Skírnir - 01.01.1914, Síða 14

14
Fyrsta utanför mín.
skip og heldur auðvirðileg, en þóttu þá gersemar og furðu-
verk. Þann vetur var fyrsta gasleiðing gerð í Höfn, og
ofurlítil járnbraut var komin til Hróarskeldu •— að mig
minnir, stóðu og enn hin fornu porthlið, nema Norður-
port. Eg hitti etatsráð Hansen, vin og reiðara frænda
míns. Hann var þá gamall maður, þurlegur og tók mér
fálega. Eg var falinn til leiðbeiningar Jóni Sigurðssyni,
og fekk þar góðar viðtökur hjá báðum þeim hjónum. Lík-
aði þeim illa vistin á Kristíánshöfn, sögðu eg skyldi fá
mér herbergi nær og fá síðan tilsögn á Garði. —
Md. Mikkelsen grét þegar hún heyrði að eg vildi flytja,
kvaðst hafa átt pilt á mínu reki og mist hann, hélt að
eg hefði verið sendur sér í sonarstað. Hún hafði og látið
mann sinn kaupa mér snotran alklæðnað í Stettín, og
þegar eg stóð uppdubbaður i þeim skrúða, með gráan
hatt og staf í hendi með fílabeinshún, sagði hún hrærð:
»Det véd Gud, De er söd«. Hún var eflaust góð kona,
en húsvini hennar mátti eg gjarnan kveðja. Tók þó lítið
betra við, því eg lenti i nýjum solli, með nokkrum lönd-
um af iðnaðar- og sjómannastéttinni, en síðan stúdentum
á Garði. Var þá slarköld mikil í Höfn, og ofbauð mér
sá sollur og andvaraleysi og heillaðist þó af honum jafn-
framt. Þó voru góðir drengir og mannsefni innan um.
Hóf eg snemma að sækja tíma hjá Garðbúum, í þýzku
hjá Bjarna frá Flatey Magnússyni. tostursyni Astríðar
ömmu minnar, og síðar sýslumanni, en ensku kendi mér
Jón Aðalsteinn Sveinsson, bróðir Hallgríms biskups. Komst
eg skjótt í mjúkinn hjá þeim, sem væri eg bróðir þeirra.
Danskur privatkennari kendi mér annað, sem eg lærði,
sem var fegurðarskrift og reikningur o. fl., er kaupmenn
nema Þegar eg kom fyrst inn í garðinn á Regensi mætti
eg tveimur löndum; virtust mér báðir gáfulegir og hafa
eitthvert aðdráttarafl. Spurði eg þá að heiti, og hét ann-
ar Steingrímur Thorsteinsson, en hinn Sigurður málari.
Þeir tóku mér vel og sýndu mér þá landa, sem voru þar
í garðinum. Eg spurði um Jón Sveinsson og fylgdu þeir
mér að hans dyrum. Þar var fult af löndum, fyrst Jón