hins vegar úr inn-
lendri neysiu ef vextir eru háir, það
er samdóma álit hagfræðinga. Það
er ágætt að menn hugsi þetta svona
og ræði en við sjáum ekki nein
þenslumerki í þeim tölum oggögnum
sem við höfum, nema síður sé. Verð-
bólguspá okkar lækkaði nýlega
vegna þeirra gagna sem hafa borist.
Ef eitthvað er teljum við að við-
skiptajöfnuður muni verða skárri en
áætlanir hafa bent til. Ástandið er
því að þessu leyti mjög gott.“
Gengi húsbréfa og spariskírteina frá áramótum
%
Hinn möguleikinn, sem bent er á
í þeirri stöðu sem nú er komin upp,
er að ríkissjóður komi af auknum
krafti inn á innlendan fjármagns-
markað með því að auka innlendar
lántökur og nota það fé sem fengist
með þeim hætti til þess að greiða
niður erlendar skuldir ríkissjóðs.
Slíkar aðgerðir myndu draga úr
eða stöðva vöxtinn á gjaldeyrisforða
landsmanna og um leið hindra frek-
ari gengishækkanir krónunnar.
Með slíkum aðgerðum þyrfti rík-
issjóður hins vegar að enduríjár-
magna sig með dýrari lánum en
þeim sem hann hefur þegar tryggt
sér erlendis enda eru vextir um 2,6%
hærri að jafnaði hér á landi.
Hins vegar er bent á að slíkur
kostnaðarauki kynni að borga sig
til lengri tíma litið enda mun sam-
keppnisstaða útflutningsgreinanna
hljóta verulegan skaða af frekari
gengishækkunum krónunnar sem
þá skili sér í lakari afkomu ríkis-
sjóðs.
6,6 milljarðar runnu
út í útboði á ríkisvíxlum
Mikil eftirspurn reyndist vera eft-
ir 75 daga ríkisvíxlum í útboði Lána-
sýslu ríkisins í gær. Alls bárust gild
tilboð að fjárhæð 9,35 milljarða
króna og var tekið tilboðum fyrir
6,6 milljarða króna. Þar af tók Seðla-
banki Islands 1 milljarð á meðal-
verði tekinna tilboða, sem var 6,81%.
Þetta er nokkru lægri ávöxtun en
verið hafði á eftirmarkaði fyrir út-
boðið og er þetta jafnframt um 9
punkta lækkun frá síðasta útboði
Lánasýslunnar.
Mikil viðskipti á Verðbréfaþingi
Röskir 4 milljarðar
á tveimur dögum
VIÐSKIPTI á Verðbréfaþingi ís-
lands námu 2.248 milljónum króna
í gær og er dagurinn því sá annar
stærsti í sögu þingsins. Á fimmtudag
námu viðskipti dagsins 2.021 milljón
króna þannig að heildarviðskipti
tveggja síðustu daga eru 4.269 millj-
ónir króna. Mest viðskipti í gær voru
með ríkisvíxla, 1.696 millj., húsbréf
243 millj. króna og bankavíxla 202
millj. Markaðsávöxtun ríkisvíxla
lækkaði um 7 punkta.
Viðskipti með hlutabréf á VÞÍ og
OTM námu rúmum 87 milljónum.
Mest viðskipti voru með hlutabréf í
SÍF, 10,5 milljónir, Flugleiðir 10
millj. og Þróunarfélagið rúmar 7
milljónir. Gengi hlutabréfa í Þró-
unarfélaginu hækkaði um 2,3% í gær
í kjölfar milliuppgjörs félagsins
Gengi hlutabréfa í Eimskip hefur
lækkað undanfarna tvo daga eftir
að niðurstöður miiliuppgjörs félags-
ins birtust en síðustu viðskipti með
bréf félagsins í gær voru á áttföldu
nafnverði, en á miðvikudag var loka-
gengi hlutabréfa í Eimskip á geng-
inu 8,55. Ein viðskipti voru með
hlutabréf í Hampiðjunni í gær, á
genginu 3,50, sem einnig birti niður-
stöður milliuppgjörs á fímmtudag,
en þann dag lækkaði gengið um
14,3% frá síðustu viðskiptum sem
voru á genginu 4,20.
Auglý.sing þessi er eingöngu birt í upplýsingaskyni.
ÍÍ
Skuldabréf Sparisjóðsins í Keflavík,
með víkjandi ákvæði, 1. flokkur 1996,
á Verðbréfaþing íslands.
Verðbréfaþing hefur ákveðið að taka skuldabréf
Sparisjóðsins í Keflavík, með víkjandi ákvæði, 1. flokk
1996, á skrá. Bréfin verða skráð fimmtudaginn, 7. ágúst
nk. Skráningarlýsingu er hægt að fá hjá umsjónaraðila
skráningarinnar, Kaupþingi hf. Hjá Kaupþingi hl. er
einnig hægt að nálgast þau gögn sem vitnað er til í
skráningarlýsingunni, s.s. samþykktir og síðasta
ársreikning.
KAUPÞING HF
Alhliðci verbréfaþjónusta
Ármúla 13A, 108 Reykjavík
Sími 515-1500, fax 515-1509
| ,_i mest seldu fólksbíla- K ) Breyt.frá _J jan.-jull 1997 fyrra ári Fjöldi % %
1 Toyota 1056 16,6 +6,5
? Subaru 779 12,2 +133,2
3 Volkswaqen 612 9,6 +1,0
4 Mitsubishi 570 9,0 +64,3
Fi Hvundai 508 8,0 +30,9
fi Nissan 498 7,8 +4,6
7 Opel 426 6,7 +32,3
fi. Suzuki 371 5,8 +15,6
9. Ford 278 4,4 +15,4
m Renault 276 4,3 +27,2
11 Honda 186 2,9 +64,6
1? Peuqeot 118 1,9 +140,8
1.3 Ssanqyonq 104 1,6 +316,0
14 Volvo 101 1,6 0,0
13 Mazda 87 1Á -7,4
Aðrar teg. 394 6,2 -12,8
Samtals 6.364 100,0 +25,3
Bifreiða-
innflutn.
í janúar
til júlí
1996 og
1997
VORU-,
SENDI- og
HÓPFERÐA-
BÍLAR, nýir
634
509
1996 1997 1996 1997
Fjórðungs aukning í bíiainnflutningi
Tæplega 1400 fleiri fólksbílar voru nýskráðir fyrstu sjö
mánuði ársins en á sama tímabili í fyrra, 6.364
samanborið við 5.078 þá, eða 25,3%. Þá jókst
innflutningur vörubifreiða, hóp- og sendibifreiða einnig
verulega eða um 24,5% eins og sést á súluritinu. Toyota
skipar efsta sætið með 1056 fólksbíla nýskráða fyrstu sjö
mánuði ársins. Mikil aukning hefur orðið í nýskráningum
á Subaru fólksbílum eða 133,2%.
*
Verðbréfareikningur Islandsbanka
Ávöxtun miðuð
við ríkisvíxla
ÍSLANDSBANKI hefur stofnað
nýjan innlánsreikning, Verðbréfa-
reikning íslandsbanka, sem er
tengdur ávöxtun á fjármagnsmark-
aði. Reikningurinn er óverðtryggð-
ur og taka vextir hvetju sinni mið
af mánaðarlegum ríkisvíxlaútboð-
um að frádregnum 0,75%. Af þeim
reikningum sem stofnaðir verða
fyrir 10. september nk. verður frá-
drátturinn 0,50% fram til áramóta.
Að sögn Birnu Einarsdóttur, for-
stöðumanns markaðsdeildar hjá
íslandsbanka, var reikningurinn
settur á laggirnar í gær og voru
viðtökurnar góðar. „Vextir Verð-
bréfareiknings miðast við meðal-
ávöxtun í ríkisvíxlaútboði í mánuð-
inum á undan. Hann hefur 10 daga
binditíma og eftir það er innstæðan
laus til útborgunar hvenær sem er.
Engin þjónustugjöld, innlausnar-
gjöld eða aðrar þóknanir eru á
honum.“
Miðað er við að lágmarksinn-
stæða á reikningnum sé 250 þús-
und krónur. Vextir Verðbréfareikn-
ingsins fyrir ágústmánuð eru 6,4%.
Bifreiðaumboðið Jöfur
Nýttfélag
tekið við
STOFNAÐ hefur verið nýtt hlutafé-
lag um rekstur bifreiðaumboðsins
Jöfurs undir sama nafni en nýrri
kennitölu. Að sögn Jóns Ármanns
Guðjónssonar, framkvæmdastjóra
fyrirtækisins, hefur staðið yfir end-
urskipulagning á starfsemi Jöfurs
að undanförnu. „Það var ákveðið að
stofna nýtt félag um reksturinn í
kjölfar breyttrar eignaraðildar með
nýju hlutafé. Meðal hluthafa í nýja
félaginu er eldra félagið _.Iöfur.“
Aðspurður segir Jón Ármann að
Jöfur hafi áfram umboð fyrir
Peugeot og Chrysler. Eins hafi fyr-
irtækið umboð fyrir Skoda a.m.k.
fram til áramóta.
Hann segir að endurráðning
starfsfólks sem sagt var upp fyrir
mánuði síðan standi yfir hjá nýja
félaginu en ekki sé útséð um hvort
allir verði endurráðnir.
-----» ♦ ♦---
Seðlabankinn
Villa í út-
reikningi
í SKÝRSLU bankaeftirlits Seðla-
banka Islands fyrir árið 1996, sem
dreift var 23. júlí sl., hefur komið í
ljós villa í útreikningi á arðsemi eig-
in Ijár eins verðbréfafyrirtækis. Um
er að ræða arðsemi eigin fjár Kaup-
þings hf. Rétt tala er 55,4% í stað
41,1% og er þeirri leiðréttingu hér
með komið á framfæri. Arðsemi eig-
in fjár verðbréfafyrirtækja í heild
verður þá 25,8% í stað 23,8%.
---------» ♦ ♦----
Leiðrétting
ÞAU mistök áttu sér stað í frétt um
afkomu Þróunarfélags íslands á
fyrri árshelmingi þessa árs í Morg-
unblaðinu í gær, að rangt var farið
með arðsemi eigin fjár félagsins.
Hið rétta er að arðsemi eigin fjár
var 38,3% á ársgrundvelli, miðað við
afkomu félagsins fyrstu sex mánuði
ársins. Er hér með beðist velvirðing-
ar á þessum mistökum.