Eimreiðin - 01.09.1900, Blaðsíða 74
234
ÍVí verður sem sé naumast neitað, að ýmsir af þeim þurfalingum,
sem nú lifa allþægilegu lífi sem sveitarómagar, mundu geta unnið
fyrir sér, ef meira væri að þeim lagt, enda hefir sú orðið reyndin
á, þegar sveitarómagar hafa verið sendir til Ameríku, að þeir hafa
þar vel getað alið önn fyrir sér, þó þeir þættust ekki geta það
á íslandi. En þegar menn geta viðstöðulaust fengið eins gott eða
jafnvel betra viðurlífi á kostnað annara, en þeir, sem eru að berjast
við að bjargast af handafla sínum, þá finst þeim óþarfi að vera að
leggja mikið að sér. En að vera að ala slíka peyja á alþjóðar
kostnað, er sannast að segja fullkominn misskilningur á mannúðar-
reglunni og harla mikil rangsleitni gagnvart öllum hinum nytsam-
ari mönnum í þjóðfélaginu.
Bindindismálið eða baráttan gegn ofdrykkju hefir nú hin
síðari árin fengið mikið fylgi á íslandi, enda hefir að því verið
unnið af töluverðu kappi. Bindindisfélögin eru nú orðin mörg og
er Goodtemplarafélagið þeirra stærst og duglegast. í því eru nú
um 4000 manns og það hefir komið sér upp mörgum samkomu-
húsum. Hið stærsta þeirra er í Rvík, enda er aðalaðsetur félags-
ins þar og stórstúka þess. Par er og annaðhvort ár haldið stór-
stúkuþing, er undirstúkurnar geta sent 1 fulltrúa á fyrir hverja 50
félagsmenn. Að hin öfluga barátta bindindisfélaganna hafi borið
töluverðan árangur, má meðal annars sjá af því, að þó að inn-
flutningur á öllum öðrum vörum hafi aukist stórkostlega hinn síð-
ari hluta aldarinnar, þá hefir innflutningur á vínföngum beinlínis
minkað, þegar miðað er við hvern íbúa landsins. Árið 1865 var
þannig innflutt af brennivíni 8,94 pottar á mann og af öðrum áfeng-
um drykkjum (vínum) 1,81 pt.; en 1896 var ekki innflutt af brenni-
víni á mann nema 5,05 pt., af öðrum áfengum drykkjum (vínum)
0,92 pt. og af öli 2,46 pt. Af þessu má sjá, að þó að ölið sé
metið jafngildi brennivíns (sem þó fer mjög fjarri), þá hefir samt
verið innflutt 21 /3 potti minna af áfengi á mann 1896 heldur en
1865. Og þegar þess er nú enn fremur gætt, að hér er miðað
við hvert mannsbarn á landinu, en tala þeirra, sem áfengisins
neyta, er svo margfalt minni, þá er þetta engin smávegis framför
í rénun ofdrykkjunnar. Alþingi hefir líka stutt bindindishreyfing-
una, bæði með því, að veita Goodtemplarafélaginu talsverðan styrk,
og með því að gera alla áfengissölu miklum mun örðugri en áður
og leggja þungan skatt á hana. Pað má því búast við, að fram-
farirnar verði enn meiri í þessu efni í nánustu framtíð.