Morgunblaðið - 26.04.2000, Síða 24

24 MIÐVIKUDAGUR 26. APRÍL 2000
MORGUNBLAÐIÐ
VIÐSKIPTI
íslenska skófyrirtækið X18 gerir sölusamning fyrir 7,3 milljarða króna í Bandaríkjunum
Islenskir skór
í 34 löndum
Morgunblaðið/Golli
Óskar Axel Óskarsson, framkvæmdastjóri X18, Pétur Björnsson, stjórnarformaður X18 og Halldór Ásgrímsson,
utanríkisráðherra, kynntu í gær sölusamning sem X18 hefur gert í Bandaríkjunum.
ÍSLENSKA skófyrirtækið X18, The
fashion group, hefur gert eitt hundr-
að milljóna dollara sölusamning, eða
sem svarar 7,3 milljörðum íslenskra
króna, við bandaríska dreifingarfyr-
irtækið New York Transit. Samning-
urinn sem gildir til tíu ára verður
formlega staðfestur þann 5. maí
næstkomandi. í ár er reiknað með
sölu til Bandaríkjanna fyrir 4 millj-
ónir dollara eða sem svarar til 280
milljóna króna.
X18, sem er tveggja ára gamalt
fyrirtæki, var stofnað af skófyrirtæk-
inu Sportvörum og Útgerðarfélaginu
Sögu. Nýverið keypti Nýsköpunar-
sjóður 30% hlut í félaginu fyrir 75
milljónir króna en Saga og Sportvör-
ur eiga 35% hlut hvort félag.
Þetta er langstærsti sölusamning-
ur sem X18 hefur gert. Samkvæmt
fréttatilkynningu tryggir hann fyrir-
tækinu miklar og stöðugai’ tekjur
áratug fram í tímann, bestu við-
skiptakjör við verksmiðjur sínar í
Austurlöndum og trausta og viða-
mikla markaðssetningu á X18 í
Bandaríkjunum og Kanada. „New
York Transit er rótgróið fyrirtæki,
velti 80 milljónum bandaríkjadala á
síðasta ári og mun það dreifa X18 í
fjölda skó- og tískuverslana og helstu
verslanakeðjum Bandaríkjanna, s.s.
Macy’s, Bloomingdales og Nord-
strom. Alls þýðir samningurinn að á
Bandaríkjamarkaði verða seld á aðra
milljón skópara, merkt X18 Reykja-
vík.
X18-skór eru nú þegar seldir í 34
löndum í fimm heimsálfum, meðal
annars í 1100 verslunum í Bretlandi,
69 verslunum í Hong Kong og 40 í
Danmörku," að því er fram kemur í
fréttatilkynningu.
Útlit fyrir hagnað í ár
Að sögn Péturs Bjömssonar,
stjómarformanns X18, hefur X18
gengið í gegnum töluverða byrjunar-
örðugleika eins og títt er um fyrir-
tæki í nýsköpun, framleiðslu og
markaðssetningu á alþjóðlegum
markaði en nú síðustu mánuði hafa
erfiðleikarnir vikið íyrir jákvæðari
fréttum.
Á síðasta ári nam sala X18 um 120
milljónum króna og er áætlað að sal-
an í ár nemi 430 milljónum króna.
„Aikoman fyrstu tvö árin var ekki
góð og töluvert mikið tap af fyrirtæk-
inu sem er töluvert algengara en ekki
í svona starfsemi. Hinsvegar gerir
okkar rekstraráætlun ráð fyrir
þokkalegum hagnði á þessu ári,“ seg-
ir Pétur
Stöðugildum fjölgað
úr 14 í 40 á 3 árum
Skór X18 em framleiddir í Kína en
hannaðir á Islandi en starfsmenn fé-
lagsins era 13 á í slandi og 1 í Kína við
hönnun, markaðssetningu og skipu-
lag dreifmgar, en tugir umboðs-
manna mynda sölu- og dreifingarnet
X18 um allan heim. Gert er ráð fyrir
að stöðugildum X18 í Reykjavík muni
fjölga í 40 á næstu þremur árum.
Að sögn Óskars Axels Óskarsson-
ar, framkvæmdastjóra X18, er ætl-
unin að víkka út starfsemi fyrirtæk-
isins í framtíðinni með framleiðslu á
ilmvötnum, fatnaði og töskum undir
vöramerki X18.
„X18 er fyrst og fremst markaðs-
setningarfyrirtæki en stefnan er að
einbeita sér að einu markaðssvæði í
einu en alls staðar með sc nu eða
svipuðum aðferðum."
600 milljónir
í markaðskostnað 2006
Næst einbeitir X18 sér að Dan-
mörku en að sögn Péturs verður 60
milljónum varið í markaðssetningu
þar. Ætlunin er að auglýsa í flestöll-
um kvikmyndahúsum landsins,
strætisvögnum og með heilsíðu-
auglýsingum í helstu tímaritum Dan-
merkur. Árið 2003 verður farið í 200
milljóna króna markaðsátak í Bret-
landi sem verður með svipuðu sniði
og í Danmörku auk þess sem meira
verður auglýst á sjónvarpsstöðvum
eins og MTV. Samkvæmt upplýsing-
um frá X18 er fyrir árið í ár gert ráð
fyrir markaðskostnaði upp á 400
milljónir króna og 600 milljónir
króna árið 2006. „Stefnt er að því að
gera sérleyfissamninga við einkaað-
ila um opnun og rekstur á 100 versl-
unum víða um heim á næstu fimm ár-
um. Einn slíkur samningur hefur
þegar verið gerður og verður fyrsta
verslunin í þessari keðju opnuð á
næstu dögum í Kringlunni í Reykja-
vík. X18 er skráð vöramerki í 25
löndum og á einkarétt á sólanum
Genetic. Þegar hafa selst yfir 100.000
pör af Genetie og er hann söluhæsti
skór fyrirtækisins. Vörar X18 era 1
1100 verslunum í Englandi, þar af
rúmlega 100 í London og að minnsta
kosti 20 verslunum við Oxford
Street. í Bandaríkjunum er X18
komið í stórar verslunarkeðjur eins
og Nordstrom, Bloomingdales,
Macy’s og Urban Outfitters auk
fjölda annarra verslana í Norður-
Ámeríku og Kanada. X18 er í 69
verzlunum í Hong Kong. I Dan-
mörku er X18 í 40 verzlunum," sam-
kvæmt upplýsingum frá X18.
Halldór Asgrímsson utanríkisráð-
henTa sagði á kynningarfundi hjá
X18 í gær að fyrirtækið sýndi þá
gerjun sem er í íslensku atvinnu- og
efnahagslífi.
Hann sagði að ekki væri nóg að
hafa hugmyndir heldur þyrfti að hafa
aðgang að fjármagni og mörkuðum. ‘
„Það er okkar sem eram í stjórnmál-
um að reyna að hjálpa til við það. Að
koma því þannig fyrir í skipulagi
okkar samfélags að okkar samfélag
hafi frian aðgang að erlendum mörk-
uðum og hafi líka möguleika til þess
að nálgast fjármagn í starfsemi sína.
Það er því afar ánægjulegt að Ný-
sköpunarsjóður hefur haft áræði til
að veðja á þetta unga fólk og við er-
um stolt af því í utanríkisþj ónustunni
að hafa líka getað lagt lóð á vogar-
skálarnar við það að aðstoða við I
markaðssetningu á þessum vöram,“ ‘
sagði Halldór.
í byrjun júní hefur Kaupþing starfsemi í Stokkhólmi og verður með aðsetur miðsvæðis í helsta fjár-
málahverfi borgarinnar. Samhliða verður stofnaður nýr fjárfestingarsjóður á sviði hátækni sem leggja
mun sérstaka áherslu á þráðlaus fjarskipti.
Orðin "Net" og "hátækni" eru ekki lengur sjálfkrafa trygging fyrir velgengni fyrirtækja. Vanda þarf vet
til verka þegar fjárfest er í hátækni. Þess vegna hefur Kaupþing fengið til liðs við sig einstaklinga úr
sænsku viðskiptalífi sem eru kunnir fyrir þekkingu sína á hátækni og þráðlausum fjarskiptum. Þessir
sérfræðingar sitja í stjórn, ráðgjafaráði og fjárfestingarráði nýja sjóðsins og gegna lykilhlutverki við
greiningu og rannsóknir á einstökum fyrirtækjum.
Markmið Kaupþings með stofnun hátæknisjóðs í Stokkhólmi er að greina álitlegustu kostina og fjárfesta
í óskráðum fyrirtækjum í vaxtargeirum hátækni og fjarskipta.
Allar upplýsingar um sjóðinn eru veittar í síma 5151500.
fm
hátækni
Þekking og reynsla
í Stokkhólmi
Stokkhólmur er ein helsta
miðstöð hátækni í Evrópu
og á undanförnum árum
hafa sprottið þar upp fjöl-
mörg fyrirtæki í fjarskipta-
og netþjónustu.
KAUPÞING