Eimreiðin - 01.01.1896, Qupperneq 65

é5
þýðingu fyrir (forn)islenzka málvísi, nfl. »01dnordisk formlære« (Forn-
norræn málmyndalýsing); þessi bók hafði að sinu leyti jafnmikla þýð-
ingu og sú um rúnirnar; í fyrsta skipti fjekk maður hjer fullkomna
strangvisindalega málmyndalýsing, sem bæði var byggð á hinum nýjustu
vísindalegu málfræðisrannsóknum og á fullkomlega sjálfstæðri rannsókn
norræns máls eptir beztu fornritum voruml. Pessi bók er frumrit i
orðsins beztu merkingu, og hefur hún verið þýdd á ýms önnur mál;
stytta skóla-málfræði samdi hann og, og er hún þýdd á íslenzku. f*ar
að auk hefur Wimmer gefið út ýmsar lestrarbækur, þar á meðal forn-
islenzka lestrarbók, sem er talin með beztu samskonar ritum.
Wimmer fjekk kennarastöðu við háskólann 1871 og varð prófessor
1886, þegar Konráð Gislason Ijet af embættinu. Wimmer er enginn
stofulærður einræningur. Hann er mesti fjörmaður, manna glaðlyndastur,
höfðingi mikill, kappsamur og ríkur i lund; hann hefur allajafna tekið
mikinn þátt i báskólamálum og var rektor háskólans árið sem leið.
Honum er mjög annt um vísindi, sjerílagi þau, sem skyldust eru námi
hans, og vill gera allt til að styrkja þau og stoða; enda má svo segja, að
öll hin meiri rit, er út hafa komið i Danmörku i norrænni málfræði á
síðari árum, eiga að einhverju leyti honum að þakka, að þau hafa orðið
skráð eða prentuð. Og ótal eru þeir ungu visindamenn, bæði danskir
og íslenzkir, sem nokkuð hefur kveðið að, sem hann hefur styrkt með
ráðum og dáðum, og eiga honum hvað mest að þakka, að þeir hafa
náð þroska. Ef höf. þessara lína vissi ekki, að Wirnmer er ógeðfellt, að
sjá birt á prenti þess konar góðviljaverk, gæti hann sagt þar margt af,
einkum andspænis íslenzkum bókmenntum og íslenzkum náms- og vísinda-
mönnum, bæði utanlands og innan.
Wimmer er meðal annars fjelagi hins danska visindafjelags og margra
annara samskonar fjelaga, formaður i »Samfund til udgivelse af gammel
nordisk litteratur« (og er honum þar — meðal margs annars — að þakka,
að hið ágæta handrit af Eddukvæðunum var gefið út ljósmyndað 1891,
enda var hann annar aðalútgefandinn sjálfur, og er höf. þessara lína
minnistæð sú samvinna), einn af stjórnendum Arna Magnússonar sjóðsins,
auk margs annars. Hann er r. af dbrg. og dbrm.
Wimmer er kvæntur og er kona hans jafnágæt sem hann sjálfur;
þau eiga eina dóttur barna.
Jeg enda þessar fáu linur með þeirri ósk, að próf. Wimmer megi
endast aldur og heilsa ekki aðeins til að ljúka hinu rnikla rúnaverki sinu
jafnfagurlega og það er upp hafið, heldur og að hann megi um langan
aldur halda áfram að vera sá frömuður og prýði norrænnar málfræði og
bókmennta, sem hann hefur verið svo vel og lengi.
Khöfn í des. 1895.
Finnur Jbnsson.
1 1858 hafói komið út I. hepti af málfræði Konráðs Gíslasonar; það var hljóð-
fræðin og að eins byrjun á nafnorða beygingum, en svo kom aldrei meira.
5