Eimreiðin - 01.09.1920, Síða 108

364
FRESKÓ
]EIMREIÐIN
ist, þér hafið enga hugmynd um það, hvað veturinn hér
er kaldur og hráslagalegur og leiðinlegur!« Eg sagði henni
að það mundi ekki vera kaldara heldur en í þakherbergi
mínu i París, þar sem aldrei var lagt í ofn, eða jafnvel
stundum í Róm, þegar hann er á norðan. Og eg sagði
henni að mér gæti ekki leiðst, því að eg hefði hjá mér
endurminninguna um hana, og myndina af henni. Ef til
vill var það ekki rétt af mér að segja einu sinni þetta.
En hún þyktist alis ekki við. Hún brosti og gaf mér eina
rósina og bauð mér að eta með sér morgunverð. Eg skor-
aðist heldur undan þvi, en hún lagði fast að mér, svo að
eg gat ekki hjá því komist. Eg sat við borðið með henni
og Hermione litlu áður en nokkur annar var kominn á
fætur, og við hlógum og spjölluðum um heima og geima
og vorum glöð og gæfusöm. Glugginn var ofurlítið opinn,
því að veðrið var milt, og morgunloftið var þrungið af
ilminum af votu grasi og rósum. Endurminningar slíkra
stunda eru ómelanlegar, jafnvel þótt maður verði síðan
að búa við þrá, sem enga fullnægju fær og eilífl myrkur.
En núna, þegar eg sit hér einn og skrifa, og horfi yfir
þennan tíma, sem eg hefi dvalið hér, þá lýstur alt í einu
niður einni hugsun hjá mér, hugsun, sem reyndar hlýtur
að vera brjálsemi næst: »Væri það hugsanlegt að hún
gæti verið farin að bera í brjósti sér ástarhug til mín?
Hvað á eg að gera?«
Gefið mér nú holl ráð!«
Síra Eccelino Ferraris í Florinella til Leonis Renzo,
Milton Ernest:
»Heitt elskaði sonur! Mér færist ekki að leggja þér lífs-
reglurnar, mér, sem nú er svo fjarri og hefi um langan
aldur forðast heiminn. En hugur þinn er óspiltur og göf-
ugur, sjálfsþótti þinn mikill, ef til vill ofmikill að því er
sumum mundi þykja. Þú skalt því fara eftir því, sem
hugur þinn og hjarta segja þér. Mér finst ekki ósennilegt,
að þessi hefðarkona sé farin að fella hug til þín. Og hitt
hefir mig lengi grunað, að þú mundir bera til hennar
miklu hlýrri og dýpri tilfinningar, en þig sjálfan varir.
En því miður sé eg ekki að þessar tilfinningar geti fært