Eimreiðin - 01.09.1900, Qupperneq 27

.8;
nema loftkastali einn. Söfnin eru 5 að nafninu til, sitt á hverjum
stað ; þrjú þeirra eiga sér vísan samastað, en tvö eru á ringulreið,
landsmönnum til minkunar. Pau eru 1. Landsbókasafnið; 2. Forn-
gripasafnið; 3. Málverkasafnið; 4. Náttúrusafnið; 5. Landskjalasafnið.
Landsbókasafnið er mest metið og mestu til þess kostað,
af því fáir sem engir nota bækurnar, svo ekki er hætt við að þær
slitni eða skemmist; má því geyma þær öldum saman alþaktar
ryki, svo mann hryllir við að snerta þær, að minsta kosti margar
hverjar, sem liggja í bunkum og hrúgum, og er engin sápa svo
sterk, að hún fái nuggað af manni þann óþverra, sem kemur á
mann af að handleika þær, enda er ekkert vatn og engin þurka
eða handklæði til á safninu. Annars er 'þar mikið af bókum og
mörg dýr verk, sem geyma vizkuna ónotaða miklu betur en Fofnir,
meðan hann lá á gullinu á Gnítaheiði. Á lestrarsalnum sitja sjaldan
aðrir en einn eða tveir menn, sem rita upp úr íslenzkum handrit-
um, og svo fáeinar hræður með einhverja skemtibók. Pegar alþingið
lét landið kaupa bókasafn Jóns Sigurðssonar, þá var því dreift á
víð og dreif innan um hinar bækurnar, í stað þess að láta það
vera í skápum sér, til minningar um hinn fyrveranda fræga eig-
anda, eins og siður er annarsstaðar, t. a. m. í British Museum: þar
eru bókasöfn Hookers, Joseph Banks og fleiri manna, og hafa
Englar verið svo hugulsamir að láta þau vera sér. Vísindalegar
bækur safnsins eru því nær alls ekki notaðar, sem ekki er við
að búast. Landsbókasafnið er opið hvern virkan dag, 3 stundir,
og þjóna því 2 bókaverðir.
Forngriþasaf nií> er nokkurnveginn sótt, en alt fyrirkomulagið
er afleitt, og ómögulegt að átta sig á neinu þar, sökum rúmleysis;
engin prentuð leiðbeining og engin niðurröðun á gripunum.1 l'etta
safn er opið tvisvar sinnum á viku.
Mdiverkasaf m'ð, er í rauninni ekki safn nema að nafninu
til, því það er út um alt í alþingishúsinu; málverkin eru eftir ýmsa
meistara, alla danska, og hafa verið gefin hingað fyrir forgöngu
Bjarnar sýslumanns Bjarnarsonar (nú í Dalasýslu); þau eru ágæt-
lega vel gerð, en hafa enga sögulega þýðingu, með því engin
málverk eru til frá ýmsum tímum listarinnar. Öll þessi söfn eru
í alþingishúsinu, sem er haft fyrir ruslakistu alls konar óskyldra
hluta, er hingað hafa safnast.
1 Úr þessu verður nií sjálfsagt bætt, er safnið hefir fengið betra húsnæði í nýja
bankahúsinu. RITSTJ.