Morgunblaðið - 13.07.2000, Blaðsíða 38

38 FIMMTUDAGUR 13. JÚLÍ 2000
LISTIR
MORGUNBLAÐIÐ
Ein ljósmyndanna á sýningunni.
tíl 21 fímmtud
Maqabond strjgaskór
w w Jfw
Ær
Ck skor m ^
DKNY strjgclfkór
ZINDA leðupstígvél
^HjBLLY'S swidalai^
Sgmdalqr §
sauíján
Lj ósmyndasýning
í Hafnarhúsinu
EVA Jiménez Cerdanya og Al-
exandra Litaker opna sýningu í sal
félagsins Islensk grafík, Haftiar-
húsinu, Tryggvagötu 17, á laugar-
daginn kl. 16.
Eva er myndlistarmaður frá
Spáni og er nú búsett í New York
borg. Hún stundaði nám í
bókmenntum í Universitat Auto-
noma de Barcelona og ljósmyndun í
Intemational Center of Photogra-
phy íNewYork.
Alexandra er myndlistarmaður
frá Bandaríkjunum og býr nú á Is-
landi. Ilún stundaði nám í bók-
menntum við Columbia University í
New York og kvikmyndun í Film
Video Arts.
Um sýningu sína segir Eva m.a.:
„Myndirnar eru frá ákveðnum stöð-
um; svæði sem geta verið sveit eða
úthverfi, lýst af sterkri gulleitri
birtu Miðjarðarhafslanda, og af
fólkinu og athöfnum sem fylla rým-
ið. En myndirnar eru „filteraðar“
af mistri sem tekur yfir, verður að
viðfangsefni verksins. f þessu verki
er ég að kanna hugmyndina að
„sjönrænni frásögn“ með sam-
felldri röð.“
Um sýningu sína segir Alexandra
m.a.: „Hin undarlega áráttaþránn-
ar: Ferðalagaljósmyndir teknar í
Bandarikjunum, á Islandi og á Ba-
hamaeyjum. Myndirnar eru m.a.
teknar í Las Vegas, í brúðkaups-
svítu Margrétar prinsessu, hand-
arkrika New York fylkis og á hin-
um fallega Akranesskaga."
Sýningin er opin frá fimmtudegi
til sunnudags kl. 14-18 og lýkur 6.
ágúst.
Altaris-
sakramentið
BÆKUR
Trúmál
Leyndardómar
trúarinnar
Höfundur: Jakob Ágúst Hjálmars-
son. títgefandi: Skálholtsútgáfan.
Stærð: 112 blaðsíður.
MIKIÐ hefur verið ritað að und-
anförnu um kristnihátíðina á Þing-
völlum sem haldin var fyrir
skömmu. Hún var þeim sem þangað
fóru til mikillar gleði en ýmsir sátu
heima vegna þess að þeir voru búnir
að ákveða fyrirfram að hún myndi
mistakast. Sitt sýnist hverjum í um-
ræðunni. Greinilegt er að það fer
fyrir brjóstið á sumum að haldið
skuli vera upp á að kristni hafí verið
lögleidd hér á landi og finnst sumum
að ástæða hefði verið til að halda
einnig upp á að önnur trúarbrögð
sem áður voru óþekkt hérlendis
nema af afspurn hafi numið hér land
á síðustu árum. Stundum hefur mað-
ur á tilfinningunni að menn agnúist
út í kristindóminn án þess að hafa
kynnt sér um hvað hann snýst í raun
ogveru.
í bókinni sem hér er til umfjöllun-
ar er leitast við að útskýra mjög
miðlægan þátt í kristinni trú,
altarissakramentið. Miklir fordómar
hafa löngum fylgt þessari helgu at-
höfn í huga þeirra sem ekki hafa
skilið inntak hennar og táknmál.
Höfundur hefur gegnt prestsþjón-
ustu í íslensku þjóðkirkjunni vel á
þriðja áratug og gjörþekkir því at-
höfnina. Hann hefur auk þess lagt
sig sérstaklega fram um að rann-
saka fræðilega inntak sakramentis-
ins, uppruna þess og sögu.
I upphafi er útskýrt hvað venjuleg
guðsþjónusta er, hvaða hugsun ligg-
ur að baki henni. Farið er í gegnum
alla liði hennar og táknmálið út-
skýrt. Síðan er sjálf altarisgangan
vendilega skýrð, saga hennar og
uppruni á meðal gyðinga, útbúnað-
urinn sem notaður er, hin helgu efni,
brauð og vín og atferli prests og
safnaðar. Inntak athafnarinnar er
skýrt með skírskotun til kenningar
Jesú Krists og hvernig inntak og
orðfæri hennar er víða sýnilegt I
boðun hans. Helstu textar Nýja
testamentisins sem tengjast um-
fjöllunarefninu eru teknir með í bók-
inni og útskýrðir. Sem dæmi má
nefna frásögn guðspjallanna af
stofnun heilagrar kvöldmáltíðar eins
og hún er skráð í Lúkasarguðspjalli
og í 1. Korintubréfi, líkingu Jóhann-
esarguðspjalls af vínviðnum og
greinunum, frásögn þess af brauð-
undrinu og hvernig Jesús er hið lif-
andi brauð, sem steig niður af himni,
og Emmausföninum sem gerðu sér
grein fyrir því að Jesús væri upp-
risinn er þeir sáu hann brjóta brauð-
ið, þakka Guði og gefa þeim. Einnig
er vísað til margra annarra texta
ritningarinnar.
Hugtök eins og sakramenti, tákn,
fórn, endurlausn og sáttargjörð fá
sérstaka umfjöllun svo og spurning-
in um það með hvaða hætti frels-
arinn er raunverulega til staðar í
máltíðinni. Höfundur segir að
altarissakramentið sé haft um hönd
meðal annars í minningu Jesú Krists
vegna þess að það er „lifun þess sem
liðið er svo sem það væri nú og til
þess þarf iðkun, ekki bara innlit við
og við, heldur reglulega iðkun ásamt
ítarlegri umhugsun" (bls. 60).
I bókarlok er gerð stutt grein fyr-
ir þróun heilagrar kvöldmáltíðar í
sögu kirkjunnar og túlkun helstu
kirkjudeilda á henni. Þeirri umfjöll-
un lýkur með stuttum kafla um ein-
ingarviðræður kristinna kirkna sem
staðið hafa í marga áratugi og hina
svo kölluðu Lima-skýrslu sem unnin
var af Heimsráði kirkna, sérstak-
lega umfjöllun hennar um kvöldmál-
tíðina en sú skýrsla var stórt skref
fram á við í einingarviðleitninni. Þar
lýsir höfundur þeirri löngun sinni að
allir kristnir menn fái aðgang að
kvöldmáltíðarborði hver annars
hvarvetna án tillits til hvaða kh-kju-
deild þeir tilheyri því að kirkjan er í
eðli sínu bara ein þótt hún skiptist í
margar kirkjudeildir.
Mannslíkaminn er notaður sem
líking í Nýja testamentinu um sam-
félagið í kirkjunni, þar sem Kristur
er höfuðið. „Kristi verður ekki
skipt,“ segir höfundur. „Þannig er
kirkjan ein og óskipt" (bls. 110). „Við
altarisborðið safnar hinn himneski
faðir saman börnum sínum og gefur
þeim Krist stöðuglega á ný að bróð-
ur og fyllir þau anda vonarinnar að
þau geti farið út í heiminn og unnið
hansverk" (bls. 111).
Leyndardómur trúarinnar bætir
úr brýnni þörf því að lítið hefur verið
ritað á íslensku um heilaga kvöld-
máltíð fyrir almenning umfram það
sem er að finna í kverum fermingar-
barna. Textinn er auðskilinn. Þó eru
efninu gerð ítarleg skil án þess að
hafa fræðilegt yfírbragð. Þetta er
eitt besta rit fyrir leikmenn sem
undirritaður hefur lesið um þetta
efni. Margar ljósmyndir prýða bók-
ina. Einn helsti kostur hennar er að
hún skírskotar sífellt til Biblíunnar
og skýrir texta hennar að því leyti er
hann tengist efninu. A þann hátt
upplýkur bókin ritningunni eins og
frelsarinn forðum fyrir Emmausför-
unum.
Kjartan Jónsson