Morgunblaðið - 23.02.1999, Page 27

MORGUNBLAÐIÐ
ÞRIÐJUDAGUR 23. FEBRÚAR 1999 27
LISTIR
Morgunblaðið/Steinunn
ÁSDIS Stross, Agnes Löve og Gunnar Björnsson.
Tónlistartríö stofnað
á Suðurlandi
Hvolsvelli. Morgunblaðið.
1 NÓVEMBER á síðasta ári komu
þrír tónlistarmenn saman á Selfossi
og stofnuðu Tríó Suðurlands. Það
eru þau Agnes Löve píanóleikari,
Asdís Stross fíðluleikari og sr. Gunn-
ar Björnsson sellóleikari.
Að því best er vitað er þetta fyrsti
kammermúsíkhópurinn sem stofnað-
ur er á Suðurlandi, en í vetur gegnir
sr. Gunnar Björnsson starfí sóknar-
prests á Selfossi. Asdís, sem er fiðlu-
leikari í Sinfóníuhljómsveit Islands,
hefur verið yfirfíðlukennari og guð-
móðir fíðludeildar Tónlistarskóla
Rangæinga, en Agnes hefur um ára-
bil verið skólastjóri þess sama skóla,
þannig að á einn eða annan hátt
tengjast þau öll Suðurlandi.
Tríó Suðurlands hefur undanfarið
æft til flutnings píanótríó op. 1 nr. 3 í
c-moll eftir L.v. Beethoven ásamt
tríói nr. 25 í G-dúr eftir J. Haydn.
Nú hefur verið ráðgert að halda
fyrstu tónleika tríósins í sal Tónlist-
arskóla Rangæinga á Hvolsvelli 28.
febrúar nk. og hefjast tónleikarnii-
kl. 16. A döfínni er einnig að heim-
sækja fleiri staði á Suðurlandi.
Dimmbjört og*
hljómmikil
TONLIST
Hafnarborg
KAMMERTÓNLEIKAR
Kammerverk og sönglög eftir Mart-
inu, Chopin, Brahms og Poulenc. Al-
ina Dubik mezzosópran; Tríó Reykja-
víkur - Guðný Guðmundsdóttir, fíðla
& víóla; Gunnar Kvaran, selló; Peter
Máté, pianó. Hafnarborg, Hafnar-
firði, sunnudaginn 21. febrúar kl. 20.
TRÍÓ Reykjavíkur brá út af venju
á vel sóttum tónleikum sínum í
Hafnarborg á sunnudagskvöld, er
snerust að yfirgnæfandi leyti um
söng, með gest tríósins, Alinu Dubik,
í stjörnuhlutverki. Eingöngu leikin
verk komu þó einnig við sögu, og
fyrst var sjaldheyrt píanótríó eftir
tékknesk-ameríska tónskáldið Boh-
uslav Mai-tinu (1890-1959), „Berger-
ettes“ (Hjarðmeyjar) frá því lítt
hjarðsæla ári 1939. Verkið var í
fímm fremur stuttum þáttum í ein-
földu ABA-formi, er gætu hafa
sprottið af einkennum einstakra
skapgerða eða staða, en þó allir í
meginatriðum á léttum nótum, með
hæglátari „tríó“-kafla í miðju hvers
þáttar. Ekki er þó þar með sagt að
þetta sé kröfulítið verk. Þvert á móti
útheimti það talsverða snerpu og
samtakamátt, enda á köflum snúið
og hrynjandin víða bæði ör og sér-
kennileg. Það var því ekki meðal
þægilegustu viðfangsefna til upphit-
unar í byrjun dagski’ái’, eins og mátti
stundum heyra á inntónun strok-
færa. í heild fékkst þó nokkuð góð
hugmynd um þetta heillandi verk í
túlkun Tríós Reykjavíkur, og var vel
til fundið að kynna með þessu móti
stykki sem fjarska lítið hefur borið á
hérlendis, hvort heldur á tónleikum
sem í hljómplötuverzlunum.
Ef tala má um tónatgervisflóttann
frá Austur-Evrópu sem við höfum
notið góðs af á undanförnum áratug-
um og sér m.a. dæmi 'i píanista TR,
þá er hin pólskættaða Alina Dubik
sannarlega kærkomin viðbót við
söngvaraflóru landsmanna. Hljóm-
mikil dimmbjört og þéttgerð mezzo-
altrödd hennar sveif fyrst um loft
þetta kvöld við samleik Peters Máté
í 6 sönglögum úr 19 laga „Wiosna“-
bálki Friðriks Chopin op. 74. Aftur
var um að ræða verkefni sem lítt er
hreyft í tónleikasölum hér, enda
kannski ekki að ófyrirsynju, meðan
pólskufærni söngvara er ekki betri
en nú er. Frummál látlausu ástar-
söngvanna vafðist hins vegar ekki
fyrir Alinu, sem eftir öllu að dæma
ræður jafn sannfærandi við kyrrláta
angurværð, hljóðláta kímni og hetju-
reisn. Kæmi ekki á óvart ef einhver
viðstödd starfssystkin hafi freistazt
til að reyna senn við þessa lítt kunnu
hlið píanótónskáldsins eftir heillandi
túlkun Alinu við hógværan en hlý-
legan stuðning Peters Máté á slag-
hörpuna.
Síðast fyrir hlé léku þeir Peter og
Gunnar Kvaran Polonaise brillante
op. 3, æskuverk Chopins fyrir sam-
tímasellósnilling 1 París. „Brillante“-
einkunnin var að vísu mest fólgin í
píanópartinum, sem Peter lék af ögn
hlédrægri prýði, því knéfiðlan skart-
aði hlutfallslega fáum flugeldum. Á
móti var þar víða að finna flæðandi
fagrar laglínur, sem beinlínis stundu
af vellíðan í innlifuðum leik Gunnars.
Eftir hlé bauð „Dúó Reykjavíkur"
upp á bezta samleik kvöldsins í
Scherzoþætti Jóhannesar Brahms
fyrir fiðlu og píanó (op. posth.) í fjör-
ugum flutningi Guðnýjar Guðmunds-
dóttur og Peters Máté. Að því loknu
var aftur komið að söngþætti Alinu
með Gestillte sehnsucht og Geist-
liches Wiegenlied op. 91 eftir
Brahms við samleik Peters ú píanó
og Guðnýjar í víólufylgirödd. Kyrr-
látur höfgi ævikvöldsins svífur yfir
þessum söngljóðum, og var túlkun
Alinu ekkert minna en meistaraleg.
Að „dobbla“ á víólu er ekki áhættu-
laust fyrir fiðluleikara, en Guðnýju
tókst víða allvel upp, sérstaklega í
innganginum.
Margii- vilja leggja hönd á plóg
hér á Poulenc-árinu (1899-1963), eins
og þegar hefur sézt. Þau Alina og
Peter Máté slógust þar í hóp með
fjórum sönglögum í lokin eftir erki-
Parísarbúann margleita, þar sem
einkum tvö síðustu, Montpai-nasse
og víðkunni ástarvalsinn Les Chem-
ins de l’Amour, nálgast yfirbragð
dægurlagsins. Lagavalið hneig held-
ur að ljóðrænni æð Poulencs á kostn-
að gáskans, en sýndi þó við nettan og
tillitssaman undirleik Mátés enn
eina hlið á hlýrri líðandi túlkun Al-
inu. Eftii’minnileg frammistaða
hennar undirstrikaði þar sem fyrr
fjölhæfni einhverrar glæsilegustu
söngkonu mezzo-alt-tónsviðsins sem
hér hefur komið fram í áratugi.
Ríkarður 0. Pálsson
Það er frábær tilfinning að geta tekið með sér
vinnuaðstöðu sína hvert sem er og þurfa ekki
að vera háður einni ákveðinni staðsetningu.
ftÐEXHS
Á ferðatölvudögum hjá Tæknivali eru allar
Compaq ferðatölvur á sérstöku kynningar-
tilboði. Compaq Armada 1700, sem hlotið
hefur m.a. hin eftirsóttu verðlaun ARC Award,
auk þess sem hún er Winlist verðlaunahafi,
býðst á ótrúlegu verði, eða 129.900 kr. Einnig
bjóðum við hina kraftmiklu og fjölhæfu
Compaq Presario 1260 á vægast sagt draum
kenndu verði.
Compaq flrmoda 1700
• Intel Pll 233 MHz mobile örgjörvi
• 32Mb vinnsluminni, stækkanlegt i 160Mb
• 512 Level 2 skyndiminni
• 3.2GB harður diskur
• 24x geisladrif, uppfæranlegt í DVD drif
• 12.1“ skjár
• 2Mb skjákort
• Soundblaster Pro hljóðkort
nOET,*S
- s/cvr öl/urn v/ö | *
Compoq Presario 1260
K6-2 300 MHz örgjörvi • 64Mb vinnsluminni
• 512 Level 2 skyndiminni • 4.0GB harður diskur
24x geisladrif • 12.1” TFT skjár • 2Mb skjákort • 56K mótald
• Hljóðkort • JBL Pro hátalarar
Skeifunni 17 • Simi 550 4000 • Opið virka daga 09:00 - 18:00 * laugardaga 10:00 - 16:00
AKRANE5 . Tölvuþjónustan ■ 431 4311 • AKUREYRl - TÆKNIVAL - 461 5000 • EGILSSTAÐIR - Tölvuþjónusta Austurlands - 470 1111 • HORNAFJÖRÐUR - Tölvuþjónusta
Austurlands - 478 1111 • HÚSAVlK - E.G. Jónasson - 464 1990 • ISAFJÖROUR - Tölvuþj. Snerpa - 4S6 3072 REYKJANESBÆR - Tölvuvæðing - 421 4040 SAUÐAR KRÓKUR -
Skagfirðingabúð - 455 4537 • SELFOSS - Tölvu- og rafcindaþj. - 482 3184 • VESTMANNAEYJAR • Tölvun - 481 1122
Tæknival - i fararbroddi