Morgunblaðið - 18.08.2000, Blaðsíða 16

16 FÖSTUDAGUR18. ÁGÚST 2000
AKUREYRI
MORGUNBLAÐIÐ
Fæðingardeild Fjórðungssjúkrahússins á Akureyri
Uppsagnir á undir-
mannaðri deild
UPPSAGNIR þriggja ljósmæðra
sem eru í 2,97 stöðugildum á fæðing-
ardeild Fjórðungssjúkrahússins á
Akureyri taka gildi í lok september
og þá tekur uppsögn einnar ljósmóð-
ur gildi mánuði síðar. Alls sögðu
fimm ljósmæður við fæðingardeild-
ina upp störfum fyrir allnokkru, ein
dró uppsögn sína til baka, en nú líður
að því að uppsagnir hinna taki gildi.
Ljósmæðurnar sem um ræðir eru
á kjarasamningi Starfsmannafélags
Akureyrar, en hann tekur til Ijós-
mæðra sem stunduðu nám við Ljós-
mæðraskólann. Ljósmæður sem
einnig hafa lokið námi í hjúkrunar-
fræði við háskóla fá ekki greitt eftir
þeim samningi.
Alls eru að sögn Halldórs Jóns-
sonar, framkvæmdastjóra Fjórð-
ungssjúkrahússins á Akureyri, tæp-
lega sjö stöðugildi við
fæðingardeildina. Það eru því um
30% ljósmæðra við deildina á förum
að óbreyttu.
„Við höfum einn og hálfan mánuð
til að skoða þetta mál. Við væntum
þess náttúrulega að farsæl lending
fáist í þessu máli,“ sagði Halldór.
„Við munum eftir næstu mánaðamót
fara af fullri alvöru að leita lausna.“
Fleiri fæðingar og aukið álag
Halldór sagði að deildin væri nú
þegar undirmönnuð hvað ljósmæður
varðaði og það myndi hafa alvarleg-
ar afleiðingar í för með sér fyndist
ekki lausn og ljósmæðurnar hættu
störfum. „Það hefur verið afskap-
lega mikið að gera á deildinni í sum-
ar og mikið álag á okkar starfsfólki.
Aukið álag má m.a. rekja til þess að
fæðingardeildum á Húsavík og í
Neskaupstað var lokað um tíma í
sumar og því hafa fleiri leitað eftir
þjónustu hér. Það veldur auknu
álagi, einkum þegar deildin er ekki
fullmönnuð," sagði Halldór.
Hann sagði að sér virtist sem
færri færu í ljósmæðranám nú en áð-
ur, enda um langt nám að ræða, eða
sex ára háskólanám, og það hefði sitt
að segja í því að ljósmæður vantaði á
fæðingardeildir.
Aglowfundur
AGLOW, kristileg samtök kvenna,
byrja nú að nýju með fundi eftir
sumarfrí og verður fyrsti fundurinn
að því loknu haldinn mánudag-
skvöldið 21. ágúst næstkomandi í fé-
lagsmiðstöðinni Víðilundi 22 á Akur-
eyri. Fundurinn hefst kl. 20.
Ann Merethe Jacobsen flytur
ræðu kvöldsins.
Þá verður söngur, lofgjörð og fyr-
irbænaþjónusta auk þess sem kaf-
fihlaðborð er í boði. Þátttökugjald er
450 krónur og eru allar konur vel-
komnar.
Morgunblaðið/ Margrét Þóra
Vandaverk að
velja póstkort
EINFALDIR hlutir eins og að velja
póstkort geta vafist fyrir fólki, en
margir taka sér drjúgan tíma í slíkt
verkefni. Úrvalið er líka alltaf að
aukast þannig að ferðalangar hafa
nú úr mörgum rekkum yfirfullum
af hinum glæsilegustu myndum úr
íslenskri náttúru að velja. Þessi er-
lendi ferðamaður var að velta úr-
valinu fyrir sér við Bókabúð Jón-
asar við göngugötuna í
Hafnarstræti á Akureyri í gær.

1
Ráðstefna
um byggða-
þróun á
norðlægum
sloðum
BYGGÐAÞRÓUN á norðlæg-
um slóðum er yfirskrift ráð-
stefnu sem haldin verður á Ak-
ureyri í byrjun næsta mánaðar.
Það er Nordic-Scottish Uni-
versity Network for Rural and
Regional Development sem
heldur ráðstefnuna í samvinnu
við Háskólann á Akureyri.
Stofnunin er samvinnuverkefni
háskóla á Norðurlöndum og í
Skotlandi en þegar hefur hún
haldið þrjár ráðstefnur um
byggðamál í Finnlandi, Skot-
landi og Noregi.
Á ráðstefnunni verður fjallað
um rannsóknir og þróunarstarf
í byggðamálum á Norðurlönd-
um og Skotlandi, m.a. um
byggðaþróun í litlum samfélög-
um, gagnkvæm áhrif dreifbýlis
og þéttbýlis, sjálfsmynd dreif-
býlis og þjónustu og menntun í
dreifbýli.
Ráðstefnan fer fram á ensku,
en almennar upplýsingar um
hana veitir Elín Hallgrímsdótt-
ir sérfræðingur hjá Rannsókn-
arstofnun Háskólans á Akur-
eyri. Faglegar upplýsingar má
fá hjá Inga Rúnari Eðvarðs-
syni, dósent við Háskólann á
Akureyri.
Fjórðungssjúkrahúsið á Akureyri
Barnadeildin í notkun í október
NÝ BARNADEILD við
Fjórðungssjúkrahúsið á Akureyri
verður væntanlega tekin í notkun í
október næstkomandi að sögn
Halldórs Jónssonar framkvæmda-
stjóra.
Hann sagði í raun ekki mikið
eftir af verkþáttum við hina nýju
deild og skamman tíma tæki að
ljúka þeim. Nú væri beðið eftir
annarri neyðarrafstöð sem setja
þyrfti upp við sjúkrahúsið og væri
hún væntanleg til landsins í næsta
mánuði. Þá væri ýmis frágangs-
vinna eftir, bæði innan- og utan-
húss. „Þetta er á ágætu róli og ég
sé ekki annað en að deildin verði
tilbúin til notkunar í októbermán-
uði,“ sagði Halldór en samkvæmt
upphaflegri áætlun stóð til að
deildin yrði tekin í notkun í byrjun
þessa árs. „Það hefur ýmislegt orð-
ið þess valdandi að framkvæmdir
eru 9-10 mánuðum á eftir áætlun,
en nú bíðum við bara eftir að þessu
langþráða verkefni verði lokið og
deildin verði flutt,“ sagði Halldór.
Norðuróp, samstarfshópur um
óperustarf á Akureyri
Morgunblaðið/ Margrét Póra
Fulltrúar Norðuróps, Elín Halldórsdóttir og Jóhann Smári Sævarsson
auk Hannesar Guðrúnarsonar, fulltrúa Listasumars á Akureyri, kynna
barnaóperuna Sæma sirkusslöngu á blaðamannafundi.
Barnaóperan
Sæmi sirkusslanga
fyrsta verkefnið
NORÐURÓP er vinnuheiti sam-
starfshóps sem stefnir að þvf að
setja upp óperur á Akureyri og
flytja þær árlega og skapa með því
hefð fyrir óperuflutningi á staðn-
um. I hópnum er fólk úr Tónlistar-
skólanum á Akureyri, Sinfón-
íuhljómsveit Norðurlands,
Leikfélagi Akureyrar og lista-
sumri svo ogatvinnusöngvarar á
svæðinu. Fyrsta verkefni hópsins
er uppsetning á barnaóperunni
Sæma sirkusslöngu eftir Malcom
Fox og verður frumsýning hennar
á fimmtudag í næstu viku.
Jóhann Smári Sævarsson, for-
stöðumaður söng- og óperudeildar
Tónlistarskólans á Akureyri, er
einn af forkólfum hópsins, en hann
starfaði við Kölnaróperuna um
þriggja ára skeið og hefur víðar
komið fram í óperum. Jóhann
Smári sagði að barnaóperan Sæmi
sirkusslanga herttaði vel sem
fyrsta verkefni hópsins og í raun
væri þetta upplagt tækifæri til að
kynna þessa tegund tónlistar fyrir
börnum.
Óperan er skrifuð fyrir fjóra
söngvara, píanó og slagverk en
hún fjallar um Sæma sirkusslöngu
og ferð hans í leit að rödd sinni, en
á ýmsu gengur áður en takmarkið
næst. Helga Laufey Finnbogadótt-
ir sér um píanóleik, Karl Petersen
um slagverk, Jóhann Smári syng-
ur hlutverk sterka mannsins, Elín
Halldórsdóttir syngur trúðinn og
Sallý Sue, Sigríður Elliðadóttir
syngur sirkusstjórann og óperu-
dívuna og Sveinn Arnar Sæ-
mundsson syngur hlutverk Sæma
slöngu. Leikstjórn er í höndum Jó-
hanns Smára Sævarssonar og Jóns
Páls Eyjólfssonar en Jóhann Smári
sér einnig um hönnun leikmyndar
og búninga og þýddi verkið.
Vilja byggja upp óperuhefð
Þessi ópera var samin sérstak-
lega fyrir menntamálaráðuneytið í
Ástralíu til að kynna þarlendum
börnum þetta listform og í textan-
um er víða komið við hvað varðar
tónlistarheiti, sagt frá fjórum að-
alröddunum, sópran, alt, tenór og
bassa, og sýnt. fram á hvernig þær
mynda hljóm og syngja saman í
kór. Tónlistin er létt og skemmti-
leg, hún minnir um margt á söng-
leikjatónlist og hefur inn á milli
djassaða sveiflu en auk þess eru
gefín sýnishorn af háklassík.
Jóhann Smári kvaðst vonast til
þess að félagsskapnum, Norður-
ópi, myndi með tíð og tíma vaxa
fiskur um hrygg og þannig að hefð
yrði fyrir því að setja upp óperur á
Akureyri. Hann benti einnig á að
kynna mætti óperur án mikilla
fjárútláta, til dæmis með því að
syngja á kaffihúsum og efna til óp-
eru-galamáltíða. „Ég sé fyrir mér
að í framtíðinni verði Akureyri sá
staður þar sem óperur geti þrifíst,
en það yrði mikil lyftistöng fyrir
bæjarfélagið og einnig fyrir ferða-
þjónustu því margir ferðamenn
sækjast eftir því að njóta menning-
ar meðan á ferð þeirra hér á landi
stendur," sagði Jóhann Smári.
í kjölfar þess að menningarhús
verður reist á Akureyri sagði hann
að unnt væri að halda glæsilegar
óperuhátíðir árlega og stefndi
hópurinn að slíku í fyllingu tím-
ans. „Enn sem komið er er ekki
mikil óperuhefð á Islandi, en við
munum leggja okkar af mörkum
til að byggja hana upp,“ sagði Jó-
hann Smári.
Óperan verði einn af
hápunktum listasumars
Uppsetning óperunnar er hluti
af listasumri 2000 sem staðið hef-
ur yfir á Akureyri og sagði Hann-
cs Guðrúnarson, framkvæmda-
stjóri þess, að hann sæi fyrir sér
að innan fárra ára yrði flutningur
óperu einn af hápunktum þess.
Frumsýning barnaóperunnar
verður fimmtudagskvöldið 24.
ágúst næstkomandi, þá verður
sýning á föstudag og tvær sýning-
ar á laugardag, 26. ágúst. Sýnt
verður í Samkomuhúsinu á Akur-
eyri. Verði áhugi mikill er mögu-
leiki á að bæta við sýningum síðar,
en einnig er fyrirhugað að fara
með Sæma sirkusslöngu í ferðalag
og sýna óperuna í skólum.
Umsdkn um nætur-
klúbbaflokkun hafnað
EIGENDUR tveggja veitinga-
staða á Akureyri, Bernharð
Steingrímsson á Setrinu og Ein-
ar Gunnlaugsson á Venus, hafa
óskað eftir þvf við bæjaryfirvöld
á Akureyri að veitingastaðir
þeirra verði flokkaðir undir
vinnuheitið „næturklúbbar" og
fái vegna sérstöðu sinnar að hafa
annan afgreiðslutíma en aðrir
veitingastaðir. Bæjarráð fjallaði í
gær um erindi þeirra en hafnaði
beiðni þeirra að svo komnu máli.
Bæjarstjórn hefur samþykkt
að takmarka afgreiðslutíma vín-
veitingastaða í bænum frá því
hann var gefinn frjáls fyrir fáum
misserum. Nýr afgreiðslutími
tekur gildi um miðjan september
en samkvæmt honum mega veit-
ingastaðir vera opnir til kl. 01
virka daga og til kl. 03 um helgar.