Morgunblaðið - 24.03.1999, Blaðsíða 4

4 MIÐVIKUDAGUR 24. MARZ 1999
MORGUNBLAÐIÐ
FRÉTTIR
Rikisstjórnin samþykkir tillögu um viðbótarfé í vegamál
Tveir milljarðar skiptast
á milli sex kjördæma
Viðbótarfé til vegamála árin 1999-2002
Kjördæmi Fjármagn til stórverkefna (milljónir króna) Hlutfall Hlutur kjördæmis af 2.000 millj. k
Suðurland 2 251 12,8% 256
Vesturland r~r~7~~~H 2.875 16,3% 326
Vestfirðir [ . j 3.697 20,9% 418
Norðurl. vestra HI1B8 1.239 7,0% 140
Norðurl. eystra [ j 3.664 20,7% 414
Austurland EZZI 3-947 22,3% 446
Samtals: 17.673 millj. kr. 100,0% 2.000
RÍKISSTJÓRNIN hefur ákveðið
tveggja milljai’ða króna viðbótar-
framlag til vegamála á næstu fjórum
árum í dreifbýliskjördæmunum, þ.e.
Suðurlandi, Vesturlandi, Vestfjörð-
um, báðum Norðurlandskjördæmun-
um og Austurlandi. Verða 500 millj-
ónir króna til úthlutunar í ár og jafn-
mikið á hverju ári næstu þrjú árin.
Misjafnt er hversu mikið fé kemui’
í hlut hvers kjördæmis, frá 140 millj-
ónum á Norðurlandi vestra og upp í
446 milljónir á Austurlandi. Halldór
Blöndal samgönguráðherra tjáði
Morgunblaðinu í gær að nefnd sem
skipuð var samhliða kjördæmabreyt-
ingunni hefði lagt fram tillögur um
hvei-nig styrkja mætti byggð í land-
inu. Þar hefði verið gert ráð fyrir að
tveimur milljörðum króna yrði varið
til vegaframkvæmda. „Ríkisstjórnin
samþykkti þessa tillögu og ákvað að
fjármunirnir skyldu renna til dreif-
býliskjördæmanna sex og þeim skipt
í sama hlutfalli og framlög til stór-
verkefna í vegamálum hafa skipst
milli þessara kjördæma. Hér er því
einungis um flýtingu að ræða og val
einstakra verkefna innan kjör-
dæmanna verður í samráði við þing-
menn viðkomandi kjördæmis,“ sagði
Halldór Blöndal. Gert er ráð fyrir að
verkefni verði tilgreind í megindrátt-
um íyrir öll fjögur árin og að verk-
efnalistinn komi til endurskoðunar
um leið og endurskoðun vegáætlunar
fer fram næsta vetur.
. ■■
Verulegt
viðbótarfjármagn
Við gerð langtímaáætlunar í vega-
gerð 1999 til 2010 voru sett fram-
kvæmdamarkmið og lutu dýrustu
markmiðin að þvi að leysa frumþarf-
ir byggðarlaga fyrir vegasamgöngur,
þ.e. að byggja vegi með fullu burðar-
þoli og bundnu slitlagi sem tengi alla
þéttbýlisstaði landsins með 200 íbú-
um eða fleiri. Önnur markmið lutu
m.a. að ferðamannaleiðum, umferð-
aröryggi og fleiri atriðum. Halldór
Blöndal segir að hér sé um verulegt
viðbótarfjármagn að ræða. „Það
munar verulega um þetta fjármagn.
Niðurstaða skiptingar liggur ekki
fyrir innan kjördæma en það er
skýrt að til dæmis ísafjarðardjúp,
Barðaströndin og Norður-Þingeyjar-
sýsla og Austurland eru allt svæði
þar sem brýnt er að ljúka ákveðnum
verkefnum eftir þeim langtímamark-
miðum sem sett hafa verið.“
Yiðræður
við NATO
um nýtingu
nýja varð-
skipsins
FULLTRÚAR íslenskra stjórnvalda
munu í næsta mánuði hefja viðræður
við fulltrúa Atlantshafsbandalagsins,
NATO, um nýtingu nýs íslensks
varðskips við björgunarstörf.
„Við eigum margvíslegt samstarf
við aðrar þjóðh- og það hefm- verið
rætt um að efla þá samvinnu enn
frekar í tengshim við þetta skip,“
segh’ Halldór Ásgrímsson utanríkis-
ráðherra, sem lagði málið fyrir á rík-
isstjórnarfundi í gærmorgun.
„Þetta skip mun skipta miklu máli
varðandi björgun á sjó,“ segir Hall-
dór. „Þannig munu t.d. þyrlur Land-
helgisgæslunnar geta lent á því til að
taka eldsneyti og það er mikilvægt
að þyrlur varnarliðsins geti einnig
gert það þegar þörf krefur. Þá er
mikilvægt að það geti tekið þátt í
sameiginlegum æfíngum Atlants-
hafsbandalagsins."
Halldór segir einnig mikilvægt að
eyða efasemdum sem fram hafi kom-
ið um það á alþjóðlegum vettvangi að
skipinu verði beitt á þennan hátt.
Vinsælasta listasaga í heimi
Saga listarinnar eftir E.H.
Gombrich er vinsælasta
listasaga allra tíma og
hefur verið þýdd á um
30 tungumál.
„Þarf helst að vera til
á hverju heimili."
Morgunblaðið
Mál og menning
.augavegi 18 • Simi 515 2500 • Siðumúla 7 • Sími 510 2500
Byggingarrétti úthlutað á Þróttarsvæði
FBA sýknaður af
tugmilljóna
skaðabótakröfu
HÉRAÐSDÓMUR Reykjavíkur
sýknaði Fjárfestingarbanka at-
vinnulífsins í skaðabótamáli í gær
þar sem fyrrum starfsmaður bank-
ans krafði hann um 43 milljónir
króna í skaðabætur og 5 milljónir
króna í miskabætur.
Hélt stefnandi því fram að ásak-
anir forráðamanna bankans í sinn
garð um meintar rangar upplýs-
ingagjafír um skuldastöðu Fisk-
veiðasjóðs íslands hafí orðið tilefni
þess að hann hafí verið neyddur til
að segja upp störfum hjá bankan-
um og hafi skaðað æru og starfs-
heiður sinn.
Um er að ræða eftirmál vegna
2,5 milljarða króna skekkju í gjald-
eyrisjöfnuði Fjárfestingarbankans
í janúai- 1998. Stefnandi hóf störf
hjá bankanum í ársbyrjun 1998 og
1. janúar sama ár tók bankinn m.a.
við eignum, skuldum og skuldbind-
ingum Fiskveiðasjóðs Islands, sem
stefnandi hafði áður starfað hjá frá
1971.
Skýringin á nefndri skekkju var
sú að skuld Fiskveiðasjóðs í þýsk-
um mörkum hafði verið oftalin um
2,5 milljarða króna um áramót
1997-1998. Þar sem ekki var vitað í
upphafi ársins að skuldin var í raun
ekki fyrir hendi keypti bankinn
þýsk mörk til að leiðrétta gjaldeyr-
isjöfnuðinn. Þegar villan uppgötv-
aðist sex vikum síðar hafði gengi
þýska marksins fallið og varð
bankinn því fyrir tjóni sem nam
um 48 milljónum króna.
Starfsmenn bankans töldu að
skekkjan væri komin frá stefn-
anda og í kjölfarið var gerður
starfslokasamningur við stefnda
til október 1998 ellegar yrði hann
rekinn.
Dómurinn féllst á sýknukröfu
bankans og taldi að yfirlýsingar
forráðamanna hans hefðu ekki ver-
ið settar fram af gáleysi og féllst
dómurinn ekki á að upplýsingar
sem stjómendur stefnda komu á
framfæri um hina meintu villu
hefðu verið veittar með saknæmum
hætti.
Morgunblaðið/Kristinn
GUÐRUN Sverrisdóttir og Ragnhildur Guðmundsdóttir setja gifs á sjúkling á slysadeildinni í gær.
Hálkan kom
YFIR 90 manns komu á slysadeild Sjúkrahúss
Reykjavíkur á milli klukkan 8 og 16 í fyrradag
vegna meiðsla sem það hafði hlotið í hálkunni en að
stórum hluta var um beinbrot að ræða.
Jón Baldursson, yfirlæknir slysadeildar, sagðist
ekki muna eftir slíkum önnum á þessum árstíma, en
fólki á óvart
að svo hefði virst sem fólk hefði hreinlega gleymt
því að enn væri vetur á íslandi og hætta á hálku.
Jón sagði að ástandið hefði verið líkast því sem
verst gerðist á fyrstu hálkudögum haustsins. Hann
sagði að biðtíminn á deildinni hefði farið upp í tvo
tíma, en að það gerðist sjaldan núorðið.
BORGARRÁÐ samþykkti á fundi
sínum í gær að taka 37,8 milljóna
króna tilboði þriðja hæstbjóðanda,
Guðleifs Sigurðssonar húsasmíða-
meistara, í byggingarrétt fjölbýlis-
húss á lóðinni nr. 4-20 við Hólma-
sund, þ.e. á fyrrverandi íþróttasvæði
Þróttai- við Holtaveg.
Tilboðin í byggingarréttinn voru
opnuð 10. mars sl. og bárust tilboð
frá 25 aðilum. Hæstbjóðandi var
Húsalind ehf. með tilboð upp á 41
milljón ki’óna en því næst kom
Byggingafélagið Holt efh. með tilboð
upp á tæpar 38,7 milljónir króna.
Stjórn Innkaupastofnunar Reykja-
víkurborgar lagði það hins vegar til
við borgarráð að taka tilboði Guðleifs
Sigurðssonar.
Mikilvægt að framkvæmdir
gangi liratt og örugglega
í erindi um tilboðin, undimtuðu af
Ágústi Jónssyni, skrifstofustjóra
borgarverkfræðings, segir m.a. að
lóðin að Hólmasundi 4-20 sé í gró-
inni byggð og mikilvægt sé því að
tryggt verði að byggingarfram-
kvæmdh’ gangi hratt og örugglega
fyi-ir sig, svo rask af þeirra völdum
verði sem minnst. „Það er því mikils
virði að fá til verksins aðila, sem
reynslan sýnir að uppfyllir slík skil-
yrði,“ segir í erindinu.
Því næst er m.a. vísað í umsögn
byggingarfulltrúans í Reykjavík þar
sem segir að Guðleifur Sigurðsson
húsasmíðameistari uppfylli það skil-
yrði. „Hann hefur sýnt fram á að
hann geti byggt fjölbýlishús hratt og
örugglega, án þess að það komi nið-
ur á gæðum húsanna og jafnframt
reynst mjög skilvís og til að mynda
aldrei verið í vanskilum með gatna-
gerðargjöld.“ Fyn’ í erindinu er
jafnframt greint frá því að bygg-
ingafélagið Holt ehf. hafí að auki
skilað „frávikstilboði" að fjárhæð
um 46 millj. kr. en í því hafi ekki
verið tilgreint í hverju frávikið væri
fólgið.
Borgin tók þriðja
hæsta tilboðinu