Morgunblaðið - 08.08.1998, Page 8

8 LAUGARDAGUR 8. ÁGÚST 1998
FRETTIR
MORGUNBLAÐIÐ
Halldór Asgrímsson heimsótti byggðir Vestur-Islendinga
Á ÍSLENDINGADEGI í Girali. Frá vinstri: Davíð Gxslason bóndi og kona hans Gladys, Ilalldór Ásgrímsson ut-
anríkisráðherra, Jón Baldvin Hannibalsson, sendiherra í Bandaríkjunum og Kanada, Sigurjóna Sigurðardótt-
ir, eiginkona utanríkisráðherra, og Chris Stefanson dómari.
Aukin viðskipti lykill
að nánari samskiptum
HALLDÓR Ásgrímsson færði ættingjum sínum í Manitoba að gjöf
mynd frá Borgarfirði eystra.
HALLDÓR Ásgrímsson utanríkis-
ráðherra segir að efling viðskipta
við byggðir Vestur-íslendinga í
Kanada og Bandaríkjunum sé lykill
að nánari samskiptum við fólk af ís-
lenzkum ættum vestanhafs. Halldór
var í byrjun mánaðarins ræðumað-
ur á Islendingadegi í Gimli í
Manitoba í Kanada og heiðursgest-
ur hátíðarinnar ásamt Sigurjónu
Sigurðardóttur konu sinni.
Islendingadaginn í Gimli sóttu
um 35.000 manns af íslenzkum ætt-
um. Halldór segir að hin mikla að-
sókn hafi komið sér á óvart. „Það er
miklu meira afl í íslendingunum á
þessum slóðum en ég hafði gert mér
grein fyrir,“ segir Halldór. Hann
segir mikilvægt að efla á ný tengslin
við fólk af íslenzkum ættum vestan-
hafs. „Við höfum endurskipulagt
þessi samskipti með því að endur-
vekja Þjóðræknisfélagið hér heima,
sem hefur fengið nýja stjórn. Jafn-
framt hafa samtök Islendinga vest-
anhafs verið að endurskipuleggja
sig. Það er mat flestra að hin form-
lega hlið samskiptanna sé komin í
mjög gott lag,“ segir Halldór.
Hann segir að í samtölum við for-
ystumenn Vestur-íslendinga í
Kanada hafi komið fram mildll
áhugi á auknum samskiptum við ís-
land. „Ég er sannfærður um að
þessi áhugi fer jafnframt vaxandi
hér á íslandi. Bækur Böðvars Guð-
mundssonar og nýjasta bók Guð-
jóns Arngrímssonar hafa endurvak-
ið þennan áhuga og stofnun Vestur-
farasafnsins á Hofsósi er jafnframt
jákvætt skref,“ segir ráðherra.
Viðskiptafulltrúi í Kanada?
Halldór segir mikinn áhuga á því
í Manitobafylki að auka viðskipti við
ísland. „Við vorum sammála um
það, sem ræddum um þessi mál, að
það væri lykill að nánari samskipt-
um. Manitobafylki hefur mikil við-
skipti við lönd .út um allan heim.
Það er enginn vafi á að möguleikar
eru þar fyrir íslenzkar vörur og
einnig gætu íslendingar keypt
meira af vörum frá þessu svæði,“
segir Halldór. „Fríverzlunarsamn-
ingur milli EFTA og Kanada þjónar
þessu markmiði. Við höfum einnig
haft áhuga á að koma upp sendiráði
í Kanada, en skynsamlegt gæti ver-
ið að fyrsta skrefið væri að setja þar
niður viðskiptafulltrúa, annaðhvort í
Manitoba eða í Ottawa."
Að sögn Halldórs hyggjast sam-
tök íslendinga í Kanada annars
vegar og Bandaríkjunum hins vegar
reyna að sameina krafta sína og
bæta samvinnu um að efla viðskipti
við Island.
Hugsanlegt að breyta og efla
Lögberg-Heimskringlu
Útgáfa blaðs Vestur-íslendinga,
Lögbergs-Heimskringlu, er um
þessar mundir í nokkurri óvissu og
aðeins eni seld rúmlega 1.500 ein-
tök af blaðinu, þar af 50 á íslandi.
„Það er áreiðanlega grundvöllur
fyrir því að auka útbreiðslu blaðs-
ins. Ég er hins vegar ekki frá því að
það væri þá nauðsynlegt að breyta
útgáfunni, þannig að Lögberg-
Heimski ingla gæti þjónað betur
sem almennt upplýsingarit um ís-
lenzk málefni og þá væri hugsanlegt
að dreifa því til annarra erlendra
aðila, sem vilja fylgjast hér með. Þá
þyrfti að koma meira af efni frá ís-
landi í blaðið. Það er áhugi á að at-
huga það, enda hefur form útgáf-
unnar lítið breytzt í langan tíma,“
segir Halldór. Hann segir hugsan-
legt að íslenzk stjórnvöld eða aðrir
íslenzkir aðilar tækju þátt í útgáfu
blaðsins, enda vanti fréttablað um
íslenzk málefni á ensku eftir að út-
gáfa News From Iceland lagðist af.
„Við finnum að mikil þörf er fyrir
útgáfu af þessu tagi. Viðskiptaaðil-
ar, sendiráð og fleiri spyrja mjög
eftir því,“ segir Halldór.
Halldór ræddi í Kanadaferð sinni
við marga forystumenn Vestur-ís-
lendinga. „Við hjónin hittum mikið
af ættingjum okkar og þeir sögðust
ekki áður hafa fengið ræðumenn frá
íslandi, þar sem viðkomandi hjón
áttu jafnmarga ættingja í íslend-
ingabyggðunum. Við eigum þarna
bæði stóran frændgarð, enda ættuð
af Norður- og Norðausturlandi,"
segir Halldór.
Ela, ich Liebe Dich... - Hermann
werd' irgendwann meíne Frau
f
Ela, ég elska þig... - Hermann
Viltu verða konan mín?

Samtök áhugafólks um brjóstagjöf
Konur með barn
heima oft einar
í heiminum
NÝLIÐIN alþjóðleg
brjóstagjafarvika er
sú sjöunda í sinni
röð og að þessu sinni lögðu
samtökin World Alliance for
Breastfeeding Action
áherslu á efnahagslega hlið
brjóstagjafar. Samkvæmt
bandarískum rannsóknum
sparar bx-jóstagjöf heilbrigð-
iskerfinu um 100.000 þúsund
krónur á hvert barn. Bama-
mál sá um framkvæmd
bijóstagjafarvikunnar á ís-
landi.
Samtökin Barnamál voru
stofnuð fyrir 14 árum og eru
félagar þess áhugafólk um
bijóstagjöf, vöxt og þroska
bama. Állir geta tekið þátt í
starfsemi samtakanna.
- Hvemig er starfsem-
inni háttað?
„Innan samtakanna eru
hjálparmæður sem veita ráðgjöf
og símaþjónustu og síðustu árin
hefur Barnamál einnig staðið fyrir
opnu húsi í Hjallakirkju í Kópa-
vogi fyrsta og þriðja þriðjudag í
hverjum mánuði klukkan 14-16.
Þar hittast mæður með börn sín
og bera saman bækur sínar.
Hjálparmæður eru á staðnum og
veita ráðgjöf og aðstoð eftir þörf-
um, auk þess sem stutt erindi em
flutt hverju sinni.“
Þess má geta að hinn 18. ágúst
verður flutt erindi um afbrýðisemi
og 1. september verður fjallað um
útivinnu og brjóstagjöf í Hjalla-
kirkju. Fleiri umfjöllunarefni em
á opnu húsi svo sem: nýfædda
barnið og brjóstagjöf, fyrsta fasta
fæðan, stór börn á brjósti, lok
brjóstagjafar, of mikil eða of lítil
mjólk og svefn og svefnvenjur svo
eitthvað sé nefnt.
- Hver eru markmið samtak-
anna?
„Meðal markmiða Barnamáls er
að hjálpa mæðrum sem óska þess
að hafa börn sín á brjósti. Þessu
er meðal annars framfylgt með
störfum hjálparmæðra. Upplifun
kvenna af brjóstagjöf er mismun-
andi, mörgum reynist hún auðveld
og hentug en aðrar lenda í vand-
ræðum. Brjóstagjöfin ætti að vera
ánægjuleg fyrir báða aðila en
mæður geta hins vegar þurft
stuðning og upplýsingar um
hvernig leggja á barn rétt á
brjóst, hvemig koma megi í veg
fyrir vandamál og hvernig hægt er
að leysa þau, svo eitthvað sé
nefnt.“
- Hvernig starfa hjálparmæð-
ur?
„Hjálparmæður eru staðsettar
víða um land og vinna allt sitt
starf í sjálfboðavinnu. Þær veita
ráðgjöf vegna algengra örðugleika
sem upp geta komið við brjósta-
gjöf og byggja hana á reynslu sem
þær hafa öðlast gegn-
um eigin brjóstagjöf og
því sem þær hafa lesið
sér til.
Hjálparmæður fara
ekki inn á verksvið
lækna eða hjúkrunarfólks, heldur
veita stuðning og fræðslu frá móð-
ur til móður. Kona getur orðið
hjálparmóðir ef hún hefur reynslu
af brjóstagjöf í að minnsta kosti
sex mánuði, hefur áhuga á
brjóstagjöf og jákvætt viðhorf, les
sér til um brjóstagjöf og er góður
hlustandi. Hér er aðeins tæpt á fá-
um atriðum. Leita má til hjálpar-
mæðra eftir nánari upplýsingum
en upplýsingar um þær fást í
fréttabréfi, á símsvara félagsins
og á heimasíðu Barnamáls:
www. cen trum. is/barn amal
- Hvað er það helst sem konur
átta sig ekki á þegar kemur að
brjóstagjöfínni?
► Unnur B. Friðriksdóttir
fæddist í Reykjavík árið 1968.
Hún lauk stúdentsprófí frá
Menntaskólanum í Reykjavik
árið 1989, BS-prófí í hjúkrun-
arfræði frá Háskóla Islands ár-
ið 1996. Hún starfar á hjarta-
deild Sjúkrahúss Reykjavíkur.
Eiginmaður hennar er Hörður
Björnsson bifvélavirki og eiga
þau þijá stráka, Halldór Frið-
rik, sem er tæplega fjögurra
ára, og tvíburana Hákon Örn
og Hauk Inga, tveggja ára.
„Á meðgöngunni fær barnið
næringu allan sólarhringinn og því
er erfitt fyrir það að eiga skyndi-
lega að nærast með löngu millibili.
Leyfa verður baminu að ákveða
sjálft hversu oft og lengi það vill
sjúga, sérstaklega fyrstu mánuð-
ina. Því oftar sem barnið sýgur því
meiri mjólk framleiða mjólkur-
kirtlarnir og mesta mjólkurfram-
leiðslan fer fram í sjálfri gjöfinni á
meðan barnið sýgur.
Næringarþörfin eykst þegar
bamið tekur „vaxtarspretti". Þá
fjölgar máltíðum oft verulega um
tíma eða á meðan mjólkurfram-
leiðslan er að aukast. Brjósta-
mjólk stuðlar að þroska heila og
taugakerfis og er besta næringin
fyrir barnið. Fyrstu sex til níu
mánuðina ætti það ekki að þurfa
neina aðra næringu."
- Hvernig er útgáfu háttað á
vegum félagsins?
„Barnamál gefur út fréttabréf
öðru hveiju og frétta- og fræðslu-
ritið Mjólkurpóstinn þrisvar sinn-
um á ári. Hann fá allir félagar í
Barnamáli. I blaðinu er fjallað um
brjóstagjöf og ýmis önnur málefni
tengd börnum og fjölskyldunni.
Greinarnar em skrifaðar bæði af
fag- og áhugafólki, svo eitthvað sé
nefnt, og einnig em í
blaðinu reynslusögur
foreldra. Þá hefur fé-
lagið gefíð úr sérrit um
brjóstagjöf.“
- Hvers vegna er tal-
in þörf á þessari þjónustu félags-
ins?
„Eitt af vandamálum hjá konum
dagsins í dag er hversu einangrað-
ar þær em. Um leið og þær em
komnar heim með barnið eru þær
einar í heiminum."
- Hver eru helstu baráttumál
Barnamáls?
„Við komum hreinlega ekki
meiru í verk. Við höfum hins veg-
ar áhuga á fullt af málefnum og
eram að reyna að vinna að því að
fá ungar mæður meira inn i félag-
ið. Augu okkar hafa verið að opn-
ast fyrir þeim fordómum sem þær
mæta. Við viljum styðja allar
mæður.“
„Viljum fá
ungar mæður
inn í félagið“