Eimreiðin - 01.09.1906, Blaðsíða 44

204
kynni að þykja gaman að því, að sjá þær ljósmyndir, sem ég
hef sjálfur tekið af aðalfossunum, sem ég sá á ferð minni, hef ég
nú samið grein þessa á yðar eigin kæra tungumáli, sem ég nú
leyfi mér að birta yður með 8 beztu myndunum mínum.
Pað var Seljalandsfossinn (sjá mynd i) við vesturhlið Eyja-
fjallanna, sem við Bjarni komum að hinn 25. júní, er mér þótti
einn hinna fegurstu fossa, sem ég hef komið auga á á æfi minni.
Eins og gagnsæ brúðarblæja úr mjúku hvítu silki, sem hér og
C. Köchler phot.
2. Skógafoss.
þar er silfurofin, fellur hann niður frá hérumbil 200 feta hárri þráð-
beinni hamrahlíð; en hinar einstöku vatnssúlur hans steypast niður
í djúpið með svo miklu heljarafli, að þegar við Bjarni stóðum rétt
fyrir framan fossinn, urðum við óaflátanlega ausnir þúsundum smá-
dropa hinna eimandi vatnsgufuskýja, sem í sífellu risu upp frá
djúpinu. Já, það var stórkostleg sjón að sjá fossinn koma þrum-
andi niður frá hinum háa Eyjafjallajökli; en því miður urðum við
loks að skilja við hann, til þess að leita næturgreiða handa okkur;