Tímarit Hins íslenzka bókmentafélags - 01.03.1880, Síða 3

67
stigningarey og Pálsklettar (Ascension og St. Pauls
Rocks). í>á er hryggurinn er kominn að 50.0 vestur-
lengdar, eins og sagt var, greinist hann í sundur og
liggur annar armurinn upp að ströndum Ameríku við
Cayenne, en hinn heldur áfram í norður-norðaustur til
Azoreyja, og frá þeim í norður upp að grynningum þeim,
er liggja út frá suðvesturhorni íslands. Dýpri hluti
Suður-Atlantshafsins, sem er á milli Suður-Amerlku
og hryggsins, er gengur frá Tristan da Cunha til 50.0
fyrir vestan Greenwich, er að sunnanverðu opinn fyrir
Suður-íshafinu, og er sjórinn því jökulkaldur í suður-
hluta djúps þessa, og því kaldari við sjávarbotn, því
sunnar sem kemur. í vesturhluta Norður-Atlantshafs-
ins, á milli Vesturheimseyja og Ameríku að vestan, og
hryggs þess, er sagt var að frá Cayenneströndinni lægi
upp undir ísland, að austan, er sjávarhitinn alstaðar
fyrir neðan 2000 faðma dýpi hinn sami, nefnilega i°,7
á mæli Celsíusar. í austurhluta bæði Norður- og
Suður-Atlantshafs, sem er samfast djúp frá 30.0 suður-
breiddar til 50.0 norðurbreiddar, er sjávarhitinn, úr því
komið er niður á 2000 faðma dýpi og til botns, hérum
bil alstaðar hinn sami, þ. e. i°, 8. Hið mesta dýpi, sem
fundið er í Atlantshafi, er skamt eitt fyrir norðan St.
Thomas í Vesturheimseyjum og er það 3875 faðmar.
pegar kemur upp undir Bretlandseyjar, Færeyjar,
ísland og Grænland, fer Atlantshaf að grynnast, þó
er það æði djúpt í Z?iscayafióa.nu.m, rúmlega 2000 faðma.
Fyrir vestan Suðureyjar (Hebrides) 0g beint í suður
frá íslandi stendur Rockalldrnngur (alþekt fiskimið)
á grynningum víðum um sig —. Milli Rockallgrynning-
anna og Bretlandseyja gengur úr Atlantshafi djúpur
flói upp undir Færeyjar, og nefnist flói þessi Rockall-
állinn. Vestanvert við Rockallgrynningarnar er annar
flói í Atlantshafi, er liggur upp undir suðurhluta íslands,
og- liggur vestan að honum hinn mikli hryggur niðri í