Morgunblaðið - 13.09.2000, Qupperneq 8

8 MIÐVIKUDAGUR 13. SEPTEMBER 2000
MORGUNBLAÐIÐ
FRÉTTIR
Nú geta háttvirtir og hæstvirtir hætt að múna og snúið sér við. Það er vinur okkar, hr.
Schröder, sem er að koma núna.
Jdhannes Nordal, formaður auðlindanefndar
Niðurstaðna nefndarinnar
að vænta innan skamms
JÓHANNES Nordal, fyrrverandi
seðlabankastjóri og formaður auð-
lindanefndar, segir að niðurstaðna
nefndarinnar sé að vænta innan
skamms. Hann segir nefndina gjarn-
an vilja skila af sér fyrir þingbyrjun,
en ekki sé ljóst hvort það takist.
Árni Mathiesen sjávarútvegsráð-
herra sagði í Morgunblaðinu í gærað
hann væri tekið að lengja eftir niður-
stöðum auðlindanefndar. Benti hann
á að endurskoðun á lögum um stjórn
fiskveiða væri á eftir áætlun vegna
þessa.
Auðlindanefnd var skipuð af Al-
þingi fyrir rúmum tveimur árum, en
Jóhannes segir að vinna hennar hafi
verið umfangsmikil, en hún sé nú
langt komin með að ljúka þessu
verki. „Það verður bara að koma í
ljós hvort okkur tekst að ljúka verk-
inu fyrir þingbyrjun. En niðurstöður
munu liggja fyrir á þessu ári, það er
alveg ljóst,“ sagði hann.
Vantar nýliða í Hjálparsveitina
Erfítt en
ánægjulegt
Kristinn Ólafsson
UM ÞESSAR mundir
er verið að taka inn
nýliða í Hjálpar-
sveit skáta í Reykjavík og
var haldinn kynningar-
fundur af því tilefni fyrir
skömmu. Öskað er eftir
áhugasömu fólki, 18 ára og
eldra af báðum kynjum, til
starfa. Kristinn Ólafsson er
sveitarforingi hjá Hjálpar-
sveit skáta í Réykjavík,
hann var spurður hvernig
gengi að manna Hjálpar-
sveitina?
„Það gengur ágætlega.
Við erum núna með þetta
tíu til fimmtán manns í ný-
liðadagskrá sem tekur tvö
ár. Það ganga um átta
manns inn í sveitina af
þessum hópi vænti ég.“
- Hvað eru margir í
Hjálparsveit skáta í Rcykjavík?
„Félagar í Hjálparsveitinni eru
120 en á útkallsskrá eru um fjöru-
tíu. Það er fólk sem er tilbúið til
að fara hvenær sem er, allan sól-
arhringinn, í leit eða björgun."
- Hefur dregið úr aðsókn að
hjálparsveitum?
„Það hefur ekki dregið úr að-
sókninni en fólk er ekki tilbúið til
að nota eins mikinn tíma í sjálf-
boðaliðastarf og það var á árum
áður. Þetta háir starfseminni
nokkuð. Ástæðan fyrir þessu er
að mikill tími fer í þjálfun og ekki
minni tími í fjáröflun. Það að reka
björgunarsveit er mjög dýrt og
kröfur um tækjabúnað hafa auk-
ist mikið. Félagar þurfa að leggja
töluvert mikið af mörkum í sam-
bandi við fjáraflanir því ríkið
styrkir þetta mjög lítið.“
- Hvers konar tæki eru það
sem nú þarf að kaupa en voru
ekki til áður?
„Það eru sérbúnar fjallabifr-
eiðir. Það er vegna þess að fólk er
farið að fara mun lengra inn á há-
lendið á sérbúnum fjallabifreið-
um og sleðum en áður, við þurfum
því að hafa betri búnað til að geta
sinnt slíkum verkefnum þegar
þau koma upp. Einnig erum við
með sérbúna snjóbíla, sem eru
mjög dýr tæki í endurnýjun. Þeir
komu að miklum og góðum notum
t.d. í björgunaraðgerðunum í
Þrengslunum í vetur.
Hvað útköllin snertir þá eru
þau tuttugu til þrjátíu á ári sem
við sinnum, bæði leit og aðstoð
ýmiss konar. Um er að ræða
björgunarleiðangra upp á háfjöll,
leit að týndu fólki og aðstoð vegna
óveðurs og náttúruhamfara."
- Er oft um að ræða útköll
vegna ónauðsynlegra ferða al-
mennings á hættulegar slóðir?
„Nei, við lítum ekki svo á. Við
erum sjálf mikið á ferðinni uppi á
fjöllum og gerum okkur grein
fyrir að þar geta orðið óhöpp. Við
erum ekki í því að dæma aðstæð-
ur. Við veitum skilyrðislausa
hjálp þegar á þarf að halda.
Nokkur umræða hefur verið að
undanförnu um ónauðsynlegar
ferðir t.d. upp á háfjöll. Þetta hef-
ur leitt til þess að
ferðalangar þar hafa
veigrað sér við að biðja
um aðstoð björgunar-
sveita þótt þeir væru
vissulega í hættu
staddir. Við hvetjum
fólk til að kalla á hjálp
ef það álítur það nauðsynlegt en
veigi'a sér ekki við því eða draga
það of lengi, það getur haft al-
varlegar afleiðingar."
- Er þjálfun í Hjálparsveit
skáta erfið ?
„Já, hún er nokkuð krefjandi.
Fólk þarf að vera líkamlega vel á
sig komið og það þarf að sækja
► Kristinn Ólafsson fæddist í
Reykjavík 24. janúar 1960. Hann
lauk stúdentsprófi frá Mennta-
skólanum við Ilamrahlíð 1981 og
viðskiptafræðiprófi frá Við-
skiptaháskólanum I Osló 1991.
Hann starfaði hjá auglýsinga-
stofunni AUK í þrjú ár, var hjá
Landsbjörg í tvö ár og hefur
starfað í Gallup í fjögur ár. Hann
hefur verið í Hjálparsveit skáta í
Reykjavík í tuttugu ár, þar af
sveitarforingi í tvö ár. Kristinn
er kvæntur Laufeyju Gissurar-
dóttur þroskaþjálfa og eiga þau
þrjú börn.
mörg námskeið, eins og í rötun,
fjallamennsku, snjóflóðaleit,
skyndihjálp, áfallahjálp og fleira.
Á nýliðatímabilinu er farið í
fjölmargar fjallaferðir og þar öðl-
ast fólk reynslu í að takast á við
náttúruna og sjálft sig við þær
kringumstæður."
- Hverjir kenna?
„Leiðbeinendur eru félagar úr
Hjálparsveitinni sem hafa starfað
á þessum vettvangi lengi. Yfir-
leitt eru leiðbeinendur þeir sem
eru virkir í starfi um þær mund-
ir.“
- Hvað starfar fólk lengi í
hjálparsveitum að meðaltali?
„Störf í hjálparsveitum eru
mjög fjölbreytt, það er ekki að-
eins farið á fjöll og í leitir, heldur
þarf mannskap tii að halda við
tækjum og húsnæði, þannig að
fólk getur starfað í hjálparsveit
svo lengi sem það hefur áhuga og
ánægju af slíku starfi. Við erum
með félaga sem komnir eru á
sextugsaldur og standa sig mjög
vei. Sumir þeirra eru á vélsleðum.
Þetta fólk býr yfir dýrmætri
reynslu sem það getur miðlað
þeim sem yngri eru.“
- Hvers vegna hefur þú sjálfur
starfað svona lengi við þetta, í
tuttugu ár?
„Félagsskapurinn er góður og
verkefnin fjölbreytt. Maður getur
sífellt verið að prófa eitthvað nýtt
og kynnast nýju fólki.“
-Hvert er erfíðasta verkefni
sem þú hefur komið
að?
„Það var leit í Ljósu-
fjöllum á Snæfellsnesi
að flugvél sem hafði
farist þar. Þá vorum
við á gangi við mjög
erfiðar aðstæður heila
nótt. Það ánægjulegasta var þeg-
ar ég fann dreng uppi á Hellis-
heiði sem hafði týnst í göngu með
skátum. Hann átti að fermast
tveimur dögum seinna og við
fundum hann á lífi eftir sólar-
hringsleit. Hann var vel hress
miðað við aðstæður, veðrið hafði
verið mjög slæmt þessa nótt.“
Hjálparsveit
skáta í
Reykjavík
alltaf í vid-
bragðsstöðu