Eimreiðin - 01.01.1910, Qupperneq 61

6i
þær út eins og rellur (vindflugur) á myndinni. Á fremri endanum
voru alveg tilsvarandi uggar og stýri eins og þeim eftri.
Nú er unnið af miklu kappi að frekari umbótum á loftskip-
unum, bæði á Þýzkalandi, Frakklandi, Englandi, í Ameríku og
víðar. Telja menn, að loftskipagerðin sé lengst á veg komin á
Pýzkalandi, og mestar vonir gera menn sér um loftskipasnið
Zeppelíns, og halda að loftskip framtíðarinnar verði í líku formi.
Umbæturnar ganga nú aðallega í þá átt, að auka hraða skipanna
og gera þau svo úr garði, að þau geti haldist sem lengst í lofti.
Einnig leggja menn mikið kapp á að auka burðarmagn þeirra o. fl.
fað er talið víst, að loftskipin komi að miklu gagni í hernaði.
Stórveldin keppast því við að koma sér upp loftskipaflota. Pjóð-
verjar eiga nú 9 herloftskip, Frakkar 2, Italir 2, og Englendingar
eru að láta smíða sér loftskip til hernaðar.
Milli 10 og 20 loftskip eru nú í smíðum á í’ýzkalandi, og
eru mörg þeirra ætluð til fólksflutnings. Er ákveðið að koma á
reglubundnum loftskipaferðum milli ýmsra staða bæði á Frakk-
landi og Pýzkalandi næsta sumar; einnig er í ráði, að koma á
slíkum ferðum milli Kaupmannahafnar og Hamborgar. Skipum
þessum er ætlað að flytja fólk; farið milli síðast nefndra borga er
gert ráð fyrir að kosti 2—300 kr., og er það tíu sinnum dýrara
en með eimlest. Efnamenn einir geta þvt haft veruleg not þessara
ferða sér til skemtunar.
Loftförin geta þegar orðið að liði við landkannanir, þar sem
vegir og önnur samgöngufæri eru ekki komin á, t. d. um miðbik
Asíu og Afríku. Zeppelín hefir einnig í hyggju að sigla loftskipi
til norðurpólsins, eftir því sem blöð skýra frá. Væri æskilegt, að
honum tækist för sú betur en André hinum sænska.
Síðustu blöð skýra frá því, að í ráði sé að setja á fót skóla
bæði á Frakklandi og Pýzkalandi, þar sem kenna eigi verkfræð-
ingum loftskipagerð og alt, sem að loftsiglingum lýtur. Einnig er nú á
síðustu tímum mikið rætt um, að semja alþjóðalög um loftfarir, líkt
og sæfaralögin, svo loftfarirnar geti farið fram með reglu og skipulagi.
Alt þetta sýnir, að menn telja loftförin ekkert leikfang lengur,
heldur nytsöm ferðatæki, sem brátt muni ryðja sér braut um
allan hinn mentaða heim.