Morgunblaðið - 19.10.1999, Page 24
24 ÞRIÐJUDAGUR 19. OKTÓBER 1999
MORGUNBLAÐIÐ
VIÐSKIPTI
Ný tækni gæti komið í
stað þreytandi búðarölts
Fötin „mátuð“
í tölvunni
Net-módel eru ætluð til að máta fatnað á Netinu og eru til í öllum
stærðum og gerðum. Fyrst um sinn er þjónustan ætluð konum, en síð-
ar munu eftirmyndir karlmanna bætast í hópinn.
LÍKLEGA hefði mörgum þótt það
djörf framtíðarsýn þegar MS-DOS
stýrikerfið réð lögum og lofum og
myndræn framsetning var lítt
þekkt í einkatölvuheiminum, að
kaupendur ættu eftir að skoða og
jafnvel máta fatnað í tölvunni. Þar
með gætu þeir sem leiðir væru
orðnir á búðarápi losnað við slíkt,
en þess í stað átt þægilega stund við
tölvuskjáinn, þar sem mátunarklef-
inn væri í músarhnappnum.
Hugbúnaðarkerfi frá kanadíska
hugbúnaðarfýrirtækinu Public
Technologies Multimedia í Mont-
real í Quebec-fylki (www.ptm.ca)
gerir fólki kleift að útbúa eftirmynd
sína á heimasíðu fataverslana, sem
það bjóða, og klæða „net-módelið“,
sem nefnist „My Virtual Model“ á
ensku. A heimasíðunni geta við-
skiptavinir svo valið þann fatnað
sem þeim hugnast og skoðað hann
frá öllum hliðum.
Stofnandi fyrirtækisins, Louise
Guay, en starfsmenn þess eru nú
um 250 talsins, segir að tæknin sé
eins og elektrónískur spegill. Þú
sjáir ekki sjálfan þig i speglinum
heldur hið þrívíða tölvumódel. Hún
hefur jafnframt yfir varnaðarorð til
notenda framtíðarinnar: „Ef þú
segir ósatt um líkamsástand þitt á
heimasíðu verslunarinnar, mun net-
módelið einnig segja þér ósatt um
það, hvaða föt fari þér vel.“
Það er því vissara að gefa réttar
upplýsingar, því eftir að net-módel-
ið hefur verið búið til, gefur vefsíð-
an notandanum ráðleggingar um
hvernig snið og litir muni henta við-
skiptavininum best.
Sala eykst úr 16 í
61 milljón dollara
Hugbúnaðurinn er nú þegar í
notkun í þremur Net-verslunum
sem versla með fatnað: Hjá Bout-
ique San Francisco, www.bsf.ca, hjá
vörulistaversluninni Land’s End,
www.landsend.com, og á vefsíðu
bandarísku verslunarkeðjunnar
J.C. Penney, www.jcpenney.com,
sem ætluð er konum sem eru vel við
vöxt, undir nafninu Just4me.
Blaðamaður var staddur í húsa-
kynnum fyrirtækisins á dögunum
og kynnti Nicolas Dion, yfirmaður
hjá Public Technologies Multi-
média, fyrirtækið. „A næstunni
munu koma endurbætur á hugbún-
aðinum, sem eiga að gera fólki kleift
að skapa net-módel sem hefur mjög
líkt andlitsfall og notandinn."
Blaðamaður spyr hvort ekki
verði hægt að senda passamynd af
sér í rafrænu formi yfir Netið, sem
sett yrði á andlit net-módel síns til
að búa til sannfærandi eftirmynd á
skjánum, en Dion svarar að „slíkt
sé erfiðleikum bundið þar sem net-
módelið er skoðað frá öllum hliðum.
Því verður andlitið að vera þrívítt
eins og aðrir hlutar líkamans."
Nicolas Dion upplýsir blaðamenn
um það að verð hlutabréfa í Land’s
End-verslunaríyrirtækinu hafi
hækkað um 350% eftir að tilkynnt
var að verslunin hygðist bjóða net-
módelið á heimasíðu sinni. Hann
segir og að tekjur Land’s End hafi
aukist úr 16 milljónum dollara í 61
milljón og sé því spáð að þær verði
200 milljónir dollara á næsta ári og
er vöxturinn aðallega vegna net-
módelsins að því er Nicolas Dion
segir. „Land’s End er upprunalega
vörulistaiyrirtæki og því eru við-
skiptavinir þess vanir því að kaupa
föt án þess að geta þreifað á þeim
og raunverulega mátað þau,“ segir
Dion. Jafnframt segir hann reynsl-
una af net-módelinu vera þá að end-
urkomuhlutfall viðskiptavina sé
3,5^5%.
I hálfrökkvuðum sal, á að giska
15 sinnum 45 metra stórum, sitja
fjölmargir tæknimenn við full-
komnar Silicon Graphics-tölvur, og
búa til þrívíðar tölvueftirmyndir af
fatnaði, sem verslanimar vilja
bjóða á vefnum. Fulltrúi fyrirtækis-
ins segir blaðamanni Morgunblaðs-
ins að það taki 1-3 daga fyrir eina
tæknimanneskju að fullgera raf-
ræna tölvueftirmynd af flík, sem
svo sé hægt að sýna hana á Netinu.
Hann segir jafnframt að unnið sé
að því að gera þetta ferli sjálfvirk-
ara. Með því muni í framtíðinni
verða ódýrara og fljótlegra að út-
búa fatnað til sölu í sýndarveruleika
Netsins, og þar með muni smærri
verslanir einnig geta notað þessa
tækni til að auka þjónustuna við
viðskiptavini sína, hvar sem þeir
eru staddir í heiminum. Hann spáir
því að fljótlega muni kostnaður við
að útbúa þrívíða tölvueftirmynd af
einni flík lækka úr 1.500 kanadísk-
um dollurum (ca. 70.600 krónum) í
1.000, og svo í 500 dollara.
GOLFEFNABUÐIN
Mikið úrval
fallegra flísa
Borgartún 33 • R.VK
Laufásgata 9 • AK
ABS3000
Hrað-þunnflotefni
Alvöru flotefni
fyrir „dúkara''
ABS|
3000
/
OPTIROC
Efni frá: /api7
OPTIROC
Gólflaenir
IÐHAÐARQÓLF
Smlöjuvegur 72,200 Kópavogur
Síml: 564 1740. Fax: 584 1769
Murdoch
reynir að ná
fótfestu í
Evrópu
London. Reuters.
RUPERT Murdoch, stjórnarfor-
maður News Corp, segir að fyrir-
tæki hans eigi í viðræðum við
Kirch Group og Deutsche Tel-
ekom í Þýzkalandi um hugsanlega
eignaöflun til að ná fótfestu á
evrópskum fjölmiðlamarkaði.
Að sögn Murdochs hefur News
Corp rætt við Kirch-fyrirtækið
um þýzkt, stafrænt sjónvarpsfyr-
irtæki þess, Premiere, og auk
þess möguleika á að kaupa hluta
kapalsjónvarpskerfis Deutsche
Telekoms.
Murdoch sagði að ekkert væri
af viðræðnum að frétta á þessu
stigi. Tilraunir Murdochs til að
færa út kvíarnar í Evróu hafa
strandað á neikvæðri afstöðu
stjórn- og eftirlitsyfirvalda.
News Corp Europe deild Mur-
dochs, sem tók til starfa fyrir ári
til ryðja útþenslu hans braut á
meginlandi Evrópu, hefur náð
þeim eina árangri að kaupa 35%
hlut í ítalska áskriftarsjónvarpinu
Stream.
Murdoch sagði ennfremur að
hann væri andvígur samruna
BSkyB, sem News Corp á 40%
hlut í, og franska áskriftarsjónv-
arpsins Canal Plus.
Sérfræðingar hafa gert lítið úr
möguleikum á slíkum samruna
síðan franska fjölgreinafyrirtækið
Vivendi keypti 24,5% hlut í
BSkyB og 49% hlut í Canal Plus.
Bréf í BSkyB lækkuðu um 1,4%
í London þrátt fyrir meiri hagnað
á þriðja ársfjórðungi en spáð var.
Bréf í Vivendi lækkuðu um 3,2%
og í Canal Plus um 1,4%.
KPMG gefur
milljón doll-
ara í NetAid
RÁÐGJAFAFYRIRTÆKIÐ
KPMG Intemational afhenti NetA-
id samtökunum milljón dollara í
beinni útsendingu á Netinu á laug-
ardag, að því er fram kemur í frétta-
tilkynningu frá KPMG Endurskoð-
unhf.
NetAid samtökin berjast gegn ör-
birgð um allan heim og stóðu fyrir
tónleikum á Netinu á laugardag.
Quincy Jones tók við upphæðinni
fyrir hönd samtakanna en Stephen
G. Butler, nýskipaður stjómarfor-
maður KPMG Intemational, afhenti
fjárhæðina.
KPMG hafði yfimmsjón með gerð
vefsíðunnar sem notuð var til út-
sendingarinnar á Netinu og annaði
síðan 16.000 heimsóknum á sekúndu
eða 60 milljónum á klukkustund.
-----♦ ♦ ♦------
Tók Fendi
boði LVMH-
Prada?
London. Rcutcrs.
NÍU HUNDRUÐ milljóna dollara
sameiginlegt tilboð franska lúxus-
vörufyrii-tækisins LVMH og ítalska
tízkufyrirtækisins Prada í fatahönn-
unaríýrirtækið Fendi hefur borið
árangur samkvæmt blaðafréttum.
Fullltrúar LVMH og Prada und-
irrituðu samning við Fendi-fjöl-
skylduna í Róm nýverið að sögn
bandarísks blaðs.
Fyrirtækin sigraðu þrjá keppina-
uta: Gucci, Texas Pacific og Bulgain.
Texas Pacific hóf tilboðsstríðið fyrii’
nokkram mánuðum með því að
bjóða 500 milljónir dollara fýrir
Fendi. Aðalkeppinauturinn, Gucci,
mun hafa boðið rámlega 700 milljón-
ir dollara.
Samkvæmt tilboði LVMH-Prada
mun Fendi-fjölskyldan halda áfram
að starfa í fýrirtækinu.