Skírnir - 01.01.1898, Blaðsíða 39

Styrjöld Bandaríkja við Spán.— Afleiðingar. 89
þar hagsmunir þeirra og Breta um óhiudraða vuizlun. £>vi eru
þeir sjálfsagðir að vera á Breta bandi í þvi máli. En þá reið Bretum og
á, að ekki yrði magn úr þeim dregið til liðveizlunnar, og það mun hafa
komið Bretum til að eporna við því, að aðrar þjóðir veittu Spánverjum lið.
— Ein in fyrsta afleiðing af vinfengi Breta og Bandamanna var sú, að
í Júlí settu hvorirtveggja eameiginlega nefnd manna, er saman kom í
Ágúst til að ræða og reyna að semja um allan ágreining, eem uppi væri
milli Breta og Bandamanna. Vóru þar af Bretlande hendi Herschell lá-
varður og fleiri fulltrúar, frá Canada og Newfoundland, og jafnmargir af hendi
Bandamanna. Nefnd þessari tókst að jafna misklíð þá, sem verið hefir
milli Bandamanna og Canadinga af seladrápi í Bærings-hafi. Canada-
menn gáfu upp rétt sinn til að veiða sel á djúpsævi þar, en Bandamenn
létu gjald á móti koma, sem hinir vðru ánægðir með. — Annað ágrein-
ingsmálið var um landamerki milli Canada og Alaska; en því máli hefir
nefndinni enn ekki t.ekist að skipa svo, að báðir aðilar geti á sætst.
— Kosningarnar í haust í Bandarikjunum fóru svo, að samveldismenn
náðu meiri hluta í efri málstofu Bandaþingsins og hafa því nú meiri hlut
á öllu þinginu. Áður vóru ekki nema 44 þingmenn I efri málstofu sam-
veldismenn, er fylgdu gullinu sem einka-peningamálmi; nú eru þeir yfir
fimmtíu. En í neðri málstofu höfðu samveldismenn áður 55 atkvæða meiri
hluta, en hafa nú ekki nema 10 atkv. meiri hluta. í engu af norður-
ríkjunum er nú landstjóri af sérveldismanna-flokki.
— Þegar stríðið hófst, lá eitt af stærstu vígskipum Bandamanna, það
er Oregon hét, vestur við Mare Island (herskipahöfn utan við San Fran-
cisco), en Bandamenn þurftu á því að halda austur i Atlantshafi. Fór
Oregon suður fyrir Horn og sameinaðist Atlantshafsflotanum; en það er
langur vegur og hættur, 13000 enskar sjómílur. Hefði floti Spánverja
orðið var skipsins og setið fyrir því, hefði því einu síns liðs verið lítil
undankomu von. — Þetta varð til að vekja athygli stjórnar og alþýðu
onn meira on áður á því, liver nauðsyn væri á að grafa skurð skipgengan
inilli Norður-Ameríku og Suður-Ameriku. Að Panamaskurðinum hefir talsvert
verið unnið, og margir telja hagkvæmast að halda áfram með hann; en hitt
sýnist verða ofan á, að kjósa heldur skurð gegn um Nicaragua. Yar útlit
fyrir því i árslok, að Bandaríkjastjórnin muni bindast fyrir það verk.
Síuland. —• Þess gátum vér í fyrra, er Þjóðverjar neyddu Sínlands-
stjórn til að láta sig fá höfn og landskika í Kjá-tsjá. En það varð upp-