Eimreiðin - 01.05.1909, Blaðsíða 71

frá niargskonar ævintýrum ýmsra aðalsmanna og stjórnmálabrellum og
hversu hamingjuhjól þeirra veltur upp og niður. Einn þeirra' sem er
duglegur fantur, verður meira að segja konungur um nokkur ár, en
veltist svo úr völdum sakir fjárskorts og situr svo í skuldafangelsi hing-
að og þangað. Svo fær hann að lokum svolátandi grafletur á leiði
sitt: »Gæfan gaf honum konungsríki, en neitaði honum um eina
brauðskorpu«.
En það sem myndar söguþráðinn og hnýtir saman öll ævintýrin,
eru hringarnir dularfullu, sem eru í höndum þriggja manna, sem eru
sinn í hverri áttinni, og engin veit af öðrum. En komi hringarnir allir
saman í einn stað, á sá, er þá hefir, að fá umráð yfir geysimiklum
fjársjóði, sem grafinn er í jörðu á fjöllum uppi. Þetta tekst á endan-
um, en notin verða minni, en til er ætlast, því skipið, sem á að flytja
fjársjóðinn í annað land, ferst og með því fjársjóðurinn í hafið.
Ekki fær maður að vita, hver þýtt hefir söguna á íslenzku; en
það gerir ekkert til. Hann er að minsta kosti enginn klaufi, því þýð-
ingin er góð og vel frá útgáfunni gengið í alla staði.
V G.
JÓNAS JÓNASSON: REIKNINGSBÓK. I,—II. Akureyri 1908,
(Oddur Björnsson). Verð 2 kr.
í fyrri hluta þessarar bókar er kent að reikna með heilum tölum,
brotum og tugabrotum, en síðari parturinn tekur yfir allar þær grein-
ir, er almennur eininga- og hlutfallareikningur nær til (meðal annars
prósentureikning, rentureikning o. s. frv.). Framsetning og fyrirkomu-
lag er nokkuð á annan veg, en títt hefir verið í íslenzkum reiknings-
bókum, og kveðst höf. í því efni hafa farið eftir beztu kenslubókum
útlendum, er fengist hafa. Að dæma um einstök atriði í slíkri bók,
er varla gerlegt nema fyrir kennara, sem einhverja reynslu hafa fengið
af notkun hennar, En að því er séð verður í fljótu bragði, virðist
bókin sérlega vel af hendi leyst og hafa marga og mikla kosti. Mætti
þar margt til nefna, en sérstaklega skal þess getið, hve dæmin eru vel
valin, gripin beint út úr daglega lífinu, svo að nemandinn undir eins
fær auga fyrir, hvert gagn hann hefir af því, sem hann er að læra.
Og við það vex líka áhuginn og námið verður skemtilegra.
V. G.
íslenzk hringsjá.
KNUD BERLIN: ISLANDS STATSRETLIGE STILLING efter Fristats-
tidens Ophor. Forste Afdeling: Islands Underkastelse under Norges Krone.
Kh öfn 1909.
Þetta á auðsjáanlega að verða heljarmikið rit, því þetta fyrsta bindi af því,
sern hér birtist, er 267 bls. í stóru broti, og nær það þó aðeins til loka 13. aldar.