Morgunblaðið - 15.12.2000, Síða 46

46 FÖSTUDAGUR 15. DESEMBER 2000
MORGUNBLAÐIÐ
MORGUNBLAÐIÐ
Poruwmliliaííiíi
STOFNAÐ 1913
Útgefandi: Arvakur hf., Reykjavík.
Framkvœmdastjóri: Hallgrímur B. Geirsson.
Ritstjórar: Matthías Johannessen,
Styrmir Gunnarsson.
BUSH TEKUR VID
George W. Bush, ríkisstjóri
Texas, og A1 Gore varaforseti
slíðruðu loks sverðin í ræðum
aðfaranótt fímmtudagsins eftir fimm
vikna hatramma baráttu þar sem öll-
um hugsanlegum brögðum og laga-
klækjum var beitt til að ná árangri.
Gore ávarpaði bandarísku þjóðanna
fyrstur, viðurkenndi ósigur sinn og
hét því að virða og styðja við bakið á
hinum réttkjörna forseta. Bush flutti
ávarp um klukkustund síðar þar sem
hann hrósaði varaforsetanum fyrir
hetjulega baráttu og lýsti því yfir að
þeir myndu hittast í næstu viku. Þeir
væru sammála um að reyna í samein-
ingu að hlúa að þeim sárum er at-
burðir síðustu vikna hefðu valdið.
Fimm síðastliðnar vikur hafa verið
einkennilegur tími í bandarískum
stjórnmálum. Þær hafa beint sjónum
manna að ýmsum annmörkum á hinu
pólitíska kerfí landsins, ekki síst
kosningafyrirkomulagi. Að sama
skapi má jafnframt færa rök fyrir því
að þetta mál sýni og sanni hversu
styrkum fótum lýðræði stendur í
Bandaríkjunum. Þrátt fyrir óvissuna
náðist niðurstaða að lokum sem allir
virða jafnvel þótt þeir séu henni
ósammála.
George W. Bush tekur vissulega
við embætti Bandaríkjaforseta undir
erfíðum kringumstæðum en enginn
dregur í efa umboð hans til að gegna
embættinu. Bush lagði í kosninga-
baráttunni ríka áherslu á að hann
væri maður sátta er væri fús til að
eiga samstarf við demókrata ekki síð-
ur en repúblikana á þingi til að ná
stefnumálum sínum í gegn. Sú
ákvörðun hans að halda ræðu sína í
fyrrinótt í ríkisþinginu í Austin í Tex-
as er táknræn um þetta en þar hefur
hann sem ríkisstjóri átt samstarf við
þing þar sem demókratar eru í meiri-
hluta.
Það hversu naumt var á munum í
kosningunum, þingkosningunum
ekki síður en forsetakosningunum,
mun jafnframt knýja Bush inn á
miðjuna. Hann verður að taka upp
samstarf við demókrata til að ná mál-
um í gegn jafnvel þótt það kunni að
styggja hægrivæng Repúblikana-
flokksins. Skipting atkvæða milli for-
setaframbjóðendanna tveggja var
hnífjöfn. Bush verður því að sanna að
hann sé forseti allra Bandaríkja-
manna en ekki einungis þröngra
flokkshagsmuna.
Ekki er þó víst að það muni reyn-
ast eins auðvelt fyrir Bush að koma á
slíku samstarfi yfir flokkalínurnar í
Washington eins og í Texas. Ríkis-
stjórinn hefur enga beina reynslu af
starfi Bandaríkjaþings auk þess sem
þar gilda önnur lögmál en á ríkis-
þinginu. Einungis eru tvö ár til
næstu þingkosninga og þó að menn
sameinist nú um að virða forseta-
embættið liggur fyrir að demókratar
hyggja á landvinninga í næstu kosn-
ingum. Það er því ekki sjálfgefið að
þeir muni endilega sjá sér hag í því
að aðstoða hinn nýkjörna forseta við
að koma stefnumálum sínum í gegn.
Á næstu vikum kemur í ljós hverjir
skipa munu ráðherraembætti í rík-
isstjórn Bush. Þegar hefur verið gef-
ið í skyn að Colin Powell, fyrrum yf-
irmaður bandaríska heraflans, verði
næsti utanríkisráðherra og að
Condoleezza Rice verði öryggisráð-
gjafi Bush. Bæði njóta þau mikillar
virðingar, jafnt 1 Bandaríkjunum
sem á alþjóðavettvangi, og myndu
vafalítið vega upp áhyggjur margra
af reynsluleysi hins nýja forseta í ut-
anríkismálum. Þó ber að hafa hugfast
að slíkur áhyggjur voru einnig áber-
andi er annar óreyndur ríkisstjóri úr
suðurríkjum Bandaríkjanna tók við
forsetaembættinu fyrir átta árum.
SAMEINING ÍSÍ OG UMFÍ HAGKVÆM
Umræða er hafin meðal forystu-
manna íþrótta- og ólympíusam-
bands íslands og Ungmennafélags ís-
lands um það hvort sameina beri þessi
samtök í ein heildarsamtök íþrótta-
hreyfíngarinnar.
Samkvæmt því sem fram kom í við-
tali við Ellert B. Schram, forseta ÍSÍ,
hér í Morgunblaðinu síðastliðinn
laugardag eru kostir slíkrar samein-
ingar umtalsyeyðir. Fram kemur í
máli forseta ÍSÍ að samkvæmt þeirri
úttekt, sem gerð hefur verið, megi
ætla að með sameiginlegum rekstri,
væri hægt að spara um 15 milljónir
króna á ári, auk þess sem hann telur
að sameinuð hreyfíng gæti haft á milli
40 og 50 milljónum króna meira úr að
spila ár hvert. Hér er um umtalsverð-
ar fjárhæðir að ræða, sem gætu nýst
íþróttahreyfíngunni vel til frekari
uppbyggingar og eflingar.
Ungmennafélag íslands hefur þjón-
að æsku þessa lands vel í bráðum heila
öld. Hinn 6. janúar árið 1906 var
fyrsta ungmennafélagið á íslandi
stofnað, en það var Ungmennafélag
Akureyrar, UMFA. „Guðstrú og bind-
indi voru þar höfuðdyggðir en hug-
sjónirnar snérust um ættjarðarást og
sjálfstæðisbaráttu,“ segir orðrétt í
grein um Ungmennafélag íslands hér
í Morgunblaðinu í júlí 1994.
Þar kom fram að ungmennafélögum
fjölgaði ört eftir stofnun UMFA og í
ágúst árið 1907 var Ungmennafélag
íslands stofnað.
Það má því til sanns vegar færa, að
UMFÍ hafí verið barn síns tíma og nú
sé kominn tími til þess að grundvelli
hreyfíngarinnar verði breytt, með
sameiningu við ÍSÍ. Saga UMFÍ er
gagnmerk og hana ber að virða og
varðveita. En hlutverk UMFÍ er ekkj
það sama í dag og það var framan af. í
dag eru aðrir og breyttir tímar og að
þeim tímum þurfa forsvarsmenn
hreyfínganna að aðlaga sig og breyta í
samræmi við þá. Megnið af starfi
UMFÍ í dag tengist íþróttaiðkun.
Lítill vafí leikur á að samtökin næðu
meiri árangri og skiluðu markvissara
starfí ef unnið væri að þessum verk-
efnum og öðrum í sameinaðri hreyf-
ingu. Mýmörg tækifæri til sparnaðar,
hagræðingar og eflingar íþróttahreyf-
ingarinnar virðastþannig vera/ólgin í
sameiningarkosti ISÍ og UMFÍ og því
er mikilvægt að þeir sem leiða munu
og taka þátt í sameiningarviðræðum
UMFÍ og ÍSÍ gangi að þeim með já-
kvæðum og opnum huga.
+
George W. Bush, verðandi forseti Bandaríkjanna, og eiginkona hans, Laura, 1 þinghúsinu f Texas eftir að Bush flutti ávarp sitt í fyrrinótt.
Forsetaefnin slíðra sverðin eftir fimm vikna kosningadeilur
Washington. Reuters, AP, The Washington Post.
Bush og
Gore heita
að sameina
þjóðina
George W. Bush lofaði að gera allt sem í
valdi sínu stæði til að sameina banda-
rísku þjóðina í ávarpi sem hann flutti í
fyrrinótt eftir að A1 Gore játaði sig sigr-
aðan og hvatti Bandaríkjamenn til þess
að fylkja sér um Bush sem 43. forseta
Bandaríkianna.
Joseph Lieberman, varaforsetaefni demókrata, faðmar A1 Gore eft-
ir að varaforsetinn játaði sig sigraðan. Á bak við þá sóst dóttir vara-
forsetans, Karenna Gore-Schiff.
GEORGE Walker Bush
lýsti yfir sigri í forseta-
kosningunum í Banda-
ríkjunum í ávarpi sem
hann flutti í þinghúsinu í Texas í
fyrrinótt, 36 dögum eftir að
Bandaríkjamenn gengu að kjör-
borði í einum jöfnustu kosningum í
sögu landsins. Skömmu áður hafði
A1 Gore, varaforseti og forsetaefni
demókrata, játað sig sigraðan og
skorað á Bandaríkjamenn að
fylkja sér um næsta forseta.
„Forseti allra
Bandaríkjamanna“
Bush lagði áherslu á að hann
hygðist sameina þjóðina eftir
heiftarlegar deilur repúblikana og
demókrata um úrslit kosninganna
síðustu fimm vikur.
„Ég var ekki kjörinn til að þjóna
einum flokki, heldur einni þjóð,“
sagði Bush. „Forseti Bandaríkj-
anna er forseti allra Bandaríkja-
manna, af öllum kynþáttum. Hvort
sem þið kusuð mig eða ekki ætla
ég gera allt sem ég get til þjóna
hagsmunum ykkar og leitast við
að verðskulda virðingu ykkar.“
Bush flutti ávarpið í sal fulltrúa-
deildar þingsins í Texas, þar sem
demókratar eru í meirihluta, til
þess að leggja áherslu á að hann
hefði einsett sér að vinna með
demókrötum í Washington í þágu
bandarísku þjóðarinnar. Forseti
deildarinnar, demókratinn Pete
Laney, kynnti Bush og fór lofsam-
legum orðum um störf hans sem
ríkisstjóra Texas og samstarf hans
við demókrata á þinginu.
Bush sagði að bandaríska þjóðin
yrði taka höndum saman og sýna
að hún væri hafin yfir flokka-
drættina. „Bandaríkjamenn eiga
sameiginlegar vonir og gildi sem
eru miklu mikilvægari en nokkurt
pólitískt deilumál . . . Ég veit að
Bandaríkjamenn vilja sættir og
einingu. Ég veit að Bandaríkja-
menn vilja framfarir. Og við verð-
um að grípa þetta tækifæri og
uppfylla þessar óskir.“ Ræða Bush
var talsvert ólík venjulegum sig-
urræðum verðandi forseta, enda
var aðdragandi hennar mjög
óvenjulegur. Þótt hann legði
áherslu á nauðsyn þess að sameina
þjóðina eftir kosningadeilumar
minnti ávarp hans að mörgu leyti á
kosningaræður hans áður en
Bandaríkjamenn gengu að kjör-
borði. Hann kvaðst ætla að vinna
með demókrötum
að því bæta ríkis-
skólana og sjúkra-
tryggingakerfið fyr-
ir aldraða, efla
herinn og veita
„viðamikla, sann-
gjama og fjárhagslega ábyrga
skattaeftirgjöf'. „Við höfum rætt
ágreining okkar; nú er kominn
tími til þess að finna það sem sam-
einar okkur og ná víðtækri sátt til
að gera Bandaríkin að leiðarljósi
tækifæranna á 21. öldinni."
Lofaði að hringja ekki aftur
Klukkustund áður flutti Gore
sjö mínútna langt ávarp á skrif-
stofu sinni nálægt Hvíta húsinu í
Washington. „Rétt í þessu talaði
ég við George W.
Bush og óskaði
honum til ham-
ingju með að verða
43. forseti Banda-
ríkjanna en lofaði
að hringja ekki aft-
ur að þessu sinni,“ sagði varafor-
setinn og skírskotaði til þess að
hann hringdi tvisvar í Bush á
kosninganóttina, fyrst til þess að
óska honum til hamingju með sig-
urinn í kosningunum og síðan til
að draga hamingjuóskimar til
baka.
„Ég bauðst til þess að hitta hann
eins fljótt og auðið væri til að hægt
verði að græða sárin eftir kosn-
ingarimmuna og dómsmálin sem
við eigum nú að baki,“ sagði Gore.
Gert er ráð fyrir að
þeir hittist í Wash-
ington á þriðjudaginn
kemur.
Sættir sig við
niðurstöðuna
Varaforsetinn kvaðst vera „ein-
dregið ósamþykkur" þeirri
ákvörðun hæstaréttar Bandaríkj-
anna að hafna frekari endurtaln-
4-
ingu atkvæða í Flórída. Hann
kvaðst hins vegar sætta sig við
niðurstöðu réttarins og játa sig
sigraðan „í þágu þjóðareiningar og
lýðræðisins".
Gore hefur þegar verið nefndur
sem hugsanlegur frambjóðandi í
forsetakosningum eftir fjögur ár
og í ræðu hans komu fram nokkrar
vísbendingar um að hann hefði
hug á að bjóða sig fram aftur.
Varaforsetinn lagði áherslu á að
hann hygðist halda baráttu sinni
áfram í þágu bandarísku þjóðar-
innar. „Nokkrir hafa spurt mig
hvort ég sjái eftir einhverju og ég
sé eftir einu: að fá ekki tækifæri til
að vera hér áfram og berjast fyrir
bandarísku þjóðina næstu fjögur
árin, einkum þá sem þurfa að losna
við byrðar og hindranir, þá sem
finnst rödd sín ekki hafa heyrst.
Ég heyrði til ykkar og gleymi ykk-
ur ekki.“ Gore viðurkenndi að
margir þeirra 50 milljóna manna,
sem kusu hann, væru vonsviknir
vegna niðurstöðu kosninganna.
„Ég er það líka,“ sagði hann. „En
vonbrigði okkar verða að víkja fyr-
ir föðurlandsástinni." Varaforset-
inn réð öðrum þjóðum frá því að
líta á kosningadeilurnar í Banda-
ríkjunum sem veikleikamerki.
„Styrkur lýðræðisins í Bandaríkj-
unum sést skýrast á þeim erfið-
leikum sem þau sigrast á.“
Repúblikanar ánægðir
með ávarp Gore
Ávarp Gore mæltist mjög vel
fyrir, jafnt meðal repúblikana sem
demókrata. Margir stjórnmála-
skýrendur sögðu að þetta væri
mikilvægasta ræða sem nokkurt
forsetaefni í Bandaríkjunum hefði
haldið til að viðurkenna ósigur.
Gore hefur oft verið gagnrýnd-
ur fyrir að vera stífur og sviplítill
stjómmálamaður en ávarpið þótti
bæði hnyttið og andríkt. Beverly
Wall, prófessor í mælskulist við
Trinity-háskóla í Connecticut,
lýsti ávarpinu sem „litlum gim-
steini“. ,Ávarpið bar stundum vott
um mjög góða kímnigáfu, hann var
hógvær og mjög persónulegur“.
Oldungadeildarþingmaðurinn
John McCain, keppinautur Bush í
forkosningum repúblikana, kvaðst
aldrei hafa séð Gore standa sig
jafnvel og sagði að tónninn í ávarp-
inu hefði verið óaðfinnanlegur.
Wall sagði að dyggir stuðnings-
menn Bush hlytu að vera ánægðir
með ávarp hans
en bætti við að
hann hefði líklega
ekki lagt næga
áherslu á að ná til
„kjósenda á miðj-
unni“ og þeirra
sem kusu Gore. „Hann hélt þess í
stað kosningaræðu um stefnu
brjóstgóða íhaldsmannsins og hún
var mjög í anda repúblikana.“
„ Vonbrigði okkar
verða að
vikja fyrir
föðurlandsástinni."
„Ég var ekki kjörinn
til að þjóna einum
flokki, heldur einní
þjóð.“
FÖSTUDAGUR 15. DESEMBER 2000 47r
Davíð Halldór Sverrir Steingrímur J. Össur
Oddsson Ásgrúnsson Hermannsson Sigfússon Skarphéðinsson
Formenn stjórnmálaflokkanna um endanlega
niðurstöðu forsetakosninganna í Bandaríkjunum
Ætti ekki að hafa áhrif
á samskiptin við Island
Formenn stjómmálaflokkanna telja flest-
ir að ekki hefði skipt miklu máli varðandi
hagsmuni Islands hvor hefði sigrað í
bandarísku forsetakosningunum, George
W. Bush eða A1 Gore. Að flestra mati þarf
að endurskoða fyrirkomulag kosninga og
talningar atkvæða í Bandaríkjunum.
Davíð
Oddsson
Hagfellt
fyrir okkur
DAVÍÐ Oddsson, forsætisráð-
herra og formaður Sjálfstæðis-
flokksins, telur að það hefði ekki
skipt máli gagnvart íslandi hvor
hefði orðið næsti forseti Bandaríkj-
anna, George W. Bush, ríkisstjóri í
Texas, eða A1 Gore varaforseti,
einkum að því er varnar- og örygg-
ismál varðar. Stefna þeirra sé svip-
uð í þeim efnum.
„Hins vegar gæti afstaða Banda-
ríkjamanna til Kyoto-samkomu-
lagsins breyst, að minnsta kosti
miðað við það sem Bush lét hafa
eftir sér í kosningabaráttunni, að
það kæmi ekki til greina að stað-
festa þann sáttmála. Það gæti haft
þýðingu. Þó að Bush hafi einnig
sagt í kosningabaráttunni að hann
vildi fækka bandarískum hermönn-
um í Evrópu, þá á ég ekki von á að
það hafi áhrif hér á landi. Almennt
samkomulag er innan hersins um
að stöðin á íslandi sé afskaplega
mikilvæg. Varnarsamningurinn er í
traustu fari og eingöngu viðræður
um rekstrarfyrirkomulag og þess
háttar sem eiga sér stað. Ég á því
ekki von á öðru en að standi Bush
sig vel, þá verði það hagfellt fyrir
okkur eins og aðra. Gert er ráð fyr-
ir að efnahagslífið bregðist betur
við Bush sem forseta en Gore.
Markaðirnir voru þannig stemmd-
ir,“ segir Davíð.
Hann telur ekki að lýðræðið í
Bandaríkjunum hafi beðið hnekki
vegna vandamálanna við talningu
atkvæða. Þótt Gore hafi fengið
fleiri atkvæði á landsvísu bendir
Davíð á stöðu mála í Kanada og
Bretlandi, þar sem forsætisráð-
herrar hafa hærra hlutfall þing-
manna á bakvið sig heldur en úrslit
kosninga sögðu til um. Að mati
Davíðs þyrftu Bandaríkjamenn að
taka almennt betur á talningu at-
kvæða og framkvæmd kosninga.
Staðan í Flórída hafi getað komið
upp í fleiri ríkjum.
Davíð telur margt benda til þess
að Bush geti reynst vel sem forseti
Bandaríkjanna, þrátt fyrir stutta
reynslu af stjómmálum. Hann sé
vel menntaður frá háskólunum
Yale og Harvard.
„Hann virðist hafa rólegt skap-
ferli, sem skhptir miklu í álagsstarfi
sem þessu. Ég hef ekki hitt hann
persónulega, aðeins hitt föður hans
og bróður nokkrum sinnum. Ef
menn hafa eðliskostina í lagi þá
skiptir það meiru heldur en það
hvort þeir hafi ferðast um og hitt
fólk,“ segir Davíð.
. Halldór
Ásgrímsson
Loksins
komin
niðurstaða
HALLDÓR Ásgrímsson, utan-
ríkisráðherra og formaður Fram-
sóknarflokksins, fagnar því að loks-
ins er komin niðurstaða í
Bandaríkjunum. Hann segist hafa
fylgst með ræðum frambjóðend-
anna í fyrrinótt og fundist þeim
báðum mælast afskaplega vel.
„Ég hef trú á að í því andrúms-
lofti ættu Bandaríkjamenn að ná
bærilegri sátt um þessa niðurstöðu.
Hins vegar liggur ljóst fyrir að hún
er ákveðin með dómi. Sá sem tapar
er ósammála dómnum en sættir sig
við niðurstöðuna,“ segir Halldór.
Aðspurður um álit á Bush segir
Halldór að hann komi vel fyrir í
sjónvarpi og svari ágætlega fyrir
sig. Halldór trúir því að hann eigi
eftir að reynast ágætlega í utanrík-
ismálum, ekki síður en Bill Clinton.
Það sé sá málaflokkur sem snertir
íslendinga mest.
„Ég hef ekki mikla trú á því að
afstaða Bandaríkjanna breytist
gagnvart NATO og vamarsam-
starfi þess gagnvart Evrópu. Það
liggur ljóst fyrir að Bandaríkja-
menn viíja draga úr sínum vígbún-
aði í Evrópu og vilja jafnframt
byggja upp betri samskipti við
Rússa. Sama stefna er í Evrópu,"
segir Halldór og bætir við að þetta
hafi komið vel fram á fundi NATO
sem hann sat í Brussel í gær.
„Hins vegar eru þeir aðilar til í
Bandaríkjunum sem vilja líta á
Rússa sem algjöran andstæðing.
Allir eru því sammála að ef slíkar
skoðanir yrðu ofan á, yrði það mjög
alvarlegt. Veikt Rússland er vara-
samt en vaxandi og sterkt yrði
landið góður bandamaður," segir
Halldór.
Sverrlr
Hermannsson
Bush í veikri
stöðu
SVERRIR Hermannsson, for-
maður Frjálslynda flokksins, segir
endanleg úrslit forsetakosning-
anna í Bandaríkjunum vera dapur-
legan vitnisburð um lýðræðið í
landinu.
„Ég bið Guð að hjálpa mér að
dómstólar skuli ekki með öllum
hætti reyna að greiða fyrir þvi að
öll atkvæði séu talin og úrskurðuð
til síðasta seðils um réttmæti eða
ógildingu. Mér finnst þetta dapur-
legt um þetta fræga lýðræðisríki.
Lýðræðið stendur og fellur með
þessu eina atkvæði sem myndar
meirihlutann. Hvað sem um vafa-
atkvæðin öll, og ósköpin í Flórída
má segja, þá hafði Gore rúm 300
þúsund atkvæði samtals umfram
hinn. Allt hlýtur þetta að setja
þennan Bush í veika stöðu. Hann
má vera vel að sér og hafa góðum
mönnum á að skipa ef hann vinnur
það upp. Það er auðvitað tjón fyrir
lýðræðið í heiminum ef Bandaríkja-
menn veikjast,“ segir Sverrir.
Aðspurður hvemig honum líki
Bush segist Sverrir frekar hefðu
valið Gore, hefði hann staðið
frammi fyrir slíku vali. Hann von-
ast til þess að kjör Bush komi ekki
til með að hafa áhrif á íslendinga.
En kjörið veiki Bandaríkin og allt
sem veiki þau sé til skaða fyrir hinn
frjálsa heim.
Steingrímur J.
Sigfússon
Gore olli
vonbrigðum
STEINGRÍMUR J. Sigfússon,
formaður Vinstri hreyfingarinnar -
græns framboðs, fagnar því að
„löngu vitleysunni“ sé loksins lokið
í kringum forsetakosningamar
vestanhafs. Við talningu atkvæða
hafi komið fram brotalamir sem
komi á óvart í jafnþróuðu ríki. Nið-
urstaðan sé álitshnekkir fyrir
Bandaríkin og komi til með að
veikja stöðu Bush.
„Ékki verður gaman fyrir þenn-
an ágæta fylkisstjóra Texas að sitja
með það á bakinu að hafa unnið á
þetta hæpnum forsendum. Það
hefði reyndar gilt um hvom þeirra
sem var. Ekkert breytir því að mál-
ið sem slíkt var búið að veikja þann
forseta sem Bandaríkjamenn
myndu fá. Það er með ólíkindum og
sjá þetta ráðast kannski á einu at-
kvæði 1 þríklofnum hæstarétti,“
segir Steingrímur.
Varðandi áhrif kjörs Bush á
hagsmuni íslendinga segir Stein-
grímur litlu skipta í raun hvor hefði
unnið, Bush eða Gore. Flokkamir
séu það keimlíkir og persónuleikar
frambjóðendanna einnig. Þó gæti
einangrunarstefna.Bush haft þau
áhrif að hann dragi heraflann
meira heim til Bandaríkjanna og
efli stjömustríðsáætlunina. Stein-
grímur segist ekki vera á móti því
að dregið verði saman hjá banda-
ríska hemum á Vellinum, og að því
leyti geti hann fagnað kjöri Bush.
Hins vegar megi ekki vænta mikils
af Bush þegar kemur að alþjóða-
viðskiptum og umhverfismálum. Á
þeim vettvangi hefði mátt búast við
meiru af Gore. Annars segist Stein-
grímur hafa orðið fyrir vonbrigðum
með Gore. Fyrirfram hafi hann
veðjað á hann sem næsta forseta.
„Gore fór í skjól með öll róttækari
viðhorf og hagaði seglum eftir vindi
í sinni baráttu,“ segir Steingrímur
J.
Össur
Skarphéðinsson
Áfall fyrir
lýðræðið
ÖSSUR Skarphéðinsson, for-
maður Samfylkingarinnar, segir að
úrslit forsetakosninganna séu áfall
fyrir lýðræðið. Niðurstaðan hljóti
að leiða til umræðu um breytingar
á fyrirkomulagi kosninganna og
talningar atkvæða, þannig að í
framtíðinni verði ekki mögulegt að
verða forseti með færri atkvæði en
sá sem tapar.
„Ef lýðræðinu hefði verið fram-
fylgt hefði átt að endurtelja í öllu
Flórídafylki. En eigi má sköpum
renna. Bush hefur unnið og ég tel
það miður. Ég sé eftir Gore, er
sannfærður um að hann hefði orðið
góður forseti. Einkum er hann
sterkur í umhverfismálum. Þar
frnnst mér Bush vera veikur og það
á umbrotatímum í umhverfismál-
um í veröldinni. Við þessar kring-
umstæður, að hann hafi færri at-
kvæði en Gore á bakvið sig, kann að
veikja hann í embætti. Hann gæti
þó sigrast á því öllu ef hann reynist
góður forseti, Hann þarf að sanna
sig. Ég tel að Gore muni ekki leggja
árar í bát og reyni aftur eftir fjögur
ár. Ekki kæmi mér á óvart að hann
hefði sigur þá,“ segir Össur.