Morgunblaðið - 25.08.1999, Blaðsíða 16

16 MIÐVIKUDAGUR 25. ÁGÚST 1999
HÖFUÐBORGARSVÆÐIÐ
Morgunblaðið/Sverrir
Skólastarfið er nýhafið og hér má sjá nemendur grúfa sig íbyggna yfir næringarfræðina í einni
af raungreinastofum skólans.
Fjölbrautaskóli Garðabæjar 15 ára í nýju húsi
Ásókn í skólann
Þorsteinn Þorsteinsson, skólameistari Fjölbrautaskóla Garðabæjar,
við brúna sem liggur yfir í nýtt og glæsilegt húsnæði skólans.
Garðabær
FJÖLBRAUTASKÓLI Garðabæjar
er nú að hefja sitt 15. starfsár í nýju
húsnæði sem skólinn fékk til afnota
fyrir 2 árum. Húsnæðið hefur verið
mikil lyftistöng fyrir skólastarfið og
segir Þorsteinn Þorsteinsson skóla-
meistari að mikil ásókn nemenda sé í
skólann. Skólinn hefur tekið forystu í
vímuvarnamálum í framhaldsskólum
og hefur það skilað góðum árangri.
Settar hafa verið á laggirnar sér-
deildir innan skólans sem taka á mis-
munandi þörfum nemenda, bæði
þroskaheftra nemenda sem og nem-
enda með háar einkunnir úr grunn-
skóla.
Skólinn var formlega stofnaður 1.
ágúst 1984 og fyrsta veturinn voru
nemendur tæplega 100. Þorsteinn
segir að starfið hafi verið erfitt í
fyrstu, en skólinn hafi vaxið jafnt og
þétt í gegnum árin. I dag eru nem-
endur um 600 og fjölgaði þeim nokk-
uð þegar skólinn flutti í nýja húsnæð-
ið fyrir tveimur árum.
Starf skólans fór áður fram í þrem-
ur húsum sem ekki voru upphaflega
hönnuð sem skólahús. Upp úr 1990
var farið að huga að hönnun nýs
skóla og var fyrsta áfanga lokið
haustið 1997. Oðrum byggingará-
fanga lauk í byrjun þessa árs með
frágangi þriðju hæðar hússins.
Á næstu dögum er áætlað að hefja
framkvæmdir við lokaáfanga skól-
ans. Þar er um að ræða hátíðarsal
sem í fullri stærð getur tekið rúm-
lega 600 manns í sæti. Salurinn er
einnig hugsaður sem setustofa og
mötuneyti nemenda og batnar félags-
aðstaða þeirra til muna við þá fram-
kvæmd. Á döfinni er að byggja nýtt
íþróttahús við skólann, sem jafn-
framt yrði hluti af Hofsstaðaskóla.
Þorsteinn segist vera einstaklega
ánægður með byggingu skólans og
hönnun hans hafi tekist vel, sem arki-
tektarnir Pálmar Ólafsson og Einar
Ingimundarson sáu um. „Okkur
finnst við sjá það og finna að við er-
um á leið í skóla þegar við göngum
yfir brúna og inn í anddyrið,“ segir
Þorsteinn. Skólinn er jafnframt vel
tækjum búinn og segir Þorsteinn að
eigendur hans, ríkið, Garðabær og
Bessastaðahreppur, hafi lagt mikinn
metnað í smíði hans og uppbyggingu.
Þorsteinn segir að í skólanum sé
lögð áhersla á bóknámsbrautir og
ennfremur boðið upp á listnám og al-
mennt nám. Þá er í gangi uppbygg-
ing á öðrum sviðum, s.s. markaðs- og
upplýsingafræða, sjónlista og hönn-
unar, fjölmiðla- og íþróttafræða.
Hann segir að þótt stuttur tími sé lið-
inn frá því að skólinn flutti í nýtt hús-
næði megi þegar sjá að nú stefni í
góðan árangur nemenda sem hægt
sé að tengja við betra húsnæði og að-
stöðu.
Varðandi framtíð skólans segist
Þorsteinn búast við því að almennt
verði fleiri sem fari í framhaldsskóla
á komandi árum. Framhaldsskólar
fyrir fáa útvalda séu börn síns tíma
og nemendahópurinn verði sífellt
breiðari og taka þurfi tillit til fleiri
þarfa nemenda en áður hefur tíðkast.
Við Fjölbrautaskóla Garðabæjar hef-
ur verið stofnuð sérdeild fyrir
þroskahefta nemendur í stofum sem
innréttaðar hafa verið fyrir fatlaða
ásamt eldhúsi. I vetur verða fimm
nemendur í þessari deild. Einnig
verður boðið upp á öfluga þjónustu
við nemendur með háar einkunnir úr
grunnskóla, þar sem áhersla er lögð
á að nemendur kafi dýpra ofan í nám-
ið undir kjörorðunum - hraði, hópur,
gæði.
Alltaf fín stemmning í skólanum
Morgunblaðið/Sverrir.
Kristinn Magnússon, formaður nemendafélags FG.
KRISTINN Magnússon er formað-
ur nemendafélags Fjölbrautaskóla
Garðabæjar. Hami er að hefja
lokaár sitt í skólanum og hyggur á
útskrift næsta vor af náttúrufræði-
braut. Hann var við nám í skólan-
um í einn vetur áður en flutt var í
nýtt húsnæði við Skólabraut. Hann
segir að það hafi verið meiriháttar
að komast úr húsi í niðurniðslu,
þar sem kennt var í þremur bygg-
ingum, í nýtt húsnæði með öllu
nýju, búnaði og öðru. Reyndar hafi
húsið verið svolitið hrátt fyrsta
veturinn, en hafí batnað með
hverjum áfanga sem lokið hefúr
verið við.
Hann segir félagslíf nemenda
vera öflugt og haldin verði böll og
skemmtikvöld, auk þess sem ýmsir
klúbbar starfi innan skólans. Krist-
inn segir að í gamla skólanum hafí
alltaf verið fín stemmning og nýtt
hús hafi bara bætt aðstöðuna og
gert alla vinnu þægilegri. Þessa
dagana er verið að undirbúa busa-
daginn og þá verður samfelld dag-
skrá frá morgni fram á nótt. Bus-
amir verða klæddir upp og hlegið
að þeim og um kvöldið verður
hefðbundinn busadansleikur.
_____MORGUNBLAÐIÐ
AKUREYRI
Morgunblaðið/Kristján
Heitar laugar heilla
FÓLKIÐ á myndinni virðist hafa
það gott þar sem það baðar sig í
einu af vatnslónunum í Náma-
skarðinu, en þarna má sjá Kísil-
iðjuna í baksýn. Að sögn Péturs
Snæbjörnssonar, hótelstjóra á
Hótel Reynihlíð, er þetta af-
fallslón úr svokölluðu Bjarnalóni
en þarna hafa ýmsir haft hug á
að koma á fót náttúrulegum bað-
stað. Hann sagði hins vegar að
menn hefðu ekki mælt með þessu
við almenning enn sem komið er
því hverasvæði geta leynst á
botninum og þar væri hætta á að
fólk brenndi sig ef ekki væri var-
lega farið. Hins vegar væri vatn-
ið víðast hvar þægilega heitt, eða
39-40 gráður. Pétur sagði að
þrátt fyrir að þetta væri ekki
auglýstur baðstaður hefði fjöldi
fólks brugðið sér í vatnið í sum-
ar, jafnt erlendir gestir sem Is-
lendingar.
Kennsla að hefjast á sjávarútvegs-
sviði VMA á Dalvík
Fækkun nemenda
veldur áhyggjum
KENNSLA hefst í útvegssviði
VMA á Dalvík í næstu viku. Enn
sem komið er eru 25 nemendur
skráðir til náms en þeir voru 50 í
fyrra. Að sögn Bjöms Bjömssonar,
yfirmanns útvegssviðsins, þá kemur
sú fækkun til vegna þess að enginn
nemandi er skráður til náms í skip-
stjómarréttindum en skólinn út-
skrifaði 16 skipstjómarmenn á síð-
asta ári. Hjalti Jón Sveinsson,
skólameistari Verkmenntaskólans á
Akureyri, fundaði með mennta-
málaráðuneytinu í síðustu viku, því
þá var Ijóst að ekki væri hægt að
halda úti kennslu á Dalvík ef ekki
kæmi til aukafjárveiting. Sú fjár-
veiting fékkst og nú sagðist Hjalti
Jón Sveinsson vonast til þess að for-
ráðamenn skólans, heimamenn á
Dalvík og aðilar í atvinnulífinu sam-
einuðust um að gera útvegssviðið að
góðum námskosti.
Bjöm sagði að horfa yrði á þessa
fækkun nemenda á landsvísu. „Nú
er enginn skráður til náms hér í
skipstjórnarréttindum en á síðasta
ári útskrifuðum við sextán. Þessi
fækkun er líka á landsvísu, hún er
ekki bara hér,“ sagði Bjöm. Hann
sagði einnig að það ætti eftir að
auglýsa innritun í einstök fög en
sumir nemendur hafa einstaka
áfanga á bakinu sem þeir eiga eftir
að klára og því gæti nemendafjöldi
eitthvað breyst áður en kennsla
hefst í næstu viku.
Verknám mætir ekki skilningi
Eins og áður sagði þá réðst það á
fundi með menntamálaráðuneytinu í
síðustu viku að aukafjárveiting
kæmi til svo að hægt yrði að halda
úti kennslu á útvegssviðinu á Dalvík.
Björn sagði að það væri gott að það
væri orðið að veruleika en sagði
samt að námið yrði að fá meiri skiln-
ing í framtíðinni. „Það er ekki aðeins
núna sem það er að uppgötvast að
við eram undir peningalega. Fag-
nám í sjávarútvegi hefur ekki mætt
nægilegum skilningi á undanfómum
áram, bóknámið virðist enn skyggja
á verknámið. Þessari þróun verður
að snúa við og við viljum blása til
sóknar. Það er ekki neinn bilbug á
okkur að finna,“ sagði Bjöm.
Aðstaðan mjög góð
Bjöm sagði að öll aðstaða til
kennslu á sjávarútvegssviði væri
orðin mjög góð. Deildin væri komin
með nýtt húsnæði, í gamla barna-
skólanum á Dalvík, og tækjabúnað-
ur væri með því besta sem völ væri
á hér á landi. „Við vorum búin að
berjast lengi fyrir því að fá þennan
tækjabúnað, en námið krefst dýrra
og sérhæfðra tækja, og mér finnst
hreinasta vitleysa að fara að loka
þessu núna loksins þegar við erum
komin með góðan tækjabúnað,“
sagði Bjöm. Bjöm sagði að kenn-
aramálin stæðu einnig vel, deildin
hefði yfir góðum og hæfum kennur-
um að ráða.
Bjöm sagði að sér fyndist sem al-
menn kynning á náminu væri alls
ekki nægilega góð. „Það vantar
skýrari stefnumótun og betri kynn-
ingu. Við erum hins vegar ekki í
stakk búnir til að fara að auglýsa
hér og þar í fjölmiðlum þannig að
skilningur á þessu námi þarf að
aukast,“ sagði Bjöm.
Aðstoð frá menntamálaráðu-
neytinu
Hjalti Jón Sveinsson, skólameist-
ari Verkmenntaskólans á Akureyri,
sagði að hann hefði átt fund með
menntamáluráðuneytinu í síðustu
viku. „Þar fóram við yfir stöðuna og
sérstaklega fækkun nemenda. Eg
gerði einnig grein fyrir því að skól-
inn treysti sér ekki til að halda úti
kennslunni á Dalvík nema til kæmi
aukin aðstoð. Við fengum síðan svar
frá ráðuneytinu þar sem þeir sögð-
ust telja rétt að halda úti kennslu á
útvegssviðinu á Dalvík og að gerður
yrði sérstakur samningur um næsta
skólaár," sagði Hjalti Jón.
Hjalti segir einnig nauðsynlegt að
heimamenn, skólayfirvöld og aðilai’
í sjávarútvegi snúi bökum saman í
framtíðinni. „Ástandið í náminu
virðist vera það sama á landsvísu og
það er mitt álit að menn verði að
standa saman og laða hingað nem-
endur. Við hér í Verkmenntaskólan-
um eram áfjáðir í að nám á útvegs-
sviðinu verði blómlegt í framtíð-
inni,“ sagði Hjalti Jón.