Morgunblaðið - 29.04.2000, Síða 22

22 LAUGARDAGUR 29. APRÍL 2000
MORGUNBLAÐIÐ
VIÐSKIPTI
Hagnaðurí
stað taps hjá
Fiskiðju-
samlaginu
Þrjár rekstrardeildir af fimm seldar
undir lok síðasta rekstrarárs
Fiskiðjusamlag Húsav íkur bti
Árshiutareikningur 2000 a JkJ ÉÉÉ
Rekstrarreikningur 1999/00 1998/99 Breyting
Rekstrartekjur Milljónir króna 1.117,1 1.268,4 -12%
Rekstrargjöld 1.000,1 1.143,2 -13%
Afskriftir 63,8 102,0 -37%
Fjármagnsgjöld umfram tekjur 20,3 102,7 -80%
Hagnaður/tap af reglulegri starfs. 33,0 -79,5
Söluhagn. og hlutdeildarfél. 3,3 -1,3
Hagnaður ársins 36,3 -80,8

Efnahagsreikningur 31.12.99 31.12.98 Breyting
Eignir samtals Milljónir króna 1.826,9 2.793,1 -35%
Eigið fé 656,2 632,0 +4%
Skuldir 1.170,7 2.161,1 -46%
Skuldir og eigið fé samtals 1.826,9 2.793,1 -35%
Kennitölur og sjóðstreymi 1999 1998 Breyting
Eiginfjárhlutfall 35,9% 22,6%
Veltufjárhlutfall 1,29 0,82
Veltufé frá rekstri Milljónir króna 63,3 54,9 +15%

SAMKVÆMT árshlutareikningi
Fiskiðjusamlags Húsavíkur fyrir
tímabilið 1. september 1999 til 29.
febrúar 2000 nemur hagnaður fyrir-
tækisins á tímabilinu 36 milljónum
króna. Hagnaður af reglulegri starf-
semi eru 33 milljómr.
í samanburði á milli ára er rétt að
hafa í huga að þrjár rekstrardeildir
af fímm voru seldar undir lok síðasta
rekstrarárs. Netagerð félagsins var
seld í maí sl., togarinn Húsvíkingur
var seldur sl. sumar og rækjuverk-
smiðja á Kópaskeri var seld Geflu,
að því er fram kemur í frétt frá FH.
Ekkert skip er í rekstri hjá FH á
þessu sex mánaða tímabili.
Stjóm félagsins hefur samið við
Atla Viðar Jónsson um að sinna
störfum framkvæmdastjóra félags-
ins tímabundið frá 1. maí næstkom-
andi en þá lætur núverandi fram-
kvæmdastjóri Einar Svansson af
störfum.
Gert ráð fyrir jafnvægi
í rekstrinum
Heildarafkoman er 117 milljónum
króna betri en í hálfsársuppgjöri
síðasta árs og 112 milljónum króna
betri niðurstaða af reglulegri starf-
semi á þessu sex mánaða tímabili.
Hagnaður fyrir afskriftir og fjár-
magnskostnað nam 117 milljónum
króna en það er svipuð afkoma og á
sama rekstrartímabili árið á undan.
Afskriftir lækkuðu mikið vegna
eignasölu og námu rúmum 63 millj-
ónum króna á móti 102 milljónum
árið áður. Fjármagnskostnaður er
um 20 milljónir og lækkaði á milli
ára um 82 milljónir og eru stærstu
skýringar á þessum mun mikil
skuldalækkun félagsins frá fyrra ári
og gengishagnaður upp á 13 milljón-
ir í stað gengistaps upp á 44 milljón-
ir sama tímabil á síðasta rekstrarári,
að því er segir í fréttinni. í endur-
skoðaðri áætlun er gert ráð fyrir að
reksturinn seinni helming rekstrar-
ársins verði í jafnvægi.
Nettóskuldii- voru 521 milljón í
lok febrúar 2000 sem er lækkun um
947 milljónir króna miðað við sama
tíma árið á undan en þá voru nettó-
skuldir félagsins 1.468 milljónir.
Veltufé frá rekstri er 63 milljónir
króna samkvæmt þessu uppgjöri í
stað 54 milljóna í sambærilegu upp-
gjöri árið áður. VeltufjárhlutfalÚð
hækkar úr 0,82 upp í 1,29. Eigin-
fjárhlutfall hækkar einnig umtals-
vert eða úr 22,6% upp í 35,9%.
Bolfiskdeild félagsins skilaði
áfram góðum hagnaði en rækju-
verksmiðja félagsins var rekin með
tapi þetta tímabil. Unnið hefur verið
á þremur sjö tíma vöktum í rækju-
vinnslunni á Húsavík en þriðju vakt-
inni var hætt í lok nóvember síðast-
liðinn. Einnig hafa vaktir verið
styttar og eru tvær sex tíma vaktir í
gangi í dag, að því er fram kemur í
frétt frá FH.
Fjárfestingarmöguleikar fyrir
önnur sjávarútvegsfyrirtæki
Ingólfur Áskelsson, greiningar-
sérfræðingur hjá íslenskum verð-
bréfum, segii- Fiskiðjusamlagið á
réttri leið með sölu eigna sem virðist
skila sér í afkomu fyrirtækisins á
þessu sex mánaða tímabili. „Af-
skriftir minnka töluvert og fjár-
magnsgjöld einnig og þetta er mjög
jákvætt. Félagið hefur minnkað
skuldir og losað sig út úr ýmsum
rekstri. Að mínu mati felast helst
fjárfestingarmöguleikar fyrir önnur
sjávarútvegsfyrirtæki í Fiskiðju-
samlagi Húsavíkur," segir Ingólfur.
Hann segir ýmsar kennitölur á
réttri leið og nefnir þar m.a. 15%
aukningu á veltufé frá rekstri.
Ingólfur segir mikla áhættu
fólgna í fjárfestingu í bréfum FH
þar sem seljanleiki sé lítill. „Sjávar-
útvegurinn hefur ekki skilað miklum
arði til fjárfesta. Menn vilja sjá vöxt
í þeim félögum sem fjárfest er í en
slíkt verður yfírleitt ekki nema með
sameiningu sjávarútvegsfyrir-
tækja.“
í morgunpunktum Kaupþings í
gær segir: ,jMkoma félagsins hefur
engan veginn verið viðunandi og við-
skipti með bréfín nánast engin,
munur á kaup- og sölutilboðum er
mjög mikill og telur greiningardeild
Kaupþings að vart sé hægt að telja
bréf félagsins markaðspappír,
greiningardeildin telur því of mikla
áhættu að fjárfesta í bréfum félags-
ins.“
Nýtt félag
stofnað um
fjarskipta-
þjónustu
NÝHERJI hefur stofnað sjálfstætt
hlutafélag um fjarskiptaþjónustu
undir nafninu Títan, en 30% hluti í
félaginu hefur verið seldur til íslan-
dssíma og 5% til Línu.Nets, auk þess
sem hvort félag um sig hefur kaup-
rétt að 5% hlut til viðbótar og verður
starfsmönnum boðið að kaupa 4%.
Hlutafé er 100 milljónir króna, en
söluhagnaður Nýherja vegna þessa
nemur um það bil 176 milljónum
króna. Starfsemi Títans verður í nýj-
um höfuðstöðvum Nýherja.
Títan mun bjóða íslenskum fyrir-
tækjum hagkvæman valkost í gagna-
flutnings- og talsímaþjónustu, að því
er fram kemur í fréttatilkynningu.
Títan byggir starfsemi sína á lausn-
um sem eru nú að ryðja sér til rúms á
sviði fjarskipta í heiminum. Um er að
ræða nýja IP, Ethernet og DWDM
tækni sem getur flutt mikið magn
gagna og tals samtímis um ljósleiða-
ranet. Nýja tæknin byggist á annarri
kynslóð internet-þjónustu sem felur
í sér aukið öryggi meðal annars með
tvöfaldri uppbyggingu kerfisins.
Nýherji hefur um árabil starfrækt
internet-þjónustu á fyrirtækjamark-
aði og hefur sá þáttur rekstrarins
vaxið hröðum skrefum á síðustu ár-
um og skilað góðri afkomu, að því er
segir í tilkynningunni. Viðskiptavin-
um internet-þjónustu Nýherja og
þeim sem eru með símstöðvar frá
Nýherja verða gerð tilboð um heild-
arlausnir á sviði tal- og gagnaflutn-
inga. Þá stendur fyrirtækjum sem
eru með fleiri en eitt útibú til boða að
samtengja staðarnet og símkerfi sín
um fjarskiptakerfi Títans. Títan býð-
ur viðskiptavinum m.a. tengingar
með allt að 100 Mb. flutningsgetu
sem er margfalt meiri hraði en þeim
hefur boðist til þessa.
AIls 36 fyrirtæki kynna vörur og þjónustu TórRek 2000 kaupstefnunni í Færeyjum
Aukin samvinna
í norðvestri
Valgerður Sverrisdóttir, iðnaðar- og viðskiptaráðherra íslands, gerði mögulega sam-
vinnu þjóðanna á fjármálamarkaði að umtalsefni í ræðu sinni.
ISLENSK stjómvöld og fjármálafyrir-
tæki ættu að kanna þann möguleika
að bjóða Færeyingum aðstoð við upp-
byggingu færeyska fjármálamarkað-
arins, sagði Valgerður Sverrisdóttir,
iðnaðar- og viðskiptaráðherra íslands, á fundi
um málefni landanna sem efnt var til í Norðar-
landahúsinu í Þórshöfn í Færeyjum í gær.
Fundurinn var haldinn í tilefni af TórRek
2000 kaupstefnunni sem hefst í Færeyjum í
dag. Efnt var til samskonar kaupstefnu á
Grænlandi 1997, í Færeyjum 1998 og í Reykja-
vík í fyrra. í ár kynna 36 fyrirtæki, þar af þrjú
grænlensk, vöru sína og þjónustu fyrir Færey-
ingum og virtust flestir sammála um að slíkar
kaupstefnur skyldu áfram vera árlegur við-
burður. Auka þyrfti tengsl þessara grannþjóða
sem væru of lítil þrátt fyrir aukningu síðari
ára. Á fundinum tóku til máls Valgerður
Sverrisdóttir, iðnaðar- og viðskiptaráðherra
Islands, Finnbogi Arge, iðnaðar- og viðskipt-
aráðherra Færeyinga, Vigdís Finnbogadóttir,
fyrrum forseti Islands f.h. Norðurlandahúss-
ins í Kaupmannahöfn og Erlendur Hjaltason
frá Eimskipafélaginu, en fundarstjóri var Jón
Ásbergsson, framkvæmdastjóri Utflutnings-
ráðs.
Valgerður gerði aukna samvinnu Islands og
Færeyja að umtalsefni í ræðu sinni. Hraðar
breytingar ógnuðu gömlum hefðum, sagði hún
og kvað aukna samvinnu auðvelda þjóðunum
að vinna með slíkum breytingum. Áukin við-
skipti hefðu átt sér stað milli Islands og Fær-
eyja undanfarin ár, þótt þau teldust ekki stór
hluti heildarútflutningsþví innan við 1% heild-
ar út- og innflutnings Islendinga sé til Fær-
eyja.
Að sögn Valgerðar segja þessar tölur þó
ekki alla söguna, því að þessum viðskiptum
standi að mestu lítil og meðalstór fyrirtæki og
því sé ljóst að viðskipti við Færeyjar séu mikil-
vægur þáttur í starfi þeirra. Hún benti enn
fremur á að umtalsverð aukning hafi orðið á
viðskiptum landanna fyrstu ellefu mánuði síð-
asta árs, en þá hafi útflutningur Islendinga til
Færeyja aukist úr 600 milljónum króna í 1.100
milljónir. „Færeyski neyslumarkaðurinn líkist
þeim íslenska og því má með réttu segja að
hann sé eins konar framlenging á markaði
okkar heima,“ sagði Valgerður og kvað hið
sama eiga við um Islandsmarkað fyrir Færey-
inga. „Með auknum viðskiptatengslum geta
báðar þjóðirnar stækkað markaðssvæði sitt.“
í ræðu sinni vakti Valgerður einnig athygli á
skýrslu sem nýsjálenskir sérfræðingar unnu
fyrir Færeyinga um efnahagsuppbyggingu
eyjanna. I skýrslunni er lögð áhersla á aukna
samvinnu Islands og Færeyja hvað viðskipta-
mál varðar og snýr ein af hugmyndum skýrsl-
unnar að aukinni samvinnu fjárfestingafyrir-
tækja þjóðanna. „Hraðar breytingar hafa átt
sér stað á íslenskum fjármálamarkaði í seinni
tíð,“ sagði Valgerður og benti á að verðbréfa-
markaður hafi náð að festa sig í sessi á Islandi
á tiltölulega stuttum tíma. „Þróunin í Færeyj-
um hefur hins vegar ekki verið jafnhröð og því
eiga íslensk fjármálafyrirtæki og stjórnvöld
möguleika á að bjóða fram sína aðstoð við að
byggja upp færeyska fjármálamarkaðinn. Það
kynni líka að reynast áhugavert skrái færeysk
fyrirtæki sig á verðbréfamarkaði íslands líkt
og mælt hefur verið með í skýrslunni," sagði
Valgerður og gerði samvinnumöguleika upp-
lýsingatækninnar að lokum að umræðuefni
sínu.
Kostir fleiri en gallar
Finnbogi Arge, iðnaðar- og viðskiptaráð-
herra Færeyinga, benti á að Færeyingar litu
gjarnan til Islendinga í leit að lausnum á efna-
hagsvanda sínum. í tölu sinni gerði hann þó já-
kvæð og neikvæð áhrif íslenskra fjárfesta á
færeyskt efnahagslíf að sínu aðalumtalsefni,
auk þess sem hann vakti athygli á að félagsleg
tengsl eyjanna mættu ekki heldur gleymast.
í máli sínu benti Finnbogi á að færeysk fyr-
irtæki væru e.t.v. ekki alltaf í stakk búin að
mæta samkeppni þeirra íslensku, nokkuð sem
gæti að sumra mati talist neikvætt. Ekki
mætti þó líta framhjá því að áhugi íslenskra
fyrirtækja færði meira fjármagn til Færeyja
og styrkti þannig efnahag landsins og sagði
Finnbogi slíkt óneitanlega verða að teljast stór
kostur. Hann nefndi sem dæmi Eimskipafélag
íslands, sem hefur verið með starfsemi í Fær-
eyjum sl. 10 ár. „Fyrirtæki eins og Eimskip
sem flytur fjármagn og þekkingu til landsins,
en hefur þó að stærstum hlut Færeyinga í
vinnu hjá sér, hlýtur að teljast jákvætt fyrir
efnahag eyjanna," sagði Finnbogi og kvað
Færeyinga því eiga að taka íslensku fjármagni
fagnandi hendi vegna þeirrar efnahagsupp-
byggingar sem það hefði í för með sér.
Hann vakti þá einnig máls á því að stærstur
hluti innflutnings Færeyinga kæmi frá Dan-
mörku og sagði vanann ráða þar líkast til
mestu, því ekki mætti síður leita til íslands.
„Báðar þjóðirnar vilja auka tengsl sín og við-
skipti þeirra á milli eru of lítil," sagði Finnbogi
og benti að lokum á að þar sem margir Færey-
ingar vildu í framtíðinni stefna að auknu sjálf-
stæði eyjanna þyrftu því óneitanlega að fylgja
umtalsverðar breytingar á efnahagsmálum.
Ekki væri úr vegi að líta til íslendinga í leit að
hugmyndum um hinn frjálsa markað og aukna
samkeppni. Nokkuð sem sé óumflýjanlegt eigi
Færeyingar að reynast samkeppnishæfír á al-
þjóðamörkuðum. „Þetta er nokkuð sem er
óumflýjanlegt og hefur ekkert með pólitík að
gera,“ sagði Finnbogi. „Samvinna veitir slíkar
lausnir og ég hef trú á að Færeyjar séu spenn-
andi vaxtasvæði, líka fyrir ísland og að aukin
samvinna þjóðanna kunni að reynast báðum
jákvæð.“
Vigdís Finnbogadóttir fjallaði því næst um
Norðurlandahúsið í Kaupmannahöfn sen
tengja muni saman Danmörku, Island og Fær-
eyjar bæði í nútíð og fortíð. Og að lokum fjall-
aði Erlendur Hjaltason um stækkandi mark-
aðssvæði íslands, Grænlands og Færeyja í
kjölfar alþjóðavæðingar, áhrif upplýsinga-
tækninnar á frekari vöxt og mikilvægi þess að
góðar flutningsleiðir séu fyrir hendi.
TórRek 2000 lýkur á morgun, sunnudag, en
að kaupstefnunni standa Utflutningsráð ís-
lands ásamt Eimskipafélagi íslands, auk þess
sem samráð var haft við borgarstjórann í
Reykjavík, Aflvaka Reykjavíkur, Fítur, Menn-
ingastovuna í Færeyjum og utanríkisráðherra.