Morgunblaðið - 13.07.2000, Blaðsíða 14

14 FIMMTUDAGUR 13. JÚLÍ 2000
MORGUNBLAÐIÐ
fl-
HÖFIIÐBORGARSVÆÐIÐ
Sameiginleg stefnumótun ÍTR og ÍBR um skipulag íþróttastarfs í Reykjavík til næstu tíu ára
Aðstaða almennings og
afreksfólks verði bætt
Morgunblaðið/Kristján
19,7% Reykvíkinga stunda þolfimi reglulega.
Reykjavík
NÝLEGA var samþykkt
skýrsla af Iþrótta- og tóm-
stundaráði Reykjavíkur og
íþróttabandalagi Reykjavík-
ur. þar sem sett er fram sam-
eiginleg stefnumótun þessara
aðila í íþróttamálum í borg-
inni til næstu tíu ára. I gær
kynntu Steinunn Valdís Osk-
arsdóttir, formaður ÍTR og
Reynir Ragnarsson, formaður
ÍBR, skýrsluna.
Sú framtíðarsýn íþrótta-
mála Reykjavíkur sem lýst er
í skýrslunni gengur m.a. út á
að samþætta skóla-, íþrótta-
og tómstundastarf tii að laða
fram það besta í fólki. Gert er
ráð fyrir að aðstaða almenn-
ings sem og afreksfólks verði
bætt. Einnig er stefnt að því
að íþróttaiðkun almennings
verði sú mesta sem gerist í
Evrópu og að reykvískt af-
reksfólk verði fremst í sinni
röð. „Þetta eru metnaðarfull
markmið og því er nauðsyn-
legt að standa þannig að mál-
um að þeir sem hagsmuna
eiga að gæta stilli saman
strengi sína og nýti fjármuni
og starfskrafta sem best,“
segir í skýrslunni. Einnig er
lögð áhersla á að slagorðið
heilbrigð sál í hraustum lík-
ama sé enn í fullu gildi.
Aukið sarastarf skóla og
íþróttafélaga
I skýrslunni er lögð áhersla
á öflugt og náið samstarf
skóla og íþróttafélaga þar sem
félögin komi í auknum mæli
að íþróttakennslu í skólum
borgarinnar, meðal annars
með ráðgjöf og íþróttaskóla.
íþróttanámsskrá, þar sem
stefna og markmið í þjálfun
barna og unglinga eru skil-
greind, verður tekin upp í öll-
um félögum. IBR mun að-
stoða félögin við gerð íþrótta-
námsskrárinnar.
Ákveðnar kröfur verða
gerðar um menntun og fag-
þekkingu þjálfara.
Auka á þátttöku unglinga í
staríi íþróttafélaganna með
samþættingu íþrótta- og
tómstundastarfs. Unglingar
munu fá tækifæri til að taka
þátt í starfi íþróttafélaganna
án keppnismarkmiða ein-
göngu. Til að minnka brottfall
unglinga úr íþróttum verður
boðið upp á nýja æfingaval-
kostir.
Einnig er stefnt að því að
félögin verði í vaxandi mæli
sýnileg í forystu forvarnar-
starfs gegn fíkniefnum.
Breytt skipulag af-
reksíþróttastarfs
Stefnt er að breyttu skipu-
lagi afreksíþrótta að því er
kemur fram í skýrslunni.
Hugmyndin er sú að íþrótta-
félögin standi að stofnun af-
reksfélaga, hugsanlega í
formi hlutafélaga, sem verði
aðskilin frá núverandi íþrótta-
félögum. Tilgangurinn er að
skapa fæixi en sterkari ein-
ingar bæði fjárhagslega og
ekki síður hvað varðar árang-
ur.
Lagt er til að borginni verði
skipt í fjögur afrekssvæði.
Gert er ráð fyrir einum af-
reksflokki í hverri íþrótta-
grein á hverju svæði. Sam-
hliða svæðaskiptingunni yrði
byggð upp keppnis- og æf-
ingaaðstaða fyrir afreks-
íþróttir í samvinnu við
Reykjavíkurborg, ríki og at-
vinnulíf.
Aukin áhersla á al-
menningsíþróttir
Aðstöðu fyrir fjölbreyttari
íþróttaiðkun á að bæta í félög-
unum svo allir í fjölskyldunni
geti verið virkir þátttakendur
á eigin forsendum, segir í
skýrslunni og skulu almenn-
ingsíþróttir skipa veglegan
sess í íþróttanámsskrá félag-
anna.
Þeim iðkendum sem ekki
taka þátt í afrekskeppni verð-
ur gert kleift að æfa íþrótt
sína og jafnvel keppa í henni.
Einnig skal auka félagslega
þáttinn í starfsemi íþróttafé-
laganna. Tengsl íþróttafélaga,
félagsmiðstöðva og skóla
verða aukin og er þá vonast til
að hópar myndist innan félag-
anna um önnur áhugamál en
íþróttir.
Opinberir aðilar komi að
fjármögnun
Rekstur íþróttafélaganna
skal byggjast á traustum
grunni, segir í skýrslunni.
Bæta á nýtingu íþróttamann-
virkja með breyttu skipulagi,
m.a. með samstarfi starfs-
manna íþróttafélaganna og
borgarinnar og með gerð
þjónustusamninga.
Lagt er til að opinberir aðil-
ar komi í auknum mæli að
fjármögnun ákveðinna þátta
þjónustu íþróttafélaganna,
t.d. með því að Reykjavíkur-
borg greiði hluta launa starfs-
manna sem sjá um félagsleg
málefni og þjálfun og ríki og
Morgunblaðið/Ami Sæberg
Reynir Ragnarsson, formaður IBR og Steinunn Valdís
Óskarsdóttir, formaður ÍTR, kynntu skýrsluna.
borg taki þátt í að fjármagna
forvarnarstarf íþróttafélag-
anna.
55,7% Reykvíkinga
stunda íþróttir
I skýrslunni er einnig að
finna könnun á íþróttaiðkun
og líkamsrækt íbúa Reykja-
víkur sem gerð var í maí og
júní síðastliðnum. Könnunin
var gerð símleiðis meðal fólks
á aldrinum 15-75 ára.
Þar kom fram að 55,7%
Reykvíkinga stunda íþróttir
eða líkamsrækt reglulega.
Gönguferðir voru vinsælasta
íþróttin og kváðust 29,9% íbúa
iðka hana reglulega. 19,7%
stunda tækjaþjálfun og jafn-
margir þolfimi. 15,6% leggja
stund á fótbolta en aðeins 1,4
% handbolta og 0,7% körfu-
bolta.
Aðeins 15,6% aðspurðra
sögðust iðka íþrótt sína innan
íþróttafélags eða á vegum fé-
lags.
Landupplýsinga-
verðlaunað
Morgunblaðið/Ingibjörg
Við afhendingu verðlaunanna. Eggert Ólafsson, tækni-
stjóri LUKR og forstöðumaður tölvudeildar Borgarverk-
fræðings, Þorgeir Einarsson, stjórnarformaður LUKR og
verkfræðingur hjá Orkuveitu Reykjavikur, Jack Danger-
mond, stofnandi og forstjóri ESRI, Albert Þorbergsson,
landfræðingur á gagnavinnsludeild - LUKR hjá Borgar-
verkfræðingi og Geir Svanbjörnsson, tæknifræðingur hjá
Orkuveitu Reykjavíkur.
Morgunblaðið/Amaldur Halldðrsson.
Elísabet B. Þórisdóttir, formaður stjórnar Menningarnæt-
ur, afhenti Syivíu Kristjánsdóttur verðlaunin í Ráðhúsi
Reykjavíkur 7. júlí sl.
kerfi
Reykjavík
LUKR, sem er Landupplýs-
ingakerfí Reykjavíkur,
hlotnaðist nýlega viðurkenn-
ing á árlegri ráðstefnu um
landfræðilegar upplýsingar
og landupplýsingakerfi í San
Diego í Kaliforníu.
Ráðstefnan er haldin á
vegum ESRI sem er stærsti
framleiðandi hugbúnaðar á
þessu sviði í heiminum. Við-
urkenningin var veitt fyrir
sérstakléga árangursríkt
landupplýsingakerfi en
LUKR var, ásamt nokkrum
öðrum kerfum, valið úr hópi
60 þúsund kerfa víðs vegar
um heiminn til þess að hljóta
þessa viðurkenningu.
LUKR er samstarfsverk-
efni borgarverkfræðings,
Borgarskipulags, Orkuveitu
og Landssíma um að koma
upp og reka samtengt og
samhæft landupplýsinga-
kerfi fyrir borgina en form-
legt samstarf þessara aðila
hófst árið 1988.
Kerflð nýtt á
ýmsum sviðum
Heiðar Hallgrímsson,
verkfræðingur á gagna-
vinnsludeild LUKR, hefur
verið verkefnisstjóri kerfis-
ins frá upphafi og segir hann
viðurkenninguna mikinn
heiður og ánægjulegt að
þetta skuli eiga sér stað ein-
mitt þegar Reykjavík er ein
af menningarborgum Evr-
ópu.
LUKR
hefur ver-
ið braut-
ryðjandi á
sviði land-
fræðiupp-
lýsinga á
Islandi en
vakið hef-
ur athygli
erlendis
hversu
víðtæk
samvinna hefur náðst um
verkefnið í Reykjavík.
Landupplýsingar ná yfir
víðfemt svið en sem dæmi
má nefna eru allar upplýs-
ingar sem tengjast heimilis-
föngum eða lóðum í eðli sínu
landfræðilegar en einnig má
nefna að upplýsingar um all-
ar lagnir og það sem þeim
tengist heyra undir þetta
svið. Ymis kerfí hafa nýtt sér
gögn frá LUKR og má þar
nefna Neyðarlínuna og Eldi-
brand, sem er kerfi Slökkvi-
liðs höfuðborgarsvæðisins.
Heiðar segir að búast
megi við því að landupplýs-
ingakerfi verði meðal helstu
burðarása upplýsingaþjóðfé-
lags 21. aldar.
Menn-
ingarnótt
í fram-
haldi af
maraþoni
Reykjavík
EFNT verður til Menningar-
nætur í miðborg Reykjavík-
ur í fimmta sinn laugardag-
inn 19. ágúst næstkomandi.
Markmið Menningarnætur
er nú sem endranær að beina
kastljósinu að því sem borgin
hefur upp á að bjóða og að
kveikja áhuga á menningar-
viðburðum hjá fólki á öllum
aldri.
Hverjir taka þátt
í Menningarnótt?
Menningarnóttin byggist á
framlagi íjölda aðila sem alla
jafna standa að blómlegu
menningarlífí í borginni og
einnig framlagi annarra sem
nota þetta tækifæri til að
setja svip sinn á borgarlífið.
Ymsar menningarstofnan-
ir, kirkjur, gallerí, kaffihús,
veitingahús, verslanir og
fleiri hafa opið fram á nótt
og bjóða gestum upp á fjöl-
breytta menningarviðburði.
Flugeldasýning verður við
Reykjavíkurhöfn eftir sólset-
ur.
Sérstök verkefnisstjórn á
vegum Reykjavfkurborgar
samræmir atriði, kynnir dag-
skrá og greiðir götu þeirra
sem vilja taka þátt í Menn-
ingarnóttinni. I verkefnis-
stjórninni sitja: Elísabet B.
Þórisdóttir, forstöðumaður
Gerðubergs, Ómar Einars-
son, framkvæmdastjóri
fþrótta- og tómstundaráðs
Reykjavíkur, Anna Margrét
Guðjónsdóttir, verkefnis-
stjóri þróunaráætlunar mið-
borgar, Ágúst Ágústsson,
markaðsstjóri Reykjavíkur-
höfn, og Signý Pálsdóttir,
menningarmálastjóri
Reykjavíkur.
Framkvæmdasljóri Menn-
ingarnætur er Hrefna Har-
aldsdóttir.
Hrefna segir dagskrána
mjög fjölbreytta en Menning-
arnóttin verður með svipuðu
sniði og síðastliðin ár. I ár
Ieggur Menningarborgin til
hátíðarinnar götuleikhús frá
Bretlandi og fleiri atriði.
Fyrst og fremst sé það þó
grasrótin sem hátíðin á að
efla og styrkja að sögn
Hrefnu, svo sem verslanir,
kirkjur, veitingastaði, söfn,
gallerí og menningarstofn-
anir. Hrefna bætir við að
flugeldasýningin verði
einkar glæsileg í ár.
Að þessu sinni verður
Reykjavíkurmaraþonið sama
dag og Menningarnótt, en
ekki daginn eftir eins og
hingað til, og mun borgar-
sljóri setja dagskrá Menn-
ingarnætur formlega á há-
degi þann 19. ágúst um leið
og hún ræsir fyrstu hlaupara
í Maraþoninu. Dagskrá
Menningarnætur mun svo að
venju standa allan daginn og
fram á nótt.
Samkeppni um
veggspjald
í tilefni Menningarnætur
var efnt til samkeppni um
veggspjald meðal nemenda
Listaháskóla íslands í graf-
ískri hönnun og er það í ann-
að sinn sem Menningarnótt
efnir til slíkrar samkeppni.
Höfundur verðlaunat.illög-
unnar í ár er Sylvía Krist-
jánsdóttir, nemandi á öðru
ári í grafískri hönnun.