Skírnir - 01.01.1895, Side 32

32
Landar vorir fyrir vestan haf.
sjóður kirkjufjelagsins orðinn um 2600 dollarar, en ekki jtótti tiltækilegt
að byrja skólann að þessu sinni. Hafsteinn Pjetursson, einn af prestum
kirkjufjelagsins, gekk úr því, en ekki verður sjeð, að ueinn trúarágrein-
ingur valdi. Á kirkjuþinginu tók prestvígsiu Þorkell Sigurðsson, skag-
firskur að ætt; hafði hann útskrifast þá um vorið úr prestaskóla í Pila-
delfiu og hlotið um leið doktorsnafnbót. Yar gjört ráð fyrir, að hann tæk-
ist á hendur prestsþjónustu í Argylenýlendunni, og hugðu íslendingar þar
gott til, en sá fögnuður varð skammur, því sjera Þorkell andaðist 27. des.,
og varð hann mörgum þar harmdauði, því hann var ungur maður (f. 30.
apríl 1866) og þótti til góðs líklegur. — Þrír ÍBÍenskir námsmenn tóku
stúdentspróf við latínuskóla þann í St. Peter í Minnesota, sem kenndurer
við öústaf Ádolf. Binn íslenskur maður, Ólafur Stephensen frá Vatnsfirði,
leysti af hendi læknispróf í Winnipeg og gjörðist þar síðan læknir; hafði
hann áður numið læknisfræði í Reykjavik og tekið þar próf.
Á 50. afmælisdegi sjera Jóns Bjarnasonar, 15. nóv., er var jafnframt
silfurbrúðkaupsdagur þeirra hjóna, færðu kirkjumenn honurn gjöf, er var
1800 kr. virði. Þarlend blöð ensk minntust hans og starfs hans mjög
lofsamlega við það tækifæri.
Blöð og timarit fslendinga í Vesturheimi komu öll hin sömu út þetta
ár sem að undanförnu, en fátt var annað prentað þar af íslenskum hók-
um. Sú breyting varð á ritstjórn Lögbergs, að Sigtryggur Jónasson tók
við henni af Einari Hjörleifssyni, er hvarf heim aptur til íslands og gjörð-
ist þar meðritstjóri ísafoldar. Um haustið hjelt hann fyrirlestur í Eeykja-
vík um Vestur-íslendinga og hagi þeirra; ljet hann yfirleitt vel yfir lífi
þeirra; taldi þá hafa náð þar miklu meiri menntun, en þeir hefði átt kost
á hjer á landi, og kvað þá njóta þar ýmsra lífsþæginda fremur en hjer,
en gjörði á hinn bóginn ekki mikið úr auðlegð þeirra, enn sem komið er