Morgunblaðið - 13.07.2000, Blaðsíða 13

MORGUNBLAÐIÐ
FIMMTUDAGUR 13. JÚLÍ 2000 13
FRÉTTIR
Akureyringur útskrifast með BA-gráðu í kínversku frá háskola í Peking
Býr í Peking
og hyggur ekki
á heimferð
Hans Bragi í fullum skrúða á útskriftardaginn með foreldrum sínum
Bernharð Haraldssyni og Ragnheiði Hansdóttur, en þau komu alla leið
frá Akureyri til að vera viðstödd útskrift sonar síns.
NÁMSFRAMBOÐ í dag er blessun-
arlega fjölbreytt og margt stendur
fróðleiksfúsum nemendum til boða.
Enn í dag heyrist samt af Islending-
um sem útskrifast úr grein sem fáir
eða engir hafa numið áður. Einn af
þeim er Hans Bragi Bemharðsson,
frá Akureyri, sem útskrifaðist sem
BA í kínversku frá háskóla í Pek-
ing. Morgunblaðið sló á þráðinn til
hans í Peking og forvitnaðist um
ástæður þess að hann hóf nám í
framandi grein svo langt fjarri
heimahögunum og hvað hann
hyggðist gera í framtíðinni.
Ferðalag um Asíu
vakti áhugann
Hans Bragi er sonur Bernharðs
Haraldssonar og Ragnheiðar Hans-
dóttur á Akureyri. Hann segir að
forsaga þess að hann hafi ákveðið
að nema kínversku hafi verið sú að
á hálfs árs ferðalagi um Asíu árið
1994 hafi hann dvalið í tvo mánuði í
Kína og heillast af landinu. „Eg hóf
siðan nám í sagnfræði við Háskóla
íslands og fann mig ekki í því. Það
var alltaf að brjótast í mér að læra
kínversku eftir þessa dvöl mína í
landinu og þegar mér fannst há-
skólanámið á Islandi ekki ganga
upp hjá mér, þá ákvað ég að drífa
mig hingað út og skella mér í kín-
verskuna," sagði Hans Bragi.
Það var árið 1996 sem hann hóf
nám í Peking og þar hefur hann
búið síðan. „Þegar ég kom út var ég
svo að segja máliaus á kínversku og
hóf upphaflega nám í fornámsdeild.
Það tók ákveðinn tíma að komast
inn í námið. Fyrsta önnin var erfið-
ust en si'ðan komst ég smátt og
smátt inn í samfélagið hér.“
Þegar Hans Bragi er spurður
hvernig honum líki við kínverskt
samfélag, hlær hann við og segir:
„Mér líkar bara mjög vel við Kín-
verja og kínverskt samfélag, ann-
ars væri ég ekki búinn að vera
hérna allan þennan tíma. Samfélag-
ið er hins vegar gerólíkt íslenskum
veruleika og það tekur tíma að
læra að þekkja það. Eftir því sem
þú kemst í meiri snertingu við þetta
þá er Kína mjög áhugavert land.“
Hans Bragi segir ómögulegt að
Iýsa Ki'na í örfáum orðum, til þess
sé fjölbreytileiki lands og þjóðar
allt of mikill. „Þekktur bandarískur
sagnfræðingur sagði eitt sinn um
Kína að ef þú kæmir hingað í viku
þá gætirðu skrifað bók um Kína. Ef
þú værir hérna í mánuð gætirðu
skrifað kafla í bók og ef þú dveldir
hér til langframa gætirðu skrifað
inngang að bók,“ sagði Hans Bragi.
„Mér líkar vel við Kínverja. Þetta
er afar gestrisin og hjálpsöm þjóð
þegar þú ferð að kynnast þeim.
Annars er erfitt að lýsa þessari til-
finningu að búa hér í fjögur ár, fólk
verður bara að reyna þetta sjálft."
Eins áður segir hefur Hans Bragi
lokið BA-gi’áðu, útskrifaðist nánar
tiltekið þann 30. júní síðastliðinn. í
sumar kennir hann ensku í Peking
en hyggur á frekara nám á hausti
komanda. „I september fer ég í
Pekingháskóla og verð þar í eitt ár.
Eg mun stunda þar nám í deild Al-
þjóðasamskipta. Eftir það er fram-
tíðin í sjálfu sér óráðin en mig lang-
ar þá að finna mér vinnu hér í
Peking. í augnablikinu er ég ekki
reiðubúinn að fara frá Peking,
enda er kærastan mín kínversk,“
sagði Hans Bragi.
A STORLÆKKUÐU
VERÐI
FYRSTIR KOMA FYRSTIR FÁ
Þeir sem hafa hraðar hendur geta nú tryggt sér bíl af
bestu gerð á enn lægra verði. í nokkra daga seljum við
með góðum afslætti nokkra bíla sem notaðir hafa verið
á sýningum og í reynsluakstri.
Fyrstir koma, fyrstir fá. Ekki missa af þessu tækifæri.
§ <B>
RENAULT HYUnnni