Morgunblaðið - 19.05.1999, Blaðsíða 18

18 MIÐVIKUDAGUR 19. MAÍ 1999
MORGUNBLAÐIÐ
FRÉTTIR
Félagasamtök og vinnustaðir funda í Reykjanesbæ
Reynt að uppræta
einelti á vinnustöðum
VINNURÁÐSTEFNA um einelti
var haldin í Stapanum í Reykjanes-
bæ í gærkvöld, en hugmyndin með
ráðstefnunni var að koma á öfiugu
og samstilltu átaki til að bregðast
við einelti og öðru ofbeldi á vinnu-
stöðum eða í félagasamtökum.
Markmið ráðstefnunnar var að
leggja grundvöll að frekara starfi á
þessu sviði og móta sameiginlega
stefnu, eða eins og Rannveig Ein-
arsdóttir, yfírfélagsráðgjafi Félags-
málastofnunar Reykjanesbæjar,
sagði „finna einhverjar leiðir til að
upgræta einelti“.
A ráðstefnunni voru fluttir fyrir-
lestrar, þolandi eineltis flutti sína
reynslusögu og síðast en ekki síst
var unnið í hópum að ákveðnum
verkefnum sem skiptust í grófum
dráttum í fimm hluta:
1) Skilgreining á einelti.
2) Hvernig er hægt að bregðast við
einelti?
3) Hverjir eru þolendur og hvemig
er hægt að hjálpa þeim?
4) Hvernig er hægt að nálgast ger-
endur?
5) Hvernig er hægt að tryggja ár-
angur ráðstefnunnar til frambúð-
ar?
Með því að ræða þessi mál er
vonast til að félagasamtök, vinnu-
staðir og stofnanir geti ákveðið í
eitt skipti fyrir öll að einelti verði
ekki liðið og að tekið verði á því á
ákveðinn hátt. Vonast er til að hægt
verði að samræma vinnureglur
þannig að öll félög og stofnanir
bregðist við einelti á svipaðan hátt
og að á hverjum stað verði einstak-
lingar sem kunni til verka, þegar
einelti er annars vegar.
Mjög góð viðbrögð
Undirbúningur fyrir ráðstefn-
una stóð yfir í nokkra mánuði, en
sérstök nefnd, sem í áttu sæti full-
trúar lögreglu, skólaskrifstofu og
Félagsmálastofnun sáu um undir-
búninginn. Rannveig sagði að send
hefðu verið bréf til um 100 manns
vegna ráðstefnunnar og sagði hún
að viðbrögð manna hefðu verið
mjög góð.
Rannveig sagði að undirbún-
ingsnefndin myndi skoða niður-
stöður úr hópavinnunni og reyna
að koma þeim á framfæri t.d. með
því að setja fram tíu reglur um
hvernig bregðast megi við einelti.
Rannveig sagði að í kjölfar
þeirrar umræðu sem hefði verið í
samfélaginu um eineltismál og
vegna þeirra tilfella sem komið
hefðu upp hjá Félagsmálastofnun
bæjarins hefði henni og öðrum
þótt sjálfsagt að reyna að gera
eitthvað í málunum. Þá sagði hún
að skýrsla umboðsmanns barna
um einelti hefði líka aðeins ýtt við
þeim.
Morgunblaðið/Kristinn
Fyrsta skóflustunga
tekin að þjónustuskála
ÓLAFUR G. Einarsson, fráfar-
andi forseti Alþingis, tók fyrstu
skóflustunguna að nýjum þjón-
ustuskála við Alþingishúsið í
gær. Skálinn mun rísa vestan
við Alþingishúsið á lóðinni nr.
12 við Kirkjustræti og mun
tengja Alþingishúsið við aðrar
byggingar sem nú standa á Al-
þingisreitnum. Áætlað er að
fyrsta áfanga framkvæmdanna,
jarðvinnu og uppsteypu, ljúki í
septemberlok og er stefnt að því
að taka skálann í notkun í októ-
ber árið 2000.
Heildarkostnaður við skálann
er áætlaður um 490 milljónir
króna og þar af eru um 170
milljónir króna ætlaðar til
verksins á þessu ári.
Foldaskóli fagnar árangri í baráttunni gegn reykingnm og allir nemendur fá spilastokk að gjöf
Morgunblaðið/RAX
FANNEY Björg Sveinsdóttir og Hildigunnur
Jónsdóttir eru ánægðar með árangurinn
sem náðst hefur.
ÁTTUNDI bekkur Foldaskóla í Grafarvogi 1998-1999 er reyklaus, eins og sami bekkur fyrir tveimur árum. Nýverið voru allir nemend-
ur bekkjarins verðlaunaðir sérstaklega með áprentuðum bolum, sem skarta slagorðinu góða, „Foldaskóli- reyklaus skóli“.
Fyrirmynd-
irnar skipta
mestu máli
FOLDASKÓLI ásamt foreldrum
hefur fært öllutn nemendum skól-
ans spilastokk að gjöf í viðurkenn-
ingarskyni fyrir góðan árangur í
baráttunni gegn reykingum. Spilin
í stokknum bera áletrunina:
„Foldaskóli - reyklaus skóli“, í
samræmi við yfírlýst markmið
skólans.
Ragnar Gíslason skólastjóri seg-
ir alla árganga upp að 9. bekk
reyklausa og fáa reykja í öðrum
bekkjum. Hann segir mikla breyt-
ingu hafa orðið á örfáum árum,
ekki sé langt síðan skólayfirvöld
hafi fundið sig knúin til að halda
námskeið fyrir nemendur, sem
vildu hætta að reykja.
Fanney Björg Sveinsdóttir og
Hildigunnur Jónsdóttir eru báðar í
10. bekk og eiga sæti í nemenda-
ráði Foldaskóla. Að þeirra mati
reykja nú mjög fáir nemendur í
skólanum. Þær telja að árangurinn
megi m.a. þakka fræðslu Krabba-
meinsfélagsins en mestu máli
skipti þó góðar fyrirmyndir.
Þegar Fanney og Hildigunnur
hófu nám í unglingadeild reyktu
fáir í efsta bekk, yngri nemar
freistuðust því ekki til að byija að
reykja til þess að falla í kramið.
Árgangur stelpnanna var reyklaus
f 8. bekk, þeim voru þá afhentir
bolir og mynd birt af hópnum í
Morgunblaðinu. „Árgöngunum,
sem á eftir fylgdu, fannst þetta
spennandi og eftirsóknarvert,"
segir Hildigunnur.
Hugmyndir eru uppi um að styrkja miðbæ Reykjanesbæjar
Aukið verslunarrými á fyllingu
BJARNI Marteinsson arkitekt
hefur verið að vinna við nýtt
deiliskipullag miðbæjar Keflavík-
ur, en hann hefur ákveðnar hug-
myndir um hvernig útfæra megi
miðbæinn þannig að möguleiki
skapist á því að byggja þar upp
verslun og þjónustu sem hafi það
mikið aðdráttarafl að verslunin
haldist í bænum.
Bjarni sagði að hugmyndin hefði
kviknað þegar verið var að ræða
um þær áætlanir að reisa hreinsi-
stöð fyrir skolp á landfyllingu.
„Þá vaknaði sú hugmynd hvort
ekki væri rétt að fylla upp fyrir
neðan húsaröðina við Hafnargöt-
una, þannig að meira byggingar-
rými skapaðist við götuna, sem má
í dag telja helsta verslunarkjarna
Keflavíkur," sagði Bjarni. „Þarna
eru svipaðir hlutir að gerast og
gerðust á sínum tíma með Skúla-
götuna í Reykjavík, því Sjávar-
brautin verður færð út á fyllinguna
í Keflavík, en þeir sem hafa farið
sjávarmegin við húsaröðina á
Hafnargötunni sjá að hún er ákaf-
lega ókræsileg."
Yfirbyggð
göngugata
Auk þess að stækka núverandi
verslunarrými um helming er hug-
myndin að byggja yfír göngugötu
með útsýni til sjávar, sem myndi
tengja saman öll húsin á um 300
metra löngum kafla, frá Hafnargötu
15 til 37.
„Til þess að styrkja þessa göngu-
götu er möguleiki á að byggja há-
BJARNI Marteinsson arkitekt hefur lagt fram hugmynd um það hvernig styrkja megi miðbæinn með auknu
verslunarrými á landfyllingu. Hugmyndin er að fylla út sjávarmegin við Hafnargötu og skapa þannig aukið
rými, þar sem byggja mætti háhýsi, eins og sést á myndinni, og yfirbyggða göngugötu með útsýni til sjávar.
hýsi, sem gætu hýst verslun og
þjónustu eða íbúðir. Einnig yrði
rými fyrir bílageymslur eða lager-
húsnæði undir háhýsunum, en Sjáv-
arbrautin er einni hæð neðar en
Hafnargatan þannig að hægt er að
komast inn undir þetta sjávarmegin
frá.
Ef ekki verður ráðist í þessar
framkvæmdir núna með aukinni
uppfyllingu og meira byggingar-
rými, er það bara glatað tækifæri."
Að sögn Bjarna er búið að kynna
nýtt deiliskipulag fyrir byggingar-
nefnd bæjarins, sem búin er að
samþykkja það fyrir sitt leyti, en
deiliskipulagið verður auglýst á
næstu dögum og verður því ekki
endanlega samþykkt fyrr en eftir
það.
Bæjarstjóra líst vel á
hugmyndina
Bjami sagði að hægt væri að
byggja svæðið upp í áföngum og
það þyrfti ekki að vera mjög dýrt,
því um mjög eðlilegan fermetra-
kostnað í byggingum væri að ræða
á svæðinu, en þarna verður allt
byggt á fyllingu og því þarf litla
grunnvinnu.
Ellert Eiríksson, bæjarstjóri
Reykjanesbæjar, sagði að hug-
myndir um landfyllingu sjávarmeg-
in Hafnargötu hefðu lengi verið í
umræðunni. Hann sagði að þegar
væri búið að fylla þar þónokkuð, að-
allega til varnar ágangi sjávar, en
einnig til að geta lagt veg sem auð-
veldaði aðgang að húsnæði sjávar-
megin frá og tengdi allar hafnirnar
við strandlengjuna.
Ellert líst vel á hugmynd Bjarna
um að stækka verslunarrými um
helming og sagði mjög gleðilegt að
menn væru að leggja fram hug-
myndir um enn frekari útfærslu á
möguleikum svæðisins.