Morgunblaðið - 08.01.2000, Qupperneq 21

MORGUNBLAÐIÐ
VIÐSKIPTI
LAUGARDAGUR 8. JANÚAR 2000 21
Bandarísk fasteigna-
keðja á danskan markað
Kaupmannahöfn. Morgunblaðið
BANDARÍSKA fasteignasölukeðj-
an RE/MAX hyggst á næstunni
halda innreið sína á danska fast-
eignamarkaðinn og opna um hundr-
að söluskrifstofur í Danmörku.
Bandaríska keðjan, sem er einn
stærsti fasteignasali í heimi á sviði
einkahúsnæðis, byggir á sérleyfis-
kerfi líkt og McDonald’s skyndibita-
staðimir. I viðtölum við dönsk blöð
hafa danskir fasteignasalar borið sig
vel og segjast ekki hafa mikla trú á
velgengni keðjunnar, því danski fast-
eignamarkaðurinn sé mjög vel
skipulagður. Keðjan hefur áður náð
mikilli útbreiðslu í Asíu og nú
Evrópu, til dæmis í Þýskalandi.
I Danmörku starfa fyrir nokkrar
danskar fasteignakeðjur, sem eru
með söluskrifstofur víða og sem
einnig eru reknar á sérleyfiskerfi.
Um helmingur danskra fasteigna-
sala starfar á vegum keðja og í gegn-
um hendur þeirra fara um 90 prósent
allrar fasteignasölu. Fasteignasal-
arnir dönsku starfa einnig náið með
húsnæðislánastofnunum og bönkum.
Vantrú á möguleika
keðjunnar í Danmörku
Enn er óljóst hvernig RE/MAX
mun skipuleggja samband sitt við
danskar lánastofnanir, en kakan sem
til skipta er stækkar ekki. Leif Knu-
dsen formaður samtaka danskra fa-
steignasala segir í viðtali við Politik-
en að hann hafi ekki trú á að danskir
fasteignasalar flykkist til RE/MAX.
Steve Jobs Reuters
Jobs verður
forstjóri Apple
STEVE Jobs hefur formlega tekið
við starfi forstjóra Apple-tölvuris-
ans, að því er fram kemur á fréttavef
BBC. Fram til þessa hafði hann
gegnt starfi forstjóra til bráðabirgða.
Jobs stofnaði Apple-fyrirtækið
ásamt vini sínum, Steve Wozniak, ár-
ið 1976 en var látinn fara frá fyrir-
tækinu árið 1985. Tólf árum síðar
snéri hann aftur þegar gjaldþrot
þess vofði yfir. Salan hafði hrunið,
tapið var gríðarlegt og bréf í félaginu
höfðu fallið í verði.
A þeim tveimur og háifa ári sem
liðið er frá því Jobs kom aftur að
stjórn Apple hefur hann náð að snúa
blaðinu við. Ein helsta ástæða þess
er framleiðsla og sala á hinum svo-
nefndu iMac-tölvum. Hagnaður síð-
asta árs nam um 600 milljónum
bandaríkjadala og bréf félagsins
hafa fimmfaldast í verði.
A dögunum var nýjasta afurð
Apple kynnt, en það er Mac OS X,
nýtt stýrikerfi fyrir Machintosh-tölv-
ur. Er áætlað að sala á þessum nýja
hugbúnaði hefjist á sumri komandi.
-------------------
Dunlop segir
upp 650 starfs-
mönnum
STARFSMÖNNUM hjólbarða-
verksmiðju Dunlop í Birmingham á
Englandi verður fækkað um 650 í
kjölfar þeirrar ákvörðunar forráða-
manna fyrirtækisins að hætta fram-
leiðslu dekkja fyrir vörubifreiðar, að
því er fram kemur á fréttavef BBC.
Að sögn talsmanns fyrirtækisins
er þessi aðgerð nauðsynleg fyrir fyr-
irtækið til að bæta samkeppnisstöðu
sína, en mikið umfram framboð hef-
ur einkennt evrópska dekkjaiðnað-
inn að undanförnu.
Gert er ráð fyrir að framleiðslunni
verði hætt í marsmánuði nk.
Þeir séu þegar almennt ánægðir með
kjör sín og því geti verið erfitt að fá
vana starfsmenn til starfa hjá RE/
MAX.
I viðtali við Berlingske Tidende
segir Steen Winther-Petersen for-
maður fasteignasalafélagsins í
Kaupmannahöfn að hann trúi ekki á
möguleika RE/MAX í Danmörku,
því danski markaðurinn sé ekki sam-
bærilegur við þá markaði, sem RE/
MAX hafi þegar náð góðri fótfestu á.
Winther-Petersen, sem sjálfur hefur
bandarískt fasteignasalapróf, segir
að það einkenni oft bandarísk íyrir-
tæki erlendis að halda að þau geti yf-
irfært sínar hugmyndir erlendis, en
efast um að það takist í Danmörku.
Danskir fasteignasalar séu vel
menntaðir miðað við bandaríska
starfsbræður og veiti góða þjónustu.
RE/MAX býður fasteignasölum
betri kjör en þeir hafa hjá dönsku
keðjunum, en danskir fasteignasalar
benda á að slíkt náist aðeins með því
að minna verði kostað til þjónustu
við kaupendur, til dæmis minna
auglýst. Það sé því vart viðskiptavin-
unum í hag. I viðtali við Politiken
segir Jan Nordman upplýsingafull-
trúi EDC, einnar af stóru dönsku
keðjunum, að vissulega hafi alþjóð-
leg keðja eins og RE/MAX alla burði
til að kaupa sig inn á markaðinn,
kosta miklu til um hríð án þess að
hirða um ágóða. Hann hefur þó ekki
trú á að dæmið gangi upp hjá RE/
MAX til lengdar, því það sé lítið
svigrúm á danska markaðnum, sem
þegar sé vel skipulagður og veiti
góða þjónustu.
57 starfsmenn hjá RE/MAX
RE/MAX var stofnaði í Denver,
Colorado, 1973, en starfar nú í 32
löndum í sex heimsálfum og hjá þeim
starfa 57 þúsund sölumenn á 3.400
skrifstofum. Útrás á markaði utan
Bandaríkjanna og Kanada, þar sem
keðjan er sú stærsta sinnar tegund-
ar, hófst 1991 á Kyrrahafssvæðinu,
tveimur árum síðar í Mexíkó og 1995
voru opnaðar söluskrifstofur í Suð-
ur-Afríku, Spáni, ísrael, Ítalíu og
Þýskalandi. Síðan hafa bæst við
skrifstofur á írlandi, í Bretlandi,
Hollandi, Tyrklandi, Singapúr,
Astralíu, Grikklandi, Kýpur, Liecht-
enstein, Austurríki, Portúgal og
Frakklandi. Keðjan er enn í eigu
stofnenda sinna og er rekin af þeim.
Vil kynnast stjórnanda
með náið samband í huga!
Jafnvel vönduðustu tölvukerfi kreQast eftirlits, viðhalds
og endurbóta. Rekstrarþjónusta EJS felur
í sér almennt og fyrirbyggjandi eftirlit
með vélbúnaði, álagi og öryggiskerfum.
Kostnaði og töfum vegna bilana er haldið
í lágmarki. Fræðsla og ráðgjöf bætir kunnáttu
starfsmanna og eykur aíköst þeirra. Þarinig getur BS
hjálpað þér að lækka rekstrarkostnað og
vernda Qárfestingu pína I tölvukerfinu.
Við leggjum til langtíma samband byggt
á gagnkvæmu trausti.

EJS vinnur samkvæmt ISO 9001 vottuðu gæðakerfi + EJS hf. + 563 3000 + www.ejs.is + Grensásvegi 10 + 108 Reykjavík