Morgunblaðið - 14.07.2000, Blaðsíða 18

18 FÖSTUDAGUR 14. JÚLÍ 2000
MORGUNBLAÐIÐ
LANDIÐ
Sólveig Birna sýnir
á Húnavöllum
Hestar eru mínar ær og kýr
Sólveig Birna við eitt verka sinna.
Blönduósi - Sólveig Birna
Stefánsdóttir myndlistarmað-
ur, eða Veiga eins og hún kýs
að kalla sig, heldur um þessar
mundir málverkasýningu á
Húnavöllum, Edduhóteli í
Austur-Húnavatnssýslu. Sýn-
ing hennar er nokkurs konar
framhald af myndlistarsýn-
ingu sem hún hélt í reiðhöll-
inni í Víðidal í tengslum við
landsmót hestamanna.
Sólveig, sem er borinn og
barnfæddur A-Húnvetningur
frá Kagaðarhóli í Torfalækj-
arhreppi, sýnir nú í annað
sinn á Húnavöllum og er við-
fangsefnið sem fyrr hestar og
lýkur sýningunni um næstu
mánaðamót. Auk einkasýn-
inga hefur Sólveig haldið
fjölda samsýninga víða um
lönd. Sólveig Birna er búsett
í Þrándheimi í Noregi og hef-
ur búið þar síðastliðin níu ár. Hún
lauk listnámi frá Listaháskólanum
í Þrándheimi, námi sem hún hóf
heima á íslandi.
Sólveig sagði að hægt væri að
hafa langt mál um það hvers vegna
hestar væru hennar aðalviðfangs-
efni í listinni. Sagði hún að Guðrún
tvíburasystir sín væri haldin sömu
hestaáráttunni og hún en nálgaðist
bara viðfangsefnið frá líffræðilegu
hliðinni. Það má því með sanni
segja að hestar séu ær og kýr Sól-
veigar Birnu.
Sólveig Birna er gift norska
rokktónlistarmanninum Hans
Magnus Ryan sem leikur í hljóm-
sveit sem margir kannast við og
heitir Motorpshyeho og eiga þau
einn son, Óttar Húna.
Fiskeldisbóndi í Mýrdal tekur
á móti ferðafólki
Gestirnir fá að
gefa bleikjunni
BÓNDINN í Fagradal í Mýrdal
býður ferðafólki að skoða bleikjuna
sem hann ræktar og jafnvel að gefa
fiskinum fóður. Hann er einnig með
Ijósmyndasýningu í fiskeldishúsinu
og þar geta gestir keypt myndir og
reykta bleikju.
„Maður er að reyna að koma á
framfæri því sem maður framleiðir,
bæði myndum og fiski. Aðstaðan er
líka hugsuð til að auka afþreyingu
fyrir ferðafólk sem hér á leið um.
Það verður að hugsa fyrir því,“ seg-
ir Jónas Erlendsson, fiskeldisbóndi
í Fagradal.
Ákveðnir fararstjórar hafa sóst
eftir að koma við í Fagradal til að
sýna erlendum ferðahópum fiskeld-
ið. Segir Jónas að það hafi mælst
vel fyrir enda viti hann ekki til þess
að þetta sé hægt annars staðar.
Hefur þetta spurst út og ásóknin
aukist þannig að Jónas ákvað að
taka tillit til ferðafólksins þegar
hann byggði nýtt fiskeldishús á
jörð sinni.
Ljósmyndasýning í fiskeldinu
í öðrum enda hússins sýnir Jónas
60 ljósmyndir sem hann hefur tekið
af mannlífi og landslagi í Mýrdal á
undanförnum árum og unnið sjálfur
í tölvu. Eintök af myndunum eru
síðan til sölu ásamt reyktri bleikju.
Til að auka á upplifun ferðafólksins
hefur Jónas einnig til sölu litla poka
af fiskafóðri og leyfir gestunum að
gefa bleikjunni. Vekur það ávallt
mikla athygli enda kviknar mikið líf
í kerjunum þegar fóðrið er gefið.
A Alþjóðahjálparsjóður Lions
Uthlutar styrk vegna
j ar ðskj álftanna
Hellu - Þegar stóru jarðskjálftarn-
ir riðu yfir Suðurland voru nokkrir
íslenskir Lionsfélagar staddir á al-
þjóðlegu þingi Lions í Honolulu á
Hawaii. Þangað bárust fljótt fréttir
af jarðskjálftunum og þegar stjórn-
arformaður Alþjóðahjálparsjóðs
Lions frétti af þeim liðu ekki nema
nokkrar klukkustundir þangað til
ákvörðun hafði verið tekin um að
veita tíu þúsund dollara styrk til
jarðskjálftasvæðisins á íslandi.
Sjóður þessi, sem var stofnaður
árið 1968, hefur alla tíð unnið mikið
að málefnum blindra í heiminum,
en auk þess kemur hann til hjálpar
í náttúruhamförum, eins og t.d. í
jarðskjálftunum í Tyrklandi á síð-
asta ári. íslendingar hafa áður þeg-
ið styrki úr sjóðnum vegna nátt-
úruhamfara, í eldgosinu í Vest-
mannaeyjum og eftir snjóflóðin í
Súðavík og á Flateyri. Styrkurinn,
sem var afhentur nýlega á Hellu,
skiptist á milli heilsugæslustöðvar-
innar á Hellu til áframhaldandi
áfallahjálpar, Rauða kross íslands
vegna vinnu á svæðinu, Lions-
klúbbsins Skyggnis á Hellu til ráð-
stöfunar á svæðinu, flugbjörgunar-
sveitarinnar á Hellu og björgunar-
sveitarinnar Dagrenningar á
Hvolsvelli.
m
UT
Morgunblaðið/Aðalheiður Högnadóttir
Lionsmenn komu færandi hendi til Heliu. F.v. Sigurður Rúnar Sigurðsson, flugbjörgunarsveitinni Hellu, Einar
Magnússon, Dagrenningu, Hvolsvelli, Þór Steinarsson, fjölumdæmisstjóri Lions, Ragnar Ólafsson, formaður
Lionsklúbbsins Skyggnis, Kristinn Kristjánsson, umdæmisstjöri Lions, Þórdís Ingólfsdóttir, hjúkrunarforstjóri
heilsugæslustöðvarinnar á Hellu, Hrund Hjaltadóttir, umdæmisstjóri Lions og Sigrún Arnadóttir, fram-
kvæmdastjóri Rauða kross íslands.
Allt fer af stað í kerjunum þegar ferðafólkið gefur bleikjunni fóður.
Flakkarar í
Fjarðabyggð
Neskaupstað - Stór hópur fólks á
húsbflum flakkar um Austurland
um þessar mundir. Það eru félag-
ar í Flökkurum, félagi húsbflaeig-
enda, sem eru í sinni árlegu
reisu. Alls taka um 50-60 bflar
þátt í ferðalaginu sem hófst í
Mývatnssveit. Þaðan ók hópurinn
í Svartaskóg í Jökulsárhh'ð, á
Borgarfjörð eystri, í Mjóafjörð og
á Norðfjörð. Næstu daga er ferð-
inni heitið á Fáskrúðsfjörð, að
Stóra Sandfelli og á loks á Hérað
þar sem ferðinni lýkur með sigl-
ingu á Lagarfljótinu.
Þegar fréttaritari Morgun-
blaðsins hitti Flakkarana á tjald-
stæðinu í Neskaupstað voru allir
á einu máli um að ferðin hefði
tekist vel, enda hefði veðrið leik-
ið við þá. Líklega orð að sönnu
því þegar Flakkarar fóru að
streyma í bæinn létti meira að
segja hinni þrálátu Austfjarða-
þoku sem hrellt hefur Norðfirð-
inga í sumar.

Tjaldstæðið í Neskaupstað fylltist af húsbflum.
Morgunblaðið/Kristín
Breiðafjörð-
ur kraumar
af lífí
Ólafsvík - Sjómenn hafa á orði að
ólgandi líf sé nú í Breiðafirði. Vor-
aði snemma í firðinum og sumarið
virðist einkar safamikið.
Síli er um allan sjó og fuglalífið
því fjölskrúðugt. Smáhveli eru líka
í þessari sílaveislu og það skammt
undan landi hér. Nú ber svo við að
kvæma er að síld. Hún er í stórum
flekkum í firðinum og veiðist jafn-
vel í þorskanet. Maggi Emma, sem
rær með bátinn Pétur afa, fær allt
að 300 kíló af sfld þegar hann
dregur þorskanetin sem eru þó
með átta tommu riðli. Sem dæmi
um þorskinn hefur Maggi fengið
fjögur tonn í 36 net.
Allir fagna þessu mikla lífi. Lax-
veiðimenn segja gott að loksins fái
þorskmergðin nóg að éta. Séu þá
minni líkur á að þorskurinn bíði
við árósana til að gleypa laxaseiðin
eins og verið hafi undanfarin ár.